意粉屋 (Closed)

除咗機場嘅意粉屋，所有意粉屋都去過哂，但尖沙咀好似未去過喎，無咩印象喎，okay，就上一上去睇吓會唔會勾起D回憶先。時份秋冬，餐牌上已經有芝士火鍋，sorry 唔係我杯茶，點咗個 set dinner，南瓜湯，烤豬仔骨，千層肉醬意粉，再點咗個炸雞籃。次次點餐湯次次加酥皮，今次無加係因為發現加酥皮勁飽肚！一向唔多好南瓜湯，但意粉屋總有方法煮得濃郁令我欣賞，所以，無辦法唔將意粉屋變成我的西餐飯堂。烤豬仔骨嘅豬肉比較少，但哩個問題同樣發生係其他西餐廳，究竟發生咩事呀？間間都係噤！雖然豬肉係少，但仍不失 juicy 同入味，肉質鮮嫩，like!千層意粉係我少食嘅一環，味道重手咗，係最失份地方。炸雞籃愈食愈貴愈食愈細件，但令人懷念，因為當年無韓國炸雞無豪大大，食好味嘅炸雞得翻意粉屋同家鄉雞，雖然雞少咗細件咗，慶幸味道無變差，外脆內軟雞有雞味。食完都係無咩印象幫襯過，究竟係無黎過定係我老鳥開始失憶呀！~~>_<~~

最喜歡就係Spagehetti House既tea，又平又好味！同好朋友叫兩份tea 一齊share😆每樣可以試少少魚柳闊條麵絕對無呃人，真係有好大塊既魚柳！而且魚柳煎得二邊金黃，賣相已經拎滿分了！味道仲好正～一般魚柳都會好大陣雪藏味, 而宜個就食落好香，一d雪藏味都無😋盡顯廚師既功架!黑椒薄牛扒尼碟相對比較遜色，牛扒薄所以食落無乜口感！但黑椒汁味道調較得好好， 夠香辣～龍蝦酥皮湯絕對唔可以錯過！酥皮好香脆，牛油味十分豐富！材料亦都好多，真係貨真價實～

意粉屋分店越來越少了。好喜歡光顧不只是因為我仍是舊卡永久會員享有折扣，而是它的品質不變，份量適中。仍然是我的西餐之中的首選之一。北京道分店，是我最多去。招呼好，出品佳，環境衞生及地點方便。除了本地食客，亦有坐不少外國遊客。吃過蘋果批，味道多年不變，跟餐有給我優惠價享用。室內的掛牆燈飾，最吸引我的視線，好有歡樂氣氛。開業沿用至今。

晚上去了這家意粉屋吃飯，約17:45到。帶位問我們1.5小時要交枱，同意了便進去點餐了。食物味道不錯。奇怪的事在19:00發生了。有一個女服務員拿了賬單過來，問我們是不是要「埋單」。我們說沒有，然後後面傳來一個聲音説「他們夠時間要走了」。我呆了一下，交上我的信用卡。等那帶位拿單給我簽名時，我忍不住問了他一下，到底按他的記錄，我們是幾點到的。他看了一下，然後說「17:51， 你們還可以坐20分鐘。」轉頭便走了。在現今的社會，還會有這種「趕人走」的餐廳，真的不敢想像。

响尖沙咀做完嘢，兩點幾，未食午飯，一個食下午茶嘅好時間，因為又少人又抵食，好耐無食意粉屋，一於一個人去嘆下。😉餐廳喺一樓，上到去即刻有位，侍應好勤快，即刻奉上暖水及餐牌，tea set有12個選擇，價格ok(全部$69)，配即磨咖啡或茶。天氣熱，想食清新d，叫咗個蘇格蘭煙三文魚蜜桃蘋果藜麥煙斗粉沙律，配熱cappucino(我有vip卡可免費upgrade)。$82可配埋酥皮周打海鮮湯，但怕太飽，無加。沙律五分鐘就奉上，雖然話係下午茶，份量都唔細，配料好豐富，除咗有煙三文魚、蜜桃、蘋果、藜麥同煙斗粉，仲有提子乾、番茄乾、生菜做配料，食材全部都好新鮮，個sauce味道恰到好處，超正👍Cappucino大大杯，好香濃，好飲。好滿意又relax嘅一餐。😋驚喜：VIP下午茶仲有85折添

