Thirty First of May (Closed)

今日同女閨密聚會，想食間舒服而質素不錯的餐廳，細問其他朋友之下話荃灣有間不錯的餐廳，我地就約八點多去吃飯，去到一個大月亮在內好吸引，而且都幾寧靜和舒服，今次我地叫了幾款和湯一齊食，再食完飯飲杯即磨咖啡和熱檸檬茶慢慢傾計，整餐飯都滿意而且待應態度都不錯，下次可以再來。蕃茄汁青口煲，好多隻，青口新鮮又大隻帶新鮮蕃茄味幾開胃。湯叫了二款，是日餐湯蕃茄忌簾薯仔湯和黑松露野菌忌簾湯，蕃茄湯好清新口感幾滑又帶少少薯仔蓉口感豐富。主菜我和朋友每人叫了一個，一個素和肉，紅菜頭松子仁意大利飯是素岩晒我地二個想清清地，來到心心眼，粉紅色的飯好吸引，食落去好舒服，不太濃但有紅菜頭香，吾會覺得好滯，有不少紅菜頭碎粒，增加口感。另一個美國安格斯西冷牛扒都來到，沒想到十安士份量都幾大份，牛味都幾濃同軟熟，薯蓉好香又帶薯仔碎好味。

真係估唔到咁快轉咗手，呢間餐廳嘅前身stella's我以前都成日嚟幫親，價錢係進取咗啲，但質素真係唔錯！見而家轉咗其他餐廳，即管試下質素掂唔掂先！前菜order咗一份青口，之前食開白酒煮，今次試下新意思，揀咗用意式西西里蕃茄汁煮，果然冇揀錯！青口有八至十隻，蕃茄味好濃，仲有啲蕃茄肉，好實在！味道酸酸甜甜咁！勁鐘意！主菜方面叫咗一份牛扒同埋一個意大利飯，兩個都加咗$38轉set，有餐湯同飲品！飲品除咗普通咖啡奶茶檸茶檸水之外，仲可以揀果汁！湯完全唔馬虎！呢個黑松露野菌忌廉湯未上枱已聞到勁香！而菇菌味都好濃郁，好正！是日餐廳係南瓜湯，朋友揀咗，我試咗一啖，感覺甜咗少少，我都係推薦返黑松露野菌忌廉湯~~呢塊美國頂級安格斯西冷牛扒真係唔錯，肉質夠晒厚同埋肉味相當濃，我哋都咗五成熟啱啱好！最鐘意牛扒嘅邊位嘅油脂，煎到微焦真係超正！薯蓉唔係完全creamy狀態，專登留啲顆粒喺到，好有質感！南瓜蟹肉意大利飯份量好多，同朋友share就fit晒喇！南瓜嘅味道濃郁，南瓜迷一定好鐘意！

諗住同屋企人預祝生日飯，成日經過見間野幾四正，點知.....中晒伏！加$38轉左做餐，有南瓜湯同普通餐飲南瓜湯唔錯既，好濃南瓜味小食：黑松露薯條 同蒜蓉包薯條份量比想象中少主菜個outlook 係正常既，但一切就出事慢烤釜頭豬扒， 啲紋理好清晰.....重熟過我平時烚啲雞柳....中間好乾，個底啲薯蓉又好鹹唔係有意刁難個經理，經理見到我第一碟太熟都話換過比我，呢碟已經佢重新煮過既第二碟🤦🏻‍♂️ 加埋一成二百蚊一件，真係自己煮都淋過佢， 整體今日叫全部野都偏鹹，🤷🏼‍♂️ 可能我叫唔中佢既撚手菜，叫左個南瓜蘆筍蟹柳意大利飯.....有種食緊香料飯既感覺，味道好鹹，呀媽食左兩啖就停左手，佢又唔好意思出聲重有個西冷.....過熟好韌，9成熟咁，同埋應該用好多鹽醃🤦🏻‍♂️個經理話個扒本身都好夠味，唔使點汁，個汁係放係隔黎點綴下喎😓😅 但塊扒夠味唔係牛味，係鹹味囉🤷🏼‍♂️個經理係好人既服務好，肯幫我地換過整過，但係都係食唔落，太鹹同太熟💸💸💸💸個廚師今日係咪心情唔好出街都係唔好亂試新野.....orz

