添好運點心專門店 (Closed)

今晚在外晚餐，目標是POPCORN內的餐廳。發現這家竟然有位，不用等叫籌，真係好好彩，所以馬上入座。由於肚子很餓，很快下單了。　　鮑汁鳳爪　　在家不會煮鳳爪，所以出外用膳就特別想點這款。　聽說鳳爪是天然的美容補品！　　鳳爪煮得很腍身，緊致又軟棉棉的鳳爪皮入口即化，只需用舌尖MUI下MUI下，無需用牙力。而爪骨關節位也很容易咬開。事後咀巴粘粘的，可能真的有很多骨膠原！

一直都想試，深水埗、之前旺角店都太多人，點等呀⋯⋯今日經過將軍澳，唔駛等位，梗係試啦！必試既：酥皮叉燒包、黃沙豬潤腸，仲叫左幾款大路點心晶瑩鮮蝦餃個人覺得大小適中，蝦夠爽口，皮唔 "lim" 口，唔錯喎！我覺得飲茶必食蝦餃既會like！黃沙豬潤腸筷子一瞥落去，有d失望，皮太削，夾唔起，豬潤唔夠滑(可能期望黃沙潤會比普通豬潤更香更滑啩)酥皮焗叉燒包好鮮好新鮮，似一焗好即出，餡亦好熱辣辣，但酥皮唔夠鬆化，加上個人一向唔太喜好叉燒包，一般啦美味鮑汁鳳爪算入味，八角味略濃(唔好八角味既要留意)煎釀虎皮尖椒略油，但好香口鯪魚肉亦好彈牙，like白灼青油菜全走，一般西生菜唔駛形容啦唔駛排隊等既，唔想去酒樓要加一既，可以一試！可能深水埗店出色d啩？

叉燒腸的皮好削，毫無口感，好似食左濕水麵包，唔合格，咸水角皮略嫌硬了一點，味道ok偏濃，酥皮叉燒包好好味，值得食，最後一籠係薑䓤牛肉餃，獻汁好杰，裡面係山竹牛肉球再包層腐竹皮，一般質素及咸，整體所有點心味濃，清淡者慎幫襯

星期六同男朋友撐抬腳，心思思想食呢間野好耐喇，話晒都係米之蓮嘛。8點零去到，好多人排隊啊....不過要等位....4張台，好快就到了....一坐低馬上叫左個羅卜糕、蝦餃、豬潤腸粉、時菜。羅卜糕因為佢話出名，見有咁多雜誌介紹，我冇理由唔試，加試上佢中意食就更加要食，賣相都ok的，但係食落去有啲啲失望喇，有啲粉，料唔係太足。不過呢個價錢，可以接受的蝦餃，好的色，有4件的。男朋友話不過不失，味道就好普通，蝦係有嘅但細啲啲再黎個時菜就係西生菜黎嘅，上菜時侍應會問你要唔要醬油，要就會幫你加，算係貼心啦拉布腸粉都係出名嘅菜式之一，所以我地有叫啊，但係個豬潤腸真係好差，啲豬潤唔新鮮，而且食落仲有根，咬唔開，好失望喇！或者係因為分店，如果係深水埗果間可能會好小小啦。下次都唔會黎呢間喇，再比多次機會去深水埗果間

今晚想飲下茶所以去添好運食🍔首先叫左個鮑汁鳳爪好入味好淋，唔洗咬一啜就食到之後我最中意既叉燒包到🍔酥皮外皮，甜甜的，料都幾多我覺得比一般叉燒包好食，不過怕甜既朋友未必中意因為叉燒又甜，酥皮又甜我自己就好中意！仲有個金銀蛋瘦肉粥料多，味不錯到虎皮尖椒🍢我覺得奧運站個間添好運煎得比較好食呢到上菜個時已經凍左少少辣都無到最後陳皮牛肉球好像比人食過咁，賣相麻麻味道都係平時酒樓食個d叉不多總結都係叉燒包係必點！

假日黎添好運飲茶唔駛排長龍等位了, 將軍澳店舖位小, 也只等了10分鐘, 值得。酥皮焗叉燒包: 新鮮即焗, 皮脆像墨西哥包皮, 叉燒半肥瘦, 大大粒, 很香肉味, 醬汁洶湧而出, 不斷流下, 一定要新鮮食, 好味。 鹹魚肉片飯: 似肉餅飯, 而不是肉片, 一塊塊的肉片已混成一團, 豬肉新鮮, 亦很彈牙。 鹹魚亦很香, 鹹度適中, 大大件, 增加鮮肉的香, 不錯吧。 可惜盅飯分量極小, 與價錢不乎, 略貴。陳皮牛肉球: 有微略的陳皮香, 牛肉彈牙, 但生粉比列略多, 牛肉味不夠, 一般酒樓也會比它好。鮮竹卷: 内含紅蘿白, 西芹, 及其它蔬菜類, 很少豬肉, 不細心吃幾乎不覺有, 無肉香, 蔬菜味濃, 很懷疑這是否齋卷。

