達人烤肉 (Closed)

想食韓國野，行下行下又黎左京都呢面，樓下幾個姐姐各自各極力推薦自己負責果間鋪，安東奶奶雞食過今日唔想食，見成座樓好似得返呢間係韓國野，又有9折，就試下啦鋪面好韓國感覺，加上幾個韓國服務員，以為都唔差得去邊首先張枱係完全唔夠位放野，前菜已佔左9成位置，而且坐得好唔舒服爐邊有芝士粟米，同好難熟既爐邊蛋，啲蛋係食完成餐飯都仲未熟晒，而且好難食同我之前食開既爐邊蛋完全兩回事，味道唔得質地唔得。睇返食評原來可以免費Refill，而我地只係食左兩啖就冇再食喇反而側邊個芝士粟米幾好味叫了牛筋骨$220同新羅寶一樣都係成條上，然後服務員幫你剪幫你燒。牛筋骨黎講，佢算難食牛筋骨通常都會有脂肪既甘香，較Juicy，佢冇。牛味，冇。而且較乾較鞋。韓式泡飯同我想像中辣辣地既湯完全兩回事呢碗同羅宋湯個味9成似，好失望+嬲嬲地芝士豬排骨$220首先唔講啲汁同芝士既味，豬排骨本身有陣「蘇」味！啲汁幾濃都蓋唔倒！個汁酸酸地味道其實Ok，但有陣「蘇」味既肉好難食得落。同埋唔覺得芝士響呢道菜入面發揮咩作用，除左Gimmick，好唔夾好無謂好少可食一餐飯食淨多過一半響枱，呢間真係好難食！唔明點解會咁多好評！呢個價錢點解我唔

父親大人生日家父乃韓流名將，目前苦讀韓文，甚至把風靡萬千阿滋媽及少女的星星煲得滾瓜瀾熟可憐小女子沒什麼少女心，只懂Running Man及無限挑戰之流但父親大人生日還是會去韓食的講番人話LOL話說收工7點半去到，可能星期一唔使等位，安排左我地坐中間，窗口位全部比曬韓國人裝修真係好似韓國咁，空心櫈可以放衫＋袋，不過我地得三個人，放係其他櫈都KEN叉拉(其實我唔識韓文)另外全天候播緊 KPOP，有播IU好日子，仲有EXID UP & DOWN，話說呢首歌真係超洗腦，一冧起個腦又開始LOOP，真係救命我地無叫套餐，因為唔係好想食牛舌五花腩同香腸，所以就散叫左。叫左LA牛仔骨肉，牛肋排肉，護心肉，雞肉同烤大蝦父上非常滿意，不過其實我最中意食個爐邊蛋同cream corn  Cream corn超好食！話說想當年我係US食lawry's意不在牛扒而在 cream corn 哈哈哈哈哈哈 可惜refill要加$$，我又飽到食唔到包住生菜食牛肋排肉一流~睇返相都想食 牛仔骨肉同雞肉侍應都會過嚟幫我地剪，其實我中意個牛仔骨肉多D不過份量唔多，惟有比壽星公食多D侍應哥哥姐姐見我地無位放食物，專登推左架車

依兩年韓風直逼全球，而香港亦開左好多間韓式食店，新式韓燒依間係我食嘅第三間，我嚟嘅原因係因為我見到佢全部食評都係讚冇彈，所以決定嚟試試！佢其中一個好係佢係肯接受電話booking,而我去前早一晚都可以book到！當晚七點鐘已經有唔少人等位，好彩我book左唔駛等！佢裝修都非常韓式坐位亦十分多！佢個烤爐邊係分三格，一格放粟米芝士，一格放蛋，而另一格放蒜頭！蛋係免費添加，而芝士粟米係要加＄先可添加！但我覺得蛋汁不夠濃，冇乜蛋味！而芝士粟米又係芝士味唔特出，我唔明點解咁多人話好食又肯加＄添加！但我覺得不值！燒肉方面我點左"霜降牛肉"，最好食依個，肉質夠淋同肉味都好濃郁！之後我還點了"達人護心肉"係三間嚟講最唔好食嘅護心肉，冇味！"祕製牛舌"味道不過不失，但佢可取地方係份量不少，燒極都有！"竹筒五花燒肉"比我想像中細條，佢係原條放上爐燒，燒到一定時間就有人嚟幫你剪開啲肉，依個肉味道亦係可以不亦不算突出！依間餐廳其中最唔好嘅係佢比你用嚟夾燒肉嘅生菜，佢添加左三次比我，三次都係乾，一啲水份都冇，完全係唔新鮮！仲有佢用嚟點燒肉嘅醬汁太杰，好難點落哟食物度！我覺得依間燒肉唔可以話唔好食，但一定冇其他食

