老虎堂黑糖專売 (T.O.P This is Our Place)

Open Now

Now Closed

黑糖珍珠奶茶已經成為香港人其中一款熱捧的飲料🥤！一條街分分鐘有好幾間賣珍珠奶茶！間間都話來自台灣，話自己最正宗！最重要係。。間間都好多人排隊！幸福堂，老虎堂。。都係經常比較的對象！今次排咗大概10分鐘就買到！效率非常快！如果要等兩個鐘買一杯野飲。。我相信我一定唔會排！😒😒😒個人比較喜歡老虎堂！虎虎生風更加係必點項目！大加細珍珠撈勻嘅口感比較好！暖暖的黑糖在凍的厚鮮奶慢慢溶化！搖勻之後，味道啱啱好！

聽友人講老虎堂的波霸厚鮮奶是不錯的雖然佢落戶香港都有一段時間 分店都開左幾間可惜每次經過時都有不少人在排隊  所以一直都未能一嚐其滋味是日同同事食完飯 經過TOP的老虎堂機會終於都黎啦~飛雲見無咩人排隊  即刻狗衝去買返杯先波霸厚鮮奶到手第一時間緊係影返張相先 杯邊的黑糖斑紋細長分明 鮮奶與黑糖混合 形成獨一無二 如雲石般吸睛的花紋鮮奶口感幼滑濃厚 黑糖味重得黎唔會係「死甜」黑糖鮮奶缺一不可 兩者相輔相乘珍珠口感煙韌有嚼勁飲到最後 發現杯邊仍留有薄薄的奶霜不愧為波霸厚鮮奶

台灣啲黑糖奶茶做到有聲有色，仲擴展到嚟香港，開到成行成市，就嚟好似便利店咁，行兩步就有一間。之前一直都見到呢間老虎堂係銅鑼灣分店日日都排晒長龍，都好想試下，估唔到而家旺角都開咗，仲係TOP商場地鋪，好方便。今日途經行過，見唔係好多人排就即刻買杯試下有幾特別先。我地買咗杯黑糖波霸厚鮮奶 $30不過可能旺角新開，又係假日嘅關係，雖然條隊唔係好長，但原來個籌排到勁長囉....來來回回，入商場行下，去下廁所，都等咗差唔多20分鐘有多......我覺得味道都算偏甜同埋奶味好濃郁，但係對於我呢D唔太好鮮奶嚟講，原來試一次就夠喇

陪她去大角咀睇示範單位，明明食完午飯，她點都要行過黎旺角，話要試新開嘅人氣飲品喎！個個女人都係咁，是但啦陪下她。好彩條龍唔係長否則我實拖她走！排左十分鐘唔夠已行到去收銀位！不過點完杯野後要等幾十個號碼，唉，惟有周圍行下先。逛左十五分鐘左右再行返去，杯野飲終於到手，她點左虎虎生風厚鮮奶，話係大、細珍珠撈埋黑糖一齊，加入鮮奶，再加濃厚鮮奶打成稠身放喺面！不過唔明點解個稠奶喺面，但又要搖匀先飲... ...飲落都係甜嘅奶，她猛話好飲，又話黑糖味香濃，又話大、細珍珠好咬口... ... 我個人覺得，都可以啦，咪又係杯甜奶，但係而家啲野飲成三十蚊杯都幾貴，仲要兩個人前後十分鐘不夠就一陣風咁飲哂杯野。不過只要她開聲，我點都會盡量陪她的。

下午一點經過見得兩個人排隊，就去排一排試下。點左虎虎生風 (有大細珍珠），佢貼大海報提醒大家要上下搖十五下，好讓沉底嘅熱黑糖珍珠降溫。樣就應該杯杯一樣，第一啖，有香濃嘅黑糖味，同珍珠都好煙韌好有咬口。比我之前台中老虎堂飲嘅好唔同，我覺得今次好飲啲。平時好多人排隊，我又唔覺得值得排。如果經過冇人排 / 得一兩個排就去啦🤣

其實我對珍珠奶茶嘅興趣不大，所以要我排隊買就一定唔會嘅咁啱今日行過地鐵出口，見到呢間老虎堂竟然唔使排隊喎，朋友又話不如一齊試吓啦，雖然我對珍珠奶茶興趣不大，但係唔使排隊都可以試吓嘅，所以就一人買咗一杯招牌波霸黑糖珍珠奶茶☕️見到平時勁多人排隊為咗飲呢杯珍珠奶茶，而我今次唔使排隊真係爽呀！！望入廚房睇下究竟杯珍珠奶茶係點樣整先原來佢哋會煮熱啲黑糖水，之後就會淋係杯嘅側邊，之後再加啲珍珠同埋奶茶，最後就會形成漸變色嘅效果呢杯招牌珍珠奶茶又的確真係幾好飲好，香濃嘅奶味，珍珠粒粒都好煙UN!!

