蒸廬 (Plaza88)

Open Now

Now Closed

過年前開業，疫情下外賣嘗試一下。兩個人叫了燒賣、蝦餃、牛柏葉、士多啤梨蝦多士、魚肉韭菜餅、同埋抹茶叉燒包。本來仲諗住份量唔夠食，點知燒賣蝦餃超大粒，牛柏葉都好多件，因為點心比較漏，其實店家可以考慮一下份量細啲，價錢降低少少，應該會更適合香港人小家庭嘅份量同埋口味。🧡燒賣同蝦餃：肉同蝦嘅餡料的確好多，但係因為份量太多，蝦餃皮又太厚，食咗一粒已經好濟😵‍💫。🤎牛柏葉：分量多，比較大件，雖然唔un, 但係都要咬好耐，難消化。醬汁味道還好，偏淡。💗士多啤梨蝦多士、韭菜魚肉餅：蝦多士嘅肉部份太多，比例唔係好啱，醬汁酸酸甜甜，有驚喜。韭菜餅的韭菜味完全食唔到，魚肉反而OK冇碎骨同埋腥味，煎得夠乾身同埋脆，點泰式甜酸醬配搭不錯。💚最後亦都係最推介🌟抹茶叉燒包：其實講真抹茶味冇乜，但超欣賞佢個皮好薄好薄，亦都好軟身，叉燒餡味道非常之合適，叉燒粒亦都大細均稱，咬落去完全是流心的效果。總括而言，令我地會回頭嘅可能就係➡️➡️抹茶留心叉燒包。

廬・二人套餐（$238）花膠蟲草花栗子燉土雞湯，好熱，好大盅，湯料足，湯水好清帶有淡淡甜味。黨蔘天麻川芎燉魚頭湯，呢款清得嚟味道濃，魚頭燉到骨都化哂，飲到底味道更濃郁。金銀蒜芋絲臘腸排骨荷葉蒸飯，一上枱好香芋頭味，份量比預期中大，除咗臘腸排骨，更配以不少蔬菜，飯底蒸得好乾身。蟹籽燒賣皇，比坊間大粒，入面嘅肥豬肉份量亦比坊間少。晶瑩蝦餃皇，同樣大大粒，皮薄，餡足。XO秘醬蒸鳳爪，味道正常。香芋紫米露，勁多紫米，味道正常。呢個套餐，樣樣都大大份，又足料，其實三個人都夠食。而且全部都熱辣辣，即叫即蒸，我好欣賞。

今早市區8度之低溫、疫情肆虐，加上天陰陰，心情真的很一般，只想再附近填飽個肚、飲杯熱茶，為自己充個電。大家都要注意保暖！今年1月頭在荃灣分店的蒸廬，發源地在石門，以賣蒸飯起家，之後再加入點心和燉湯，成為今日這間樣樣皆精食店。即叫即蒸，每天由師傅手工製作。食物款式特別、有諗頭又製作用心，個人當然覺得好味過嗰啲大財團無限間分店的點心la！以QR Code落單，而且要留意當日的特別菜色，隨時有餐牌以外的選擇！蒸廬拼美點 (9件) $60良心拼盤，擺的款式cover到一般人想食的點心，人少少食不能叫多樣款式的，叫一盤滿足曬1️⃣燒賣 - 大推👍🏼大粒之餘仲好足料！可以食到粒粒雞肉，同埋大大粒蝦！最多人鍾意食的燒賣竟然有2粒物使爭，太知食客的心2️⃣抹茶流心叉燒包 - 餡料份量足，包食到有抹茶味道，但叉燒同抹茶兩者未算好夾，但幾特別3️⃣羽衣甘藍素粉粿 (更正!)- 見其他人食評這個拼盤是白色皮粉粿，唔知點解我又係羽衣甘藍😝，話說我另外叫咗一籠，所以總共4隻…好多🙂 呀，不過好好味！冇芫荽，淨係有羽衣味其他幾款每樣都有水準，呢個價錢唔會失望😋宇治抹茶豆沙餅 (大點) 3件$26抹茶和紅豆呢個perfect

