沙田一至尊燒鵝·生滾粥品專門店 (Closed)

每年新年前都會同屋企人食團年飯，團年飯餸菜少不了有燒鵝，在石門返工當然第一時間就會諗起沙田一，不過今年的團年飯就變咗一肚氣+超唔抵😫話說昨天下午6時許去沙田一買了一隻燒鵝外賣，他們會用了兩個盒包好，在晚飯其間發現兩盒唔同，一盒半邊有肉及正常分布油脂，另一盒係超肥，同埋冇肉骨架係細啲。第二天便拎住幾件有分別鵝件理論，本人不是討回價錢，只是問清楚點解買一隻鵝會變大細邊（即俾兩個半邊）至於好笑位切鵝負責人講得好清楚你買全鵝我們都會賣兩個半邊，除非你買全隻不用切咪唔會有大細邊，負責人這樣講咁就得啦，佢已經損失了16位客人（甚至可能還會更多）沙田一實在是一間不老實店舖。買得一隻鵝更係要一隻啦，如果唔係我就買半邊啦！

石門二期地下早上冇咩選擇， 入去食粥或燒味飯。早上11點人流唔多， 1x個人， 一半食燒味飯， 所以點了叉燒油雞飯， 加熱咖啡。環境衛生就好一般， 感覺食完快d走。叉燒油雞飯， 加熱咖啡。叉燒唔肥， 偏瘦，韌d. 油雞 肉滑的， 只是好多尖又幼骨， 食要加陪小心，小心， 小心飯唔香， 偏乾硬， 醬油唔多，淡味 。咖啡味道ok, 唔差。目測外賣多， 好多工人， 地盤人， 學生外賣燒味飯。唔知出名燒鵝， 下次若有機會可以試。唔試亦沒有所謂。總評。食物。 6分環境衛生。。4分

過往食沙田一叉燒好好味，今日叫肥叉瀨，嚟咗碟勁瘦叉燒，於是同金色短髮伙記講‘’唔好意思，呢碟好瘦，我叫肥叉，有冇肥d?"伙記答’‘’邊度有咁多肥叉比你？‘’咁唯有照食，又未至於柴皮，但味道真係麻麻，有d硬，冇咩肉汁！我自己整好過佢lor😓

石門有好多隱世小店，其中一間其中一間叫👍👍沙田＿👍👍，他們的燒味非常好食，每日新鮮出爐，自家秘製。必食推介原隻古井燒鵝髀飯拼叉燒 $148一個雙拼飯價值$148 ，是物有所值的，脆皮燒鵝，皮脆肉滑🤤🤤🤤🤤🤤🤤

沙田一至尊燒鵝•生滾粥品專門店🍲📍 沙田石門安群街1號京瑞廣場二期地下G10舖♦︎♦︎♦︎♦︎♦︎♦︎♦︎♦︎♦︎♦︎♦︎♦︎♦︎♦︎♦︎♦︎♦︎♦︎♦︎♦︎♦︎♦︎♦︎♦︎♦︎♦︎♦︎♦︎雖然疫情好似冇咁嚴重，但感覺上好似沙田既晚市都好早就收咁🥲，夜晚肚餓真係唔知食乜好🤷🏻‍♀️。 咁岩比我發現石門呢間燒鵝店 都算收得夜，所以決定食佢啦🤣。🌟 古井燒鵝、燒腩仔 瀨粉 $60個燒鵝燒得唔錯既， 肉質又唔會好乾，係個燒腩仔肥左少少囉😂，整體上都ok 既。🌟 古井燒鵝 叉燒 瀨粉 $60個叉燒都幾好食，係個瀨粉 既湯底好似淡左少少🤏。🌟 鮮蝦腸粉 $36我都幾鐘意食個腸粉，好滑😽。 另外d 蝦又好大隻👍🏻。整體推介指數：❤️❤️❤️🤍🤍之後再㩒下右上角個🔔, 小編定期會為你送上最新資訊☺️謝謝支持。♦︎♦︎♦︎♦︎♦︎♦︎♦︎♦︎♦︎♦︎♦︎♦︎♦︎♦︎♦︎♦︎♦︎♦︎♦︎♦︎♦︎♦︎♦︎♦︎♦︎♦︎♦︎♦

買外賣叉燒，起碼少左3分1！什麼年代啊，重玩呃秤！以前都幫襯開，但越做越差，現在重要偷工減料，為左慳幾件肉，搞到無回頭客，重要比人唱，老老實實做生意啦！一定無下次！

