The Starred

Open Now

Now Closed

行山時坐巴士見到這間餐廳，餐廳外觀吸引了我眼球。兩個人只係食咗$300左右。環境方面超級靚，臨近聖誕節，中間放了兩米的聖誕樹。晚餐叫咗一份三文魚及牛面頰意大利飯，還有沙律湯麵包另外叫。三文魚中間肉質細嫩，左右兩邊略嫌有點老，配上芥末醬汁，新鮮炸起薯條。三文魚都只係$120，這個靚環境加上這個食物質素，仲平過返大陸食。牛面頰意大飯，我不太喜歡食太硬的意大利飯，於是叫佢整林啲，服務員都好有禮親切地回答會盡量配合。湯是白湯用鮮茹打成，有咬口的。

因為要同朋友傾偈，嚟咗呢間餐廳食晏。首先環境一流，好多卡位，可以傾偈，唔會比隔籬枱嘈親。另外裝修好新淨，地方好清潔，我都幾有潔癖，但係坐得好自在。午餐唔算平，超過$100一個。我叫咗個牛尾意大利飯，牛尾超級出色，分量ok，牛尾同飯嘅比例超好，有好多牛尾肉！最緊要係送過嚟嘅時候好熱，我一路同人傾偈，一路食，啲飯都冇凍到，好難得！另外我見其他枱有好多人叫鐵板餐。因為我要同人傾偈，所以冇叫到鐵板餐，費事麻煩。我見到其他人嘅鐵板餐份量好多，味道超級香！如果下次有機會再嚟，我一定要試吓。仲有係，餐廳嘅侍應招呼好好。佢哋見到我哋傾緊偈，盡量少騷擾我哋，睇得出佢哋好留意客人嘅需要。

以前中午有套餐 依家湯 茶逐樣計 價錢又貴 加埋150-200 一個人 (未計加一）如果你係好食都算 但愈黎愈難食 注意：係難食 比吾好食更罪大惡極 水你吾叫都唔俾你 搏你叫野飲煎雞胸鞋過鞋底 薯角一樣 味道九流 食過佢d豬肋骨又硬又韌 又冇肉味 隱隱仲有雪味 同紙皮冇分別 一食就知係劣質材料 裝修就扮high 但水準仲衰過茶記好似以前北角間red star 同佢一集團 但早排見筲箕灣改左名 依家可能已分家 北角店最初還可以 後來都吾得 呢間直情垃圾

My family and I saw a online video sharing and social media platform video introducing this restaurant months ago, and we finally found the perfect occasion to give it a try during the Easter holiday. We arrived after 6 pm and missed the afternoon tea, but we were struck by how radiant the restaurant looked at night with pink and purple petals in the soft yellow light, and dreamy lamps casting rainbows onto the tablecloth.  For our meal, we ordered two main dishes and chose an add-on item: the B

有日同先生經過此店門口聞到好香牛扒味，我同先生講話搵日要去呢間牛扒屋試下，終於在11號晚上一行三人去嘗試，店內裝修擺設很好，細看餐牌我想點一個紅酒燴牛尾，但呢個紅酒燴牛尾係配藜麥飯，我問店員可唔可以改白飯，她說話唔可以，咁我就想改叫一個去骨牛尾，但是佢係配意大利飯，我又問個店員可以改其他嗎？她又說唔可以！咁我就改選一個雜扒餐，我先生同個女就叫咗牛柳餐，另外我再加多凱撒沙律和一個蕃茄湯。等咗一會有一壺橄欖油黑醋同一塊麵包上枱，跟著凱撒沙律，沙律比我想像中差，出面一般經已撈好曬有曬麵包醬汁喺個沙律上面，唔需要自己再多功夫！跟著就係我個雜扒餐到，但個蕃茄湯都仲未見蹤影，然後我先生同個女個牛柳餐都上枱，嗰位店員俾咗一把牛扒刀我哋，我就用牛扒刀切個雜扒！我冇預期到個雜扒質素咁差！我個先生同個女個牛柳亦都一樣極差！大家都要好費力先可以切開啲牛扒！其實個價錢都唔算平但係啲食物質素真係唔係我預期之中！到我三人餐上曬枱之後個蕃茄湯才到，完全唔似蕃茄湯！啲扒想改黑椒汁無黑椒汁！基本上間餐廳你想要嘅嘢多數都係冇！絕對係令人失望！所以呢間餐廳都係幫襯一次就夠啦！