由於樣樣都想試 但又得兩個人見到枱墊有個拼盤既物體 就有燒賣兩粒 👍🏿蝦餃 👍🏿薑汁紅色既糕 🙌🏻馬蹄糕 👍🏿抹茶皮既差燒包 🙌🏻粉粿 🙌🏻豆苗加蝦既餃 👍🏿馬拉糕🙌🏻）就決定各要左一個點心拼盤（每籠9件）再加多個蝦多士好飽肚好好味新鮮熱辣 同埋食左好多蝦落肚原本以為蝦多士加士多啤梨醬會唔夾點知食落又好好食喎 （無收錢但我地太細胃喇最後食剩左幾件最後一定要提個女服務員（長頭髮既，可能係老細）好好人好好態度唯一唔好處既就係餐廳好似有啲偏遠但會再有下次希望下次試到個湯

《蒸廬》荃灣自從蒸廬開左喺荃灣之後，我一直好想去，但每次門口都勁多人等緊🥲早前某一個星期六，目標唔係佢既時候但意外地無咩人，立即9秒9衝入去😂😂😂因為二人限聚令既關係，我地可以有卡位可以坐👫舖頭用QR Code 落單，望住個mon 樣樣都想食，聽聞佢地既蒸飯係特別出色，所以用佢做膽叫多幾籠點心😚咁一定夠食＜南瓜鳳爪排骨荷葉蒸飯＞$50真心好好食💛粒粒飯不會太軟，排骨不會太肥，小小南瓜粒加3隻鳳爪，食到落底都唔會好油，超愛💖下次可以試下其他蒸飯系列＜晶瑩蝦餃皇＞$34真係蝦餃皇🦐粒粒都好大，入面有好多蝦肉，豬肉比例少🤤蝦肉夠爽身，口感好好＜韭菜黃金魚餅＞$30超厚身既魚肉🤭炸得好脆，高於期望一碟三大件，送餐時已經幫忙一開二左可以的話我自己應該都可以K.O到一碟😅⚜＜抹茶流心义燒包＞$26⚜估唔到原來都幾夾，首先要講佢個餡料。。係超正🤤义燒不肥而有勁多，醬汁是靈魂，佢個醬好好食而且真係流心，唔會漿住😚個包真係食到陣陣抹茶香味，不能不點系列🎊＜鮑菇蟲草棉花雞＞$30這個相對中規中矩😄但份量比較多，但我自己本身唔太喜歡食棉花雞，所以。。自己去試下🤭※茶費：$4 /人※加水速度快過搭港鐵※召喚侍

不便外出吃早餐，唯有買點心回家，作為星期日早上開心大早餐。本來以為外賣點心，一定冇咁好食，點知…返到屋企仲熱辣辣，與現場食差唔多。佢哋嘅燒賣，豆苗餃，熱辣辣好好食，足料，馬拉糕嘅味道，與傳統做法好似，好好味，甜度適中，棉花雞有好多肉，棉花亂畫，鳳爪及煎腸粉就味道一般，特別一提，佢哋嘅士多啤梨蝦多士，超級好味，連我家大廚都讚不絕口 ! 叫了外賣，只要等20分鐘，就可以提取外賣，非常方便。而店員都係一班年青人，殷勤有禮。當日見到堂食也有不少人，似乎由沙田開到荃灣，都有佢嘅客路。一定會再次幫襯 ！加油！