如果你地問我食點心的店鋪邊間好的話，我覺得系會話添好運咯，我對佢嘅點心真係十分推崇而且保持著一種新鮮的好奇心。新鮮的辣椒炒肉，我覺得自己已經完全淪陷系辣椒的世界，尼道辣椒炒肉真係味道好正，其實不是狠辣的，辣椒也只是一般般辣，但係難得的青澀味道的辣椒完全同肉嘅鮮味混為一體，而且意外的夾，仲有就系好入味，不會太重口。我很喜歡的添好運的叉燒包，因為真真正正的系皮薄餡多，叉燒又系瘦中帶肥，肉同麵粉之間有一種奇妙的磁場，相互之間的滲透真係好正，其實我真係太容易滿足啦。價錢方面一直以來都係咁公道，好難的。

添好運係將軍澳區少有既點心店,星期六下午就排隊,2人位大概等左15-20分鐘添好運每次既上菜速度都好快,落單後5分鐘已經有野食.是次所點食物:1) 糯米雞:點糯米雞係因為份量夠大,飯多之餘料亦俾足,$27係幾抵食,糯米飯甚至多到兩個人都食唔哂2) 鮑汁鳳爪估唔到呢到既鳳爪幾有驚喜,個汁咸咸地,有D似鹵水汁,炆得好入味好林,值得一試!3) 酥皮焗叉燒包呢個係每次黎到都必點既點心, 叉燒包細細個非常精緻,最特別係個包既皮係好似墨西哥包既口感,所以食落去既感覺係墨西哥包既外皮同叉燒包既餡,而且叉燒餡好有肉汁,非常美味三個點心最後埋單係$78,兩個人除番開唔洗$40,係抵食既點心店之選!

因為唔就腳同工作關係，平時都好少出去食lunch，有時帶飯食時都要出去搵lunch外賣，但附近要有保證既真係唔多，其實都好在popcorn有添好運叫外賣，唔洗去茶樓食，天生愛食鳳爪排骨飯既我當然要試佢啦，佢既飯得確係好好味，唔同出面用炸鳳爪撈色化骨軟腳咁，佢係用返原隻自家滷製既鳳爪，超有味道同勁有膠質既，真係要啜下既。排骨亦做得唔錯，相當夠味同鮮肉，仲要好多舊嫁，飯就次次都唔同軟熟，但都好味既，上面二粒椒仔出奇地係辣既，我鍾意。所以以後一想食飯都會諗食佢，真係同外面既店唔一樣，好食好食

難得放假，當然要和家人去吃吃下午茶！添好運非常近地鐵站，便選擇了它，雖然店子面積不大，但食物卻不錯，還是值得來嚐嚐。首先介紹一下這個古法糯米雞，米飯蒸得好軟熟，而且用料十足，非常有飽足感！另外一大推介是酥皮叉燒包，因為不是傳統的蒸包，單看外形以為很乾身，但一咬下去，非常鬆軟，叉燒餡料熱呼呼的，整體味道意外地配合。而翡翠帶子蒸腸粉亦令人非常驚喜，用料絕不吝嗇，帶子有一定厚度且味道鮮甜。而鮑汁鳯爪也不俗，鳯爪非常入味，蒸得軟且富有膠質，忍不住要一隻一隻接住吃！蝦餃皮薄蝦肉足，而牛肉球則不過不失。總體來說，這𥚃的點心是非常值得去嚐嚐，價錢和其他酒樓差不多，但這𥚃食物製作較為用心！不妨試試！

去POPCORN睇戲前先醫肚, 2個人簡簡單單叫左3樣點心 :酥皮焗叉燒包 - 呢個肯定係長期人氣榜NO.1, 剛落單唔夠5分鐘已經上檯 表面熱辣辣又鬆軟, 叉燒甜甜地好好味!鳳爪排骨飯 - 肉排幾淋幾入味, 鳳爪就炆得唔夠耐唔夠味, 唔係一咬即斷果種, 飯粒軟硬適中, 唔錯!豬潤腸粉 - 豬潤份量太少, 腸粉皮唔算薄, 一般~

