意粉屋 (Closed)

16/7/17星期日，同朋友到尖沙咀行街買衫，買完衫不知不覺已經六點鐘，朋友話想食意大利粉，我立即醒起Spaghetti House意粉屋，於是就去試試，一入到去環境舒適，被安排坐窗口卡位，仲可以望到街景，因為天氣炎熱，先落單叫左一杯椰汁紅豆冰配雲尼拿解解渴先，再分別叫左一客鮮橙茴香火箭菜沙律、北海道帶子日本魷魚墨汁意大利粉及意大利風乾牛肉薄餅。椰汁紅豆冰配雲尼拿飲完配搭啱啱好，吾太甜，配合雲尼拿夠冰涼。鮮橙茴香火箭菜沙律大大份，確係抵食，沙律混合意大利醋，酸酸嘅感覺好開胃。北海道帶子日本魷魚墨汁意大利粉，意大利粉配合濃郁嘅墨汁，再加上新鮮嘅魷魚確係無得彈。最後上菜係意大利風乾牛肉薄餅，薄薄嘅牛肉配上芝士，口感好正，因為太好味，我同朋友居然可以將呢三道菜不消一會就食晒，下次一定再嚟食過！

平時出街同朋友成日都會食西餐，但同屋企人反而好少。今次襯住媽咪生日，一於帶阿媽、阿爸嚟食好西（餐）！尖沙咀夠就腳方便，難得嘅係無幾可食西餐嘅兩老都聽過意粉屋，就揀來呢度食啦😆原本book咗枱七點鐘，點知因為落雨搞到遲左半個鐘，一心以為來到要重新等位，點知Waitress話張枱仲留咗俾我哋，仲係玻璃窗位置，可以睇到街景，太貼心啦！好啦，坐定定，可以嗌嘢食啦。前菜我哋叫咗哈密瓜風乾火腿伴意大利黑醋，風乾火腿就咁食會偏鹹，但火腿配埋哈密瓜就會變成絕配，呢種化學作用真係好神奇！主菜我哋叫咗3樣，第一個係芝士卡邦拿意大利粉，一嚟到已經見到個醬汁好creamy，waiter仲即場係一舊大芝士度刮芝士碎落去，一啲都唔吝嗇，個意粉嘅芝士味真係好香濃。另一個係芝士焗海鮮墨魚汁意大利飯，呢個嘅精髓都係喺個汁度，有一陣好獨特嘅鹹香味，阿爸特別欣賞😆最後就換下味，叫咗個煙肉大啡菇黑松露醬薄餅。平時嘅pizza配料來來去去果幾樣，見到呢一個係黑松露醬咁特別，所以想試吓。個pizza夠薄身，好似食緊餅乾咁，黑松露醬又好香，呢個Pizza值得一試。總括來講，好少食西餐嘅兩老都覺得好滿意，負責埋單嘅我都覺得抵曬😂

話說N咁耐都無食過意粉屋，突然唔記得邊到睇到個廣告又好想去食下。。。咁就捉左我個fd去吃😂已經成9:30過左食飯時間，餐廳唔算多人好舒服，侍應服務幾好一黎介紹左有咩promote set dinner,又一叫就即刻有人黎一來本左個哈密瓜風乾火腿伴意大利果醋，今日咁熱酸酸既黑醋淋落超甜哈密瓜上面，又爽又甜又酸火速消滅左😋😋勁開胃。跟住叫左個黑椒蜜汁雞翼，味道還好，只是蜜汁味唔夠多友人叫了個海王酥皮湯，酥皮焗得剛剛好又香又脆，加埋個足料海皇湯👍🏻👍🏻👍🏻北海道帶子一聽就知又大粒又厚肉，輕輕煎香上下兩面中間保持帶子原味，加埋墨汁既鮮味不得了最後重叫多左個煙肉大啡菇黑松露醬薄餅，痴線🤦🏻‍♀️眼闊肚窄多到食唔晒，但又唔可以唔讚下佢，呢個先係成晚既焦點，一咬落去成口黑松露味漫溢整個口腔，外皮酥脆，芝士好似pizza hut個廣告咁拉晒絲雖然佢最遲黎又好飽都忍唔住食多兩塊。