🌹週日微雨天行完山，落車處是筲箕灣，計鬥是搭地鐵到銅鑼灣吃午餐，突然想起最近刷到有網友分享附近有一間餐廳，地點非常就腳，在馬路旁的《The Starred》，抱住入內先看環境再決定，一開門看了一圈，決定坐下。😂😂🌹餐廳佈置令我留步，紅色作主調，配上復古的餐檯、椅子、吊燈、木系窗框、輕紗窗簾，整個佈局令人覺得去了古時的英國，雖是小店，但很有心思，加上服務員有禮的招呼，值得一讚！🍴餐飲方面，餐牌是紙一張，列出多款午餐，要豐富可加錢，享用餐湯、麵包、飲品等….我們點了兩個鐵板餐，+20餐湯&麵包。雜扒鐵扒餐$140牛、豬、雞、腸、煙肉，份量大得驚人，質素70/100，汁液不夠雜菜湯一般洋蔥牛肉湯一般餐包方包一塊，硬餐廳環境勝食物，給好評是店舖的裝飾

大隻仔今次覓食嘅店舖就係💥 the starred 💥大隻仔今日經過筲箕灣 the starred 餐廳門口，見到好多人企喺度望住個餐牌，八卦望一望，估唔到咁平嘅價錢可以有咁靚嘅環境，未俾錢離開之前真係唔敢相信。老闆娘仲要好好禮貌同服務，大隻仔因為果日忙到冇時間食lunch，入到去問老闆娘下午茶 份量會唔會好細碟，老闆娘同我講佢自己食半碟都食唔曬，大隻仔懷着半信半疑既然心態，打算先叫一份下午茶，唔夠飽再叫多一份，估唔到下午茶既份量係正常lunch份量一樣咁多。⋯⋯⋯⋯⋯⋯⋯⋯⋯⋯⋯⋯⋯⋯5⭐️ 超班3⭐️ 一般1⭐️ 差味道 ⭐️⭐️⭐️⭐️抵食 ⭐️⭐️⭐️⭐️⭐️服務 ⭐️⭐️⭐️⭐️⭐️環境 ⭐️⭐️⭐️⭐️⭐️⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯🔥迷迭香蒜蓉燴美國去骨豬扒配紅糙米飯$35（另加一服務費）食物嚟到大隻仔忍唔住笑咗出嚟，估唔到個飯砌成心心型❤️❤️另外估唔到碟迷迭香豬扒份量有咁多，目測都有9至10件。食一啖豬扒，唔乾柴仲要軟林林，迷迭香蒜蓉汁好好味，配上紅糙米飯夠晒健康。因為大隻仔最近要減體脂好少出街食飯叫飲品，盡量都飲水，大家可以加$10配餐湯或者飲品，詳情大隻仔share埋完整下午茶餐單，大家可以參考下。我

西瓜與貓難得過海到筲箕灣大玩具店朝聖，企左成個下午需要醫肚。尋找晚飯路上，被餐廳裝修吸引，心諗甘似fine dining，荷包準備好。再睇Menu...價錢以港島區計系偏親民，openrice 居然甘少comment，大多寫牛有concern，甘就改食雜扒吧，貓當然食魚，就Giant Grouper，湯同沙律冇乜興趣所以冇叫侍應可能太新，唔清楚魚本身配少量薯角番茄同兩隻秋葵，魚合格唔腥，但唔糸我想既味道，擺盤零分。青胡椒汁太少，汁掂唔到鐵板好少咋咋聲，唔制呀！！！！西冷好大塊，但根位有D難切，手軟，豬扒有D乾同瘦，雞扒偏瘦，加塊煙肉兵加腸配薯角番茄秋葵，完全對得住價錢。巴斯克焦香芝士蛋糕怕唔好食，所以先叫一件好食再叫，但最後好明顯兩件糸唔同蛋糕切出來，蛋糕糸好食，但兩件size同texture都唔同，味道有少少分別，想點？綜合裝修價錢食物，合格。我會再來食lunch同下午茶，性價比可以再高。

