添好運點心專門店 (Closed)

獲得米芝蓮的添好運，其實是不是人們説的那麼好吃？經常看見人龍，連在澳門的添好運也要排隊。今天見有空，決定一人來試。本以為岀名的餐廳價錢也會相對地高，但這裡的價錢十分經濟合理。韮菜鮮蝦腸的腸粉皮太稔了，很沒咬口，好像在吃豆腐的感覺。蝦的份量又不是很多。酥皮焗叉燒包真係很好吃，外面鬆脆，裡面的叉燒多汁夠熱。必叫之選！古法糯米雞很失望，雖然餡料充足，但飯太散了，沒有口感。除了酥皮焗叉燒包，其他也不值一提，這就是米芝蓮嗎？

將軍澳區好食點心推介，中午前去不用等候太久就能入座，雖然點心選擇不太多，但係有我喜歡食的已經足夠。每次來臨必食酥皮焗叉燒包、豬潤腸、蒸飯、牛肉球！個人認為呢度嘅叉燒包真係全香港最好味，外皮趣，叉燒餡料多，味道濃郁，每次我都可以食到三個。黃沙豬膶腸超薄外皮，一口咬落去入口即溶口感超正。陳皮牛肉球的牛肉，口感滑，也是入口即溶，不需要加喼汁也已經很好味。蟲草蒸雞飯是我最愛，雞滑，米香，好味到難以形容。整體來說點心非常好味，但員工的態度就需要改善，因為我見過員工對客人不禮貌。

行完一日街，又係時侯食好西今日去扮下勇敢的中國人，走左去飲茶，叫的款式好多，但食得哂既唔多，唯有就住叫今次食左個盅頭飯，鳳爪排骨飯、馬拉糕、豬潤腸同埋蝦餃。女友竟然食咁少都飽肚lol

下晝點零鐘， 幾個人喺將軍澳食飯，想食點心又想快，咁就呢間啦! 可能係平日， 呢個鐘數都仲有位， 劃完點心紙， 大概五分鐘就有嘢食啦 。我最愛賽螃蟹春卷， 外層卜卜脆， 裏面有蛋白同蟹肉， 一齊食好夾呀! 另一至愛酥皮焗叉燒包， 墨西哥皮， 裏面叉燒少少肥， 肉汁豐富。 我鍾意食呢種叉燒包多個傳統白色皮果隻，呢隻香口啲。仲有古法糯米雞， 糯米飯滲著荷葉香同餸汁， 軟綿綿， 好好食呀! 三蚊一位茶又唔使加一 ，我哋叫咗六個點心， 一隻糯米雞 ，一個盅頭飯， 五個人 ，一人都係三十零蚊， 抵食 。

去將軍澳探朋友，佢帶我地去呢間食點心，朋友介紹話呢度嘅師傅係出自某出名嘅餐廳，所以啲點心係有保證。戴咗蒸飯同埋幾個點心等咗大概5分鐘到就有得食咁多個點心之中我印象最深刻就係個叉燒包，因為入面既叉燒好新鮮通惹味，配合買個鬆軟嘅包，一流！另外仲有個糯米雞都係我最鍾意食嘅點心，可能即叫即蒸關係，送到黎嘅時候聞到個飯好清香，仲充滿咗荷葉嘅味，呢度嘅點心果然名副其實，除咗新鮮之外，亦都非常之足料，價錢中等但質素高！

在朋友對添好運的強烈推介下, 在將軍澳也選擇了一試添好運.在多年前,開業前有光顧添好運一兩次,但未見食物有高水準表現.今天,倒是改觀了!1人單點了一盅蟲草花蒸雞飯 ($27) 和一份馬拉糕 ($15).蒸飯不消5分鐘便有了!推薦指數:5/5意想不到,雞飯的雞肉勾起我的回憶: 以前小時候喜歡吃雞包仔,除了那陣芫荽味道,對於那些雞粒的味道未能忘懷. 在這飯中,驚喜地找到那陣味道! 其實,也就是雞粉的微微鮮和雞味間的朦朧美吧.飯中,還添了蟲草花的鮮甜味道, 加上飯粒蒸得乾身,配上甜豉油相當好吃!然後上桌是馬拉糕推薦指數:4/5馬拉糕相當軟熟,份量大方,入口帶焦焦的甜味,還有蛋香!看見馬拉糕內的氣泡,已知道它有多鬆軟好吃了!加上$3茶介,價錢非常合理,味道又好吃, 也許添好運的評分可以高一些!

各位帶著bb既真係唔好去！今日同個女去飲茶，我把點心纸給個員工時，佢望實我個女問我幾位，我話1位，我話阿女係bb黎咋喎（佢望住我阿女囉仲）！我去好多茶樓bb都唔計茶位既，你要計冇問題，唔好甘無禮貌囉！佢之後話：繁忙時間bb都計位，同你講聲！而家又唔係繁忙時間，店內得幾個客，佢想點！我以後唔會再去！唔該你地，如果真係有甘既policy,請公開囉！

