添好運點心專門店 (Closed)

好好味,但啲餐具油淋淋,好似冇洗咁,嚇死人.杯底碗底仲有千年油脂,睇相就見到.啲筷子黐立立,用唔到.直頭要自備餐具.大家如果嚟食嘢都要自備餐具啦,唔係你一定會後悔.我本身都冇寫食評嘅習慣,但我嬲到直頭要開個account話俾大知有幾好味,幾邋遢

有排未有幫襯，質素每況愈下。1份定0.5 份湯？$36少成咁，純粹搵笨。無心機俾個客，好心不如唔做喇。店x欺客。絕對唔推介呢道湯。絕對唔推介呢道湯。絕對唔推介呢道湯。

米芝蓮點心店,一個人的午餐蝦餃 酥皮叉燒包 叉燒腸粉 排骨鳳爪飯腸粉係即拉,個腸粉皮夠薄帶煙韌口感 叉燒餡料細碎又夠多好味!蝦餃 個皮真係好薄 包住2隻大蝦仁,爽甜彈牙鮮味 酥皮叉燒包係招牌 外皮脆口,咬開係叉燒醬既餡,又甜又香又脆口 排骨幾多,鳳爪乾身左d,個飯夠大碗,食完都幾飽,最好食係蝦餃平均消費$122評分8/10北角和富道2-8號嘉洋大廈地下B,C及D舖

添好運點心店被稱為全世界最便宜的米芝蓮餐廳，一直深受遊客同街坊歡迎，價格相宜又食到即叫即蒸點心，所以今日慕名而來試一試師傅手藝未坐低店員已經不斷問飲咩茶，好chur，而且位置對住風口位，坐得唔太舒適，問佢可唔可以轉位，佢話唔可以，服務真係好一般…..酥皮焗叉燒包 $23招牌點心之一，一份有三件，聞落真係好香，熱辣辣出爐，入口鬆脆，叉燒餡唔會過咸同過肥，口感好正，值得一叫晶瑩鮮蝦餃 $31蝦餃皮都算薄，入面都有2-3隻蝦，新鮮彈牙豉汁蒸鳳爪 $21相對較失色，份量唔多，醬汁一舊舊，雖然鳳爪幾入味，但花生唔太軟腍，可以不叫紅油炒手 $26味道唔會好辣，雲吞都係脹卜卜，足料叫左一份炸兩，單上寫要等20分鐘，但過左30分鐘都未黎就問問店員，佢幫我地追左一次單，但隔離檯遲過我地入座已經有，過多10分鐘仲未有，我地決定唔等，直接取消，一份炸兩等40分鐘未免太離譜

今日想食點心，又係外賣自取，而家無左遊客，排隊等位已不復再， 而家變左排隊等攞外賣。 用apps 早半個鐘訂，去到已經有得攞走。今日叫左燒賣，义燒腸，春卷，蘿蔔糕，咸水角，匙油王炒麵， 鳳爪排骨飯，糯米雞。燒賣豬肉肥瘦適中，有油香，彈牙，呢個堅好味春卷炸到脆卜卜，春卷皮好似薯片咁，又係好味咸水角同春卷一樣，皮脆內軟，掂糯米雞材料豐富，豬肉片啖啖香口，其他就不過不失， 外賣點心黎講， 熱度可以保持，已經非常好。

添好運係香港名牌既點心餐廳，特色係晚上口痕突然想食點心既一個好選擇！小編一直都間唔中會支持下，尋晚口痕到店一食⋯質素差咗不少⋯小編一共叫嗌咗四樣小點，分別係：蝦餃，豉油王炒麵，招牌叉燒包，同埋鮮蝦腸粉。👍🏼蝦餃，同以往一樣，熱辣辣，蝦仁大粒脆香有口感，依然好食！👍🏼鮮蝦腸粉，蝦仁一樣出色，腸粉香糯，即叫即做果然好。😅豉油王炒麵，味道係正確既，但係可能因為小編晚上先去，所以明顯見到炒麵既顏色暗沈，相信已經放置一段時間⋯😥招牌叉燒包，好可惜，同以往相比質素差咗好多，招牌的包皮不再酥香，叉燒肉明顯減少，取代嘅係叉燒醬⋯口感真係差好遠最後，仲要加咗價⋯