15-1-2022 (Sat)同老公嚟呢喥食早餐時(食評1月16日刊登嘅呢篇: https://www.openrice.com/zh/hongkong/review/yeah-%E8%89%AF%E5%BF%83%E9%A3%9F%E8%82%86%E5%8F%96%E5%83%B9%E5%85%AC%E9%81%93-e4304751)預訂咗兩個年糕,喺28-1-2022 (Fri)攞,攞到手時,感覺暖暖地,係當日新鮮做起嘅?真係好.到1-2-2022 (Tue)大年初一,我先食$168.00嘅奶黃年糕,一剪開膠袋,奶黃嘅香味已經湧出嚟,而佢好油,佢嘅油係一層唔係只係嚟糕身,原來係俾客人切開個糕後,反轉就好輕易倒出嚟,好貼心.我哋呢轉係煎先,唔使落油都唔黐鑊,不過個鑊當然唔可以太熱,否則燶晒都唔熟.煎好食得,外脆內軟,有我至愛奶黃味但又唔會太甜,好味.味道:4.5分$138.00嘅瑤柱臘味蘿蔔糕就嚟年初二食,我就將佢同奶黃年糕分開煎同蒸,打開瑤柱臘味蘿蔔糕包裝,同樣係有油,亦同樣係咁切開後好易倒出嚟,咁分開一啲煎一啲蒸,老公嚟煎嘅時候,發覺瑤柱臘味蘿蔔糕好易散,係因為唔夠粉?兩碟都

At a time when most people host small Chinese New Year gatherings at their homes due to potential Omicron scare, good and reliable takeaway sources become increasingly important. I discovered last year (2021) that the Steam Hut sells great and reasonably-priced Chinese new year turnip cakes, water chestnut cakes and custard cakes and it has been my go-to source for 2 years in a row. My family loves these cakes during family gatherings. We are definitely fans now and have even subscribed all soc

噚 日(15-1-2022  Sat)同老公買餸前食個早午餐,我記得呢喥有間蒸廬,而且好似有年糕訂,於是走嚟,我哋嚟到攞飛,要等4張枱,喺等位嘅時候,我見到老闆同員工見到門口有灘水,佢哋就拖乾同擺個”小心地滑”牌,呢啲唔係物業管理公司做嘅咩?佢哋好有善心.而我哋為咗縮短等嘢食嘅時間同令佢哋返枱快啲,就喺等嘅時候睇定食咩嘢同訂年糕,我訂咗$138.00嘅瑤柱臘味蘿蔔糕同$168.00嘅奶黃年糕各一,喺28-1-2022(Fri)攞.由頭到尾,我哋等咗11分鐘就有位,我哋再仔細啲睇menu,最後決定要:2. $33.00頂點嘅士多啤梨蝦多士一客三件,喺蝦多士上淋士多啤梨醬,每件都有一隻蝦,口感正常冇問題,而士多啤梨醬味道唔太濃.味道:3.5分1. $21.00中點嘅魚湯蟲草花鮮竹卷好耐冇食喇,呢個魚湯幾好飲,似飲到奶味;鮮竹卷唔油膩,味道清淡.味道:4分7. $56.00嘅是日燉D~印度椰子合桃腰果燉上肉雖然呢樣係第三個到,但我哋要食到七七八八至飲,已經攤暖咗.見佢都好足料,飲落味道好淡,唔敢落鹽?唔怪得枱上有樽鹽喺喥,自己加返啲就好啲.味道:1.5分6. $60.00嘅蒸廬拼美點呢個要看

8/1/2022 早上9點左右到達，當時入座疏落，我還滿心歡喜。我們9:12落單，叫左「蒸廬拼美點9 件」2set及一籠蝦餃。等左大約廿分鐘，都未有野食到，心諗：即叫即蒸，係需要一啲時間嘅。再等多十分鐘，即大約等左半小時，我左顧右盼，發現其他客人都在吃點心了，就叫職員跟一跟單。但職員只是支吾其詞，問廚房B2枱嘅點心如何？然後職員繼續樓面工作。再等多十分鐘，我再問同一職員，仍然比唔到答案我，問了問廚房，然後跟我說：「如果你哋唔想等，就幫你cancel張單啦！」既然職員已出此言，我們唯有立馬立起身離座，帶着饑餓的肚子揚長而去。等左40-45分鐘，其實如果職員大方咁話：「唔好意思呀！廚房漏左單，馬上蒸比你。」我一定會繼續等。但既然職員開到聲，此地也不宜久留吧！我在等候期間，廚房係不斷出緊一盒盒嘅外賣！客人又唔係多，咁到底我哋嘅食物去左邊？