大興餐廳 (第尾牛扒)

Open Now

Now Closed

晩餐$1xx牛扒，同我講係牛扒我都唔知自己食緊牛肉😅 痴x線😂 代表牛肉極度劣質, can’t deny that it’s cheap tho, but food quality is what u gotta sacrifice lol

羅宋湯一上枱, 陣陣濃郁嘅番茄香!! 湯嘅顏色係鮮紅色, 入口後, 可以感受到番茄嘅酸甜味道!! 湯底嘅蔬菜都煮得好腍, 好有口感!! 羅宋湯嘅份量都幾大, 啱晒食量大嘅人!! 鐵板肉眼牛扒煎得好靚, 外層煎得香脆, 內裡嘅肉質又嫩又多汁!! 牛扒嘅肉味好濃郁, 配埋羅宋湯嘅酸甜味真係好夾!! 

單人匹馬去試食，有懷舊feel嘅餐廳，點咗鐵板肉眼晚餐，份量及味道都OK，可惜少咗黑椒汁照頭淋嘅儀式感。整體唔錯，值得一試。如果換過啲餐具同塊鐵板就very good啦！

朝早睇完YouTube(油管)介紹得好好，於是星期日下午4點，第一次去呢間餐廳試下。下午茶時間無咩人，一入去就俾個女侍應帶我坐角落位，個位後面仲要係放餐具，成日有侍應走來走去拎刀拎叉🙄 成間餐廳下午茶時段咁多位，唔使咁呀！？真心諗住無理由同YouTube 介紹會差咁遠，去到唔揀午飯/下午茶套餐，叫正價紐西蘭肉眼扒試下。1. 飲品叫凍檸茶走甜，嚟到又加咗糖，個女侍應好似發夢咁。2. 肉眼扒嚟到，醃到完全冇牛肉味，仲要一大浸梳打粉味，食塑膠撈黑椒汁咁款。我都已經唔係叫佢果D下午茶/午飯套餐, 正價都咁嘅質素。總結：呢間舖叫第尾牛扒都幾誠實，甚至乎可以形容係「謙虛」。第一次黎試，劣食！以後唔會再嚟，可一不可再！

短髮女侍應態度極差，令到今餐非常不愉快😤一坐低，個短紫髮女侍應不停催落單，就算兩次同佢講，話要時間睇下menu先，佢都唔理，繼續不停催，仲不斷替我哋選擇：「叫［_］餐啦！」，對顧客非常唔尊重。雖然全程間餐廳都冇乜人，絕對冇需要咁樣催我哋。最後聽到我哋傾偈批評佢，佢就不斷企起我哋後面，用非常不友善嘅目光望實我哋。真係難怪香港人假日就北上，起碼食飯需要咁樣受氣明明間餐廳環境好，裝修到好高級，不過侍應嘅質素，令到今次體驗非常差

上到餐廳暗暗地都幾有氣氛～坐低見張枱有好多汁～講咗一句麻煩抹一抹～女員工好冇禮貌大聲咁講你唔好吹我我忙緊～其實可以心平氣和細細聲表達嘅～個個員工都忙緊㗎啦～唔通你唔使做呀之後求求其其用抹完枱隻手將D餐具隨處放叫咗一個下午茶餐包熱飲～茄汁燴龍脷柳飯、熱咖啡～茄汁有洋蔥粒、西芹粒偏酸幾開胃～龍脷柳兩大塊唔會炸得好乾～配三色豆～飯嘅份量適中～熱咖啡比較苦澀生意好好坐滿晒～客人等下都冇咩問題～不過衛生麻麻～員工態度差都幾難留客喎

復活節最後一日 心血來潮想食牛扒 成日經過都未試過 點知第一次體驗就咁失望 上到去女侍應知我一個人 居然安排一個角落位似員工用膳枱比我 當時個場唔爆 另一邊位完全冇人坐 都唔比一個正常卡位比我 其實好想即時走人 但都嚟到就忍下 16：20坐低都未睇到食咩 女侍應就不停過來問我食咩 到我揀好想落單 叫左幾次頭先嗰個女侍應先過來落單 寫單時佢同我講17：00下午茶時間完 （心諗咁講即係叫客人40分鐘內要食晒個鐵板西冷）落單時我要求西冷5成熟 答案居然同我講下午茶冇得揀幾成熟 聽完O曬咀 點完湯又會不停問你餐飲飲咩 飲品會依家上埋比你 （好似我阻佢收工咁）一早到齊湯同飲品 個鐵板西冷都等左一段時間 點知見到隔離枱2個女人 遲過我落單個扒都到左我都未到 （點解唔係睇單分先後枱上菜 仲要話我好催單 ）未食已經一肚氣 叫支喼汁都要叫2次先有 當到17：00突然有客人來 又肯開埋另一邊比客人坐 只係相差40分鐘時間 （點解一早唔比另一邊卡位比我）另一件事令我更加嬲 就係比位我嗰女侍應 自己食飯時間就舒舒服服 坐係另一邊有枱布嘅卡位坐 而我就坐左角落位 仲有佢用膳完果張枱布都唔會換過先比客 諗起都好污

星期五晚六點幾嚟到啱啱好唔使等位食到7:30到走 出邊已經排晒長龍😮‍💨勁多人食 不過又真係比平時嘅抵食精選晚餐有湯、牛油麵包同埋嘢飲羅宋湯都幾足料 真係有牛肉係入面亦有好多雜菜 都偏辣忌廉湯比較水 羅宋湯比較出色麵包唔算好鬆軟 可接受👌🏼招牌鐵板肉眼牛扒 ($114)勁大塊！叫左7成熟 有點熟得滯不過食落都好鬆軟 叫左蒜蓉汁好香 不過有點蓋過左個牛味另外有d雜菜同薯條 好飽！鐵板西冷牛扒 ($114)都係勁大塊 亦叫左7成熟呢個熟度岩岩好 都係好鬆軟同肉眼個味好似 唔係好分到😂整體份量好大 呢個價錢性價比高👍🏼

