The Salted Pig (MegaBox)

Open Now

Now Closed

聖誕大餐嚟啦😆🎄平時全家好少食西餐，但有一樣野佢每次係任何餐廳餐牌見到都一定叫，就係德國豬手🐷‼️試過無數咁多間之後，最念念不忘嘅都係the salted pig脆皮烤咸豬手🐷係餐廳最最最推介嘅經典菜式，份量超級多！！豬手皮脆肉嫩，個皮好酥脆，一啲都唔會硬。入面嘅肉仲係好Juicy、軟滑，帶點點鹹香，但唔會死鹹。炸嘅時間同調味都岩岩好，真係好難得母配菜仲有烤到香脆連皮嘅薯仔同酸菜等，就算食多幾舊肉都唔會膩。同埋，佢哋既兒童餐係一啲都唔hea，好多選擇仲配埋雪糕同果汁。我哋揀咗迷你漢堡，勁足料塊牛肉好厚。小朋友食得好開心，店員仲拎啲畫筆同圖畫俾佢哋髹顏色💕💕聖誕節佢哋仲推出左限定節日菜：香煎三黃雞、法式紅酒燉和牛面頰肉、歌劇蛋糕等等。不過今次太飽，聖誕節再黎食過💕💕餐牌會供應至農曆新年完為止。

位於Megabox 既特色西餐，坐位寬敞，環境舒服。平日都有唔同既用餐優惠，七點前埋單更有優惠，平日都算抵食。餐牌選擇好豐富，而且設計得好靚，樣樣望落都好好食咁！用餐時間1.5小時，不過如果唔多客等其實都唔會趕人走。咁啱星期四遇上豬手優惠，決定試試佢。招牌德國鹹豬手十分出色，皮脆肉嫩，份量又多，一定要試。旁邊既蘿蔔薯仔配菜都好入味，配上大量酸菜，開胃解溜另外叫左牛油帶子蕃紅花意大利飯，上枱好香牛油味，望落比較濕潤，但食落啱啱好，意大利飯有咬口得黎唔會太硬，都幾好食。仲留意到12月至新年期間，餐廳推出咗節慶餐牌同多款應節特飲，menu 包括starter, main 加dessert, 有多款菜式選擇，最平$328 per person 。當中有比較特別既海鮮馬賽魚湯同紅酒燉和牛面頰肉，好迎合聖誕既節日氣氛。

⸝⸝‪⸝♡ ꔛ ꔛ ꔛ ꔛ ꔛ ꔛ ꔛ ꔛ ꔛ ʕ´•ᴥ•`ʔ ‧˚ 1️⃣慢煮脆皮豬腩、薯仔沙律、烤甘荀、香辣醋汁 ($258)必點🆙話明豬門店🐽所以mochicouple都叫返份豬😊個樣有啲似東坡肉🥩🤤以為會好肥膩🥲但呢舊唔會！可能因為慢煮👩‍🍳 外皮超香脆 😊 咔一聲🥹肉見到一層肉一層肥膏😊層層分明😝好淋好juicy😉入口即溶而且仲有烤甘荀、豆角同酸忌廉薯仔🥔份量一足👍🏻香辣醋汁唔算話太辣, 酸酸地點個豬腩解膩好正😝好味指數：🍡🍡🍡🍡🍡2️⃣ 牛油帶子番紅花意大利飯、菠菜、巴馬臣芝士 ($188)有４粒大大粒既帶子☺️帶子爽口彈牙🤓煎得好香好金黃😎好新鮮🤪飯汁主要用咗菠菜🥬巴馬臣芝士🧀同埋牛油🧈煮😗有好香既牛油味🤩Risotto軟硬適中🍛奶油味很濃🤔入口順滑😏唔會太油膩🤓十分好食😋好味指數：🍡🍡🍡🍡🍡3️⃣ 瘋狂！香蕉雪糕新地 ($98)都幾大杯🍨似係杯裝既香蕉船🍌🛥️有焦糖香蕉🍌、一舊仔窩夫、棉花糖粒同cream🤓入面有兩大球雪糕🍦雲呢拿同朱古力🍫雪糕質地好滑，味道香甜，一舊仔窩夫🧇有驚喜🤣 食落好脆又有少少煙韌，有啲似donut🍩十級邪惡😈好味指數：🍡🍡🍡🍡🍡⸝⸝‪⸝♡ ꔛ

The Salted Pig 不嬲都好食，佢嘅豬更係招牌之作。今日就嚟試吓MegaBox呢間。MegaBox嘅分店都幾大，有卡位，環境舒適。食晏有Kid Menu，大人 lunch set 唔過$100+10%包沙律或湯，主菜連嘢飲一杯。叫咗個Margarita Pizza，餅底唔會好厚，好夠熱芝士有拉絲，好好味。仲有叫咗個ribs，Lunch set嘅份量一啲都唔細，似係Regular size，ribs可以切到四至五條，仲有配好多薯條同埋沙律菜，粟米。Kids Menu份量都唔細，有兩個Mini burger加薯條同埋粟米。小朋友食到舔舔脷😋😋