今晚約左女友行街街，係唔知食乜既情況下揀左去意粉屋，話說我N年冇去過意粉屋食飯，點知原來d款式多左咁多，對住個餐牌幾有新鮮感，好快就揀左以下幾款美食，正式開動😋 先黎個哈密瓜風乾火腿伴意大利黑醋，呢樣係有少少驚喜既，哈密瓜同火腿果然係絕配。 再黎芝士肉醬意大利粉，老土d講句，黎意粉屋當然要食返個意粉啦😂，而意粉屋個肉醬意粉又係冇得輸既，待應仲會拎住一大舊芝士過嚟喺我地面前即時磨，想加幾多都得，讚😍 跟住就係主食啦，呢個芝士焗海鮮墨魚汁意大利飯，我同女友睇餐牌時已被它賣相吸引住，嚟到實物直頭口水都流埋啦，海鮮配搭適中，唔會太多，最欣賞佢個墨魚汁飯，夠味得黎唔會太膩，下次黎應該會成為我地必點之一。 食飽飽再加埋2杯特飲真係大滿足。

今晚約左男朋友去街, 聽人講意粉屋都幾好食咁, 咁就決定去食下先, 兩個人一齊撐台腳。去到個陣發現重出左新餐牌, 望落好似樣樣都咁好食咁, 最後決定叫左呢幾款來試下。首先, 叫左個哈密瓜風乾火腿伴意大利黑醋, 哈密瓜超甜, 再同風乾火腿連意大利黑醋一齊食, 超好味, 呢個組合來食真係一流!!(心心眼)另外, 叫左個意大利風乾牛肉薄餅, 因為好少地方有風乾牛肉食, 再加埋濃濃嘅芝士係一個絕佳配搭, 同埋個薄脆餅底, 大大推介呢!最後, 見到有魷魚墨汁, 都幾特別, 所以叫左北海道帶子日本魷魚墨汁意大利粉。黎到個陣, 果然, 有大大粒帶子, 食落重要好鮮甜, 重有同埋魷魚墨汁意大利粉一齊食, 都係好好味。

落雨落足一日，好彩女朋友醒目一早訂左枱，去到嘅時候唔洗兩分鐘就入坐。一坐低就俾個新款菜式哈密瓜風乾火腿伴意大利黑醋吸引住，忍唔住一試。哈密瓜同風乾火腿根本就係完美嘅配搭，加埋黑醋，味道唔會太鹹。再點多個北海道帶子日本魷魚墨汁意大利粉，喺意粉屋食意粉是常識吧。帶子大大粒，墨汁意粉又唔太酸，味道一流。個人最喜歡海蝦松籽仁醬薄餅，食之前個松籽仁醬聞落已經好香，薄薄嘅pizza 帶出脆卜卜嘅口感，加上我最喜歡嘅原隻蝦，我一個人食左4塊。下次有新菜式一定會再試！

今日同男朋友去左尖沙咀意粉屋食晚餐，地方好乾淨，D枱夠晒大張可以一次過放晒3大碟野都仲有位，好舒適。佢個Menu好靚，影到樣樣野食都好吸引好好味咁，兩個人又食唔到好多款野，最後就嗌左三樣黎食。首先就叫左個前菜「哈密瓜風乾火腿伴意大利黑醋」，本身好鍾意食風乾火腿，佢嘅鹹度適中，配埋哈密瓜真係岩岩好，加埋黑醋等值天衣無縫，夠晒開胃！跟住就叫左個「芝士焗雞肉煙肉千層闊卷麵」，佢既芝士白汁夠晒多，令到千層闊卷麵好夠味道，闊卷麵既煙度岩岩好，入口感覺一流，份量比我想像中大份，非常好！最後食埋個「芝士焗海鮮墨魚汁意大利飯」，飯既口感唔太軟唔太硬岩岩好，意想不到就係唔會食到成咀黑蚊蚊，又好有墨魚汁既味道，粒帶子仲好大粒添！2個人只係食左3樣野都已經好夠飽，3樣都好好味，值得推介！3樣加埋既價錢食左$387.2

星期日同男朋友尖沙咀行完街去左食好耐無食既意粉屋，人唔多呀，等左唔夠5分鐘就入去坐，兩個人左4人台好舒服。一坐低就叫左個哈密瓜風乾火腿伴意大利黑醋，分量唔多但係個醬好開胃。之後就叫左個海蝦松籽仁醬薄餅，有d 驚喜蝦好大粒之餘個餅皮好脆wor 竟然。而且芝士好多有拉絲，好正！ 最後再加左個北海道帶子日本魷魚墨汁意大利粉，好正呀粒帶子好大粒仲有兩粒唔洗爭。OVERALL上菜速度好快，食完都係七點半松D, 返屋企休息一流呀!