今天下午，我走了過去太子西洋菜南街 新發大廈1樓 新發大廈1樓， 第尾牛扒餐廳 午飯 。叫了一個是日鐵板午餐 ，是西冷牛扒， 配上薯條， 另外有一杯凍檸茶， 大約85元。 牛扒 軟硬適中 ，配黑椒汁， 很好味。

心血來潮想食扒，黎到太子見到第尾牛扒就入左去～上到去一樓環境燈光都偏暗，幾有氣氛，全低都即時有人服務。😍位同位之間都有適當距離！情侶拍拖都唔錯😻🔸鐵板鑊仔牛柳套餐（包餐包，紅白湯，熱飲）$113 就咁睇外表份量正常配薯條， 我地叫左5成熟，但最後出到黎會比較有小小似9成熟建議下一次會叫3成比較好～🤓牛肉口感就偏向比較軟身d，牛味都夠但口感就未必滿足到 薯條就ok 炸得出黎金黃 食落可以餐包食落同埋湯都係老餐廳基本野飲品都不過不失🥸價錢就覺得好合理 所以好多人都黎當飯堂咁食😋地點：大興餐廳 (第尾牛扒) (太子)太子西洋菜南街218-220號生發大廈1樓🔸味道：6.5/10🔸環境服務：9/10🔸推薦：7/10

六點嚟到已經要開始等位，今次食咗西冷牛扒蒜蓉汁，佢塊西冷真係好鬼死大塊，同埋燒得啱啱好唔會好韌，好重牛肉味，鐵板亦都唔馬虎睇得出燒到好熱，同埋最值得讚嘅係個汁，調味調得好好。

如果想用平民價鋸扒同體驗吓老香港情懷餐廳，歷史悠久嘅大興餐廳（第尾牛扒）絕對係你不二選擇👍🏻👍🏻餐廳嘅鐵板餐（包括牛扒）平均價錢都係一百蚊左右，仲要包埋餐包、餐湯、同埋飲品（凍飲加$3）。如果唔想食鐵板餐，餐廳仲會有其他焗飯同炒意粉選擇，減肥人士仲可以選擇沙律餐🥗🅵🅾🅾🅳鐵板肉眼牛扒 （五成熟 & 蒜蓉汁） $109一上菜，就俾牛扒嘅份量嚇親，大塊厚切，十分足料！仲配有三色豆同薯條，一個女仔去食係絕對食唔曬🙈肉眼牛扒嘅肉質會比西冷牛扒相對地淋身，外層都煎得香脆，入面肉質嫩滑多汁，牛味濃郁，口感不會太硬和煙靭，十分滿足‼️每個套餐都包咗：餐包（配牛油）餐湯（羅宋湯/忌廉湯）飲品（凍飲加$3）但畢竟八十年代懷舊裝修同抵食鐵板餐係呢餐廳嘅賣點，所以如果係重視餐廳環境衛生同服務態度嘅人就可以再三考量去唔去食🫣🫣（建議唔使咁高期望）

1.上次身邊人跟我去食兒時回憶之味，今次到佢帶我去食佢某段日子嘅飯堂。2.格局上，第尾感覺再舊式啲，有味道啲，比起去懷舊，更似穿越咗時空。3.二話不說點咗帶子牛柳鐵板，而餐湯係餐湯，餐包係餐包，唔係麗梅姐式評語，只係普普通通的委婉說法，但呢個時勢，普普通通有時都難能可貴。4.鐵板餐一上枱望落超豐富，三件牛柳、三粒帶子，全部啖啖肉，蒜蓉汁亦美味，大概就係支撐住港式西餐屹立不倒嘅重要因素。5.現場聽到多國語言，相信不少遊客都喜歡嚟呢種充滿港味嘅餐廳，體驗一下氣氛，食吓扒又食吓情懷。6.回頭指數：🌝🌝🌝🌝

每次經過太子都會見到大大個招牌，香港已經吾多懷舊扒房，兒時既味道， 肉質都好腍，仲有薯菜同蔬菜，唔錯。埋單每人百幾蚊，價錢實惠。 第尾牛扒(大興餐廳)地址：旺角西洋菜南街218-220號生發大廈1樓電話：23803938

上星期五上午突然間喺社交平台見到一個KOL食港式豉油西餐，抽起條筋勁想食，於是去咗附近嘅經典老字號 - 第尾（有人話本身佢哋招牌係寫「茅屋」）。一去到見到個樓梯燈牌已經好有 feel, 入到間鋪完全好似去咗九十年代初嘅港式西餐廳，感覺返晒嚟。order 咗個鐵板牛扒午餐 set。紅湯（羅宋湯）好飲，可惜午餐冇牛油+餐包，同埋量有啲少。個牛扒完全有驚喜，七成熟，肉質剛好仍然有咬口又有牛味，冇用食粉「乸」到淋pat pat 同冇晒味，黑椒汁夠晒味，加咗5蚊加白飯撈汁，大滿足！杯黑咖啡完全可以，都抵讚！咁嘅氣氛，咁嘅價錢，咁嘅食物質素，咁嘅服務態度…… 我諗香港真係所剩無幾，要支持！！！