Thirty First of May (Closed)

今日約了兩個好朋友到這餐廳打算幫其中一位朋友簡單食個生日飯，我帶着兩個 cup cake 般大細的小蛋糕進餐廳。一踏進餐廳，貴餐廳經理 (應該是吧)把我攔住，問我呢盒蛋糕是否在店內進食，我答係，然後經理說要收我們 hkd 100 服務費。我手上拿住的只是兩個 cup cake，並不是一個完整的生日蛋糕，並不是需要冷藏點蠟燭或用刀切的大蛋糕。我覺得收費十分不合理，於是打算離開，但這位餐廳經理則細聲對我講，叫我們低調啲食蛋糕就可以。用餐後，當我們打算低調食蛋糕的時候，突然這位經理過來，收起哂我們整枱的所有碟，餐具，匙羹叉等。感覺餐廳十分不友善，先不說 hkd 100 額外收費只 for 我們在餐廳內用 cup cake 是多不合理，只談貴餐廳的經理用此等惡劣態度對待客人實在無法接受。其實這 $100 服務費，貴餐廳沒有成本，因為 100蚊服務費只for內用，不包含 使用乾淨的餐具食蛋糕，其實是否只是經理的下欄，而並不是歸餐廳所有？

已經路過過呢間舖幾次，每次路過都會諗用呢一個日子嚟改舖名，都幾特別。於是就同朋友約埋嚟試吓啦！一入到去，抬起頭就會見到好大好靚嘅月球燈🌖，如果夜晚嚟食應該都幾有氣氛。本身同朋友想食C7黑椒牛柳嘅，不過入座就話無哂，咁就試C8牛肉眼扒啦。本身都好期待可以有幾好食呢，但當見到個賣相，已經心諗：茶餐廳扒咁嘅樣嘅？再開始切嘅時候，發覺切都好難切開。食嘅時候，啲筋多到... 咬都咬到攰，同埋份量都唔多，食完之後只係有5成飽... 諗住嚟食飽嘅話唔好諗住一個main就可以食得飽。另外，嘢飲都係包埋嘅，但係就從來無職員提過我地要order。唔係朋友醒起嘅話睇嚟就會miss咗杯嘢飲啦。總括而言，午市加埋一要$96比呢啲質素嘅嘢食就真係唔會再考慮嚟，晚市嘅話就要再諗吓。

餐廳就跟荃廣，但係一個少人見到既角落。禮拜五夜晚幾乎冇乜人，直接入到去。有一個好大既星球周一個小星球吊係中間做裝飾。我同朋友兩個叫左二人餐$5xx. 整體尼講，服務同食物質素都唔錯。員工都好好笑容。前菜：麵包脆軟，餐湯適中。主食：牛扒有嚼勁但唔un, 肉汁豐富，牛油汁少鹹唔洗放得多。risotto 都唔錯甜品：焦糖燉蛋好滑！

因為去荃灣拜山，走到食店林立嘅荃灣廣場附近找，本來想搵良心店，得3間，2間無位，1間結業，見到這間坐得頗舒適，於是試下。1430客人很少，得2張枱，有點冷清，不過到1500又多了幾枱客，可是1530 last order, 1600落場。客人不多，相信同位置較尾，反光玻璃外面很難睇到裏面情況有關，但對於用餐客人就覺得有私隱。午餐種類不算很多，由68至108，尚算有質素，海膽黑松露Macaroni 意粉，beef burger配薯角，咖啡。晚上會有海鮮餐，種類會豐富些，下次再試。有BB椅抵讚。

點了3個主菜1甜品1.龍蝦汁海鮮扁意粉海鮮量夠，意粉份量適中2.南瓜蟹肉露筍意大利飯比較甜3.美國安格斯西冷，7成肉質厚身，7成火候剛剛好，但較韌，味道一般，但配菜薯仔好食4.拿破崙千層酥餅賣相不錯服務不錯，會re-confirm reservations ,食完也不會趕人走，可有時間同朋友閒聊

