宅麵專門店 (Closed)

收工經過淘大，飽飽地想食粉麵。奈何間間都咁多人，咁啱經過呢間小店，客不多，一於入去試下。鋪頭細所以都預左會坐得逼啲，不過侍應都nice好有禮貌。今次食A餐 盛惠$69.5 ($63 + 1)，有拉麵、小食同飲品。豚骨拉麵: 湯底好濃但唔咸，麵底煙煙韌韌，叉燒雖然大塊不過就薄薄地。成件事令我諗起係日本食嘅拉麵，還原程度高不過份量唔多，如果大食嘅話可能要比多$10加麵底蜂蜜紅茶: ok la 甜甜地餃子: ok la 但唔會好食到飛起黎啦

其實淘大呢條食街都幾方便 一直行都有唔少餐廳可以選擇 今日就試左呢間日式拉麵店 主要因為俾佢晚上9點後有7折既優惠而吸引⋯櫻花蝦拉麵餐廳唔大 所以比較迫 柯打完野食好快就送到上黎 食同聞落去就一般般喇（我以為好重蝦味）除左櫻花蝦 仲有一舊日式叉燒肉同溏心蛋係到

同女朋友睇完戲都九點幾，所以喺淘大附近搵嘢食。咁啱見到呢間餐廳 九點後 宵夜時段 有7折優惠，所以就去 幫襯。間餐廳比較細地方較狹窄。 拉麵方面 我就叫咗五花肉博多拉麵 ，而女朋友就叫咗櫻花蝦味噌拉麵。五花肉博多拉麵 分量適中但係湯底就普通冇乜味，相反牛五花肉就幾好食。 而 女朋友嗰碗櫻花蝦湯底就比較鹹，重味精佢話食完之後好口渴。總括嚟講，如果唔係有七折我諗我都唔會再幫襯 因為正常價都要 70至90蚊一碗。

之前成日見到間野好多人食，諗住同個fd試下好唔好食！好啦我同fd叫左個博多豚骨拉面，如果我冇理解錯既話應係有豬骨湯，但唔知點解飲落d湯d味好怪，完全唔似豬骨湯，似係濃湯寶（仲要唔係豬骨味）。之後成碗面份量又少，得果一舊叉燒一隻蛋，舊叉燒一食就知奶野，成舊肥肉，完全食唔飽。好啦，之後埋單果陣比張單我睇，兩個餐加埋138蚊仲要加一即係總數151.8，我比152蚊佢佢收左之後唔找錢，當冇事發生。認真講，我知兩毫子好多地方都用唔到，但係你禮貌上都要拎過泥問我地要唔要架，好似當冇左回事，我真係覺得好有問題，d服務員態度咁仲要收加一⋯⋯總括而言，間野真係好難食，仲要d服務員完全冇禮貌可言

在這拉麵店吃過數次了！初時是因為午餐有優惠，$50-$60已吃到一碗拉麵+一份小食+飲品，覺得很抵食，味道亦不錯，所以時常想再次幫襯。後來，因為每次來也感受到店員友善誠懇的招待，開始喜歡這間餐廳，感覺很有人情味！當來到淘大附近，而又正煩惱要吃甚麼時（因附近其他餐廳比較貴），我便想到這間麵館。當然，這裡的拉麵正價也大約要$70-$90，幸好我一般來幫襯時剛好有優惠，所以還是吃得挺滿足的！今次幫襯是晚上10：00，剛好宵夜時段有七折，埋單兩位兩碗拉麵合共$128！

第一次食喱間野係係淘大一個較隱蔽的位置店舖面積都比較細係一間賣拉麵為主的日本小店好似好正宗所以就入左去試了點知都幾失望🙁價錢唔平 但用料..🙁-飛魚籽大蝦炒烏冬..餐牌係寫住飛魚籽大蝦炒烏冬但説好的大蝦得2隻丁點咁細嘅蝦仔雪味好重完全唔鮮甜🙁説好的炒烏冬變左白汁烏冬而且好淡味🙁側邊得啲紫菜同蟹籽🤔仲要索價$79🙁這價錢有更多更好的選擇同行友人的拉麵也沒有很驚艷湯底平平無其已blacklist🙁無下次了

見肚餓想去食下午茶，見到有間拉麵舖細細間又唔駛排隊就諗住入去試下。不過勸大家唔好浪費金錢。個湯個味好怪，麵ok爽但係都有d怪味，上面既半隻白烚蛋熟哂+求其切開，一塊肉薄到呢……好認真，食左一半已經食唔落…甘無誠意，冇下次埋單見到原來下午茶都要加一早知去食吉野家算啦

難食至極的89蚊豬骨拉麵宵夜時段有7折，但連加一後仍需>$70麵：類似出前一丁質素，無味，但彈牙湯：稀，淡而無味，好似一包出前一丁粉但係你落兩碗水咁叉燒：唯一可取，味道正常蛋：不過不失總括而言：中！大！伏！

兩個人時間有Ｄ早，但係有啲肚餓喎！咁就早少少早個晚餐啦！行下就見到拉麵店，原來早食嘅就可以有半價，於是就入去呀！叫左兩碗麵同埋兩個小食， 拉麵方面，就普普通通啦，又唔係話十分好食，而沾麵嗰度個汁都ok，份量就畀喺出面平時食拉麵同食沾麵比較多，就飽肚啲。小食方面，真係有啲失望，其實都唔想叫，不過諗住半價朝咪叫Ｄ試下。埋單價錢都合理啦！都係百零蚊，但係其實如果計起上嚟，晚市套餐同一半價都一樣。唔好以為早食有著數 ，所以就算下次再嚟，我都係食下拉麵Ｅ下肚就走啦！各佗期望唔好太大！小食一沾麵 拉麵