今日重臨呢間已有十年多歷史，曾被米芝蓮推介🎖，專賣廣東式點心嘅添好運。隨著呢種形式嘅點心專門店開得越來越多，店外已經無大排長龍嘅風光，但店內仍然坐滿食客。有啲點心係出邊未見過，所以好想試，叫吓叫吓就叫咗8⃣️樣點心，兩個人食...ok啦‼️招牌點心——酥皮焗叉燒包係必食之選，咁多年都可以保持水準。牛油酥皮香味撲鼻，入口甘香鬆化，麵包鬆軟微甜，叉燒大件Q彈又味濃，正到不得了👍。晶瑩鮮蝦餃確實晶瑩通透，蝦餃皮相當薄，蝦肉亦好新鮮彈牙👍。豉汁蒸鳳爪雖然能夠做到骨肉分離，但味道好淡。其他點心嘅味道亦未見突出，黃沙豬潤腸超滑嫩，但豬膶太細件，亦淡而無味。薑蔥牛肉角款式特別，牛肉彈牙入味，但係配合醬汁食就有啲格格不入。XO醬芋頭糕煎得太燶太實。如果店舖能夠將特色點心嘅賣相同美味做得更加好，亦同時保留傳統出邊少有嘅點心，咁佢應該可以重振聲威🥳🥳。

今日下午同家姐因事要到北角，先醫個肚，家姐建議去添好運米芝蓮点心專門店食晏以前每次經過都睇到大班人排隊，而家唔需要等位我係第一次嚟呢間店，家姐就幾年前嚟過啦。入到去，見到人唔多，環境尚算安静，裝潢地道，格局好有內地一般茶樓feel。食物方面，即蒸的點心選擇不多，甜品得幾款呢度最出名“酥皮焗叉燒包”我哋無叫，想食嘅點心如雞扎就無，唯有叫幾樣經典嘅如蝦蛟、鯪魚球、腐皮卷，同埋腸粉。等咗大約十幾分鐘，首先嚟嘅點心係腐皮卷本來有三條，食咗一條先記得影相，味道正常但食到滿口油腸粉皮唔得，味道一般話即叫即蒸，上嚟唔係熱辣辣嘅，令我哋好失望外型不晶瑩，皮略厚，蝦味一般四樣點心嚟齊，發覺唔夠食，再叫一個撈粗。整體上，点心賣相味道都非常一般，偏鹹同油，上桌亦唔係熱騰騰，家姐話無咗以前水準，食物質素令人失望。上網先知，北角分店曾入選米芝蓮一星餐廳(2015-2017)，但因食物質素下降已於2018年被摵星。

幾天前就約定朋友到北角鳳城飲早茶，食返個傳統灌湯餃，點知去到原來疫情關係暫停營業。在OpenRice 搜尋一番，發現附近有間添好運， 應該剛好開門，咁啱友人竟然未食過添好運任何分別，就捉咗佢過嚟食呢間米之蓮點心店。舖頭剛開門，人不多，坐下要了壺壽眉，茶就一般般啦，冇咩香味，幾蚊雞（$4位）茶錢唔預有咩靚茶葉，始終，重點係佢嘅點心。兩個人叫咗6個點心：蝦餃，燒賣，豬膶腸粉，糯米雞食得出啲點心係師傅親手做唔係交貨果啲質數。我最鍾意食佢個燒賣（$30）蝦同豬肉嘅比例啱啱好。豬潤腸粉（$25）腸粉皮好滑，不過略嫌豬膶切得太細啦，仲好少，有啲孤寒，其實豬潤都唔係貴野吖。蝦餃（$30）皮薄，唔會一夾就跌粒肉餡出嚟，餡就啖啖都係蝦。糯米雞，正常但冇驚喜，唔太大隻，有雞肉臘腸等，糯米軟棉棉。成口油孖寶：排骨（$17）同鮮蝦腐皮卷（$30）～排骨好肥，粒粒都肥，又細細粒，成口油，要記住下次唔會再叫。～鮮蝦腐皮卷上枱熱辣辣，原本應該好食嘅，因為好足料，可惜師傅炸得唔好，好油，應該係炸完冇迫返啲油出嚟，又係成口油。免加一，兩個人埋單$170 ，環境係小店摺枱feel，唔算平，但點心質素中上，比好多酒樓都好食