而家疫情冇乜野做，就由屋企行去石門當散步順便食早餐，之前係沙田一買過叉燒都覺得幾好，就想試下粥品方便係咪都咁掂😂手打肉丸生滾粥 + 蔥花蝦米炸兩 $60 生滾粥粥底幾好，蔥嘅香味都特別濃烈，手打肉丸雖然質感ok，但冇乜味，略為美中不足🙊炸兩本身好硬，唔夠脆，就算蔥花蝦米夠香，腸粉皮薄都挽救唔到個形象😂艇仔粥+叉燒腸粉 $60艇仔粥粥底好快就化水，味道好淡，雖然材料足，但整體都麻麻；而叉燒腸粉個皮略厚，冇特別驚喜總結：早餐來說，價錢絕對唔平而質素就普通，CP值唔夠高，強烈希望有早餐餐牌😂如果大家係附近想試下，我會推薦燒味或者生滾粥地址：沙田石門安群街1號京瑞廣場二期地下G10舖評分（5⭐️為最高）：環境：⭐️⭐️⭐️⭐️服務：⭐️⭐️⭐️⭐️食物：⭐️⭐️⭐️價錢：⭐️⭐️⭐️如果喜歡我地嘅餐廳食野情報就follow@我地 hkfoodie_90s_couple啦～

由開張常常去要等位，到現在晚餐只有半廳的堂食客，不用等位。义燒可以，主要係鵝肉冇鮮味，皮薄及肥膏多。份量同size似鴨腿，同以前味道差好遠。粥都唔太差。燒鵝就唔會再考慮光顧。

每日放lunch都係最令人興奮嘅時候🥰石門呢一區都算多嘢食，但係基本上講燒味飯，就一定係呢間沙田區最出名嘅沙田一🤞🏻基本上最出名都一定係食佢嘅燒鵝，不過今日喉嚨痛，所以食叉燒沖雞飯🫣本身冇特別期待，點知嚟到上碟有驚喜！見到成碗飯都比叉燒同埋豉油雞鋪滿，心理上已經覺得satisfied 左🤣不過唔係剩係得個賣相，每粒叉燒都有燶邊，咬落去半肥瘦，啱啱好🤓豉油雞都算多肉，又唔會太油膩！同埋叫燒味飯都有個跟餐湯，都幾好味，唔會太鹹唔會太重味精🥰有friend嚟到，定係Blue Monday嘅時候都係一個好選擇呀🤞🏻

屋企人生日飯，主角特别鐘意食燒鹅，即刻諗起沙田一，仲記得第一次買過甚有驚喜，非常難忘！但第三次開始就開始失望！味道其實幾好，但一次比一次肥，直至最近一次，特别要求要瘦，見阿姐落單都有註明，點知一打開再一次失望，吾會再帮襯

俾咗$47食一個下午茶size細都算，叉燒全部都係肥同埋筋，係無一件係可以食嘅。而油雞又係無肉的。俾咗$47出嚟食埋啲垃圾唔會有下一次，環境又差服務有冇服務$47食咗一啖幾啖飯

外賣半隻燒鵝，得三件胸肉，脾少了一半，鵝頸一大堆，實在太過過份，由其是不要在繁忙時段去買，今時今日做生意不能這樣，而且價錢也不平宜，欺騙顧客，可惡😠😠😠😠

呢間本身有食過佢嘅叉燒，我覺得係好食嘅，所以呢就試埋佢其他產品，但價錢又真係有啲貴。其實唔知點解石門啲嘢我覺得係偏貴㗎，咁樣食一碗粥同埋炸兩，都要成$60 ，但係其實佢間舖頭又唔係喺啲中心地帶嘅位置，真係諗明點解要賣到咁貴。講返正題，今次揀咗鮮鯇魚片粥配蔥花蝦米炸兩，我覺得炸兩保持到脆口。另外佢嘅魚片粥好綿，魚片份量都夠，可惜多魚骨，食嗰陣時要小心啲。真係冇諗過依家食粥都唔平，但炸兩真心好食，下次單叫炸兩算。

好失望，本身好喜歡食沙田一燒鵝，最近幾次買一次比一次離譜，下莊燒鵝肉一定有被抽起，骨多個肉，搵啲雞髀擒住，下邊全部豬頭骨☹️ 賣得貴唔緊要，最緊要老實，生意先可以長做長有。

今餐家人生日諗住食好啲, 買燒鵝下莊, 回家一睇,以為眼花, 以為系例牌呀, 少左幾件肉, 完全無胸肉,只係得番D骨! 好惨! ! 細個女仔隻手,甘少肉俾甘大果盒呃人呀! 甘無良心的食店, 大家一定要小心查驗先好離開間舖!