今次終於帶埋男朋友嚟食喇>< 雖然佢都有食過呢間嘅lunch 但就未食過呢間嘅dinner !! 但佢話dinner係好食過lunch 好多的 今次嚟係星期三 ,所以唔洗等位之餘仲可以自己揀坐邊 今次係店員推介下叫左個湯, 味道好濃郁 同好好味 好想再叫多碗嚟飲 跟湯嘅蒜蓉飽依然都係咁好食 係我地兩個至愛嘅羊架 肉質好嫩又唔韌 食落去口感一流 同埋啖啖肉真係好正好juicy 蕃茄汁大蝦扁意粉  - 上次食過意粉 實在太好味 但今次叫扁意粉 都唔錯 我相信好快會再encore 

今晚同朋友原本想食後兩條街嘅餐廳 點知唔記得左book位 所以去左另一間我一直好想試嘅餐廳 - Thirty First of May好好彩今晚唔洗等位 但餐廳內嘅位置剛好靜係一張2人枱 餐廳內嘅裝潢都好適合閨蜜談心 或者同伴侶撐枱腳 香草蒜蓉飽 龍蝦汁蟹肉鮮蝦海膽意大利飯 蒜片辣椒大蜆意粉 因為今晚得兩個人食飯 所以唔係叫左好多樣野食 但叫左以上3款嘅野食 我都覺得味道唔錯 會好想下次帶埋男朋友再嚟食!!

第一次過來試食午餐，試了羊扒蒜蓉意粉＄99 ，羊架好嫰，很好味，服務也非常好，下次會再來試其他菜 有牛扒，卡邦尼意粉 環境坐位都很舒服，好支持這些小店，價錢不貴，但食物質素很好

這間西餐廳已經轉了幾次，環境仍然是十分靚，無論是外觀定裏面。同事話幾好食，我就來試下。價錢唔算貴呀！有兩個月亮，幾特別好清優餐包用蒸籠上，好特別，多士加上芝士醬，幾夾，黑松露野菌忌廉湯有大碗，好香呀，感覺滿口也是菌的香味包圍住，好好味！！飲完碗湯已經半飽，主菜叫左香煎牛肉眼扒，脆薯角跟燒汁，牛肉眼扒七成熟，好淋身，一切就開，唔肥，好味道，都大塊呀，有些菜同薯角，薯角也好味呀。同事叫的法式香煎迷迭香羊扒，茄醬意粉，賣相好吸引，兩件羊扒，一件較肥，好淋的又入味，有些車厘茄，意粉幼身的加蕃茄醬好味呀。餐廳做緊一週年優惠，全單八折免加一，好抵食。不過小小建議，一入餐廳有陣奇怪香味，唔知係味用了唔好聞的香薰。

星期日晚上, 本想同老公去吃日式鉄板燒, 奈何人實在太多, 相信要等兩個鐘才有位. 於是就隨便走進旁邊這間餐廳一試. 這餐廳環境舒適寧靜, 跟門外嘈吵的環境簡直是兩個世界. 打開餐牌, 食物選擇很多, 有個seafood platter的二人set dinner很吸引, 但最後老公點了 Parma Ham and Melon, Caesar Salad, 日本蠔櫻花蝦意大利飯, 法式紅酒燴羊膝. 兩個Main course 都加了錢轉set 有埋餐湯 (mushroom soup) 同餐飲. 先上Parma Ham and Melon, 份量確實不多, Parma Ham很薄, 但質數卻不錯, 並不是那些很低級很乾身那種. Caesar Salad 用的菜也很新鮮, salad sauce不會過量. 餐湯mushroom soap味道也很好, 是較thick 那種. 至於risotto, 蠔味濃郁, 我很喜歡. 羊膝相對之下就較為失色, 如果可以整得再soft 啲就好了. 最後我們點了千層酥做甜品, 這個就不太好吃了, 可以不試. 整體而言, 感覺這小店是有用心做食物, 並不是隨隨便便

中秋節放早，同同事係公司食個lunch慶祝中秋節先我地好想試呢間餐廳好耐嫁啦今晚幸好早啲黎到慢一步就full晒入到去見倒餐廳有一個好大既月亮裝飾岩晒今日中秋節「賞月」我地要留肚今晚食大餐😆所以選擇輕食兩款賣相都好精緻好吸引味道都相當好！環境舒服！同朋友聚餐係一個好選擇

