貴族蛋糕

Open Now

Now Closed

這間餅店的曲奇餅吃過好幾次了,味道也很不錯,雖然我喜歡吃jenny cookies 多些,但囡囡又覺得這兒的較好吃,既然今天又去逛花店,順便買些曲奇餅回家款式真的很多,雖然有些看上去樣子差不多,但內裏的果仁不同,味道口感也不同,今天選了幾種口味:有合桃.夏威夷果仁.咖啡合桃.朱古力.朱古力果仁.杏仁.車厘.芝蔴果仁和腰果,曲奇本身幾香脆,沒有太重牛油味,食落不會覺得太油膩,也不太容易碎裂,再混上每種香脆果仁獨特的味道,真係幾好食今天見到曲奇餅旁邊有一小籃子菠蘿蛋糕,,每件五元,買五送一,我沒有嚐過此店的蛋糕類,心想買一件試下好唔好食,點知回家吃了一口,有些後悔,因為實在好好味蛋糕鬆軟有蛋味,重有一陣菠蘿的清香味,加埋那片薄薄的菠蘿片,真係有驚喜點解剛才唔買多些等老公同囡囡可以先試為快,唯有遲些再讓你們補試吧=.=

買左3隻曲奇 / 餅薑味何首烏曲奇 $31/半磅 << 完全食唔出有任何薑味 / 中藥味朱古力唧花曲奇 $31/半磅 << 好食! 中間粒唧花朱古力夠厚夠濃味朱古力脆餅 $10/8條 << 都好食! 但好似食左陣風落肚咁... 一放入口就溶 但朱古力又夠濃今次買呢幾隻曲奇好壞參半 下次再試埋其他

當日去咗花園街買花，買完之後見到呢間有Cheese cake，便試試，$20一個，幾平~我將個cheese cake切開咗8份，拎咗一份黎食，食第一口，嘩！D 芝士味好濃，又有本身蛋糕嘅香味，超好食呀!!! 食下食下，我就食咗成本個~呢度嘅芝士蛋糕真係好好食~ 極力推薦

難得行過附近,都會心思思「順便」行過來嗅一嗅曲奇氣味。當發現有新口味時,更要每樣執D才安樂!上次評過一點點,今次想講,新口味─首烏薑、紅莓薑、朱古力夾心、燕麥曲奇。首烏薑,雖然不太清楚首烏是什麼味,不過味道卻在首烏洗頭水裡似曾相識。係有些少「中葯」味,薑味也是幻有幻無,都幾特別,其實主要它的曲奇質素好,首烏+薑,未嘗是「健康」之選。紅莓薑,不喜歡它用西式浸糖水薑,就是糖薑味與酸紅莓,形成中和作用,不過不失啦。朱古力夾心,有原味曲奇和朱古力曲奇兩款,兩者都是朱古力漿夾心。味道反而原味曲奇比朱古力曲奇甜!而且原味的餅質實D。古力漿是dark choco。我給朱古力夾心滿分!!!燕麥曲奇,簡直是100%燕麥堆成的餅干!加埋曲奇的烘焗,令燕麥味更甘香!然後再試埋曲奇餅皮的撻!椰汁蛋白撻,椰子味幾出,有點像又腍又滑版的椰汁糕。蛋撻,蛋味不夠濃。椰撻,沒吃,不知道。整體以為佢曲奇餅整得好,估唔到曲奇餅撻皮竟是實了一點。還是吃曲奇餅最出色。名叫「貴族旦糕」,蛋糕會是下次target!

這個蛋糕是生日翌日吃到的在台灣的好友偷偷的訂了這個蛋糕, 看到的時候很驚喜~!barbie的裙子是一個三磅的蛋糕, 光是用看的就已經值得力讚他們. 本來想說這麼漂亮的蛋糕應該都不會好吃到那裡去但其實這個蛋糕是好吃的有一般蛋糕的綿密跟香氣, 芒果有甜,奶油也不會摻太多說很好吃是比不上但在我心目中已合格有餘了唯一覺得奇怪的是蛋糕的上半是芒果蛋糕, 下面是黑森林...如果蛋糕能統一就好了由衷的謝謝他, 為我的一連串生日慶祝活動劃下完美的句號

已是第3次來買旦糕,全因我覺得最好食既係它有好香既旦味及好香既CREAM味. 不過唔平架 $150 /lb 1 . 要彈既地方係朱古力cake係完全無chocolate味既.2. fruit cake- fruit 一d都唔多.要讚的是cream好小,arm曬健康既你.