呢問餐廳係無意中經過，比佢的裝潢設計吸引左入去，外面裝修得好似酒店🏨仲有户外的位置一入去就見到好大個月亮掛起左，非常靚！同男朋友係呢度約會比起蠋光晚餐更有趣，月亮晚餐～位置舒適又寧靜，不錯👍🏻餐具係金銅色，非常有質感！凱薩沙律凱薩醬汁充滿曬係沙律菜上，有煙肉粒、芝士碎、碎麵包粒、小蕃茄，非常有口感，沙律菜分量都多，菜亦新鮮。餐碟食到污糟左，店員會好細心幫忙更換～黑松露野菌忌廉湯〔配餐包&沙律醬〕餐包偏軟，沙律醬酸酸甜甜，非常開胃。蒸籠放法包，創意十足！黑松露野菌忌廉湯淡淡既黑松露味，野菌味濃，質地唔算濃厚，加少許黑胡椒，令湯既香味更多重。卡邦尼意粉、24個月巴馬臣芝士意粉軟硬適中，芝士味濃，我另外再向店員索取芝士粉，食落更香更濃。炸脆既煙肉令到意粉更有口感，如果卡邦尼醬多的就更好～野菌海鮮湯慢浸比目魚野菌味超級香，清甜既海鮮味，青口同蜆肉都無腥味，無沙，可惜韌左一點點，整體都不錯👌比目魚非常滑溜，肉質鮮嫩甜美，正喎！環境舒適又寧靜，食物都不錯，待應既服務迅速又貼心，不錯。

大壩街一向都好多嘢食 今次再行前少少 見到間西餐廳環境好靜 好適合情侶或者朋友靜靜地傾下計😚今次小編叫咗個二人set dinner-#凱撒沙律沙律份量都幾多 沙律菜同蕃茄都好新鮮啲蕃茄仲好甜🥳-#黑松露野菌忌廉湯 碗湯一上枱就聞到好香野菌打咗蓉 但係都食到啲菇個湯好濃菇味😍上湯嗰陣仲會上埋餐包餐包好脆再搽上酸忌廉真係好好食-#卡邦尼意粉24個月巴馬臣芝士意粉煮得啱啱好仲掛哂汁 蛋黃味都好出即使多芝士但都唔會覺得膩-#美國頂級安格斯西冷牛扒餐廳會推介5成熟牛扒份量都幾多 而且肉味濃 唔洗點汁都夠味但點咗燒汁可以將個肉味都帶出🤩-個餐仲會每人包一杯飲品添

今日同新界區朋友去了荃灣食飯，個名好吸引，雖然來到了六月，還在吃五月的生日飯，在thirty first of May 最切合主題，呢到環境好優美寧靜，同朋友閒談的好地方，食完飯仲可以去附近商場行街。新鮮時令青口煲，有好多隻青口，大大隻無腥味，白酒香草汁仲可以沾麵包食，麵包脆脆。黑松露野菌忌廉湯，好多打碎了的菇好香濃，另外是日餐湯係薯仔湯都好好味。意式蕃茄汁大蝦扁意粉，扁意粉質感幾好，硬度適中，我都幾鐘意食扁意粉，有幾隻已剝殻的大蝦。慢烤美國穀飼斧頭豬架，烤得幾香，最愛吃近骨位的豬架，肉香肥美，另外有配菜係薯蓉好滑，加少少汁仲好味。最後以熱檸茶同熱咖啡作結。

荃灣百老匯戲院附近開咗一間行情調及清幽路線嘅酒吧餐廳，唔單止有酒飲，仲有晚市套餐😎餐廳設有戶內同戶外，形合不同客人需要月亮高高掛在頭頂， 做到《舉頭望明月》的詩意🌛🌕🌠 凱撒沙律 $65🌠凱撒沙律清爽， 一塊塊芝士片灑喺沙律菜上， 亦有炸過嘅煙肉粒，非常開胃， 感覺清新🌌是日餐湯-蒜香薯仔湯🌌薯仔湯非常濃， 有淡淡的香草同忌廉味，不錯🎇蒸籠餐包多士🎇多士已經烘脆，可塗忌廉牛油或點餐湯一齊食🌠卡邦尼意粉 24個月巴馬臣芝士 $118🌠芝士香味濃沃， 意粉軟硬度適中， 加上煙肉嘅香味， 令到呢個卡邦尼意粉留下不錯的印象🧀🧀加添芝士粉在意粉上，”芝”味更多，好食👍🏻🎆美國頂級安格斯西冷牛扒 10oz $228🎆安格斯牛扒肉味香濃，肉質較為結實，5成熟保持肉內的肉汁，而伴碟的薯蓉亦非常出色， 將薯蓉加入一粒粒嘅薯仔增加口感總括而言，呢間酒吧餐廳嘅食物不錯，最重要係場內環境怖置很有情調，拍拖慶祝一流，下次要黎試埋D紅酒😋

