添樂園 (Closed)

我很喜歡吃煲仔飯，每到秋冬天的時候，我便會來到這這間餐廳吃煲仔飯，這裡的煲仔飯選擇非常之多，除了一般的選擇之外，也有一些外面餐廳少見的菜式，例如我至愛的魚腸焗蛋煲仔飯，這裡做得非常之好，魚腸味道香濃，蛋味濃郁，飯焦惹味香脆，再配以潤腸或者臘腸來吃，味道非常之好。這道煲仔飯是我在外面其他餐廳沒有見過的，也是我每次來這𥚃必選的煲仔飯菜式，另外這裏的麵食也是很不錯，所以每到九龍城的時候，我必定會光顧添樂園這餐廳，絕對是一件窩心的事情。

臨近端午，在網上找到一些舊報導說這家茶餐廳的裹蒸粽很出名，發哥都是常客。特意到九龍城購買。傍晚時段店內沒有客人，只有店員忙著包粽。2020年粽子價格如下：買了大裹蒸稯和央豆稯（鴛鴦豆的意思）。今晚滿懷期待煮了兩隻稯，卻非常失望。央豆稯幾乎沒有調味，只有紅綠豆、糯米、鹹蛋和瘦肉的原味。把裹蒸稯切開，沒看到燒鴨和冬菇。我給了大裹蒸稯的錢，店員給我小裹蒸粽。白白多付了$33元。裹蒸稯和央豆稯相比，有一點點鹹味，和食材的原味，非常普通。也許報導中的老師傅已經退休，傳說中的好味道已失傳。

今日朋友話要落九龍城食煲仔飯，佢上網揀咗呢間添樂園，我就少笑佢啦，呢間由細食到大呀，好味架。個煲仔飯係即叫即整嘅，都唔係等咗好耐 我叫咗個白鱔煲仔飯好肥味又，冇咩魚骨。個飯則超好味，有水份仲有少少飯焦恰到好處 。朋友就貪心啲叫咗個窩蛋牛肉豬肉飯望落去唔錯喎，個牛肉唔錯喎好好味。雖然望落去個煲仔細細煲，但多飯足料，堅飽囉，唔洗叫其他嘢食。食左$15幾唔算貴真心好食過廟街，×季保仔飯多多聲。下次都會再來食。

今日突然之間好想食菠蘿油行過見到依間有菠蘿油餐既茶餐廳心諗：佢菠蘿油特登整個set出黎，一定唔太差嘅所以見佢舊舊地都入左去點知就中左伏😑😑佢個包係正常size但！佢啲菠蘿呢？！🤥菠蘿包上面嘅脆皮只佔麵包嘅三分一都唔知有冇你地睇下左右兩邊都係齋麵包再黎睇下啲油我影完包皮🙊就即刻打開個包影牛油由於好薄嘅關係融得好快如上圖牛油size都好細塊亦如上圖😑😑😑😑食完成個包我都唔知自己食左菠蘿油一個餐包杯熱飲盛為24元我去麵包舖買個平佢一半嘅菠蘿油都一定會好味過佢

懷住沉重既心情🖤再一次黎到九龍城, 望到「添樂園」三隻字既招牌, 不加思索下就入左去 同普遍茶記一樣, 牆身上寫滿唔同餐牌, 阿姐SELL我食煲仔飯。外面30幾度既高溫, 令我對煲仔飯既抗拒由心推到面上, 七情上晒面下😞阿姐問咗句「做乜扁晒嘴呀, 醜樣呀」, 頓時好似番番去幾歲既時光, 被大人照顧同關懷🥰但想嗌個炒飯吔吓, 點知阿姐告知呢家已經無炒粉麵飯, 係阿姐關懷下, 咁唯有屈服食個鹹魚肉片煲仔飯😚 飲住杯凍啡☕等左10分鐘左右, 火熱既沙煲係膠碟承托下上枱, 仲有甜豉油跟住一齊黎。其實標準流程都係搵張紙巾融熱打開蓋, 然後將甜豉油平均倒係飯面, 等佢地流入飯粒飯粒中間, 再快手蓋番起, 唔好心急🙂要等佢整整既兩分鐘, 等煲身既熱力將豉油蒸發對流將醬油導入飯身↪️ 時間到打開蓋後, 飯開溢出🌫️記住煲仔飯主角係飯, 先將啲餸搬去個碗仔度, 好好享受豉油飯先🍚仲要用隻鐵匙羹去掘啲飯焦出黎 🌚(記住係焗得夠時間先有飯焦架), 添樂園有用泰國長身米去做飯底🍙豉油既滲入非常圓滿😋 唯一要挑剔係佢無用梅香鹹魚🐟將實肉鹹魚既肉一絲絲掘開混埋飯一齊食, 亦都係無限輪迴既奏🔃最後仲要讚一讚讚個豬肉片係