老虎堂係香港都興左一兩年，係講緊排一兩個鐘，甚至要十點晨咁早去買大家都在所不辭。珍珠奶茶一路都唔多好，可能比貢茶整臭哂個朵，都好幾年冇買過。點知有一日旺角都開左老虎堂，又唔洗等到消耗人生，咁就同公司同事係食完飯就整杯黎試下。正所謂一試便知龍定蟲，第一次飲黑糖珍珠既奶茶又幾新奇，珍珠真係炒得幾香，鮮奶就用明治奶，又真係幾好飲，頭幾啖。頭幾啖過後就開始覺得甜得滯，冇乜chur哂佢既衝動，我同個同事都係枱頭劈埋一邊就算

黑糖珍奶熱潮雖然減退了，但不代表不用等不用排。老老實實，儘管有多好味，排成個鐘真係咩味都無～所以飲過呢間🐯一次都沒飲了。呢間係佢新開排過個半鐘飲過一次，係眼前一亮的，但要排咁耐真係免了。時過數月，原來已經開了不少分店，路經旺角，驚覺又有一間，仲要搵個人睇下又冇，仲唔那那聲買返杯！唔知係餓了或是回憶，總覺得🐯老虎堂的黑糖味最好，哪管佢真假，就是覺得其香味特別突出，香味好夠但唔會膩到滯。更大的原因可能係排都唔洗排，便更加好味不費勁的滋味，零舍好味

去到旺角，好多人都會飲珍珠奶茶，老虎堂喺旺角TOP開鋪，吸引好多年輕人黎到朝聖，由開鋪起，由老遠見到老虎堂已經見到好多人排隊同等緊拎野飲既人...基本上都多人多到我唔想買黎試...為左一杯野飲，等15分鐘至半個鐘，簡直係曬時間到依家開始少左d人啦，終於..依家開始少左人排隊我就可以去買黎飲了....波霸厚鮮奶 同 虎虎生風厚鮮奶都係老虎堂最出名既今次我揀左波霸厚鮮奶，佢同另一間XX堂比較，老虎堂無咁甜，d波霸即係大粒版珍珠無咁硬，林d好食d。

終於在試了香港的老虎堂～昨天下午人沒那麼多人時去買，才等10分鐘，可以接受的時間。平時每次經過都排了三、四十人... 我真的沒耐性為了一杯飲料等那麼久😑.試完，感覺還是台灣的比較好喝奶香跟奶的濃度有差，然後波霸煮得太軟，完全不Q彈的...有點失望.. ( ´•︵•` ).下次有機會再試試同時港台兩邊都有的飲料店，什麼一芳，迷客夏之類的🥤.#hk #hkig #hongkong #hkgirl #girl #drink

一杯令我不斷向朋友推介嘅飲品，真係好味到不能用筆墨形容， 雖然知道非常邪惡，但都要一飲再飲。之前覺得珍珠奶茶店，開到成行成市好瘋癲。買過呢杯老虎堂虎虎生風厚鮮奶真係明白有得做，排了二十分鐘，前面有二、三十張order，每張order不只一杯，估計一個鐘頭賣過百杯，真係賺到笑，店員說為了確保飲品品質，所以每杯品不能改甜度及多少冰。飲過後，就會明白點解咁多捧場客，黑糖味非常香甜，大細真珍珠非常有咬口，正！

香港有台式飲品已經有咗好多年，開到成行成市 。呢間老虎堂，喺台灣都算出名，早有聽聞。依家過咗嚟香港開店， 有上過報紙，所以一路都想試下佢啲飲品，係咪真係咁犀利。今日同個friend行旺角咁啱見到老虎堂出面排隊嘅人唔算多，就拿拿聲去買返杯黎試飲一下先。我最鍾意飲波霸奶茶，所以今次就點咗杯波霸鮮奶黎飲一飲。佢個名話就話係波霸鮮奶，但係咪真係用鮮奶呢，就真係要飲過先知啦。飲落佢啲奶唔會好似某D奶茶甘有好濃既奶味。但正正因為咁，你反而覺得有少少似係鮮奶沖出黎。相反地佢嘅波霸珍珠比較煙韌，而且黑糖味比較重，又有少少甜，都幾好食。成杯飲品，飲落口滑溜，唔太甜，所以飲完成杯嘢飲都唔會有好滯既感覺。雖然杯嘢飲唔錯，但如果要我花成個半個幾至1個鐘去排隊買，我自己又覺得未去到依個程度。

食完飯係新商場Top到行咗一陣，係時候買返杯老虎堂🐯佢望落好似好多人喺外面咁，但其實排隊唔使好耐。由買飛開始去到拎杯嘢飲，都係等左10零分鐘。唔講杯野住，可能太忙嘅關係，店員服務態度真係麻麻，無乜反應，問野唔係好想答咁不過算啦，重點都係杯嘢飲到！黑糖波霸厚鮮奶($30)好值得影相嘅一杯野飲珍珠揀咗波霸珍珠，即係大粒嗰個size，珍珠煮得好腍，鮮奶味都好出。仲有層奶霜，係令到成杯飲品口感再多啲層次。但稍為甜左一啲。整體來講， $30唔係話好平，但食完飯行過，又唔係太飽，都可以一試

📍旺角📍終於見識到老虎堂嘅利害🐯果然名不虛傳❤️之前一直一直都好想試下飲，但cwb個間實在太多人排隊，起碼排一至兩個鐘，所以都係放棄🤦🏻‍♀️依家連mk都有，咁啱今日經過就試下，6,7點都有10幾人係等緊拎，買就唔洗排隊😍😍所以都係等咗5-10分鐘就有，尚可接受🙈第一次飲，覺得奶味好濃，而且啲珍珠真係好煙韌，好有咬口，未試過有間珍珠奶茶啲珍珠咁好食，同埋第一次咁快就飲曬成杯😆真係好好飲，一定會再嚟買😙

由於銅鑼灣經常需要排隊 我已經無心想嘗試住 唸住等下個熱潮淡左先無乜人去買 ～～點知 出去銅鑼灣 都依然排曬長隆😫知到旺角開左 分店 緊係吾放過機會 買都買返杯試下 仲買左返屋企慢慢嘆🤣飲之前先搖一搖感覺好似台灣飲品一樣 係香港都有台灣水準 香港真係福地～～想要乜就有乜