泰式海南雞

Open Now

Now Closed

咁岩經過附近見係泰式海南雞飯，就諗住買份試下，老闆好好人仲話比多啲我，結果雞份量真係好多，飯份量都好多，可能因為我食量細，叫埋老公同我一齊食先食得哂，啲雞肉都算滑，我有時都會買其他海南雞飯外賣鋪，覺得呢間啲油飯比起出面其他鋪頭啲油飯仲香啲，同個味都濃啲，唔知係咪加左椰汁黎煮之類，個飯食落有啲甜味，好好入口，跟飯有三包醬料，個人唔中意落埋醬所以就無試，不過就算唔加醬都已經好夠味，如果飯有埋跟湯就更好了。

重新開，而家只係做外賣喺商場入邊，泰式海南雞外賣專門店，見人話好食，今日特登試，海南雞油飯-多飯，小食炸蝦餅同埋豬頸肉。🤪海南雞好滑，油飯好食，之前有人講過🐔郎個油飯好乾，沒有比較沒有傷害，今次試咗呢個，比較佢嗰個真係偏乾，呢個整得好好。豬頸肉老公話有啲似叉燒，但其實係好食嘅，而且佢唔係太肥，如果你鍾意食肥嘅就未必太啱心水，炸蝦餅夠彈牙又大大件，而且全部份量都唔少，嗰個豬頸肉食極都有，後尾留咗起碼一半，海南雞啲雞好夠好滿足，不過我鍾意飲湯，冇個湯就爭少少，一定會再有幫襯。🥰

金邊粉好似食淨咁， 得好少餸， 一隻半蝦， 真令人驚訝。d 海南雞又凍又鞋。。。 價錢又唔平民化以為小店會ok, 點知中曬伏， 只可以叫做兩餸canteen 質素， 唔好當去食泰國野

海南雞飯 💰70 ❤️‍🔥5/10分雞係嫩同有雞味但飯太硬，個豉油係生抽老抽味，唔夾海南雞，泰式醬亦唔酸，好怪🤦🏻‍♀️泰式炒金邊粉 💰70 ❤️‍🔥4.5/10分太濕太冧，味道唔係好泰式，得三隻蝦，唔知點解要加豆卜🫡芒果糯米飯 💰50 ❤️‍🔥7/10分就正正常常咁，椰漿有啲鹹味，少怪，而且可以溝稀翻啲〰⚜️三人食外送價💰190 ⚜️整體性價比 5/10分就咁叫個海南雞食會開心啲☺️

想食海南雞飯，咁啱經過見到呢間餐廳，就入去試下，叫咗兩個海南雞飯（$58碟)，好有驚喜。海南雞份量好多，雞肉無骨，好嫰滑，雞皮望落好油黃，一樣好滑，配上三色醬，好好食。三色醬嘅辣醬好香口，唔係死辣，加落雞度，令味道層次提升咗好多。唯一比較遜色係個飯偏乾同硬身，如果無咁乾身，會好食好多。海南雞飯配嘅湯都唔錯，唔會好味精，湯好濃胡椒味，滲出雞味，餐前飲會好開胃，每碗都有隻雞腳，軟硬度啱啱好，唔係煲湯煲到甩皮甩骨嗰種。晚餐可以加錢要杯飲品，我地加咗$10要泰式奶茶，可以選擇少冰少甜，就番自己口味，唔會 preset 咗唔比你揀。我地叫咗少冰少甜嘅泰茶，味道偏淡，但入口都滑身。見到其他枱嘅食客，係食小菜炒粉比較多，下次有機會試下。

