添樂園 (Closed)

自從進入秋冬以來，在下一直希望吃一頓傳統而又正式的煲仔飯，可是直到今年春至，甚至接近農曆新年前的今天？，在下才有機會吃一頓用瓦煲做的煲仔飯。在下都知道泰國菜都集中在九龍城，而在下既然身在九龍城，就暫且不吃泰國菜，先來一個煲仔飯，遲一點才在這區吃泰國菜，於是在下便推門進入了添樂園。添樂園是典型的茶記，裝潢與枱櫈的佈局，是完完全全反應了茶記本色。添樂園除了碟頭飯外，還有最著名的粥麵和煲仔飯煲仔菜，既然如此，在下便從餐牌上點選了北菇滑雞煲仔飯和一支可樂。等待了十多二十分鐘，侍者便把煲仔飯和可樂端上，打開煲蓋，煲仔飯的香味直撲過來，加上豉油便可即刻開餐。冬菇厚而多肉，沒有酸味已經是良品，雞肉多骨，並不全是雞肉，但是勝在夠滑，而飯亦見粒粒分明，沒有爛飯，吃到煲底依然有飯焦，這是在下喜愛的飯焦，這也是在下喜歡吃煲仔飯其中的原因，尔過飯焦有點硬但不脆，而且整個煲仔飯沒有炭香味，因此在下有點失望。雖然有點美中不足，但是在下卻可以嚐到久違的瓦煲煲仔飯，已經算是心意足，總好過在下之前去過金飯碗，煲煲好及怡生168吃過的鐵煲煲仔飯。在添樂園用餐的食客十居其九都是吃煲仔飯的，這已證明了這裡的煲仔飯是這裡的名物

新年快樂！見天氣凍，黎九龍城食個煲仔飯，雖未至食到一肚氣，不過都頂住，不吐不快。首先，我同你講食物。我地三人幫襯，嗌左：- 煲仔窩蛋牛肉飯 (鮮牛)- 煲仔排骨滑雞飯..... 黎左「煲仔臘腸排骨飯」- 荔芋排骨煲<<<<< 服務態度 >>>>>　重點！落單篇究竟點解「煲仔排骨滑雞飯」會變左「煲仔臘腸排骨飯」架呢？事緣係本來我地點「煲仔臘腸排骨飯」，諗諗下又有荔芋排骨，不如溝 D 雞啦～於是就改左做「煲仔排骨滑雞飯」勒！！！　（將臘腸變成雞）點知上菜時黎左既係「煲仔臘腸滑雞飯」　（將排骨變成雞）其實都唔緊要，真係唔緊要，我見見整左又趕時間，都話「唔緊要啦！可能落錯左」呀， D 阿姐真係好似好唔忿氣咁架喎！響隔離執緊檯都仲要好冇禮貌咁搭嗲：A：寫錯？邊有寫錯呀？！「臘腸雞」丫嘛！我：係「臘腸排骨」改「排骨雞」，可能聽錯左變左「臘腸雞」嘖！唔緊要．．．A：咩呀？你改「臘腸雞」丫嘛！邊有寫錯嘖？(向 B) 芋頭煲係咪你落架？B：係額！A：咪係囉！芋頭煲都冇錯，邊有落錯嘖？即係咁，第一）我已經話算數；第二）芋頭煲冇