今日去開megabox行街，我地個小朋友最唔鍾意食正餐，見呢間美式餐廳有兒童餐、又有漢堡薯條，二話不說就入左去試試。✨兒童餐✨🍟🥳雖然話就話係兒童餐，但份量一d都唔馬虎，薯條熱辣辣唔會太咸，芝士通粉🧀有咬口，無煮到熔熔爛爛，食完仲有個雲妮拿雪糕🍦，我個小朋友食得好開心🥰✨燒烤醬豬肋骨✨🐷🍖豬肋骨好鬆化，一切就切得開。燒烤醬夠味又唔會太咸，我好怕bbq醬太過搶戲，呢間就啱啱好。不過我真係好欣賞每舊用刀叉都已經食得好乾淨👍🏻✨卡邦尼意粉✨🍝汁醬creamy，意粉有彈牙，我幾欣賞佢地用正宗咸肉，咸咸地balance返個濃味汁。地址：The Salted Pig (MegaBox)九龍灣宏照道38號企業廣場5期MegaBox 11樓12號舖@thesaltedpighk@chillchill_aloye#九龍灣美食#megabox美食#豬肋骨

咁第一次嚟食啦，咁同七個朋友嚟食事後覺得其實套餐好似比較抵咁我第一樣食，亦都最有印象就係食呢個雞肉凱撒沙律幾好味👍🏻👍🏻跟住呢個其實冇乜點食～差唔多到最後先食幾塊味道都好好牛扒就真係要彈一彈….叫五成熟樣睇ok但好韌…好似食緊香口膠…真係難食👎👎👎👎唔知點解$348既扒會咁差（因為我哋都有成七大兩細咁就唔想太麻煩，當下係完全沒有出聲嘅，但係有影另外一張相切開咗之後入面係似三成同埋好難咬）呢個唔知乜嘢醬之招牌手撕烤豬肉三文治👍🏻👍🏻👍🏻勁好味我呢個雞肉嘅意粉就冇乜特別不過不失呢個都OK嘅慢煮脆皮豬腩呢個雞翼有朋友話好食，不過個人就覺得一般呢個牛油帶子意大利粉都幾好食咁呢個就係我哋今晚所食嘅嘢埋單$21xx, 每人31x都ok咩都試到下

The Salted Pig - 餐廳有幾間分店，都有一個共通點，就係座位寬闊，空間感好大。今日去了九龍灣分店，午餐選擇多，配餐湯和飲品，仲可以優惠價追加小食。是日餐湯係大人細路都鍾意嘅甘筍湯，跟餐免費配了凍檸茶和凍檸水。西京燒比目魚$148，唔止係魚肉滑溜，青嫩嘅烤蘆筍鮮甜爽脆，仲有蔥、海苔片和幾舊大大件嘅烤薯。青口煙燻雞肉燴飯$158，賣相好靚，見到都食欲大增，有蕃茄、青豆、魷魚、雞肉，配上紅椒粉、茴香顏色更靚，沾埋檸檬蒜泥蛋黃醬就更惹味。烤大蒜香草羊架$238，配薯條和西蘭花，阿根廷青醬配羊架，味道好夾。

去開睇戲🎬想食得舒服啲 就直接去豬門店2courses晚市套餐都係$198起👍頭盤揀左ITALIAN CAPRESE SKEWERS意式卡布里沙律：水牛芝士🧀。車厘茄。羅勒。黑醋。欖欖油SEAFOOD SOUP海鮮蕃茄湯、蜆、青口、魚、蝦、辣椒片、蕃茄醬主菜PORK LASAGNE意大利千層麵、豬肉、意大利青瓜、茄子、蕃茄、水牛芝士份量十足再配上青瓜茄子 口感十足 亦冇咁溜GRILLED ARGENTINIAN RIBEYE STEAK 120Z（+S100）燒阿根廷肉眼、燒肉汁、雜菜沙律、薯條🍟燒香既肉眼扒 彈牙多汁薯條炸到香脆🤤TRUFFLE VANILLA ICE CREAM (+$18)黑松石雲呢拿雪榚、松露醬、松露油香濃松露香味CREME BRULEE |-$18］法式焦糖燉蛋份量十足 但偏硬身十月份加$228/248 仲可以有2L木桶生啤夠哂過癮

呢間餐廳喺香港有幾間分店，之前試過西灣河分店，每一道菜都非常大份😍好似喺美國食嘢一樣咁正😆今次喺MegaBox分店再度光臨MegaBox雖然唔近地鐵站，但係九龍灣有免費嘅Shuttle Bus，其實都幾方便，食完嘢仲可以去溜冰場溜冰 ⛸️今次我哋叫咗三款嘢食，兩個人食真係飽到不得了🔸太平洋蟹餅，配青檸蛋黃醬蟹餅外脆內嫩，可以見到一絲絲嘅蟹肉🦀蟹肉鮮甜可口，加上青檸蛋黃醬，味道更加清新😀🔸 招牌手撕烤豬肉烤三文治嚟到豬肉專門店點可以唔叫返個招牌菜🔥手撕烤豬肉肉汁四溢，搭配香脆的烤三文治配沙律薯條真係好正☺️🔸 脆焗火腿芝士雞胸扒，配沙律薯條雞胸扒有兩塊，兩塊都非常大😯足夠三四個人share，外皮金黃酥脆，裡面嘅肉質鮮嫩，加上火腿同芝士嘅搭配更係增添咗濃郁嘅風味芝士份量十足🧀真係超級邪惡😈

