老虎堂黑糖專売 (T.O.P This is Our Place)

Open Now

Now Closed

耐唔耐都會好想飲珍珠奶茶，今晚嚟到旺角T.O.P，附近有間老虎堂，之前飲過味道唔錯。🔖虎虎生風厚鮮奶（奶霜） $34攞到已經見到賣相吸引，呢一款奶茶入面有大珍珠同細珍珠混合，所以每一啖飲落都有唔同嘅口感，糖分係已經設定好，冇得揀，個人覺得偏甜少少，如果可以比顧客自己揀返糖分就更加好🥰值得讚嘅係奶味濃厚，飲得出奶嘅香味😋而黑糖好香，嗌咗凍飲，拎上手幾乎見唔冰塊，飲到最後都依然奶味足夠👍🏻Meun店面

平時去老虎堂通常都係飲佢地最受歡迎既黑糖珍珠奶茶🧋🧋但今次因為過兩個鐘頭就要食晚飯路過旺角T.O.P店又好熱好想飲手搖 🤫就想揀啲未試過又無黑糖無咁飽既款式最後揀左烏龍茶豆奶小芋圓 少甜少冰😋原來本身推薦無糖 但到ORDER完先見到🥲聽講用維他既豆奶沖 出奇地豆奶味濃過茶味🤔烏龍茶少少青澀 可以再濃厚少少更好🍵小芋圓煙韌有咬口 幾好味數量夠多 飲到底都仲有唔少小芋圓OVERALL 都可以既 叫做健康之選✌🏻方便指數: 4/5環境指數: 3.5/5回頭指數: 3/5地址: 旺角彌敦道700號T.O.P This is Our Place地下G15號舖

我經常光顧李圓圓，但這次我決定嘗試另一個知名品牌老虎堂的黑糖珍珠奶茶。可惜，我的期待與實際經驗大相逕庭。我訂了一杯黑糖珍珠奶茶，卻發現其中約三分之二的部分全是冰塊，而且甜度遠超過正常人能接受的範圍。我把這個問題反映給店員，但他們告訴我，這是他們的標準製作方式，冰塊都是固定的重量，這讓我不禁思考，這家公司是否真的以這種方式對待顧客，將三分之二的飲料用冰塊填充，並且將甜度亦是無法接受的程度。相比之下，李圓圓的產品味道和質量都遠遠超過老虎堂。因此，我對老虎堂的評分為：0/10。就這次體驗來說，我甚至不願給它一分。😤😤😤

-雖然黑糖珍珠鮮奶熱潮已過，但係偶爾我都會想飲返一杯，咁多個品牌當中 老虎堂出品穩定，所以我間唔中都會買來飲下。黑糖波霸布丁厚鮮奶黑糖鮮奶本身糖度就唔可以調小，真係好甜，但係配搭鮮奶可以沖淡甜感，唔甜嘅珍珠奶茶一啲都唔好飲。呢杯加上布丁口感更加豐富，布丁都非常之甜，但係甜度冇珍珠咁高，當然更加，肥罪惡感更加多🤣。我覺得今日珍珠煮耐咗少少，冇咁彈牙，所以每日煮成點都好視乎當日員工嘅技巧。所以間唔中飲下就好

Tried their black sugar lemon tea, it was a bit too sweet and sour for me I think. Didn’t think the two taste get together too well which is sad as I really do love lemon tea. Perhaps the black sugar I needed to reduce it to low sugar coz the fake lemon taste was far too pungent for me. I added boba to it and that was ok. May try another time with other flavours with perhaps actual tea like oolong or something.

黑糖珍珠鮮奶迷今日嚟到旺角～見到呢一間老虎堂大排長龍🙌🏼就排隊買一杯試吓啦(*¯︶¯*)呢一間店位於旺角站（Mong kok station)附近（近T.O.P）我就點咗一杯💛波霸厚鮮奶💛極度推介大家都嚟試吓🥳黑糖味十分香濃，珍珠很彈口，奶香亦很足🍥🍥質素都算係穩定嘅～而店員嘅態度亦都好好，會詳細解釋餐點，慢慢俾我揀😝😃飲品賣相方面都好啱打卡🙌🏼💛🙌🏼🤍十分igable!

我很喜歡喝珍珠／波霸奶茶。在網上聽說老虎堂是一家很有名氣的台式飲品店，一直很想試試他們的珍珠／波霸飲品。剛巧，我來到旺角，便買了一杯黑糖波霸奶蓋。剛巧，我來到旺角，便買了一杯黑糖波霸厚鮮奶，黑糖的味道不是很突出，適合不喜歡飲料太甜的朋友。特別的是，因為太飽的關係，我沒有把整杯波霸鮮奶喝清光，把剩下來的放進雪櫃，第二天發現波霸竟然是彈牙的。😝😝經過一定幫襯， 十分分推介大家過來喝一杯。😋😋😋