添好運 將軍澳分店 地鐵一出過條馬路就到 地點非常方便！但地方吾大 平時繁忙時段成日都要等成個鐘任何時段都每人$3茶費鮮蝦燒賣皇 $26蝦 豬肉 肥豬肉 比例超吾平均 由於四粒都我食 有一粒全部蝦 有一粒肥肉瘦肉 2:1 有一粒全肥肉 我一開頭白雪雪仲以為係蝦 一啖食左 咬咬下發現係肥肉 仲要縮左水 平均成$6個幾一粒 吾係好抵食古法糯米雞 $27料都好多 幾好食不過每次都無人食舊黑蚊蚊既臘肉賽螃蟹春卷 $20入面全部係蛋白同蟹肉 除左熱氣左d之外 其實好好食香菇滑雞扎 $20超好食 但好油外面層腐竹炸過再去炆 入面有一條芋頭一隻菇一舊雞 好好味美味炆鮮竹卷 $16又係好油 但又好好食依個比雞扎咸左d美味鮑汁鳳爪 $27其實我最愛食依個添好運既鮑汁鳳爪好淋好入味每次都要自己食一碟酥皮焗叉燒包 $19皇牌必食叉燒包墨西哥牛油皮 外脆內鬆軟 叉燒餡調味適中好食香滑馬拉糕 $16鬆軟綿密 但好細個黃沙豬潤腸 $21夠滑 豬潤份量都多 吾錯！整體質素吾錯個鮑汁鳳爪同叉燒包必試

滿心歡喜食米之蓮餐廳！潻好運對佢期望太高結果有小小失望以為全部點心都好好食結果只叉燒包好食而且點心選擇小不過叉燒包真係值得讚添好運最出名嘅酥皮叉燒包😍係真係好好食啊，外脆內軟👍🏻酥皮夠脆，一啖咬落去個口感好正，而且入面熱辣辣，穌皮甜甜地再加埋入面咸咸嘅叉燒真係一流😚不過就成間野得個叉燒包係值得講下，其他野都好普通🙁啲分扣係其他野食到可能出面茶樓嘅點心仲好食而仲要平啲為左個叉燒包泥食有小小唔值

今天到星星戲院看戲後，順便到附近商場晚餐。　　看到這家享負盛名的點心專門店，竟然不用等位，可馬上入座。實在太難得了！一於在這家晚餐吧！　几款味美點心呈上來了！＜美味炆鮮竹卷＞只是16元，這款真的很抵食。三件鮮竹卷，配淺啡色芡汁。腐皮內的餡料有紅蘿蔔，芹菜，肉末。肉末雖少，紅蘿蔔及腐皮也是軟棉棉的，但勝在有唐芹特別的香氣及口感，整體很清新爽口。反光的芡汁，看來很油膩，可是剛才嚐鮮竹卷時，卻没有油膩感。北菇雞球燒賣　不是平常黃色皮的燒賣。而是在二件肉丸上，放了冬菇及雞件。　　這晚是平日晚上，客人不多，餐廳不算太嘈吵。職員可以投放更多時間來提升服務。

今晚同我的最愛飲晚茶，我地兩個一向都鐘意飲茶，晚茶就第一次，我們覺得整體算不過不失潽洱茶太淡，茶味唔夠香濃，我好唔鐘意另外，如果有茶的種類揀就好了，但佢只得潽洱，傷心食物算唔錯，不過冇大驚喜，而我最鐘意係煎蛋牛肉飯，而家好多酒樓都已經冇得食啦！個牛爽口，隻蛋至係流心，唔會煎得太熟，好正另外，值得一提係點心上得快，我絕對相信唔係即叫即蒸！同埋地下有少少唔乾淨，我坐個圍附近有好多食物殘渣,呢點值得注意。如果有得揀，我依然會再黎食，不過會試其他分店，唔知會唔會有唔同呢？

身住將軍澳，添好運是我少數會encore 的餐廳。性價比高之餘，餐廳定期都會有點新款式。薑蔥牛肉餃表皮像羅漢齋一樣煙韌，充滿黃薑的香，亦帶少許甜。咬開表層，是滑滑的香茜牛肉，整個點心極之惹味！鮮蝦白菜餃水晶皮晶瑩剔透，厚薄如一，不會太韌或太乾。餡料是新鮮爽口的蝦肉及鮮甜的白菜，非常有heart!讚！荔茸西米露芋頭打成蓉，加入西米露中。芋蓉與椰汁比例恰好，芋頭很香甜，有點台灣的味道。

奉勸將軍澳的媽媽千萬別去！！！高高興興帶住bb(四個月大)同嫲嫲打算飲早茶，店內位置還有三分一。在門口已經問有沒有位置放bb車，沒有就去別處。店員說有，帶我們到一張一半正式枱，一半摺枱的所謂"四人枱"，然後拉開正式枱，說要坐正式枱要收"茶位"！四個月大bb要收茶位！！好了，坐摺枱也算，我地移好位(有足夠空間)，放好bb車，店員竟然話都會霸多個位，堅持要收茶位！搞錯！已經坐摺枱，又得兩張椅子，仲話我個B霸第三個位要收茶位！！過分！即刻話唔食！出去其他餐廳安頓好bb和嫲嫲，入去同經理投訴！經理態度恶劣！！！邊做野邊聽我講之餘，聽完唔處理不單止，仲話"好忙"，嫌我阻住佢做野！這樣的服務，再好食的出品都沒用！持住自己有米兹蓮就連基本禮貌都冇，垃圾！！

中午12點諗左去試下添好運，聽人講D點心幾特別，點知企門口派飛個服務員態度勁差，即刻走人同理以後都唔會幫襯，其實一間食店的食品幾好如果服務唔好都唔會有人幫襯，所以希望佢地會同D員工訓練下唔係就真係比錢請佢地嚟倒自己米。

好耐冇食諗住去排隊都要食吓啦，點知d嘢越來越差，牛肉入面有舊唔知咩肉係咬唔開㗎，跟住碟炸兩細咗好多囉，仲有嗰肉餅飯d米好似唔熟咁，叉燒包3個裡面得1個叫做有叉燒㗎咋，其他嗰兩個叫叉燒汁包唔係叉燒包呀