今晚同朋友黎叫左一份Set dinner二人晚餐，環境好靚呀，好浪漫🌹既感覺頭盤：意大利巴馬火腿配蜜瓜甜甜嘅巴馬火腿蜜瓜十分夾，薄薄的的巴拿馬火腿入饌配合蜜瓜，形成豐厚清甜的蜜瓜配上原始鹹香的火腿，口感清新是一道很fresh的前菜絕對讓人回味餐湯二選一： 黑松露野菌忌廉湯，只可以講呢個黑松露野菌忌廉湯同平時飲開嘅口感好唔同，充滿磨菇&松露既香，好好飲呀😋飯/意粉2選1: 卡邦尼意粉24個月巴馬臣芝士，芝士味好突出，意粉個汁夠creamy主菜方面： 野菌海鮮（大蜆）湯慢浸比目魚，比目魚係拆了肉件件肉厚多汁又好味道，完全係高質之選，大蜆肉鮮味完全滲透入魚肉和湯，好味既主菜加兩杯果汁🍹

之前夜晚黎過一次，食青口飲白酒，覺得味道同環境都唔錯，食物個調味好，份量多，餐廳環境好文青風，暗暗地好有情調，就諗住係星期日晏就帶爸爸媽媽去試下。一坐低見到menu，一個set大概$65到$90左右（未加一），包一個主菜一杯野飲，嗰一刻都即刻明白到，係會同夜晚嘅質素有出入嫁喇，不過都坐低咗，一於就試吓佢啦！蕃茄辣肉腸大蝦意粉（承惠$65）蝦就兩隻，辣肉腸咸咸地辣辣地，襯個甜甜酸酸嘅蕃茄汁，意粉冇話煮得太淋，65蚊貨仔，算做好好嫁喇！肉眼扒配沙律菜（承惠$88）牛扒嗌咗四成熟，個賣相幾好嫁，不過一切就知有筋，唯有自己切走佢啦好彩肉質搭救啦，都淋嘅，淋到好似有「拿」過咁，嗯⋯⋯都係嗰句啦，八十蚊，唔好要求禁多啦，算正常嫁喇！食完野就叫餐飲，可惜餐飲都未飲完，侍應哥哥就好似趕你走咁，叫你埋單嚕。對比上一次嘅用餐體驗，今次真係失望嘅，不過如果唔對比，我會覺得又可以喎，平價西餐咁囉。一句到尾：我會揀夜晚去！

下著細雨，不能去很遠的地方進食。想起這有裝修的餐廳，入來試一試。看著一個彷如月球的球體，好像有點與別不同。揀了意粉給女兒，意粉的汁好味。菇也食出菇味。意粉也有嚼口。漢堡沒什麼特別，如一般的餐廳。薯仔是熱烘烘的。老公叫的是7成熟的牛扒，沒有過熟的口感（因為不想孩子吃生肉）。服務員欠缺一點笑容，但服務慇懃。整個進食感覺十分滿意。

Angel 今日約姊妹一齊去睇戲，加吃飯，完埸了，係時候拜祭五臟廟😋😋😋在戲院附近，突然見到一間好靚的西餐廳，我要出動了🥢🥢🥢這間餐廳十分浪漫，如果我有心儀的男仔帶我來食，都真的非常心動💓裝修而歐洲風格為主、配上柔和的燈光，已經好浪漫💕再加上牆上掛着大大的月球，真係不錯👍🏻👍🏻👍🏻真的連我都心動💗啊🥰🥰🥰我們點了青口煲、巴馬火腿配蜜瓜、黑松露忌廉湯、美國穀飼斧頭豬架。🐷青口煲有蒜香味，青口肥美多汁，😋巴馬火腿配蜜瓜，蜜瓜清甜多汁，火腿片不會太咸。黑松露忌廉湯值得一讚，黑松露味道剛剛好唔會太濃，容易入口😊😊😊美國榖飼斧頭豬架，分量十足，兩個人食都可以，真係好似斧頭😱😱😱肉質柔嫩，味道不會太鹹，旁邊還有薯蓉，我非常欣賞這個薯蓉👍🏻👍🏻👍🏻薯蓉內裏有切粒粒薯仔加在裏面，味道香滑，不知不覺吃多了😋😋😋總結我很喜歡這間餐廳的特色有月球在上面，感覺都幾新鮮。💗💗💗而食物方面斧頭🐷真是分量十足，值得推薦去食👍🏻👍🏻👍🏻

今晚同老公兩個去了荃灣西站附近的Thirty First of May，餐廳主要是西餐，晚市有二及四人餐供應，亦可以散叫。凱撒沙律羅馬生菜爽脆，有些炸香的煙肉碎及麵包粒，還有酸酸甜甜的番茄仔，清新開胃又健康。黑松露野菌忌廉湯忌廉湯質感濃稠，有濃郁的黑松露香，加上有粒粒的雜菌肉，有咬口之餘又飽肚。另外餐包烘得香脆，以中式蒸籠上桌，別有一番風味。意式番茄汁大蝦扁意粉扁意粉軟硬適中，番茄汁比較少，所以有點乾身，大蝦彈牙結實。美國頂級安格斯西蘭牛扒牛扒點了五成熟，表面有焦香，裏面呈粉紅色，牛扒肉汁豐富，有肉香同時肉質嫩腍，旁邊還有些幼滑的薯蓉。