印象中在我幼稚園時, 因為屋企人在茶樓附近工作,我每日的下午茶都係食叉燒飽, 亦都好ENJOY的直至有一日一齣電影 令我對叉燒包產日恐懼(大家應該都知我講邊套戲  )所以應該有成十幾年都冇食過直至屋企附近開了添好運, 其酥皮焗叉燒包是其招牌菜, 礙於平時實在太多太多人等位, 今日難得沒有太多人等位, 竟然可以即入, 真係未食都已經"超好運"望下個餐紙先, 其實都不用多想,必點那幾個招牌點心:1.酥皮焗叉燒包圓碌碌, 漲卜卜就係佢, 讓我開始食返叉燒包酥皮面脆脆的, 包裹甜蜜蜜叉燒同餐紙比較返, 雖然叉燒包有少許落差,但是依然啖啖有叉燒接下來是豬潤2重奏2.豬潤豬肚燒賣外型係冇正常燒賣咁靚仔,上菜時, 豬潤及豬肚都只是擱在燒賣旁邊,可能傳菜時已經從燒賣上滑下來了豬潤很爽, 不會太粉, 值得一讚其餘的豬肚及燒賣則正常水平3.黃沙豬潤腸一碟3條, 沒有像其他酒樓將2條腸粉分件扮6件淋上甜豉油,裏面有滿滿的爽口豬潤呢, 好滿足呀!豬潤要煮得爽口真是不容易,坊間試過的一些豬潤點心都太粉了, 咬下去都黏口了所以我決定了, 凡是豬潤點心都是在添好運食比較穩陣埋單: $71咋 作為晚餐, 真係算抵食喇

名稱：添好運點心專門店（將軍澳添好運呢間餐廳由幾年前係北角食到依家將軍澳呢間都開左年幾，水準一直都好有保證，係有時一兩道點心會做得唔太出色咁。閒日中午黎到，雖然都算好爆場，但岩岩好有位唔使等~呢到用蝦做既點心一般都好有水準，所以嗌左蝦腸同蝦餃，份量多，啲蝦又大隻又爽口，正呀！鳳爪都大大隻，煮得好淋唔會硬。燒賣就有啲普通，都算好食，大大粒，但唔算有咩特別既地方。蘿白糕係我本身就好鐘意既既點心，所以次次黎親都必點！質地唔會太硬／太鬆，煎得夠香，好好味！環境方面都過得去，係座位比較窄，手袋都冇地方擺，好似快餐店咁，但快食就都還可以接受，想舒服啲就要去茶樓啦。

今晚係將軍澳同朋友食飯，見到添好運竟然唔洗排隊，當然即刻要食呢間啦（呢間等位聽講要排好耐嫁）二個人食，點左几樣等待期間，好在用熱茶淥下餐具單係個杯，都已經浮曬油有相為証米網牛肉卷米網好油，湯匙好油，個碗好油中間牛肉=好似山竹牛肉味以為好好味，原來…………咁油黃沙豬潤腸好喜歡這腸粉，粉皮好滑薄薄的豬潤，蒸完仲係脆脆的，已經唔計較豬潤膽固醇有几多了酥皮焗叉燒包細隻左，入口少少酸，點解？香滑馬拉糕-味道ok陳皮牛肉球無預期咁好味，都係山竹牛肉果種味道就算係星級食肆，無可能樣樣都咁好味好在今次唔洗等位，即刻入座，機會難得

自從添好運幾年前成功上位，甚至摘星，之後分店愈開愈多，但伴之而來的却是兩位老闆兼點心師傅再無法親自制作，並轉型為管理層，點心質素已不斷下降，雖然有部份點心在同業內仍首屈一指，但是否值得在2015年版米芝蓮仍然有三間分店獲頒一星？始終不理解米芝蓮的評級準則。今晚再次光顧popcorn 2期商場內的添好運。區內餐廳不太足夠，因此經常見到食客等位。這間分店佈罝非常簡約，遠不及大角咀分店的高尚佈置。添好運至今堅持點心即叫即做，保証新鮮，熱烘烘送上。點心選擇不太多，而且變化不大。最貴都不過是＄26，茶錢都不過是＄3，又沒有加一，價錢大眾化。鮮蝦莧菜餃 ＄22通透的餃皮看穿翠綠飽滿的饀料，賣相不錯！莧菜味香跟淡味的蝦肉互相補足。鮑汁鳳爪 ＄26鮑汁入味，鳳爪膠質濃厚。底部的花生淋身入味。馬拉糕 ＄16糕身質感鬆軟，幾香滑又有黃糖的香甜。酥皮焗叉燒包 ＄19這裡的酥皮叉燒包出名好味，必叫點心之一。熱烘烘的送上，金黃色圓圓的外型十分吸引。菠蘿包的酥皮香脆，叉燒包鬆軟。叉燒饀料鬆化，蜜味香甜惹味。蜜味叉燒腸 ＄20粉醬比較厚，唔夠通透。叉燒味一般。鬆脆牛肉炸粉果 ＄18新頴點心，但這點心味道怪怪的。牛肉