同女友去完婚展 出返九龍灣搵下有冇邊D唔洗排隊既食店啦MEGABOX 勁爆人 出返去睇左幾間都唔知食咩太多人...岩岩見佢有宵夜食 就試下啦又 話好快有位!叫左一客 餃子 一個赤丸拉麵 一個豬骨赤丸上台有一舊麵豉被你攪 但係辣辣地幾好味 蛋就熟左小小 叉燒較為簿左D豬骨味道就好濃 越食越吸引 兩碗配料一樣 但係麵就真係小左D....我自己唔夠食仲要出去買D野食...之後先發覺都幾口乾

見有宵夜時段7折入去試吓啦睇左1分鐘餐牌比侍應催落單有點無奈叫左碗「傅多拉麵」首先湯、吾似係豬骨湯似係鹽味湯底正常叫得傅多拉麵、又冇特別標明的話都會係豬骨湯底啦2. 一吋厚的大叉燒 （一塊）有煎過、好香但有點煎過龍、外身有點硬3.蛋（一隻）已切開一半餐牌上係寫「味付け玉子」即係有奄過的蛋但冇味....奄的時間吾夠最慘連蛋味都冇乜！4. 麵質好幼的麵、似一蘭拉麵果款但好有彈性、吾錯！可惜鹼水味有d重最後埋單又到數學題時間正價$89 、7折後 $62.3再加一係幾多呢？我計到係$68.53但張單寫$71.2而且餐廳吾收1毫、2毫收左我$71.5！！！我走左先發現！！吾係1蚊 2蚊都比吾起而係比得吾值碗麵、料又少！服務又冇、又要收加一！

作為街坊，剛開新店就同男朋友仔食過一次，雖然都係男朋友請，但都係覺得性價比唔高，又無餐，店又細，又加一，仲貴過一風堂之類既日本過江龍🙄老闆好似無做足research ，呢區啲人唔會食到咁貴。可能之後諗通左，終於要減返去合理水平跟餐飲前菜😌咁就俾次機會佢，因為行完山好攰唔想等位就同埋妹妹兩個黎食。有個7-9晚餐，行完山口渴又餓想食飯，我就選左8D韓式泡菜年糕雞肉湯飯配胡麻汁青瓜前菜清清地，加杯冰凍檸樂呵呵咁先解渴，點知得一片檸檬😑仲唔多氣😑青瓜青新好穩陣，個鍋好熱好大個，但用湯匙攪攪下好似好少飯🙄可能鍋大啦，咁味道都ok用老泡菜煮湯唔辣酸味適中，年糕夠淋，係食到尾好難用湯匙挖黎食，好浪費。妹叫左個C4鰻魚餅做前菜點炸豬排汁，鰻魚餅食唔出係鰻魚做😂似墨魚丸既味道同質地多啲。博多豬骨湯拉麵，個麵係幼面無煮過頭，豬骨湯唔似多奶底果啲，唔算咸，片豬肉我無食，妹話Ok唔老，都係同我個份一樣，份量少左啲，可能平時唔郁既女仔會夠飽。個人認為來貨貴舖細做唔到咁多客又不能太貴咁就份量少啲，幫下我地減減肥都好既，不過我真係好肚餓😂$79@另收加一

一個60多元的 麵加小食和飲品， 面的分量 很少，底下還有網托抵，令面的分量更少， 麵條還未熟透，黏在一起難以入口 而飲品方面所謂的檸樂，就是無氣可樂加檸檬 十分難飲，而且無故多收十多元附加費， 總共吃了70多元的東西， 服務方面不但找少錢，還會趕人離開，總括而言不值一去！

今天遲了吃晚餐，見其他餐廳都已關店而這一間剛好在做宵夜時段 姑且入去一試叫了一個原價 89$的北海道牛油味噌拉麵出來的結果變成了 港式牛油豬骨拉麵…………完全吃不出任何味噌的味道…………比我回家開粉沖的味噌湯更差…………只有少許 港式豬骨湯的肉味。 感覺完全是被詐騙了…………麵質 爽口 還算可以，但沒有了拉麵的蛋香味糖心蛋一隻，但已經過熟 完全沒有流質，只是蛋黃剛剛好熟的狀態叉燒 倒是不錯 3分肥7分瘦 很香 很入味分別評分湯:0分麵:70分肉:90分蛋:20分 (最少我看得出他原意是想做糖心蛋，但作為一間 不平宜的日式餐廳，把不合格的東西 放上客人的餐桌上，態度絕對要不得)因為 湯底 是日式湯拉麵的靈魂。 所以我對這碗麵的整體評價只有20分………… 就算賣40蚊 我都不會再吃，更別說原價89$。

見舖頭內部裝修唔錯，幾有喺日本食拉麵既feel，舖頭主打拉麵以拉麵配搭小食，小弟今日去左食佢地既dinner（叉燒拉麵）食完就知道中左伏！！！先唔講拉麵既好唔好味，碗拉麵既份量根本就唔足以為主食，自問本人唔算係大食平時食個m記超值套餐都已經好飽。但係碗拉麵真係少之有少加買3隻餃子同柚子蜜竟收65個大洋。講返d野食先，個日本叉燒未食落口已經見到一大堆肥肉，食埋落口先發覺個叉燒係苦苦地，簡直係對味覺上既挑戰，一試難忘。