自從K先生申請了會員卡之後，我地間中會到意粉屋食晚飯。今次去完睇戲，就去咗意粉屋食下午茶。真係好多年，無去呢度食下午茶。原來下午茶有不少選擇，有驚喜。我地點了菠菜芝士龍利柳意粉同Pizza, 仲加了蘇皮湯。會員還可以免費升級熱檸蜜。很喜歡菠菜龍利柳芝土扁粉，龍利柳煎得超香，配上香濃芝士同菠菜，很好味，而且份量很多，兩人share 食都足夠。Tea time來講，一客四件pizza 都幾抵，不過芝士少咗d，但整體都不錯。K先生好喜歡飲蘇皮湯，所以其中一個餐加約十蚊可加蘇皮湯，味道不錯！

如果我無記錯呢個2人餐係每人$200左右有餐飲，有龍蝦湯，有個ribs，有個pizza。係尖沙嘴地區黎講算係抵食了 而且義粉屋發揮穩定 -個個龍蝦湯酸度岩岩好，開胃，唔肥膩！-我本身就好鍾意食ribs，試過係出面食好多時真係好大條骨，無乜肉，呢個就夠曬肉既！（不過我係食肉獸 意粉屋再比多D肉我都OK啊）-個個pizza的芝士真係拉曬絲咁，厚薄度適中，有口感得黎又唔會話太過頂胃，2個人想食個飽足的西餐做晚餐，呢個係十分唔錯既選擇啊

以前家人每年都會續會,一家人聚會都在附近都在意粉屋,食物種類多,又常有新款,會員餐價錢又吸引,可惜隨著會費越來越貴,送的coupon價值越來越縮水,上兩年開始都沒有續會了。今日工作經過意粉屋，決定入去試試，最近都沒有好好食過西餐。發生了小時插曲，本來點了墨汁厚豬扒焗飯，下單後等了約十分鐘，侍應才跟我說這個餐售完，讓我再選，心裡有點納悶，因為我很餓，現在又要再點再等。面包是熱, 湯的味道也很好,不過只有蕃茄醬味, 有清甜蔬果甜, 而入面也有好多不同蔬菜, 不馬虎最後選了牛扒意粉，熱辣辣的食品吃下已經很高興，黑椒汁用彩椒和菇混煮己成，少少刺激，味濃而不過咸。牛扒當時是薄的，但也有好幾塊，份量不少，汁的份量剛剛好可以夠撈均整個意粉。檸檬茶夠大杯, 不會太淡, 非常夠凍!食完再把檸檬茶清光，好滿足！以前去到意粉屋服務生都很醒目快手，今天看到的，除了穿西裝的領班態度殷勤外，其他資深的，年輕的都感覺呆呆，心情不佳，現在要請人太難了，大家將就吧～餐具都是隨心放的..'