今日黎到北京道既Spaghetti House食lunch, 差唔多12點左右到，無人排隊，即時已經可以入座。職員好有禮貌，唔使一分鐘已經俾到餐牌我，亦即時推介今日美食。醬燒丹麥豬仔骨好抵食，原價要$258，今日$112已經可以點到，不過我最後選了套餐，點了雙重芝士焗海蝦·蟹肉意大利粉配森林蘑菇忌廉湯及欖油香草軟包配凍奶茶，而職員亦多加推介，亦加配了一客檸檬芝士餅。落單後，他會提示我需要等候既時間，都幾好服務。等了兩分鐘，已經上了餐湯及飲品。8分鐘後，上了主菜。最後，甜品賣相不錯，味道也美味。

尖沙咀，應該係全世界其中一個最多人既地方。 人多自不然餐廳多。是晚只想快快食完回家休息，無刻意去選擇餐廳。最後行過意粉屋就入咗去。本來無咩特別其望(自然唔會失望)，但估唔到以此價錢，最後都有一點點驚喜。食物：蕃茄蝦湯蕃茄味非常濃郁，酸酸的，幾開胃。湯裏面有隻Q彈蝦碌。好食。雙重芝士火腿煙斗粉芝士白汁非常非常濃厚，配厚切火腿粒。簡單好食。炸雞件配薯條炸得幾好，唔會太油膩。雞件醃料適中。服務：全部同事都好有禮貌。效率高。環境：我地被安排靠窗卡位。很好。喺尖沙咀，如果只想簡簡單單唔太貴，呢度絕對係好選擇。

第一次食意粉屋新年有新年的新餐牌～好似都幾吸引！就叫左呢個拼盤～～～！多士好濃味@@！但原來係軟身而唔係脆的～但都幾好食加上煙三文魚那些，簡直係！蜜瓜都好甜，配上煙燻肉，又咸又甜，來來回回的層次，真係yummy帶子墨魚汁意粉，帶子都算幾大粒⋯但意粉質地一般⋯韌度比較強吧🤔珍寶雜錦薄餅🤨呢個薄餅的口味比較普通⋯但批底都幾好食，唔會好厚，而且脆脆的呢個海蝦薄餅就很不錯啦芝士是可以拉到絲的芝士～同樣批底，也是脆脆的蕃茄味又濃

今日陪家中的兩位小朋友去玩，時間過得特別快，同時亦特別累及特別肚餓，除咗正常三餐之外，加多個下午茶時間都唔算多。尖沙咀真係好多人，很多食店都要等位，這家樓上舖已經稍為好些，只需要等兩張，不需要15分鐘就有位。餐廳環境都好舒服，全部都以長枱擺設又有窗口卡位提供，坐位好寬闊。今次叫咗4個下午茶餐，意粉、薄餅、小食樣樣都有，最開心係可以用優惠價將餐湯變酥皮周打海皇湯，我自己又喜歡，小朋友又喜歡，哈哈哈！酥皮周打海皇（加拿大藍青口、海蝦、帶子、蜆肉、鮮菌及煙肉碎）：酥皮焗得好香好鬆化，混入湯一起淋淋地軟棉棉特別好味；碗湯雖然細細碗，但海鮮真係樣樣齊全的，好鮮甜，少少鹹，湯底好濃好滑。巴馬臣芝士焗肉醬意大利粉 & 香草白汁雞肉意大利粉：意大利粉熱騰騰即刻食係最正的，軟硬適中；汁醬都好濃郁，唔太鹹亦唔太膩。悠閒下午茶拼盤（西班牙風乾牛肉、脆炸洋蒽圈、檸檬蜜糖雞翼、牛油果藜麥沙律、炸薯條）：小朋友至愛薯條，連薯皮一起炸，他們有點不習慣，說有點硬，但也很喜歡；雞翼也很滋味，因為有蜜糖甜甜地，檸檬也不覺酸；洋蒽圈好脆，洋蒽也甜甜的；乾牛肉我食不慣，怪怪的，有些硬，配的汁我不合我個人口味。超級雜錦板板薄餅