見近日悶悶地，選了這間有意式风味及有月球店舖吃個lunch，我們一行5人去到這店，看到門口有个週年優惠牌，吃午餐有8折，吃套餐就有湯，主菜及飲品，所以都低吃。首先我們叫套餐有塊包及湯，有南瓜湯及蘑菇湯2者都好味，最重要湯是好熱可送包。🍹A餐蟹棒，蟹籽，糖心蛋天使麵(冷麵)，這个冷麵柚子汁雖然味道不太濃，但混合了蟹棒碎，蟹籽及其他少許瓜菜絲，混合後味道好味，吃落又凊又不油脷。整體這店簡單，舒服，不過坐在餐廳角位有点環境嗅味……🍹C餐:🐥肉香口，清甜，温泉蛋熟度刚刚好，有小小流心，牛油香草不夠，有点一淡夾在飯上沒有特別驚喜。🍹D餐:茄醬，鲜虾，西班牙辣肉腸意粉，份量適合，不会过多及少，虾都新鮮，辣肉腸沒什麼辣及味道，應不是有年份的腸，另茄醬味偏淡，但3种材料混合整個意粉配搭、味道、顏色都可以接受及吃後不油脷……。最後我覺得這餐廳好宁靜，一路吃飯一路望着天花頂一個大月球好似在星空吃飯一樣，忙記熄優……

離開荃灣市中心，走到横街找食店，透過開飯網找到這間西餐廳 - 五月卅十。在寧靜的街角，紅磚的外牆，在城市裡顯出外國味道。星期六兩時候不用等位，餐廳內佈置也有心思，最吸引人的是天花板掛著兩個大的星球，很美。一行五人，點了四個餐。C8， 香煎牛肉眼扒，脆薯角，$88。 一百元以下的肉眼扒沒有什麼期望，份量十足，不太硬。C10，黑松露海膽溫泉蛋卡邦尼意粉，$88，黑松露味很濃，大女喜歡吃溫泉蛋。C11， 龍蝦汁蟹肉蟹籽意粉，$78，有驚喜，龍蝦汁 恰到好處，蟹籽錦上添花。C12， 意式香草蕃茄汁，鮮蝦煙肉扁意粉，$70，扁意粉有㸃硬，份量很大，似是其他餐廳兩個的份量。整體來說，分量十足，價錢實惠，環境優美。

星期日要放個好假諗住嘆番個好早餐諗住搵小店享吓活價錢貴啲都冇所謂但未食完就催賣單明明餐廳都大把位.食物唔貴六十幾起見同出面配搭唔同叫咗全日早餐黎試睇餐牌有七樣嘢食但原來西班牙肉腸三文魚籽都係少少放係個滑蛋上面咁一齊食都夠幾夾味但炒滑蛋就唔夠滑芝士煙肉釀大啡菇講明大啡菇又唔大煙肉見到唔係靚料唔係原塊腩肉煙燻係合成肉做嘅煙肉烤蕃茄諗住唔會伏點知食落酸到想喊多士一睇知雪藏貨煙三文魚一般貨仔唔好諗有魚香油脂沙律菜都叫幾新鮮不過夾埋都冇十塊塊薯餅現成貨都算但好大陣萬年油味九十八加一唔抵食仲要地點咁唔方便最重要係冇客都催怕咗佢唔會再幫襯

如果你係為左受氣而去 歡迎你 叫左個二人海鮮飯餐前菜黎錯 佢一放低我已禮貌表視我叫左煎吞拿魚個經理：三文魚定吞拿魚 換過比你囉係你自己同廚房溝通有問題唔好賴落我度落單個時 你自己覆左單係吞拿魚到等個海鮮飯黎個時 有一枱客遲過我黎佢個海鮮飯早我三個字食 我白等好食等下都無所謂 到真係等得太耐 我問個後生 可唔可以幫我跟跟個海鮮飯 佢答我 煮緊啊 黎緊囉 原來呢間鋪既風格係跟澳牛早講啊 等我有心理準備嘛最慘係個海鮮飯唔好食 海鮮飯我兩個人只係食左一半 真係食唔落我而家就出去食個麵篇野我係係餐廳打因為真係覺得呢間餐廳仲頂到好神奇Ps 有一個中年有經驗既侍應好好 個後生同個經理應該幫老闆推左好多生意剩係個兩位既態度已經令人唔想係呢間餐廳食飯