早兩日Dr Chan開比 #小秘書 嘅 #敏感藥💊 似乎作用唔大，反而身上仲出咗啲粒粒，咁啱呢排 #自己房 個 #冷氣 又壞咗... 真係人都顛🥵 好彩姑娘比我打尖今日返嚟覆診，前後半粒鐘就走得喇🤩 一場嚟到 #九龍城，點可以唔搵啲好嘢食呢？見 Tim Lok Yuen 添樂園 就喺眼前，一於整個 #煲仔飯 先返屋企🏡 本來只係簡簡單單想要個 #北菇雞煲仔飯，但係 #侍應阿姐 就提議我不如加條 #臘腸... 真係嫌我唔夠肥咩？大概等咗十分鐘左右，#煲仔飯 已經由 #生米煮成熟飯，諗住終於有嘢食啦🥢 #侍應阿姐 走過嚟問我係咪好肚餓😅唔係就比啲時間先開飯蓋... 認真講究🤩不過收咗水嘅 #煲仔飯 的確係香口同好味啲👍🏻 米飯吸收哂 #雞 同 #臘腸 嘅鮮味，加埋啲特製醬油，真係好好味呀👍🏻👍🏻

差不多10點收工先同朋友食飯, 朋友有揸車諗住搵個易泊車既地方食野, 諗起以前每逢冬天都會去食既添樂園煲仔飯, 價錢又抵食。因為時間有點夜又唔係話好肚餓, 每人叫一樣野食, 加碟油菜就算喇~🔸及底粥🔸有豬肉丸, 豬心, 豬腸等內臟, 粥夠綿, 而且好夠味, 材料仲係大大件好足料添!🔸牛腩撈麵🔸牛腩同牛筋都好夠淋, 好重五香味, 可以自行加少少醋都好味🔸潤腸排骨煲仔飯🔸可以過咗食飯時間, 唔算等咗好耐就到, 食完粥同麵就上枱了。 習慣先開蓋落豉油再閂蓋焗一焗, 等一陣先撈好飯食, 豉油好夠色唔會偏咸, 足夠撈到成煲飯都係豉油色。 煲仔飯既精髓當然無令我失望, 就係飯焦喇💕 煲邊係飯焦而且算易整到出黎食, 加埋飯焦口感超正!!!

九龍城變天添樂園未曾變改尤記得小時候常常來光顧現在裝潢依舊味道也依舊還有種九龍城的人情味煲仔飯是這裡的名物點了窩蛋牛肉煲仔飯離遠已聞到陣陣炭香店員告知上桌後還要焗上五分鐘開蓋雞蛋仍處於半熟狀態一刺開蛋液流出包裹每一粒飯店員準備了一碗點甜豉油全碗倒入飯中份量就剛剛好快速攪拌至看不見有白飯粒為止這是我個人的食法飯粒是長條型的絲苗米牛肉軟腍跟飯很夾吃到底有脆脆飯焦粒最後一粒不剩的吃光光回憶的味道總是特別美好

還記得中學時代，遊連九龍城龍珠商場。今日因緣際遇，舊地重遊，我亦去老店尋舊味，食煲仔飯。有個私人卡座 33不盡 66無窮，叫左鎮店之寶之一：滑蛋牛肉煲仔飯。而家已經好難搵到炭火爐的煲仔飯，都係電爐。古法處理：一上台先開煲落豉油，翻佢一輪，再焗佢5分鐘，為左食到些小飯焦。時間啱啱好，雞蛋糖心色水，相當靚仔。本身食上面個層，係熱辣美味，跟住咬到有聲，就知中招了，跟住竟然可以搵到成粒飯咁大粒的石仔⋯⋯直係咩懷舊Mood都無晒。

