The Yell-Owl Seafood And Grill (Closed)

Leading by my friend to this cafe, and realised that it’s the 2nd branch in YL bcoz its Lobster All Day Breakfast is renowned in Kowloon City branch.We walked-in the cafe around 9:45am, there was not many customers and we are not needed to queue up for the table.We ordered 1 veggie all day breakfast & 1 ciabatta, the food portion is fair enough and all of them are delicious especially the ciabatta.

見有人介紹呢間鋪喺會開喺元朗，想試龍蝦all day breakfast （勁鐘意食龍蝦）同埋紐西蘭鑽石蜆（但唔見menu 有唔知係咪夜晚先有），但諗住會勁多人要等好耐，所以遲遲未黎….點知今日星期日去都無full house唔使排隊…..不過我成3點幾先到，可能過左個peak hour….環境唔錯，坐得舒服唔迫同乾淨，唔會播d好嘈既音樂。龍蝦all day breakfast：主角龍蝦肉都ok 唔梅肉實淨，同應有用唔知牛油定咩油煎過好香，唔係平時凍龍蝦白灼無味咁最估唔到係個牛油果多士，比想像中好味。topping 唔少，個包低好脆反而個egg benedict 個餅底少少似pancake 咁，唔知係咪最後先食凍左（定特登既口感？）有d un，相比牛油果多士個包既脆口，無咁好食，但佢都比足料有三文魚同流心旦。連d粟米都應用唔知牛油定咩油炒過好香。個大黑菇都好食，個人覺得算比較有heart 既all day breakfast虎蝦蟹肉沙律：我老公食既，佢話蟹肉都唔少，蝦都唔細隻有兩隻，同都好香有用唔唔知咩油煎過。overall 都好味。仲有個湯連牛角包應係個沙律餐包既，個湯似椰菜花加薯仔

之前一直想去九龍城試嘅鋪頭竟然開咗喺元朗🤩 假日訓醒就同堂細佬去嘆個ALLDAY🤪正！呢間嘅ALLDAY被譽為#全日早餐界的最強皇者 最強皇者 ，今次試咗，份量十足、味道就正正常常✌🏻 我反而好欣賞佢哋可以自選配料，車仔式All Day Breakfast ，可以自由揀心水配料，啱晒我～💰Super Owl Set $228可以揀全隻龍蝦或者半隻，半隻會平$100🤑 價錢唔平但非常足料，原隻龍蝦啖啖肉，仲有香濃蝦膏🦞 而且仲有蟹肉多士同Egg Benedict，兩個人食都得～ 雖然弟弟一個人都食得哂🤪 💰Owl Set $118平時食一份Egg Benedict都要成舊水，今次有埋咁多配料，又幾抵😋不過咖啡就差小小啦，唔多滑～📍The Yell-Owl Seafood And Grill地址︰元朗泰利街1-29號大興大廈地下6-7號舖

我一星期前打電話去問餐廳可唔可以坐8個人。佢哋話可以，不過係兩張枱拍埋一齊，中間用隔板分開。咁樣安排我哋覺得OK所以就book咗8位。去到食飯當晚準時去到拎枱。但餐廳話冇兩張枱拍埋一齊，因為留咗俾人，要我哋分開坐。我哋話當時係佢哋答應可以安排一齊坐我哋先book。佢哋話點安排係佢哋決定，而且有任何改動佢哋係唔會通知客人。如果我哋唔接受分開坐都冇辦法。我唔知book枱嚟做乜。

#Dinner #閨蜜。又係例牌星期五的女子組聚餐時間, 選了依間有龍蝦做 all day breakfast 嘅西餐廳食dinner , 聽聞依間西餐廳簿有名氣, 所以我提早兩星期已經book定四人檯, 但一入到去佢話無我嘅booking, 好在我有 cap圖, 而同事都好盡力幫忙, 最後還可以安排到。。食物方面, 沙律和餐湯一並送上, 依家好多餐廳只能二選一, 能兩款兼備實在難能可貴, 而且沙律菜非常新鮮, 餐湯溫度剛好, 讚呵頭盤海鮮好食, 香味和熟成度剛好, 其次係牛扒, 我叫五成但出嚟效果足七成, 好在肉質吾太韌, 還可以啦, 再落就係意粉, 好在細細碟, 如果吾係真係幾難食的晒咁多野, 最後是甜品和餐飲二選一, 本來我地一坐低已經 order 要四個芝士蛋糕, 但吾知點解最後只能留兩份給我們, 其他兩份要選餐飲, 其實我地係無所謂的, 但點解到了最最最最後先通知我們呢? 如果可以提早通知, 我地就可以邊飲邊食, 吾駛到臨尾一次過飲晒先走得。。🙈

