添好運點心專門店 (Closed)

今次同屋企人去飲茶有成半年冇黎同以前既水準差好多首先茶水不夠熱d碗筷又唔太乾淨d姐姐又好似趕收工咁明明未食完就收走我地d野食叫左個布拉滑腸同炸兩唔滑，豉油都唔夠味炸兩入面既油炸鬼亦唔脆糯米雞冇乜荷葉香，餡料都唔多入面有好細一節臘腸但好黑，好似炭咁，咬落好多肥肉唔係好岩我食不過值得一讚係個馬拉糕既黑糖味夠出紅油抄手都夠辣，不過入面隻蝦就太細隻但23蚊有5粒，算係咁啦釀尖椒都夠辣同刺激同入面d肉都足唔會好小氣

小一簡介會過後，搭地窿去咗將軍澳，行咗陣都未諗到食乜，㩒飛仔嗰陣阿姐話有位，咁就坐低咗，叫咗幾樣嘢，包括以下十多年前在廣華街總壇食過一兩次，但係而家唔同晒味，一般

添好運分店少，但係野食質素高。雖然點心種類唔多，但普遍嘅點心一定有，另外，有啲點心好食，例如炸鮮奶，西米露，鳳爪等。 例如午市會有嘅湯，有時仲有啲豬肺湯 幾正。 蝦餃燒賣呢啲就好明顯香港師傳整 幾正。

老實說，多年前到福榮街吃《添好運》，食物味道是頂級的。當開愈多分店時，分店的質素往往強差人意望該店好好處理分店食品質素問題，不進則退，只會害到自己。星期六的下午，將軍澳店不算多人輪候，等約六張枱基本能成功入座一場來到，必試雪山叉燒包！外皮脆口，內裡全是流心的叉燒，但略帶肥膏不要緊，仍保持水準。潮洲粉果熱辣辣的，花生多多，皮不算厚，挺不錯宣傳紙上有炸腐皮卷，可惜點心紙上只有炆腐皮卷，略為失望相對較多油，似是失了應有水準，客人只好多喝茶解油。燒賣的杞子夠Sharp，但老問題是燒賣略帶肥肉鮮蝦菠菜餃菜夠足料，蝦就細細隻，皮又不算癡牙，不過不失。炸兩腸 - 皮不算粘口，炸兩真的金黃脆口，不帶太大油味，值得一讚金銀蛋瘦肉粥第一次在添好運嘗試吃粥，皮蛋與瘦肉的份量剛剛好，加少少蔥花和脆片拌着吃，都已感覺滿足了

而家整點心，真係唔可以好似以前咁墨守成規。 蝦餃，燒賣嗰啲點心其實真係個個香港人嘅家常便飯。所以，呢啲嘢整得正正常常係唔會有credit。 添好運整嘅傳統點心真係好冇特色，平平無奇，味道都唔會特別好過酒樓。佢係靠賣脆皮叉燒包維生。除咗呢度拿手好菜之外，其他嘅點心都唔係好食。坊間有太多點心專門店整得好食過佢。 我覺得添好運應該要進取少少，至少啲蝦餃燒賣要整得好食過人先，得個叉燒包，我真係驚佢頂唔住外界咁多競爭對手。冇理由我為你個叉燒包，要食大量唔好食嘅點心㗎。之前深水埗嗰間都幾好食，唔知係唔係將軍澳分店嘅問題。

難得假期又唔想食茶記咁hea...落樓嘆返餐點心。叫左個必食雪山义燒包，熱辣辣酥皮香，义燒仲好似流心咁，一定要趁熱食！嗌左個馬拉糕，有驚喜！竟然係廿幾年前酒樓推車仔果款深啡馬拉糕！又香又鬆軟，唔係普通茶樓超市賣果啲黃色硬實馬拉糕！鳯爪排骨飯，盎飯起碼有6-7粒排骨，排骨無雪味，不過飯粒濕軟，未必個個中意，但岩晒我口味。仲有嗌左燒賣，义燒腸，紅油抄手，豉汁鳯爪，質素都對得住自己肚皮！只係鮮蝦菜苗餃賣相雖好，個味道一般！

Tim Ho Wan is a Michelin recommended dimsum eatery but to be honest I felt that it was just average just like other dimsum places in Hong Kong.It is evidently successful in TKO as the area is being renovated yet they are not affected.Ordered two items which I was expecting to be savoury but they all contain sugar.Started with the compulsory HKD3 but sadly they only have one choice of tea available which is annoying.The meat patty was a bit stodgy and the soy sauce that they poured on was sweet.L

這個週末中午，幸運地在門外只是等了不到半小時。因為點餐紙的點心款式也不多，我們就隨便點了幾款試一下。以下快速進入主題：酥皮叉燒包的外皮鬆脆，餡料夠多，味道就像是包著叉燒的墨西哥包。這款叉燒包必須熱食，要是稍放冷，味道就差很遠了，但很可惜的是，叉燒包上桌時就已經不夠熱了。每次食點心都必點的蝦餃和腸粉，卻沒有驚喜，粉皮類都略厚皮，腸粉又不夠滑身。燒賣使用的豬肉偏肥，味道不過不失吧。最不推薦的大概是賽螃蟹春卷，沒錯炸得很脆，但本身蛋白經過油炸後，食起來像是吸了油一般，加上內裡只有蛋白和蘆筍，沒什麼味道，如果能蘸點沙律醬可能會好點。聽朋友說，添好運最有名的是酥皮叉燒包，其他點心倒是一般般吧，吃罷，果然如此。至於這次標題意思是什麼，自行參詳吧！