-最近搞緊細妹小學派位啲嘢好忙🥵難得有時間可以全家去街食飯😩😩阿媽話想食泰國菜😎所以去咗千色廣場附近嘅🤩Thilaporn🤩-😋咖喱軟殼蟹配麵包磚🦀🍞 $138 +$30（咖喱$138加埋麵包就$168）一端上來已經聞到好香嘅咖喱味🥘咖喱同埋料多到滿瀉😤份量十足黄咖喱是所有咖喱中最柔和嘅💛其中加入了姜黄色澤呈黃色，口感濃郁微辣帶點椰香😜細妹都食到軟殼蟹炸得酥脆唔會話好油膩😝記得要加麵包磚🍞鬆軟嘅麵包點咖喱真係好正🍛好味指數：🌕🌕🌕🌕🌘😋薄餅三塊 （一開四） $30我哋仲嗌左薄餅用嚟點咖喱🍛薄餅煎到金黃色💛好香口🥘-😋海鮮冬陰功湯 $92個湯有蝦、青口、蟹柳、魷魚🦑同菇海鮮都新鮮嘅🫡蝦都幾彈牙飲落幾順口😋微辣帶點香茅同香料味不過個人覺得個湯偏酸😝整體都唔錯好味指數：🌕🌕🌕🌖🌑-😋炭燒豬頸肉 $89豬頸肉醃得夠入味😝醬汁酸酸地有點芫荽味幾開胃幫個豬頸肉加咗唔少分🫡不過如果個豬頸肉燒得再香啲咁就好啦😜好味指數：🌕🌕🌕🌖🌑-😋馬拉盞通菜 $55中規中矩嘅馬拉盞炒菜🤔冇咩特別🥺但因為細妹唔食辣如果辣少少嘅話應該幾好食🫡好味指數：🌕🌕🌕🌗🌑-😋海鮮菠蘿炒飯 $66菠蘿炒飯有蝦、魷魚、臘腸、蟹柳、雜

屋企人話食泰國菜當做節，咁就黎咗呢間泰式海南雞到買返屋企食。咁食泰國菜當然唔可以無咖哩啦，叫左個青咖哩豬頸肉，配埋薄餅。豬頸肉都算冧，青咖哩唔係話十分之辣，唔食得辣既人都可以食，薄餅成塊浸晒落去冇得輸，好好食。跟住仲有個香葉肉碎煎蛋飯，本身係白飯黎既，不過加5蚊可以轉做炒底。呢個就偏辣，而且有辣椒夾雜喺入面，所以唔建議唔食得辣既人食，但係隻蛋個邊煎得幾香口。最後當然唔少得串燒啦，叫左2豬2雞2牛，豬同牛都幾硬下，咬得好辛苦，雞就一般般但相對黎講都仲叫咬得入。

原本想食漁一 但係發覺去到實在太多人排隊！😞起碼要排半個鐘以上 所以就食其他記得友人講過呢間食過係唔錯嘅 去到見到冇人排隊 入面仲唔係好多人 震住咁行入去嘅😂有啲肚餓 就點左下面呢啲嘢食 見到隔離枱嗰個阿哥仔點呢個燒魷魚🦑 好似好好味喎！我又跟隊點一隻先！鍾意食魷魚嘅我梗係覺得好好食啦！ 有啲燒焦味 又唔會太韌～好食（配啤酒👍🏼👍🏼👍🏼）呢個泰式炒通菜 友人覺得好味 啱佢食 因為其實出街呢啲炒菜係比較有鑊氣 喺屋企係食唔到🤭我覺得呢個雞翼好好味 但係又食唔出嗰隻調味係咩味😂👍🏼👍🏼👍🏼👍🏼呢個份量好多 味道就一般 都ok 友人食咗好多舊 表示好飽呢個串燒呢 就食完唔係好好記得咩味 因為普普通通 但係隔離嗰醃青瓜幾好食😂有時有啲小店唔係好多人 冇乜人排隊 友人表示夠靜 坐得舒服🤭

51勞動節當天, 提早六點半就去吃晚飯, 以免同人爭位.呢家泰國菜小店在公司仔隔離, 人流唔算旺, 去到就有位唔使等.海南雞半隻 : HKD118,  雞肉夠嫩, 但無乜味, 要點薑蔥豬頸肉 : HKD88, 份量算多, 上枱時有點微暖.菠蘿炒飯 : HKD65, 偏甜一般.炒什菜 : HKD56, 正常.咖哩炒海鮮 : HKD135, 有青口, 蝦, 尤魚,  蟹柳,  (會放蟹柳, 有點奇怪), 個咖哩偏甜唔辣, 用來撈飯一流, 方包 : HKD30, 用來裝個咖哩海鮮, 麵包算係鬆軟.白飯 : 一碗白飯13蚊, 有點少貴.招呼 : 好似得兩個侍應, 除了落單傳菜, 基本無其他服務.價格 :  兩大一小, 500元,  唔算超值, 環境 : 小店格局, 算係干淨光猛.其他 : 有味精, 而且都有點重手,  回到家飲了兩杯水, 到十一點後仍覺得口渴.

