Video
Telephone
27996662
Payment Methods
Above information is for reference only. Please check details with the restaurant.
之前聽講流浮山嘅皇庭海鮮酒家唔錯，所以星期日同屋企人興起就去左流浮山試下。📍首先，叫左個好似都話唔錯嘅燒鵝瀨粉，食後感覺就係正正常常，鵝肉唔算特別，但味道都幾穩定。📍接住嚟嘅鳳爪排骨飯，味道都係正常，鳳爪軟滑，排骨夠入味，飯又香同埋唔會太林又唔會太硬，整體嚟講都唔錯。📍大包係家人指明要食嘅，佢話而家好少見，入面竟然有隻鮑魚仔，雖然唔算特別驚喜，但食落都ok。📍鮮蝦菜苗餃就係一個小清新，蝦仁新鮮，食落口感幾好。📍最後，蛋煎糯米雞又係第一次見，食落都係煎蛋+糯米雞味😂總體嚟講，皇庭海鮮酒家嘅食物都係正常水準，可能我地唔識嗌（加上叫晒野食先見到原來仲有個大餐牌同午市海鮮餐牌…….太可惜😭），所以食咗嘅都係冇咩特別驚喜嘅正常野，但值得一讚係呢度都唔細（可能星期日午飯時間關係，都坐滿人，但等左5分鐘就有位）同埋有免費泊車，十分適合一家人揸車入來食吓野買下流浮山手信～
continue reading
今日同一家人做冬食飯，揀咗呢間流浮山嘅酒樓。因為我哋比較遲先book位，所以就冇得訂房。去到都真係幾多人，好熱鬧🎉雖然係咁，職員都比想像中有禮貌，雖然上菜會有啲慢，但係整體感覺良好。我哋冇嗌一圍一圍嗰啲餐，反而散嗌，同埋之前叫咗啲小菜預訂咗，每圍大約$2000，咁嚟到啲食物份量都好十足，除咗嗰個例牌乳豬，嗰個例牌乳豬就細份量咗。覺得最好食嘅就係嗰個流浮山三寶，鮮味夠又唔會太鹹👍🏻同埋嗰個炸生蠔配生菜👍🏻其他正常發揮。我哋21個人分咗兩圍，可以開開心心一家人一齊做冬食飯，已經覺得好滿足。❤️
continue reading
入流浮山食飯，一心食海鮮，點知酒樓自己得好少海鮮揀，但位置偏僻，不在大街，不方便在外面檔口買海鮮加工。菜式普通，同一般廣東菜酒樓一樣，味道一般。等咗好耐先上菜，幾味餸都要追，兩道主菜漏單，但結帳時照計錢。十分不佳的體驗，以後都不會光顧。
continue reading
流浮山出名，海鮮抵食 今日帶埋遠道而來嘅朋友去流浮山食海鮮因為揸車隨便揀咗一間有好多車位既 唔擔心搵唔到位泊車。 相信間餐廳應該比較新，環境乾淨，女廁都有冷氣。 先叫咗兩個特價海鮮細龍蝦伊麵$338 炒蟶子加煎米底$148 本身睇OpenRice見到好多人介紹，佢係食點心。 輕輕叫小小 咖喱魷魚 99 分 ，魷魚爽口濃味。蛋煎糯米雞 100 分，39 蚊，唔係特別大份每一重點嚟啦！ 部長瑩姐介紹咗幾樣海鮮，最後揀咗奄仔蟹同蘇鼠斑個蘇鼠斑好特別，我人生第一次食， 成圍枱大家都讚不絕口，好難忘！ 再叫左奄仔蟹，隻隻都好多膏，好香。總括嚟講我認為個廚房好勁，每一道餸，點心，海鮮都好評。 唯一少少意見就係男廁有啲遠 ， 喺外面。
continue reading
諗住興致勃勃來流浮山食個海鮮酒家點知遇着瘋狂甩水老板然後又要送錯嘢首先有好地地嘅餐唔Sell sell 我哋貴海鮮然後嗌咗好多嘢仲未完仲喺度sell 我哋啲例牌(擺到明係今日買剩嘅😅）伏味濃老闆sell到你貴嘢嗰陣就笑口滿面你嗌啲平嘅就黑面嘢食就正常中規中矩但係個西蘭花炒帶子佢冇晒西蘭花跟住夾硬俾咗我哋個西芹而且味道仲要油油笠笠🤢🤢🤢紅燒豆腐嘅汁味道相對較淡都幾油膩🤢🤢🤢🤢最後冇得唔講嘅就係個甜品瑪豆糕上有啲紅油😅😅😅擺到明唔乾淨😅😅😅
continue reading
You may be interested in