「周打魚酥皮湯」平時飲嘅周打魚湯是白色的，初時還以為服務員落錯order，誰不知是自己孤陋寡聞，原來周打魚湯係歐洲唔同地方，烹調方法是不同的。雖然跟平時飲開嘅周打魚湯味道不同，但都覺得好好味。加上有酥皮，錦上添花，回味無窮。這個二人餐都幾抵食，比多$3X，就可以有多兩個湯同埋兩杯嘢飲。而且意粉屋嘅食物水準一向都水平高，唔會令我失望。其實去過尖沙咀這間分店好多次，發現了一個小情況，這間分店每次幫襯都必定很多外國人，當晚目測，應該只有我哋一枱是香港人，哈哈。

Food took over 30 minutes to come. Ordered four pizzas, one came 10 minutes after the others. Pizza base was very heavily refined white flour which tasted weird. Talked to the manager and he was understanding. He gave a 20% discount off each meal. Wouldn't really recommend based on price and our service quality

今日同細妹，bb去TST 1881及歷史博物館，去博物館前要食嘢先，我地沒有什麼指定選擇食乜，但考慮要有bb櫈及近尖東，逛逛望到spaghetti house，於是便搭lift上去……上到去1/F，等咗陣有侍應出來，告訴佢有兩大一B，佢話等等，之後入座，睇下餐牌，太耐冇嚟SPAGHETTI HOUSE食嘢了，覺得貴咗好多(我吾知價)，下午茶又未到，好彩吾係好肚餓，所以只叫咗一個蝦仁、蟹肉意粉同一個PIZZA，因為BB鍾意食菠蘿，所以先叫火腿菠蘿的PIZZA。。。。意粉收得百幾蚊份量都算有番咁上下(吾似TOWN GAS果D咁少少)，都幾好食，汁夠濃味足料，但其實啲蝦係冇味，意粉偏硬了少少， PIZZA一般啦，比BB試下PIZZA係咩嚟，薄餅的批邊似餅乾~乾、脆。呢間D食物、環境都OK，離開時，聽到有人來問有沒有下午茶，門口的STAFF話今天沒有，要到2/1/2018先恢復有，又一比我感覺惊水的食肆，今天才星期六，雖則假期前夕，但都吾應該取消下午茶，抵人地問完就離開，還有，今天負責在門口帶位的侍應一點笑容都沒有，口黑面黑，趕客嗎？看來不是太喜歡帶有小朋友來幫襯的客人，其他的侍應都是木口木面

I think spaghetti house's selection of pasta is better than the likes of similarly priced Pizza Hut, Dominoes etc. the pasta itself also had a good texture compared to its counterparts.In winter, spaghetti house serves fondue, which is always a lot of fun as they give you many options like fries meatballs sausages mushrooms in addition to classic baguette cubes to dip the cheese in. The only other two places in the area that serve fondue are chesa in the peninsula and Swiss chalet - I like that

午餐同朋友黎食，未坐定侍應就推薦龍蝦餐有湯、意粉，再可以優惠價加小食，咁我就叫左一份試下龍蝦湯：有龍蝦肉粒，但對龍蝦迷既我真係唔夠濃味太肚餓叫左個蜜糖雞翼，加錢廿幾蚊有5隻，非常好食，煎得外皮同味道都好好味蕃茄肉丸：超濃橄欖味，好油好酸，食左1粒唔想食龍蝦意粉，有5-6粒龍蝦肉，但個汁都係淡，好彩有蕃茄蘑菇加番小小味，麵唔太硬岩岩好蕃茄龍脷天使麵：麵好淋，我地本身鐘意食蕃茄醬，但今日唔知點解覺得好酸

食物普通咗，龍蝦湯又細碗咗😭食物：❤❤賣相真係。。。。份量：❤❤❤還可以，飽既。。環境：❤❤❤都係差唔多，間間一樣。價錢：❤呢個套餐睇牌覺得可以，嚟到就覺得唔值。服務：❤❤❤一般，無特別。幾個月無食過Spaghetti house喇，突然間想食下，叫咗龍蝦系列套餐B(芝士焗龍蝦帶子天使麵，香煎紐西蘭青衣柳黑松露醬意大利飯，兩碗湯同野飲)，兩個湯加錢轉咗龍蝦湯。。左下個張就係。。咁睇好似成杯熱奶茶咁。。救命。。可以用番碗裝嗎？兩個人加埋四百幾。。以前覺得值。。依家。。umm。。你懂的。。 #spaghettihouse #spaghetti #意粉屋 #意粉 #尖沙咀 #foodie #foodies #hkfoodies #hkfoodie #hkfoodieyiki