星期六追到巴士o既話 , 7:20am 就到九龍城嫁喇 ,尋晚早食飯 , 今日返半日又要成點鐘先有 lunch 食於是去搵下有咩地方可以買早餐 , 拎返公司慢慢食經過添樂園 , 見到門口放左一大個 menu 板 , 寫住各式即拉腸粉 , $ 12 ~ 想食炸兩 , 不過佢話咁早未有於是叫左蝦米腸 , 外賣要加 $ 1 , $ 13 有三條 , 熱辣辣忍唔住一路行一路食 , 未行到返公司就食晒喇 xd腸粉粉睇落唔係話好薄好靚 , 但真係幾滑溜 , 蝦米足料 , 蒸得好香 , 加埋 d 甜鼓油 , 仲有蔥花o既香唔止o係腸粉入面有 , 腸粉面撒左 d 蔥粒 , arm 晒我口味 , 平時成日食面包做早餐 , 偶爾食一份新鮮熱辣腸粉 , 更覺美味好鍾意 d 蝦米o既口感 , 煙煙韌軔 , 好香好惹味 ,如果食蝦腸 , 就只有兩三粒蝦 , 我個人覺得蝦米腸仲抵食 =)## 我見到都幾多人o係店內堂食 , 如果再早 d , 冬天坐低食完粥都好仲有我見到炒面都係 $ 12 , 有機會都想試下 , 買返公司慢慢食 ^^

放工後和老婆食宵夜,在九龍城添樂園我叫了雲吞面和芥蘭,老婆叫了雪菜牛柳炆米雲吞非常彈牙,面爽口價錢又很便宜牛柳絲炆米味道剛剛好不會很濕天氣很塞冷,苒加一抔熱檸蜜.暖在心頭.

過了多年熱鬧的新年,今年忽然想避開人群靜靜的渡過.在2010年的除夕夜選擇了來九龍城這間平時總是在店外排了長長人龍的食店吃個煲仔飯來作終結.雖說比平時少人但一樣全場滿座.這裡以各款煲仔飯及小菜作主打.凍檸檬茶----冰少不夠凍,味道亦太甜.剩雲吞----雲吞內的蝦肉有點霉餡料不大新鮮,湯底吃時已知是師傅到!稍後更為了此因而踏入2011年還在為口乾而灌水灌可樂!開蓋前心裡是有期待的!北菇滑雞----雞肉煮得過熟既嚡且淡,用高速爐做的煲仔飯效果就是底部快速起焦,內裡的飯粒還像受熱未夠.(所以米粒早已浸了不知多久的水來變軟身,可快些煮熟.)吃起來像蒸飯多一點.臘腸排骨----不開蓋焗了十多分鐘的飯粒依然帶濕欠乾身,鼻端隱約嗅到陣陣的燶味.非新鮮排骨的感覺強烈,臘腸的油香並沒有滲入飯內.色深又杰但味道不濃的豉油.飯粒瘦長,軟身欠飯香.飯焦是有,不過是黐實煲底刮也刮不掉,實在太燶了吧!海鮮東江豆腐煲----與自己所理解釀了魚肉再兩面煎香的東江豆腐有所不同.這裡的是把炸了豆腐舖在底,面層再淋上一個有菜有冬菇有魚塊蟹柳魷魚埋了芡汁的"海鮮"的一品煲!好吃的話也算但不幸是味道極淡.吃煲仔飯從不會貪價錢

light dinner....兩口子只叫一碗粉腸豬潤粥...一煲窩蛋牛肉飯....窩蛋牛肉飯...:"要等 15 分鐘喎"阿姐道........"好"金童道粉腸豬潤粥來了...好足了,豬閏爽,豬粉腸洗得好乾淨...粥底好綿....pass 有餘食粥食到一半...已經見倒有客人同侍應鬧交.."已經等左一個鐘頭","有定無都講聲丫"...此起彼落!我煲窩蛋牛肉飯都真係要等左九個字!!!等到餓扁了...乜鬼都好食啦...但煲底飯焦多...食少左好多飯...而且豉油無乜味...要落好多,落到自己都驚...而牛肉係用粉乸過既滑牛...把鬼唔會再黎喇...怕下次同侍應鬧交果個會係我!!!!!!!