宜家韓風襲港，識食一定食韓燒～今次係第一次黎，張枱唔算大，但有個抽油煙機喺個爐上吸油，幾好幾好！同朋友嗌左護心肉、霜降牛肉、五花腩等等，每款肉類份量都好足。而霜降牛肉即使燒左都仲好有肉味，入口細嫩咁，值得推介！而五花腩就一大舊咁燒，燒到咁上下，啲店員都會幫手剪開，好細心。以現今咁多韓燒店黎講，達人烤肉真係算高質素同服務態度好，下次一定再黎食過！

等我打番個食評俾喱間韓燒先^_^5個人食乜好？杜如風效應，一於食韓燒啦xd一入到間餐廳幾乎以為自己飛左去首爾食個晚餐，全因間餐廳設計好地道，而且連d職員都係韓國人等左一陣，來自星星的你就安排左個靚位俾來自新界的我地！坐低即刻睇下食乜先~仲未諗到d職員已經準備好哂d小食俾我地！哇，係kimchi啊好好味喔仲有沙律菜，煎海鮮餅。。。yumyum最後決定嗌set，嗌左兩個！開頭驚唔夠，之後食食下發現原來兩個set係足已食到你同我反艇！喱到幾好，d職員係會幫你燒d 大舊肉 又會定時同你洗洗個鐵板 唔怕話d燶左既肉痴住哂係個板到~食得好舒服！最重要喱間餐廳無限時最啱三五知己慢慢食慢慢吹爽歪歪之選啊！食到11點幾走人個個食到lamlam脷都係位位240蚊 抵到爛啊走個陣都敏俊仲好熱情咁同我地byebye！

一入到去，已經枱枱都擺好陣咁，爐燒已有，蛋，芝士，洋蔥，泡菜，不過本人一向都唔食泡菜，但老公話熱左既泡菜就唔多好味，而蛋同芝士就好好味護心肉之前係喜來x 食過，好好食，今次就試下呢間好唔好食，味道都不錯雞肉，無諗過成塊上，不過有靚靚韓妹幫手剪都不錯石頭伴飯都好好食，飯又多，本來我唔係咁鐘意果d醬，呢間我覺得好食

相隔韓國之旅已有差不多半年了, 但對韓國的風景、當地人、美食仍念念不忘, 回港亦多次相約不同朋友重拾韓國菜的美味, 但偏偏還未約到陪伴我一起同遊韓國的好友。她是先出發前往韓國, 而我是後一星期才加入, 她獨自在韓國的第一天, whatsapp傳來第一餐的相片就是在烤肥美的五花腩, 能一人吃光250g的五花腩, 可見她的熱愛程度。她把吃得津津有味的相片傳給我, 用來誘惑我, 實在太激氣! 可惜接下來的行程都已安排好, 故沒有機會一嚐當地的烤五花腩…..我錯過了, 故今次的飯聚要她陪我烤五花腩, 看看它的威力何在。甫進餐店, 地方寬敞, 座位頗多, 擺設得整齊企理, 沒有特別的韓式擺設和佈置, 但設有兩部電視播放着韓國的流行勁歌, 挺有氣氛。內裏的設備與一般的韓式燒烤店大致相同, 每枱均設有抽煙氣管、用來放袋子或衣服的開蓋式圓筒櫈、不锈鋼的圓形烤爐。先一提餐店所採用的烤爐, 周邊共有五處凹槽, 最細小的是放焦燶不要的食物, 而另外四處均放了不同的食材, 包括有蛋漿、泡菜連生蒜片、什菜(西蘭花、洋蔥及菇片), 以上可任食客添加, 還有粟米芝士, 如要添加便需要付$20。當中最愛是烤粟米芝士,

一行5人去食韓燒，揀左好耐最後決定食喱間！整體不錯，一致好評！餐廳空間都頗寬敞，枱與枱之間有一定距離，唔會太逼！最驚喜係佢張桶型既櫈可以打開，放自己私人物品例如手袋、衣物，夠哂方便！我地嗌左兩個set 5個人食，份量非常足夠，因為全部都大大碟！個set 有牛,豬同雞~全部食物好新鮮，正！最好味要推介係個牛舌,切得好薄,燒佐之後好香好"林"~除左個set,仲有d side dish!個d都好好味，特別要推薦個芝士粟米同雞蛋^_^芝士粟米個芝士好濃郁,加埋d粟米一齊食, 好fresh一d都唔"漏",至於個雞蛋, 係用爐邊少少既熱力令d蛋漿熟, 所以好滑好香~餐廳職員好多都係韓國人，所以要用英文或者普通話同佢地溝通！當然都有兩三個香港職員啦！個個都好nice好主動幫手，例如見到你個鐵板有焦佢會幫你抹乾淨，以免你之後燒既肉燶哂！我覺得d價錢都ok 5個人埋單都係1200蚊左右，每人大約240蚊！個個食到捧住個肚好滿足！有機會一定會encore!