米芝蓮既星級點心大家都唔會陌生🤩 係小店入面又唔會Expect 好星級質素🤣 但係以午餐黎講CP值很高 比茶樓好💰 物超所值⭐️ 蛋白蝦春卷 🦐好香口又唔會太油😋 加左蛋白口感外脆內滑🥚⭐️ 免治牛肉腸 🐮腸粉皮好薄👍🏻好通透咁睇到下面既牛肉🥩 味道就普普通通⭐️ 煎釀豆腐 🧆面頭有D 魚肉🐟 係芡汁太濃太杰了一點😅 整體都嫩滑既⭐️ 酥皮焗叉燒包 🍔一定要試既招牌❤️ 外脆內軟既包暖笠笠🔥 甜鹹既配搭好平衡

因為訂左一晚凱悅尚萃既staycation,我又一直都未食過添好運，而又係酒店附近，所以就嚟試下佢🤪🤪.我地大概差唔多12點到，有人係門口排外賣(因為外賣有折)堂食既人都多，但冇坐滿既😍.坐到位之後要同佢哋拎點心紙同開茶，我地一共嗌左12個點心，我本人最鍾意就係個叉燒包😂真係好正！個春卷同馬拉糕都好好食😋冰花蛋散我本人唔鍾意，食落口感好冧🤨.大概差唔多食到尾聲，就開始有人等位啦！所以都建議早少少去比較唔洗等位！.12個點心加埋茶錢285蚊我覺得真心都幾平平時去茶樓食7-8個點心都2xx啦.雖然好多分店，但對於住新界西既我都有啲距離😂不過我都會想再去食

可能是以前曾有米芝蓮美食光環的關係，以前每次經過這裹都看到一大羣人在等待座位，今天看到不需要等位，便決定走進去吃。餐廳裝修變舊了，但仍有不少即叫即蒸的點心可以給我去選擇，其中有必吃的如“酥皮焗叉燒包”、“鮑汁鳳爪”，我當然沒有放過。另外也點了“布拉格腸粉”，把加了醬油、麻醬和甜醬的腸粉放入口，腸粉中心附近的咬感有些糊口，不太好吃，而“鳳爪排骨蒸飯”入口雖仍熱辣辣，飯粒有排骨蒸出來的豬肉香味，但整體上感覺已沒有以前般美味，只算是中規中矩。

添好運點心專門店在香港共有7家分店。在國外也有不少分店，曾經被評為米芝連一星餐廳。豉汁蒸鳳爪爽腍入味，花生滲透了鳳爪的汁，非常好味。豆豉蒸排骨，鮮嫩肉滑，就是量少了一點。鮑汁豆腐是新推薦的出品。感覺中規中矩。鮮蝦腐皮卷蝦肉新鮮彈牙.皮薄松脆，非常香口。新菜色炸紫菜卷沒什麼特別之處，三件小的可憐。土魷肉餅蒸飯，足料有幾多土魷，好好味。點贊👍所有點心都是熱辣辣的，價格亦算合理。但是出品量縮水很多，這大概與疫情有關，搵食艱難吧…。

事隔四年再一次吃，不知道是水準下降了，還是好吃太多了 ，覺得味道太一般了，除了叉燒包味道還好，別的真的一言難盡，燒賣感覺就是速凍食品，蝦肉卷也不如其他家出眾，荷葉雞味道中規中矩，不能再多分了，紅油抄手不好吃

依間點心連鎖店係位於北角，其實不過都有好多食點心嘅地方，不過依一間係朋友介紹我嚟試吓佢嘅酥皮叉燒包，都幾特別第一次食特別版嘅叉燒包，外脆內軟，雖然等候嘅時間真係比我想像中耐，不過食到特別版嘅叉燒包都可以接受嘅！