一個人身處九龍城，無需吃得太好，求其搵間茶餐廳醫飽個肚便算數，隨便推門進了添樂園。坐底二話不說點了個特餐，有豬扒公仔麵、火腿奄列配麵包，餐飲要杯凍啡。火腿奄列即叫即做，夠熱夠香，火腿絲份量充足，蛋汁豐盈，真的好吃；餐包只是去皮白麵包，塗上一點牛油，普通貨式。豬扒是剛炸起，仍燙口的，肉質鬆化，可口，亦不會太乾身，相關出色。但是咁好的一塊豬扒，直接浸在公仔麵的湯內，實在太可惜了。為什麼不可以分開上呢?公仔麵只是大光麵，不過都浸得幾爽口，不太差。凍咖啡香濃可口，是意想不到的好。

跟朋友去食煲仔飯, 朋友提議去添樂園食砂煲煲的煲仔飯, 唔係成日食, 加上天氣開始熱, 起初都唔係o甘想去, 但係既然未去過, 就當試新店吧, 雖則看來此店已是老店我嗰煲係北菇滑雞飯煲, 等了約二十分鐘, 相信係即叫即煲的, 阿姐送煲飯嚟時無立即打開蓋, 而係焗佢一焗, 打開蓋之後, 好香呀!淋上黑豉油來吃, 不過個豉油味道只係一般, 唔甜, 唔咸, 怪怪的味道, 但係煲飯煲得好靚, 飯好香, 食落都好好味, 雞件差不多有十件, 夠哂餸了如果唔係個豉油, 相信這煲飯會好好食

好耐無嚟過添樂園食我既至愛---腊腸雞飯了, 尋晚喺宋皇台波地踢波之後, 同兩個波友去食宵夜! 可能跑足九十分鐘既關係, 好肚餓呀腊腸雞飯之外, 仲叫左一碟鮮油多, 一杯凍奶茶, 除左煲仔飯之外, 添樂園有埋茶餐廳既食物, 因為隔離開埋類似澳門茶餐廳既食店, 兩間舖既食物可以互叫! 都好, 方便好似我呢種食客!腊腸雞飯到! 但係唔好即刻開蓋, 因為要再焗多三分鐘先會好食, 呢個係我既經驗, 唔係啲飯會唔夠熟! 腊腸咬落去有好多好香既肥油必出嚟, 好正! 雞件好多塊, 將甜豉油淋哂落去煲仔度食, oh! 好好食啊!茶餐廳食物既油多味道只係一般, 奶茶ok播, 夠滑, 不過最有信心始終係煲仔飯呢

宵夜其中一個好選擇, 必是添樂園莫屬!雖未至於特級好食,但係添樂園既煲仔飯,始終令人念念不忘,今次宵夜,再到添樂園食既係腊腸雞飯,一個東江豆腐煲,一個人可以食得哂,都真係幾幾幾肚餓...坦白講,唔知係唔係心理作用,始終覺得以前喺門口師父十幾個煲一齊煲既日子係佢地最好食既時候,而家無論點都好似打左個折扣,今次煲腊腸雞飯火喉控制得幾好,唔會太燶得嚟飯焦剛剛好係啡色,條腊腸再長多一吋就好,好似食落唔係好夠喉東江豆腐煲有生菜,鯪魚肉,豆腐,仲有最野味既東菇,當湯飲係有少少偏咸,不過味道又真係唔錯!其實平時我會食佢地個魚片粥,幾好架!