這家老字號的西餅蛋糕曲奇店，以各款曲奇和立體造型蛋糕馳名，在太子道已經開業多年。這天路過，順道在這店買些曲奇和菠蘿蛋糕回家吃。這裡的菠蘿蛋糕賣相特別，香甜鬆軟的小蛋糕上有一小塊乾菠蘿片，與蛋糕一起吃，可感到有一股真正的菠蘿味道。至於這裡的曲奇，其實有不同的款式，這次買了四款，包括紅莓、朱古力曲奇等，還有一款心形的杏仁曲奇，味道都不錯，不會太甜。牛油味和朱古力味夠濃，咬落也甚為鬆脆。這家老店的曲奇雖然不能算是最好的，不過都算做得不錯了。

2010年3月14日 ( 6-1 ) 太子 ( 貴族蛋糕 - 1 ) 午餐 日程：( 貴族蛋糕 - 味皇餐廳 - 大記攦粉 - 大家樂 - 東海堂 - 爭鮮 )朋友說：太子有間曲奇餅店，它的曲奇很好吃。但忘記了名稱，卻說在太子餐廳附近，今早，我倆去到太子餐廳附近尋找，不過，很快的就找到了，應該就是{ 貴族蛋糕 }是也！曲奇售價每磅62元，我倆選購了5款曲奇，芝麻夏威夷曲奇、合桃曲奇、麥皮曲奇、腰果曲奇及咖啡合桃。餅底不夠Jenny鬆脆、而味道勝Jenny，特別是，這裡的果仁夠大粒又香脆。我最愛吃的是芝麻夏威夷曲奇及合桃曲奇。

雙星之喜大日子,女友為我與C,準備了一個三磅重的生日蛋糕.外形是紅酒樽,代表著酒之達人C,"樽"面寫上小弟擁護球會的名字.正正代表著我對追隨球會的忠誠.簡單的賣相,已經能夠代表著我倆.一直不為意這間在太子的蛋糕店,原來也是一間;老牌名店.聽女友講,此店同粉嶺的"整餅人"一樣,又是什麼古靈精怪蛋糕都可整出來,只要交出設計藍本便可.三天便可起貨.酒紅色的樽身,1878的Everton,包著濃厚的黑森林蛋糕,朱古力味香濃,糕身濕潤,忌廉味道不是卡拉OK的免費蛋糕可比,感覺較為實在,而且入口香滑.伴著蛋糕的士多啤梨,芒果,鮮甜多汁,很新鮮.結果一個三磅蛋糕,最後還是交由星爺平均攤分,前文已說他的刀功一流,什麼XYZ也要行埋一邊,最後,這個"酒紅色拖肥糖",輕易地給三十人掃清.看得又吃得固然大家開心,但女友的一番心意,是無價的,謝謝.

之前有個朋友send咗條link比我, 話睇到呢間嘢啲餅好正, 睇咗食評好多人好好味, 有啲話住附近好多年, 成日食, 又話好食過 "Jexxy" 嘅曲奇...好啦, 20/3 (Sat) 去開太子花園行, 咪同BF去買嚟試囉, $62/lb or $31/0.5lb, 諗住買1lb㗎, 分啲比同事食都好, 好彩...後來諗吓試咗先就要半磅, 叫姐姐每樣要啲, 佢話半磅每樣要啲只能每樣得一塊, ok啦, 志在試吓啫買完滿心歡喜拆開包裝嚟食, 嘩....出事啦!!!!! 好似小時候細細個在舊式差差餅店賣嗰啲一舊粉嘅曲奇, 食完個口只得粉, 牛油曲奇? 點解冇牛油味嘅, 健康曲奇?? 嗰啲寫食評嘅人, 係咪槍手? 定係我唔like食粉嘅曲奇...我真係唔明其他食客的感覺佢仲有啲立體蛋糕, 要成$170/lb, 仲諗住訂個比姨甥女生日, 而家唔洗諗啦, 對佢都冇乜信心