而家熱潮過後唔洗排隊 都有十幾間分店既老虎堂黑糖珍珠鮮奶 黑糖珍珠口感軟Q帶點煙韌 奶味香醇濃厚 杯底黑糖漿同珍珠 再落奶先飲一口底既黑糖汁同珍珠,第2口先拌勻奶同糖漿再飲 2種層次味道更豐富濃郁間中飲一杯都好滿足 但個種充滿黑糖甜香既味道真係久久不散~平均消費$35評分8/10旺角彌敦道700號T.O.P This is Our Place 地下G15號鋪

如果要飲黑糖珍珠鮮奶唔使諗一定係老虎堂，我人生嘅第一杯黑糖珍珠鮮奶就係老虎堂，未飲都已經俾佢杯嘢吸引住，佢嘅黑糖比起其他店舖嘅黑糖杰身，可以完全黐住杯邊，而唔係沉晒落底，不規則嘅琥珀色黑糖就好似老虎紋一樣，十分吸睛！！店舖有說明教你如何飲用，先要上下搖勻15下，原因係珍珠是熱的，透過搖勻嘅動作令珍珠變冷，咁就可以令珍珠變得十分QQ彈牙，不過冰塊比較多，加上佢係固定甜度，所以冇得叫少甜，大家記得點黑糖波霸厚鮮奶，因為選擇厚鮮奶奶霜先會更濃厚好飲

行過旺角時 見到老虎堂 就諗返起係台灣飲過好好飲 即刻就整返杯虎虎生威厚鮮奶 講真味道都好似台灣飲果隻感覺 黑糖甜度都係比較偏甜 而鮮奶既味道都好濃郁 如果可調教甜度我相信會更好

今日放工同好姊妹約左去旺角行街👭🏻👭🏻因為返工係港島區，平時好小會去旺角😆😆所以好姊妹即刻帶我行下旺角特色既TOP同埋旺中，行到口渴👅，見到眼前有老虎堂，就去左飲人生第一次既老虎堂！😊黑糖珍珠鮮奶，味道都唔錯，黑糖同奶既比例幾好，唔會太甜🥛黑糖小小粒，都幾好咬口，就算食飽飯飲都唔會覺得好飽好濟🧋鮮奶就冇咩特別啦，就係普通鮮奶味😂😂但係黑糖反而ok驚喜，都算香👍🏼👍🏼👍🏼

咁岩經過見到原來老虎堂有湯丸賣咁就買黎試試。點知店員話店舖得返3隻味，咁我就買3包啦。跟住佢就叫我加錢買冰袋，一個冰袋可以放到2包湯圓，所以佢就叫我買夠4包咁就唔使嘥左個冰袋。咁我自己鍾意食花生味，所以就加多包花生黑糖珍珠湯圓。返到屋企嘅時候發覺佢比錯咗我，佢入冰袋之前又唔俾我check返個味。花生黑糖珍珠湯圓係貴$5 㗎嘛，咁就俾佢呃左我$5，仲要拎左包自己唔係好鍾意食嘅味返屋企 😡暫時淨係試咗花生味，個皮好厚，個餡好乾，唔建議試

好耐都冇飲過老虎堂嘅黑糖珍珠鮮奶其實飲過咁多間台式飲品嘅黑糖珍珠鮮奶，一路都係覺得老虎堂嘅係最好飲不過講真，又真係細杯左啲貴咗啲，不過好飲間唔中買一杯獎勵下自己都冇所謂嘅<黑糖珍珠鮮奶$30>店裏面有教學，幫你拎到飲品之後要上下搖擺15次，咁先會組隊有老虎紋嘅效果搖完之後啲黑糖黐住個杯真係好似老虎紋，一飲就飲到純鮮奶嘅味道，真係好正珍珠好軟QQ，好多台式飲品鋪，啲珍珠都煮到半生熟咁樣，一啲都唔好飲老虎堂嘅珍珠真係無敵不過呢，本身$30咁細杯其實已經好貴，飲咗兩啖就已經飲完，發現成杯有七成都係冰，宜家呢個市道仲要咁慳皮，唔多掂

因等人來到旺角中心附近，見到老虎堂沒人排隊，便慕名而來光顧一下店面雖小但裝修還是很不錯，特別是門口的虎字真的很突出餐牌看似很多選擇，但是還是來來去去幾款材料的配合最後點了老虎堂波霸厚鮮奶，因為是她們的主打飲品，而且我一向也喜歡黑糖的飲品店面有座牌教學指示要怎樣喝這杯飲品，飲品也有SOP等了5分鐘左右就拿到像品，色澤很美，珍珠亦很大，喝下去時也差點唷到真的小心點飲呢味道方面真的很甜很不錯，可能因為我是黑糖控吧

台式飲品店開到成行成市。今日出開旺角見到呢間老虎堂，就試吓佢嘅虎虎生威厚鮮奶啦。平時其他飲品店會嗌少甜，但今次第一次試呢間，所以就試佢原本嘅味道。鮮奶口感真係比起出面厚滑，黑糖味濃，珍珠亦算煙韌。下次會再試下其他飲品