記得在讀書做兼職的時代，偶爾會到公司附近的添樂園吃煲仔飯。記憶中有的是傳統的環境（當時隔壁的戲院還未拆卸）、高朋滿座的熱鬧、美味的飯焦。今晚，我和同伴決定舊地重遊。來到九龍城，景象稍微變了，抬頭找添樂園燈光火著的招牌，它卻沒有亮。進到店內，客人不多；侍應端來了餐牌 － 澳門樂園茶餐廳？！難道來錯了地方？後來才看到旁邊還有「添樂園」的字樣。那時的確有一刻猶豫，但還是點了菜，只是心裡納悶：一煲真正好的煲仔飯、煲仔菜，真的無法令店子撐下來，而非得把自己變為普通茶餐廳，甚麼都賣嗎？先來碟以前不會有的馬拉盞炒通菜（$36），上菜時還以為自己點錯了，因為左看右看都像是白灼的，而馬拉盞明明就是南洋有名的惹味材料，但這一碟卻沒有一點香氣，色香味三樣已有兩樣慘敗了。把菜翻一翻，才見到配料在裡面，但吃起來仍不香口，再大碟都留不住我的心！再來的是標準煲仔菜啫啫雞煲（$57），上桌時夠熱，材料份量也足夠，但仍是不夠香；即使下了大量生葱，仍無甚起色。豬膶不算滑，食落也有粉，整體只屬普通。剩下的希望只有煲仔臘鴨飯（$40）了。蓋未掀開，聽到熱騰騰的煲仔內沙沙作響，豉油汁也夠稠，還能引起我的想像；但一看裡面，發覺臘

同事的朋友給我們外賣了多款九龍城的美食，其中一樣就係添樂園的艇仔粥.本來以為是一碗平凡的艇仔粥, 到最後卻發現是我所吃過的艇仔粥之中最足料的! 粥不及好旺角的綿，但竟然有魚片和一隻原隻蠔豉. 魷魚和生菜也多，真的是很足料，很滿足!

Return trip from the airport with my parents and aunt, we headed for supper in kowloon city! WHOA...i think i am gaining FATS!!!Our Supper: Hot Pot 大馬站* excellent, i love the tofu in there* The pork is a bit salty* the veggie is just right, very crunchy * food is very hot Seafood congee* ok ~ hot enough century egg + pork congee* Fine~ congee * just to put in those other ones as they have too much FOOD in the congee, our family like more congee Boil veggies1) choy sum - ok, quite sweet2) kai

今日又到總部上課, 放中午時又冷又餓, 想起了昨晚在openrice見到添樂園的艇仔粥, 於是二話不說立即去試試. 夠膽自稱"足料艇仔粥", 水準應該差不到那裡. 端上來的時候, 熱騰騰的, 不慢慢吃也不行! 艇仔粥的用料也真的比坊間多, 有花生、蔥花、魚片、豬皮、魷魚、鹹瘦肉絲、生菜. 如其他食家所言, 粥內真的有一隻蠔豉! 粥底算幾綿, 料多到食到碗底是"料多過粥"! 不過, 令人較失望的是豬皮上有頗多的黑色的豬毛, 有些還跌進粥內!影響了賣相, 要扣點分!! 但總的而言也算是不錯的!

九龍城對我來說是個充滿著回憶的地方，全因這裡就是自己的出生地，也在這裡生活了十數個寒暑。食肆如馬仔、樂園、添財記、豪華、公和等等，都光顧了數十年以上，而這間添樂園也是其中一員。步進了店內，雖不是從前的裝潢，但是其格局上倒是"原封不動"，跟女友坐進了最入的位置，看過了菜牌也就隨心點了幾個熟悉的食品了。對這店內發生的事之中，最有印象的就是小時候每當父母點了<< 生灼鯇魚皮>>，自己總是在旁嚷著要來一口，不過不知是甚麼原因，父母總不會給我一口。現情況一直維持至自己長大後，才不再發生。這裡的魚片口感脆爽彈牙，味道冰涼而有陣陣麻油柔香，而師傅細心地事先將魚皮跟已烹調的醬汁混合好，醬汁的味道跟魚皮都甚配合，真是百吃不厭。另一個喜愛的食品，就是<<艇仔粥>>。而這裡的艇仔粥用料是根據最傳統的做法，包括有鯇魚片、豬皮、水魷魚、花生、鹹瘦肉、生菜以及蠔豉一隻。如此多的材料烹煮出來的艇仔粥，最能體會到水上人家在從前日子的飲食習慣。這裡的粥底尚可算棉，而各個材料的味道都滲進了粥底之內，味道上的層次自然豐富而美味。想嚐到正宗的艇仔粥，來這裡是其中