話說有一日行街嘅時候經過依間小店， 見到連招紙都未剝落，但係入面已經好多人食緊，所以滿懷期望咁得閒走去試一次上網見到原來依間店係好出名龍蝦全日早餐嘅分店講返個環境先，小店座位非常失落唔會枱與枱之間非常之近，加上設計非常之新穎，係舒服嘅，如果咖啡店來講呢間小店喺冷巷入面都幾適合嚟chill下今次我哋就叫咗兩個午餐嚟食，下次再食龍蝦首先午餐係包一個西湯+1個牛角包加沙律菜，前菜嚟講叫好豐富，嗰餐湯都唔錯呢度個咖啡就算落咗奶都好苦澀，如果好似我咁麻麻哋鍾意飲苦既咖啡呢，建議叫latte cappuccino etc 等咗一陣間個漢堡包就嚟啦，漢堡嘅麵包皮係我哋鍾意食嗰隻唔會太過硬，入面塊漢堡非常之多肉汁，加上薯條嘅份量都正常個人認為呢個漢堡都幾好食同幾抵食！另一個叫咗個豬，呢個好容易係啲技術唔夠嘅餐廳會中伏幾好食喎入面好多肉汁！不過個人認為配菜就有進步空間啦，因為個番薯個人認為質感比較硬，如果焗多幾分鐘或者用返番薯條可能會比較容易控制👏總括嚟講，依間咖啡店環境優美食物質素幾好回頭率都非常之高，期待佢哋食物質素更加進步同穩定！

🔎The Yell-Owl Seafood And Grill (元朗)💛歡迎加盟元朗國 裝修都好舒服 會encore☺️🔹貓頭鷹全日餐 $118班尼迪蛋、英式豬肉腸、牛角包、大啡菇、扒蕃茄、煙肉、沙律、焗豆、牛油粟米All day嚟講最豐富嘅係有埋龍蝦🦞🤣不過我無試 講返呢款先Egg Benedict🥚🧇正常操作 不過有啲位偏咸 好似咬到啲鹽咁大啡菇唔錯 仲好juicy，牛油粟米出奇地好味 又甜又香牛油味🧈🌽其他都係正常，但牛角包唔掂 細得嚟好實 完全唔鬆軟🥐🥲🔹雙層芝士安格斯牛肉漢堡配薯條 $118Lunch set包埋餐湯沙律牛角包同飲品 轉其他咖啡+$10沙律醋有啲太酸、牛角包同樣唔掂、餐湯都ok薯條都幾好味 份量亦唔少，漢堡好大個 牛肉仲有啲肉汁 整體唔錯💬當時係試業第二日去食 差唔多食完佢地個爐都跪低埋😂希望之後會再順利啲啦📍元朗泰利街1-29號大興大廈地下6-7號舖🍴搵返相關地區👉🏻 #90sfoodieshare_元朗#食在元朗#我食在元朗你卻在大排檔

元朗剛剛新開嘅餐廳，在九龍城已開了第一間，出名食all day Breakfast，我是被佢個龍蝦all day breakfast 吸引而來的。星期六中午到達門口已有人排隊。我已訂位，所以我哋唔使等就入咗去，叫咗個超級貓頭鷹all day breakfast $228（全隻龍蝦）等咗好耐先上枱。先唔講佢好唔好食啦，我發現攞盤好求其，個egg benedict堆埋一舊，其他嘢食都係求其搭上去咁😓😓😓呢樣不是重點，最慘就係食完走咗之後，我發現網上嘅圖片同我個唔同，原來仲有2份牛油果蟹肉多士㗎😫😫😫比漏咗我😭😭😭天呀！😵😵😵點解我咁唔好彩㗎！所以話呢，係咪求其咗啲啊呢間餐廳😡😡😡咁係咪要怪我自己冇留意裏面包啲咩野食呢？😒😒😒咁元朗呢個師傅真係好有問題囉🙄🙄🙄大家來要睇吓有冇比漏嘢食了😑😑😑好傷心😢😢😢龍蝦是出色的，好多膏，爽口彈牙😋煙三文魚egg benedict也不錯👍🏻一份for 兩個女仔食也可以啊！剛剛好。

是日星期五晚上，餐廳新開數日，已經坐無虛席。好彩訂了位，如果唔係又要食閉門羹。今次光顧，是為了新張期內9月30日前，二人晚餐做緊特價$368，所以一試。其次是為了佢哋嘅招牌菜，全日早餐而來，可惜早餐晚上冇得食，唯有下次下午再嚟過啦。講返個二人晚餐，有南瓜湯兩碗，一碟沙律菜，一份熱嘅迷你海鮮拼盤，一份牛扒，一碟意粉，兩杯餐飲或甜品，兩個人食份量足夠。總結服務態度良好，食物質素不錯，可惜環境音樂過大，加埋人聲好嘈，位置隔涉，不是太就腳。試業期間，仲有好多改善嘅地方，例如音樂聲過大，南瓜湯賣晒要再煲，上主菜慢，海鮮拼盤冇帶子轉蜆又冇通知顧客，晚餐甜品賣晒只有餐飲，晚市只提供二人晚餐，一個人食要散叫，餐廳電話壞咗冇得直接訂位。期待下次，會變得更好，再試全日早餐。