串燒雞炭燒豬頸肉勿錯過星期日周圍行，竟然不經意揾到好野小店味道……我們倆個人叫了3樣野😍海南雞併豬頸肉飯😍泰式肉片炒河😍串燒豬，牛，雞首先第一個飯，海南雞OK, 豬頸肉出色，口感一流，醃製醬汁有水準，肉質燒完也鎖上肉汁，想追哂咁多塊食試餐廳我認為炒野最能反映，肉片嫩滑，河粉炒得恰當惹味，一點也不油，如果用泰國河粉就更加完美最後串燒試哂豬，牛，雞，最正係雞肉，嫩，可口，想一口氣食哂總結：這個幾十元價錢能有過百元質素有驚喜呀

放工無住家飯食又突然之間好想食泰菜咁岩行過有間泰國野就入左去。餐廳細細，環境一般，好似茶餐廳feel，入面有幾個泰國人,感覺上都好似幾正宗😂青咖喱🍛牛配簿餅（唔係好辣，大肚婆🤰🏻都食到，牛都炆得淋，簿餅正常、點汁好食😋）濕炒豬肉河（好多菜、汁稀杰度剛好、唔太咸、肉片無咩味。可惜河粉係廣東河粉，唔係泰國果隻闊身彈牙河粉）正常的一碟泰式辣醬炒芥蘭。份量ok la. 但我想講呢杯華梅冰好好飲，feel到好下火😂

已經第二次幫襯，價錢算是中位，不便宜也不貴。上次食過酸辣鳳爪覺得調味岩岩好，因為我地唔太食得辣，但又鍾意食。不過今次辣返，可能係廚房當班人手唔同左，或者水準有啲飄忽。今次叫左個蠔仔蛋，雖然個賣相唔係太靚，睇落似濕濕地，不過食落夠乾同埋舒服。仲叫左碟炒河，水準中規中距，唔夠之前係洪水橋果間香口美味。份量唔算多，大食人仕可能就要多點幾樣野填下肚。

泰式海南雞呢個舖位以前都係一間泰國餐廳，前身係由泰國人打理的，轉手後就由香港人打理。我同丈夫去慣左呢個位置，所以耐唔耐都會黎呢度食野舖面是燈光好充足，也是乾淨企理的，以白色為主我同丈夫每一次都是吃生菜包但今次生菜包的份量比以前少了生菜有5片 $72 但肉碎是現炒的 有用洋蔥 蔥 蒜去炒包住生菜吃 一咬開 肉汁便全流出來金邊粉的份量也是少了 但質素沒變有豆干、芽菜、蛋，花生粒，蝦我喜歡佢花生粒放在旁邊，想吃幾多就加幾多泰式鳳爪不太適合我，比較適合很愛吃辣的人

兩個人係元朗想食泰國野閒閒地都要400蚊～朋友介紹呢間又平又正，決定黎試一試😋價錢的確超級親民🤩一共點左四樣野。例牌無骨海南雞 - 吾錯！雞夠肥美肉吾鞋.. 醬汁都幾好味！沙爹串燒 - 燒得岩岩好！配埋佢個沙爹醬真係正到不得了🤤🤤馬拉盞通菜 - 份量足 但冇乜辣味..芒果糯米飯 - 好好味😍😍😍芒果香甜 配埋糯米飯口感一流👍🏻總結*呢餐埋單200幾 真係超抵 性價比高👍🏻一定一定會再黎幫襯小店！支持小店～～元朗人加油

呢間泰國餐廳既午市套餐唔算貴， 平均一個午餐$55蚊，送埋青檸水。香辣肉碎炒飯：外賣個盒望落好細，但份量都有番咁上下。最開頭擔心會食唔晒，不過辣肉碎超有泰式風味，辣辣的。餸飯好開胃。最後成盒飯食晒😋炒金邊粉： 無一般炒金邊粉咁酸，但都十分開胃。 略嫌啱食既配料少左d。份量都係正常，女仔可以食得晒。海南雞飯並唔只有海南雞，仲配香茅豬排。豬排充滿香芧味，又唔韌；而海南雞係無骨海南雞，內附兩款醬汁，其中辣醬好惹味。同時我地叫左馬拉𦾟炒椰菜苗餸飯同麵。椰菜苗火喉啱啱好，爽口之餘又煮熟左，唔會有生既菜個種似wasabi既味。下次都會再叫。呢間餐廳我覺得ok，連續食左兩日。🙈🙈🙈 （提提大家：外賣自取，每個盒收一蚊。）