Thirty first of May📍荃灣大壩街5-7號仁蕙苑地下3-4號舖Kay Gor 放工同朋友仔去荃灣食飯估唔到喺荃灣大壩街都有咁高級嘅西餐，已環境質素你說價錢都算合理。黑松露野菌忌廉湯值得一讚👍🏻👍🏻👍🏻👍🏻⭐️⭐有黑松露的香味，湯嘅感覺不錯👍🏻有細小野菌係湯裏面有咬口。我地點左，南瓜蟹肉意大利飯、美國安格斯西冷扒，黑松露野菌忌廉湯。主菜點了南瓜蟹肉意大利飯飯比較硬身，都幾有咬口，而且味道香濃，不過飯如果可以多少少更好美國安格斯西冷扒😋⭐️⭐⭐️⭐我們點了五成熟，牛肉纖維較多，肉味比較重，份量都算大份足夠兩人的份量。比較欣賞薯蓉，都幾cream，薯蓉內有粒粒薯仔薯蓉在裏邊，會不知不覺食晒。😂😂😂總結這間餐廳價錢都算合理，好適合帶女仔來談心，飲吓嘢。#kayGorfoodie #foodie #hkblogger#food #foodporn #yum #instafood #yummy #amazing #instagood #photooftheday #sweet #dinner #lunch #breakfast #fresh #tasty #foodie #delish

去完荃新天地拍拖睇大地球之後，朋友介紹荃灣有間餐廳入面有個大月亮，決定過來食晚飯。一入去就俾大月亮吸引住，仲靚過而家荃新天地果個。除咗月亮，成間店鋪都有一種文青感覺，相信好適合打卡同放空。睇完餐牌，決定要一個前菜，一個意粉同一個主食。侍應聽完我地order之後誠意推介黑松露野菌忌廉湯，我哋都決定加多個餐湯。白酒香草煮大蜆煲（$98）一上枱，侍應打開果蓋就有陣清幽酒香味衝出黎，每隻蜆肉都脹卜卜，好肥美同新鮮，最重要係一粒沙都無。抵讚👍🏻黑松靈野菌忌廉湯 （$48@）果然無介紹錯，好重黑松露味，湯入面仲有野菌蓉增加口味，值得一試意式蕃茄汁大蝦扁意粉（$138）食完頭先大蜆煲，對佢海鮮有一份信任加期待，呢一個大蝦亦都無令我失望，「鮮味、彈牙」都唔足以表達我對佢喜愛。至於意粉，亦都係水準之上，有咬口，絕對唔係淋pat pat 咁。蕃茄汁係屬於淡味煮法，我就好鐘意。慢烤美國豬肩扒（$148)「很大唷」，之前有間連鎖店用呢句slogan形容佢哋豬扒。我覺得呢間餐廳更適合用呢句，因為真係好巨型。開頭未食果陣仲好擔心咁大塊會唔會入面唔夠熟又或者過熟變到好鞋口。但切完之後完無呢個問題，一切開d肉汁就流出

今日同朋友黎荃灣行街，發現呢間西餐廳，比裝修吸引左，又見店員好熱情咁招待我地，所以入左黎食晚餐。湯好creamy入口香滑偏杰身，食到粒粒蘑菇碎，好夠菇味非常濃郁，帶黑松露味好香。湯份量都幾多，幾有飽肚感。餐包好脆身，用上中式蒸籠好特別，醬料酸酸甜甜好食又令人開胃，賣相唔錯又不失趣味。凱薩沙津，用左較少既沙津醬，食落清新d，菜都好新鮮配上煙肉碎，夠爽口。卡邦尼意粉、24個月巴馬臣芝士意粉都幾大碟，怖滿一片片薄薄既巴馬臣芝士。意粉比較硬身，帶點彈牙，非常有咀嚼感。芝士味鹹香濃郁，但此終係芝士都會覺得有dd膩。美國頂級安格斯西冷牛扒order要五成熟，上菜似七成熟左右，略嫌熟左d，但肉質幾好就算熟左少少都唔會韌。牛扒有10安士好大塊，都帶些少肥肉，煎起來肉味香濃，又夠牛味，點埋燒汁好滋味。牛扒面層有灑上左少量海鹽，加左反而偏咸，不過overall都唔錯。伴碟既薯蓉又香又滑！價錢同一般西餐廳差唔多，環境呢到就好唔錯。大大個月亮裝飾，氣氛溫馨浪漫，燈光又柔和，係到坐低食野真係感覺好舒適。仲有2張戶外枱，天氣唔太熱坐出去都幾好。位置離荃灣廣場好近。