在肚子空虛的下午，到意粉屋品嚐滋味下午茶，因為我實在太愛這裡的酥皮龍蝦湯了。星期六的下午，餐廳不算太多人，但需要特別留意的是，這間意粉屋的下午茶是由3點才開始的。傻更更的我們早到了，等了一陣子才可以點餐。下午餐的選擇可算多元化，意粉、薄餅、忌廉飯、麵包類及甜品類也涉獵到，為食的我都心大心細，最後我們揀了<煙三文魚忌廉飯>及<青口海鮮蕃茄扁意粉>，最重要還有超級酥脆的酥皮龍蝦湯。等了約10分鐘，泡沫咖啡終於來到了，飄來陣陣咖啡香。咖啡奶泡十分濃厚，攪勻後奶油香滑、濃郁，不會太苦。但味道不太深刻，如果有焦糖奶泡應會更佳。酥皮龍蝦湯是我期待已久的頭盤，表面的酥皮焗至熱辣辣、漲卜卜，我也忍不住要馬上開動了。儘管用手撕開酥皮食用十分狼狽，但我也不理大口大口品嚐，入口酥脆無比，而且牛油味香濃，我也留了一半浸湯吃。浸湯後，酥皮吸收了龍蝦湯的鮮甜，同樣滋味。龍蝦湯入口鮮香，有甜甜的龍蝦肉粒、及磨菇粒粒，美味非常。煙三文魚忌廉飯的火炙三文魚，帶微微的焦燶香氣，著實不錯，很喜歡粒粒蟹籽的卜卜口感，拌勻在米飯當中，令忌廉飯變得比較不平凡。忌廉飯的忌廉味香郁，飯粒保持濕潤，整體

今日行經尖沙咀，突然諗起意粉屋個豬仔骨，太耐無食過，橫掂有啲餓，就同友人上去食個晚飯由於唔係好肚餓，小妹同友人就點左一個蜜汁黑椒燒豬肋骨同意大利雲吞蜜汁黑椒豬肋骨跟田園沙律配羅勒汁 $198田園沙律嘅羅勒汁酸酸甜甜，好開胃不過個豬肋骨就稍稍遜色，肉燒得過火，令到肉質變乾同硬身，唔夠咬口，老實佢同outback，ruby真係差好遠 不過呢個價錢可以接受意大利雲吞成個粉最好食真係個雲吞，係友人推介，不過得三粒，如果有多幾個人都唔夠分啦，雲吞入面芝士同肉碎，好濃嘅芝士味，同個蕃茄汁好夾，不過唯一小妹唔太喜歡佢入面嘅白磨菇，個菇味有啲怪，不過個人口味個個唔同，友人就覺得無咩問題。總結：意粉屋再唔keep下啲品質，好快被淘汰嫁啦

去左尖沙咀覆診，完左又未夠鐘返工，所以就同fd跑左上意粉屋食，因為朋友有一張意粉coupon，所以就叫左一個lunch set一個意粉，lunch set包湯或者沙律同埋野飲，我地叫左個蘋果豬扒墨魚汁焗飯，意粉就要左帶子貝殼粉，個飯幾特別，因為有蘋果，所以甜甜地，但又同墨魚汁飯幾夾，意粉比我想像中好，可能因為係貝殼粉，好索汁！算係唔錯既午餐。

又是星期五了！真開心！ 笑語和幾位朋友相約在尖沙咀的意粉屋吃飯聚聚舊。因為人多，所以我們要了個春日星級套餐，再額外叫小食。套餐包括有二個龍蝦湯、一個前菜和一個主菜。我們選擇了穌格蘭煙三文魚鮮果沙津，貌相美觀而且三文魚看起來得肥美，味道應該不錯。但事實上，想象和現實是有距離的。笑語覺得除了幾隻爽口的大蝦和清甜的蘋果之外，其他真是平平無其。那煙三文魚的口感並不像笑語以往吃過的那麼柔韌有勁，霉霉地的 。而主菜選擇了白酒羅勒海蜆意粉，笑語真是不知道這個意粉是原身是沒有汁、還是被意粉全部吸收了、或者是菜涼導致醬汁凝固了等原因？意粉乾巴巴的，還是一團黏在一起，味道更是淡而無味。 因為套餐只有龍蝦湯，笑語自己叫了喜歡的粟米雞忌廉湯。看相片真是很漂亮而且配料很充足，但是我們要知道什麼是「圖片只供參考」，我不得不承認我被現實擊倒了！！ 雞肉片？沒有！雞粒和栗米......少少許，味道就算吧了！朋友們還叫了招牌炸雞伴美國瘋薯條和瑪嘉麗塔皇后薄餅，又是那一句「貌相真是不錯」！那所謂的招牌炸雞，真是令人無語。不但炸過火，肉質「鞋」口而且味道過鹹，幸好還有過得去的薯條。 唉~對於瑪嘉麗塔皇后薄餅，笑