去完韓國之後就迷上韓式BBQ, 播住強勁既K-POP音樂，仲有大大枝煙通好得意！尋晚經過京都廣場，樓下個傳單姨姨講到口水都乾埋，話新鋪開張有折。既然言念唔到食乜，就試下啦！入到餐廳已經覺得好有韓國Feel，個爐上果陣真係超開心呀！爐邊有d蛋、芝士、豆腐干、Kimchi，好似韓國果d呀！ 竹筒五花腩肉$128真係用個竹筒上，店員話用黎吸左融雪果d味！吸唔吸到就唔知，不過就幾吸睛囉！或條肉好厚呀！靚靚Korean店肉幫我地切開同燒埋，好體貼 特級牛頸肉$198通常頸肉都好彈牙，少少貴，不過都叫左 食落同豬頸肉質感唔同，無咁爽，不過d肉都幾靚，好有牛肉味！石頭拌飯$35定$55韓國野必叫！連埋Kimchi一齊食，好好味，仲有得揀牛肉、豬肉or雞肉，我地就揀左雞肉，因為食左牛同豬！總括黎講感覺好好！會再黎！樓下個姨姨唔洗咁sell啦，咁正

韓燒, 韓燒, 再韓燒! 唔怕喉嚨痛 .... 最怕冇得燒 ~接過別人手中的優惠券, 成了那晚我們的韓燒晚餐 !踏進餐廳, 一系列韓燒的抽煙管子、油桶椅都放在眼前, 頗暗的燈光下也顯得亮眼~店員領我們坐近落地玻璃, 另一位店員已把食韓燒所需的配菜推車送來~這兒的韓燒包括爐邊烤蛋及芝士碎, 至於那晚燒乜, 就繼續睇睇 ...霜降牛肉 $ 210 / 150 g兩邊烤一烤, 脂肪隨熱力溶解, 既軟又滑的肉質, 入口濃郁的牛肉味, 神仙都企唔穩!烤牛大腸 $ 135 / 150 g一定要有咁脆烤咁脆, 由大件剪到細細件, 入口爆油!秘製牛舌 $ 135 / 150 g牛舌刨到超薄, 很快便熟晒, 食得~ 要什麼牛舌口感就要注意燒烤時間~竹筒五花腩肉 $ 128 / 150 g原條五花腩肉拿去烤 , 侍應生會為食客剪開一塊塊 , 再繼續烤至熟透 ~自從以前在韓國食過後就再無掂過的 韓式生拌牛肉 $ 138蛋黃、水梨、調味與冰凍牛肉完全撈勻, 甜甜酸酸, 清爽宜人, 好此道者必會覺無得彈!快樂的時刻過得特別快, 又係時候講 Bye Bye!

下班後約好去銅鑼灣 shopping，想先找個地方吃點東西。醒起銅鑼灣港鐵站 C 出口對面的京都廣場，有好幾家食肆，決定過來碰碰運氣。先細看大堂水牌，正想開口問另一半是要吃日式放題呀、爐端燒呀、定還是雞煲，估不到還沒說完，已被人搶先一步揀了位於三樓的《達人烤肉》。吓，又去吃韓燒，已經是你四星期之內的第三次，竟然還樂此不疲，韓燒魅力果然沒法擋。其實來之前，筆者早已經在雜誌看過食評，介紹這間《달인 갈매기達人烤肉》，據說這家食店在韓國相當有名氣，自 2010 年起在韓國一共開設了 120 間分店，遍布整個韓國，而去年中才被香港韓國餐廳協會負責人首次將品牌引入。至於餐廳裝潢方面，講真同現時大部份的韓烤店，分別不大，牆身雖然沒 80 年代韓星海報、手繪畫和懷舊裝飾布置等，但四周窗明几淨，配合用餐區的黑色油桶座椅、不銹鋼烤爐、古銅色的煙囪、向街的一列落地玻璃，加上特高樓底等，令人坐得既鬆動又舒適。還沒坐定定，店員已經快手快腳把幾款前菜、沙律、生菜片和醬汁等逐一擺放好，辦事效率極高。先介紹幾款伴餐的前菜，當中包括有：吸收了辣醬精華、入口微辛惹味的大豆芽；開胃解膩的醃洋蔥；將魚肉造成片狀、吃起來鮮香