我嚟過呢間餐廳好多次，佢哋嘅下午茶水準超出我所想像，完全冇變，平時我食吉列魚柳根紅飯，今次我會試吓個湯意粉，希望唔好令我失望，雖然餐廳少少，但都有人情味，但最可惜就是他們的咖啡，水準麻麻又唔夠香，比較淡口一啲，如果咖啡豆可以改進就會好好多。

獎勵下自己，黎尼度真係嘆。裝修靚，坐得舒服，服務好，有禮貌，連個廁所都靚，白雪雪甘。頭盤先黎個凱撒沙律，飲個紫薯忌廉，食個自家製的紫芯蕃薯麵包。我甘食得，未食主菜已經飽左一半。主菜我點了煎三文魚，甜品以紐約芝士餅作完美句號。

3號風球來試一試這間裝修十分漂亮的餐廳。可能天氣關係，餐廳內很少顧客，侍應友善地帶位。除了歐洲色彩濃厚的裝修外更有很多假花植物裝飾。播着古典音樂襯托環境，讓我脫離了去筲箕灣買餸的盤算。這不是平常隨便在街上就有的物超所值之酒店級享受。值得欣賞

見佢門口裝修好似好靚咁，於是就試下佢，不過食物質素可能仲差過茶餐廳嘅快餐。。。叫個吉列魚柳意大利麵，魚柳有雪味都算，可能我眼盲，落單嘅時候見唔到用紅汁配魚柳。。。都算，啲汁稀到碗湯咁，魚柳俾佢浸腍晒，完全唔知自己食咗啲咩仲要價錢一啲都唔平唔會再去

伏伏伏伏伏呢間餐廳裝修好靚職員整齊嘅制服親切嘅笑容華麗嘅裝修我以為今次應該有好嘢食點知原來係惡夢嘅開始😨因為我一直都冇幫襯過諗住試吓啦我開頭以為自己叫錯點知睇返食評先知甘伏既 甘多人中招首先價錢唔成正比 午餐貴過銅鑼灣尖沙咀整出嚟啲肉感覺似湯渣微波爐翻熱又硬又乾 一陣怪味完全冇買上一pet嘢 嘔吐物味道怪怪的唔知擺咗幾耐麵包都係普普通通正常可能係嗰餐湯凍檸茶又係怪味基本上冇一樣嘢係正常呀基本上呢間餐廳唔會有下次難得佢可以係呢區 生存到咁耐佩服

伏伏伏伏伏裝修好靚仔, 賣相好有睇頭,餐廳職員亦擁有誠意嘅眼神,整齊嘅制服,友善嘅笑容,種種跡象我哋都以為今晚好滿足...一切惡夢嘅開始淨係取決於佢一樣嘢，唔係唔好食，而係好難食，我叫嘅牛柳同煲完翻煲56次嘅湯渣冇乜分別， 我食咗兩小塊，原封不動畀返佢，我大膽擔保大家樂大快活最cheap嘅扒都一定好味過佢 一至兩倍，最後我問過服務員呢度開咗幾耐，佢好難堪咁樣同我講～三年，最後畀錢嘅時候佢問返我係咪唔啱食，我都好禮貌咁樣回應佢，你地牛扒其實係唔係咁啱人食，佢話都見到塊牛扒熟曬，我話畀佢聽我係叫咗五成熟，我估佢哋搞錯咗係杯蘋果汁，因為嗰杯蘋果汁得五成滿，來嘅時候已經冇咗一半，而佢哋用嘅杯仲要係細罐可樂size。我哋叫咗一塊牛扒一塊豬扒埋單三百幾蚊，三百幾蚊我可以忍，但係久違嘅晚市第一餐咁樣去侮辱我就唔得，喺呢度我同嗰個廚&老闆奉上一句： 唔好再害我哋d老百姓，唔該

行完山勁攰又勁肚餓，落車隨便搵咗間餐廳就入去食，一入到去俾佢嘅裝修驚訝到😍復古歐陸風設計，好多盞好靚嘅水晶吊燈✨幾適合打卡📸食物方面，老公叫嘅慢煮牛面珠墩肉不錯，賣相幾靚仔，牛面肉幾林、入味👍🏻 我果個迷迭香蒜蓉燴豬梅肉就爭d，乾左d同埋調味重手左😆