添好運成日都大排長龍，今次用app拎定位真係好方便，去到直入唔駛等款式就係咁多，兩人叫住三樣試下先招牌必食酥皮焗叉燒包$22果然冇令人失望，一句講晒，皮脆餡多又夠熱，唔嗌黎食下唔算去過添好運呀5/5煎蛋牛肉飯$29第一次食呢款盅頭飯，原來係好似山竹牛肉攤係飯面咁，撈埋一齊非常之滑，但變咗冇乜口感，唔係太岩口味呢3/5韭黃鮮蝦腸$27鮮蝦腸入面只有迷你蝦粒，亦食唔出有韭黃，但腸粉皮尚算滑溜，而甜豉油味道都調較得唔錯，挽回返少少分數3/5

今日中午突然想食點心，結果山長水遠行去popcorn 買點心食，以點心而論添好運水準一向係比茶樓好，某啲茶樓點心非現場做，結果質素參差很大。今日一共叫左4個點心，蒸排骨、酥皮叉燒包、煎虎尖椒同蝦餃。叫外賣佢全部分開盒裝，雖然好浪費，但食物不會混在一起，影響觀感同味道。我試過比還保盒佢裝，但佢話師傅唔收，因為流水作業，會攪亂班師傅。講返味道，酥皮叉燒包係必食，比一般叉燒餐飽更好食，而蝦餃皮亦做得好好，煙煙韌韌唔會痴埋一舊或者散晒。排骨肥瘦適中，近骨位爽爽地好味，最後仲有虎皮尖椒🙈🙈餓得滯未影就食左，少少辣勁野味。

今日又係自己一個人, 中午做完物理治療, 途經這兒, 又有 D 肚餓, 決定找東西吃啦。想起這間曾奪米芝蓮光環的點心專門店, 咁啱門口望入去仍有好多位, 咁就叫兩個點心試下啦。已經有兩年沒有來, 因為品質每況愈下。今次叫左佢最出名的酥皮焗叉燒包, 價錢不貴, $22 有三個。包是暖暖的不夠熱, 雪山皮比較甜, 而且餡料比較咸, 但整體 ok! 陳皮牛肉球, $18 有三粒。陳皮味欠奉, 唯牛肉很滑。細看之下內裡其實加入了大量肥肉, 雖不知是豬肥膏還是牛肥膏, 但全都被我慢慢挑走了。以價錢論還可以, 但比起之前佢响廣華街打響名堂的第一間店, 品質差太遠了。

想食點心但又吾想喺茶樓慢慢坐，我會選擇去 d點心專門店。除左慳時間，價錢仲平酒樓一截 tim。添好運我最鐘意食煎釀虎皮尖椒同埋黃沙豬潤腸。佢嘅腸粉算皮薄同夠滑，而且冇葱，啱哂我。酥皮焗叉燒包又係好多人點嘅，我覺得好似食緊有叉燒餡嘅菠蘿包，其實都好味嘅， 不過個人鍾意食傳統嘅叉燒包多啲。不過當然如果對舒適度同服務有要求嘅一定係酒樓好 d。但我地兩個人叫左三個點心連埋茶錢都係 $70, 好抵食😋。 而且點心嘅味道亦吾差，係款式太小。

添好運點心🥟.添好運係出名既點心店，隨着分店越開越多，質素都有參差了，覺得好一般般！🍤晶瑩鮮蝦餃個皮好林，陳皮牛肉球亦如是，無左牛肉球應有些少彈牙既口感。古法糯米雞好大隻🍚，醬汁都夠多夠濃，但都係超林啊！比較好少少係酥皮焗叉燒包🐷酥皮係脆，包身軟熟，唯一係唔新鮮熱辣，得少少暖！蒜香雞絲春卷既蒜味突出，餡料豐富，係最好食既一個點心了！😋腸粉有兩碟：九黃鮮蝦腸&蜜味叉燒腸，質素正常啦。總體係全部都唔新鮮熱辣只係全部翻蒸再翻蒸比客人食，普通酒樓好食好多！

今年度日去將軍澳popcorn既添好運食嘢 d呀姐服務態度十分差劣 首先門口呀姐粗聲粗氣咁問齊人未答佢齊人又質疑我地 真係未食嘢都谷住啖氣入到去枱同枱中間冇通道 入都入唔到點食嘢諗住好心幫佢地搬下d枱 我地自己行入座位到點知個呀姐叫唔我地唔好打爛佢d嘢真係火都黎埋後尾食到咁上下 檯面淨番一兩碟食物 諗住食多陣就走 點知個呀姐成堆過黎俾說話我地聽 話食完就快d走啦 要傾計出去傾未食完嘢又趕人走以後都唔再食將軍澳嗰間添好運！

上一次去食已經係好幾年前，當時佢岩岩上米芝蓮，旺角間鋪打曬蛇餅，等左成粒鐘先入得去。今次約左幾個朋友去Popcorn添好運食野，以為會好多人，點知八點三左右去到都唔洗點洗等位就入得去。一心以為唔會平得去邊，點知價位勁親民，十幾二十蚊有交易，以食晚餐黎講都好抵食。我地四個人食，所以叫都叫d，叫完好快就到！全部點心都好夠水準，對得住米芝蓮個名，我個人最鍾意食既粉果同腸粉都無叫我失望，粉果皮薄餡靚，好足料。最後口痕叫埋流沙奶皇煎埋做甜品，同個油菜，因為無人等位，所以可以慢慢同朋友傾計聚舊。最後埋單每人只係六十六蚊，平靚正，仲要食到好多款既點心，推薦！