菠蘿蛋糕 $5一個,買5送1蛋糕鬆軟,有蛋味面層仲有一塊薄薄既菠蘿片雖然已經係冇晒水份不過同蛋糕一齊食,味道又出奇到夾雖然包裝上的確係幾唔環保每個蛋糕仔佢都會用錫紙托+膠袋仔包住但可見幾蚊個蛋糕,用料都唔會馬虎

太好食......實在停不了口曲奇蛋香濃郁, 牛油味香濃不膩(實際上還是很肥膩,用紙巾能印出油來....)配料的朱古力有朱古力味、薑有薑味、紅莓有紅莓味(而且毫不吝惜的每塊都有兩、三粒以上)短期內都不會再去,因為實在一食就忍唔到口

朋友生日, 少不了一個蛋糕. 而是日的兩位壽星的蛋糕. 由我同另一個朋友商量對策後, 決定了3D蛋糕的design, 去邊度揀, 就由阿Jay發版. 結果出現了這個愛華頓的紅酒瓶. 3磅重的蛋糕, 由阿Jay一個女仔由太子拿到中環, 真的辛苦啊, 但辛苦, 總是幸福的. 蛋糕, 是黑森林蛋糕, 再加上一些雜果相伴. 我雖只吃了幾口. 但都感覺到呢個蛋糕, 的確是非同凡響. 味道充滿蛋味, 朱古力味不太重, 但一反尋常, 裡面cream果一層, 夾的是芒果. 不是老是朱古力, 老是搞到個蛋糕出哂苦味. 只是一口, 評語只有這麼多. 在此再祝 Chirs and Patrick, 生日快樂. 再祝, 前者同阿嫂甜甜密密, 後者同阿嫂就囍事快來.

久休復出, 第一篇寫的, 是數天前生日局的蛋糕.為了男友及食友的生日, 想訂一個比較特別的蛋糕, 於是四出搜尋, 很多名氣大的餅店如 tony wong, 帝苑, mismosa 等都已一一試過, 索性構思二人的喜好: 球隊與紅酒作為設計藍本. 原本找來網上做3D蛋糕很出色的兩家餅店, 奈何一家因地點太遠而放棄, 另一家又巧遇農曆年假收爐至十五遲遲未能聯絡上. 一時間, 想起這個老牌子: 貴族蛋糕, 致電查詢時說三天可起貨. 於是星期六一放工馬上帶著設計圖片前往.老店果然是老店, 門外的3D蛋糕相片多得可當牆紙貼, 當我問老闆娘有關我的設計圖是否可做到要求時, 就叫我....."等等, 而家師傅好忙 !" , 一副沒笑容的臉, 感覺不太友善. 結果我就企足15分鐘, 這段時間, 看了很多本電話簿厚的蛋糕照片, 而且看見店內3個雪櫃都放滿了不同類型的 3D蛋糕, 有卡通人物, Q版人形,ETC...一會之間, 已有4 位人客來取蛋糕! 流量很高呢.最後師傅出來, 瞄了一會後, 說不能做 , 太複雜!!. 我就覺得是他們生意太好, 唔休做而已. 唉, 失望地, 只好作出一次又一次的修改,

係太子附近食完lunch就行下街shopping下咁，由於媽咪又想換下屋企D花，所以我地行左一陣又行返去花市個度睇下有無咩花買。行下行下都行左幾耐，之後買完走既時候經過呢間貴族蛋糕又忍唔住行下望下有咩買。其實我之前去CHURCH經過時都幫襯過一兩次，食過下d蛋撻蛋糕都ok既。不過D姐姐仔服務就麻麻，唔知係咪因為我買得少呢，所以好似無咩禮貌咁。我今日買左件菠蘿蛋糕食，其實呢隻蛋糕我之前已食過一次覺得幾好，所以今日又買件黎食下。上次食係熱辣辣新鮮出爐，今次唔係，不過佢好好都係微熱的，我覺得佢最好係呢樣野。因為蛋糕麵包都係熱辣辣好食。個蛋糕係落好鬆軟，有好香既蛋味，不過其實唔係好大個。蛋糕菠蘿味唔算好濃，佢得意在有一片薄薄既菠蘿舖左係面，個菠蘿係乾身抽乾哂D水份的，咬落去好香好甜，所以我覺得呢款蛋糕幾好食。我之前食過佢個蛋撻都OK，唔算難食，同埋最好就係佢D野真係夠熱，所以下次經過又口痕時都會幫襯的。=)