今日返工勁辛苦，所以放工真係要同朋友食餐好嘅，可惜收工已經成7:30 ，近近地就去附近MegaBox食啦，見到呢間餐廳其實係唔同區都有分店，於是就決定嚟食吓晚餐，發覺原來呢度個dinner set 都係 $198，包頭盤同主菜，如果想加甜品或小食或者酒精飲品，都係另外額外加少少錢，相當抵食。apetizer 我地要左帶子carpaccio，覺得佢相當新鮮，加埋清甜嘅Cherry Tomato，絕對係一道簡單又美味嘅菜。第二個就叫左海鮮蕃茄湯，入面勁豐富，好多海鮮，而且唔係平時好thick嘅湯，反而係比較light嘅湯，所以配搭埋我哋之後比較重口味嘅主菜，就剛剛好。主菜就要咗鴨胸片pizza，因為係北京style，上面有海鮮醬、京蔥、青瓜，味道相當特別，fusion味濃。第二個就係紅酒beef cheek burger，份量絕對唔細，beef cheek好嫩滑，直程入口即溶，入面有洋蔥、蕃茄、生菜同酸瓜，配埋酥脆嘅薯條同雜菜沙律真係食得好飽。最後就叫埋個炸脆皮豬柳肉配蘋果蓉同apricot sauce，呢個味道好特別，喺香港好少食到apricot sauce，令到pork belly冇咁

第一次黎食可能因為weekend黎的關係所以都好多人好明顯見到佢地手忙腳亂有booking都要等帶入去～叫左ribs(≧▽≦)不過呢間d ribs有少少乾身上面d汁覺得有d唔夠用d 薯條🍟普普通通無乜特別講起下面個 fish & chips 真係好嬲有乜理由 落完order 半個鐘都未上到個ribs都食完而且店鋪無表示歉意因為我都催佢地催左兩次d魚肉都係偏乾唔係平時食開juicy個種呢間比較係結實的半個檸檬比我擠曬落去🤣少少腥不過食唔曬～ 剩下半塊帶走隻碟好靚🤣

帶一家人黎MegaBox行街，然後就搵嘢食見到呢間餐廳好大間，坐得好舒服🤝我地嗌卡邦尼蛋汁煙肉意粉，香濃奶油和煙燻嗰既煙肉，散發蛋黃香氣，濃郁滑順，每條意粉也掛上濃濃creamy醬汁，美味可口😍蒜辣橄油大梘意粉，材料有蒜頭、辣椒、橄欖油和番芫荽🌿 大梘好新鮮，份量好多，配上白酒煮出十分鮮甜呀♥️雜菌松露意大利飯，雜菌切粒，份量好多，導致整啲意大利飯都好香松露同雜菌嘅味道，意大利飯煮得啱啱好😜😜BBQ 手撕豬肉三文治，肉絲搭配上高麗菜沙拉在三明治中，咬下去有BBQ的肉香味和美乃滋拌出來的香脆味，真的很好吃呢♥️兒童餐蕃茄肉丸意粉🍝份量都幾多喎，仲有兩大粒肉丸，配菜有西蘭花同薯條仲有橙汁小朋友吃到舔舔脷😍

今年，沒有了幾個家人一齊慶祝父親節，剩下4人一齊食，所以冇去食自助餐了，實在有點人丁單薄。我哋再去呢間，因為阿媽戒牛，所以搵間西餐廳食豬出各嘅。呢度之前幫襯過一次，真心豬手幾好食。所以再來。我哋叫咗招牌德國鹹豬手，煎海鱸魚柳海鮮燴，脆焗火腿芝士雞胸扒同埋卡邦尼蛋汁煙肉意粉。估唔到個煎鱸魚幾好食，個湯好鮮味，魚都好滑。豬手好似上次食好味啲，不過仍然好食，皮脆肉夠味，鋪係底嘅酸菜，一如上次食嘅咁好味，越食越開胃。雞胸扒十分大塊，重重嘅芝士係鋪係面，呢個我哋食剩一半打咗包。個意粉我冇食到。呢到用餐有時限。不過我哋1個鐘多少少就食完，冇過時。大時大節預咗有咁嘅安排。合理的。

好彩我同朋友有訂定位, 否則無得食, 去到見到前面有2枱客因無訂所以無得食地方都幾好, 座位都坐得舒服lunch set都多選擇, 價錢唔貴, 食物質數都好凍檸檬茶嘅茶底好好

The food is really so so, the crispy chicken fillet we ordered basically without any taste and obviously over-cooked which is very dry. And the beef of taco is same tasteless but because of the sauce which slightly taste better. Maybe this is our fault not to pick their famous dishes of pork. Well, the worst is one of the young waitress’s service is quite bad, as we sit on the side sofa with the partition, she even just hand the bill to us across the partition but not come to present next to us