係銅鑼灣行街都唔知食咩好，行經京都廣場有好多傳單姐姐係度推銷，見呢間達人烤肉好似唔錯，於是就試下啦！店內既面積都幾大，而且店員好多係韓國人，電視又播住韓國音樂既MV，成個環境真係好似係韓國咁！爐上有芝士粟米，雞蛋汁，配菜及泡菜。不得不提既係芝士粟米真係好正！芝士味極濃，而且非常煙韌！雖然Refill要$20，但我地都Refill左兩次！實在係太好味！而其他既配菜Refill係免費架。竹筒五花腩肉口感極佳！入口一啲都唔肥膩，勁有咬口！而且會有店員幫你燒肉，確保唔會燒濃！護心肉，初頭以為係牛但原來係豬肉黎！賣相麻麻但口感卻出奇地佳！入口非常爽口，配埋生菜食口感非常清新。

韓式烤肉一直係香港既店鋪好多，呢排都好流行(可能係杜如風效應都未定xd)，但係一直都食唔到正宗既韓燒 朋友介紹話呢間烤肉達人好受歡迎，但係尖沙咀又有啲遠 。咁岩係銅鑼灣行街先知原來呢度都開左分店！即刻一試！第一次黎呢度食野，入到黎既感覺係好靚同好乾淨，油煙味唔大，環境都幾好。諗住落單時店員竟然聽唔明！原來佢地好多都係韓國人，要用英文同佢地溝通，真係好似去左韓國咁呀！(心心眼) 係指Menu加少量英文之下成功落單xd我地叫左牛類套餐加護心肉!聽店員講護心肉係招牌肉類之一黎架，初頭仲以為係牛原來係豬！口感不錯。好彈牙，配埋生菜當生菜包食好fresh! 特製超級牛仔骨則當然名不虛傳，牛味極重，且十分煙韌^^爐邊既芝士粟米亦十分好味，芝士味好濃，可以balance下食左太多肉既味道！蛋同泡菜都好正呀！套餐附送既大蝦同腸仔，其實呢個配搭都有啲幾搞笑xd 不過腸仔已經幫你介開左方便燒，都幾貼心！而且唔似普通韓燒咁會趕你走俾面你睇，我地三個人食左成兩個半鐘xd。除返起每人兩百幾就埋到單啦，環境又好，都幾抵食架^3^

韓式烤肉一直都好正，但係礙於太大油煙味，所以都唔係成日食。今次朋友介紹呢間達人烤肉俾我，話佢地既抽風系統做得好好。於是就同三五知己一齊黎試下！入面既環境好好，地方好大，完全聞唔到任何既油煙味。每張枱都有獨立煙通，而且坐既位都可以收埋d袋，確保連d袋都唔會有油煙味！店員大多是韓國人，要用英文同普通話同佢地溝通。雖然會有d唔方便但係好似係韓國食野咁！店員推介左我地食竹筒五花腩肉。店員會幫我地燒埋而且分件，全程唔洗我地落手，姐係需要等食，岩晒我地呢d懶人！初頭以為呢舊肉會好肥，但入口完全唔肥膩，半肥瘦同厚度岩岩好，好多肉汁！牛舌亦非常之正，牛味極重，厚度亦岩岩好，口感係入口即溶！大快朵頤過後都無任何既油煙味，正！終於有個好地方俾我盡情食韓式烤肉！

呢間餐廳最近好出名，朋友係咁推介，襯呢幾日得閒終於有機會去食啦！店內環境都好大，燈光都好夠。最驚喜係店員唔識講中文！真係俾佢嚇一跳！問返先知佢地好多都係韓國人黎，但識英文同普通話。整個環境都好韓國！店內每張枱都有獨立既煙通幫你抽走啲油煙味，而且坐既圓桌可以收埋跟身既袋，令你食得更方便之餘仲唔洗驚啲袋都成浸油煙味！爐邊上有蛋汁，芝士粟米，配菜及泡菜。蛋汁內有葱花同紅蘿蔔，食落香都好開胃同好香。而芝士粟米就好重芝士味，芝士份量好足，推介！除左芝士粟米要加$20外，其他refill都係免費架。霜降牛肉極重牛味而且勁多肉汁！燒個陣不斷彈肉汁，入口亦都唔韌，幾爽滑。店員亦會係隔離幫你燒肉架，確保燒到岩岩好之餘仲唔洗驚整污糟自己。超級牛仔骨則當然是正！入口非常煙韌，而且份量都好多，配埋配菜食好開胃！店內仲有韓國音樂播放，成個環境都好relax，同三五知己黎聚會就最適合不過。牛舌既口感好爽滑，而且厚度剛好，真係入口即溶xd最後埋單每人都係200落樓，能夠有咁好既環境同服務確實正！抵食！