細佬上次因為右肩意外甩骹的關係，而被迫入院見醫生，雖然醫生勉強成功替他駁回右肩的骹位，但是右臂始終還需要接受醫生觀察和治療，所以之後阿媽回來之後發現出了意外，立刻跟他到醫院安排入院接受治療。細佬入院之後，阿媽回來替細佬稍為執拾日常用品跟衣服後，就跟我前往醫院探病，看看細佬的右臂在入院後的狀況，是否能夠好轉跟療癒。我跟阿媽坐車去到九龍城，在奔波勞碌之後終於去到醫院樓上的病房，和躺在病床的細佬。阿媽問過護士之後，知道細佬在醫院需要自備衣服後，就跟我一起徒步過去九龍城，先吃午飯，然後購買睡衣，好讓細佬在醫院內能平安過夜。我跟阿媽離開醫院後，一起徒步橫過「太子道東」，去到「美食之都」的九龍城，看看還有什麼東西可以食。撇除一些我在九龍城曾經食過，又寫過食評的食肆，再扣除九龍城裡面的泰國菜館之後，我跟阿媽不斷為食店的選擇而有所爭論，最後阿媽選擇了，在「福佬村道」的茶餐廳「添樂園」。「添樂園」在九龍城的「飲食界」都算頗有知名度，如果不是佬話，「添樂園」都不會威水得，成為有差不多八，九十篇的食評，而且光顧食客不少的餐廳。「添樂園」跟我上年新年，在牛頭角食過的「敘苑」，或者上次跟細佬在演唱會前曾經幫襯過

同事介紹話呢度煲仔飯好食又多年歷史，凍凍地食最岩feel,叫左排骨雞煲仔飯，份量一個人剛好，豉油好味好味精，雞同排骨醃得唔錯，飯夠乾身，食煲仔飯為既係煲底既飯蕉，略厭太少，有點失望。

九龍城食店林立，自從機場搬走了熱鬧氣氛已不在，今天途經這裏，剛好中午時間，便走進這間餐廳吃午飯，這裏與一般的餐廳裝潢冇特別分別，見到這裏的侍應服務態度就知是傳統老店格局，相信已經經營了很長時間，這裏有不同的午餐提供，而我點算了一份午餐是豆角煎蛋飯，另加杯熱鴛鴦，合共51元，豆角及煎蛋煎得香口，材料有別於芙蓉蛋雖然比較簡單，但整體味道ok，特別想講是碟飯盛得滿滿的，份量對男士來說是十分足夠，嘆杯熱鴛鴦，確是一個不錯的午餐。

是日是星期日，本是家庭日，但媽媽有約，所以和爸爸兩個人吃。和爸爸吃的記憶多半是在茶餐廳。其中一家我們常去的，是九龍城的添樂園。添樂園在同區，算是老店之一，同一條街兩台相鄰，不過我們多半到右邊的那間，因為卡座較為寬敞。添樂園星期一至日也有供應碟頭飯午餐（～$46）和較昂貴的即炒小菜套餐（$70）。單點則可選擇粥麵。天氣太熱，至愛的肉丸粥也不怎麼吃得下，於是點了一份京都骨飯（$46）配熱奶茶，再單點一份爸爸最愛的粟米斑腩飯。即便是碟頭飯，上面的小菜依然味道佳。炸得焦脆的一字骨，澆上酸甜並重的糖醋汁，非常開胃。雖然菠蘿相地欠奉，但味道對版不會太嗆喉或太甜，已值得一讚。接下的粟米斑腩飯同樣精彩。魚塊新鮮炸起，外層仍脆，內層亦有肉汁。味道做得溫和的粟米汁，佐飯甚佳。茶餐廳的粟米汁主要是雞粉+水，調味後，埋芡而成。不可或缺的，其實還有點睛的雞蛋花。除了美觀外，更添一份蛋香。添樂園的熱奶茶，茶味一向較重。所以，筆者會多加淡奶。簡單一杯香濃奶茶，作為是日中午的一個小結，悠哉也。

雞，全部都係雞。因為全部都係雞，夢中的婚禮紅了一年；亦因為全部都係雞，我飽了一晚。這晚的雞，盡在煲中，有臘腸雞飯、鹹魚雞粒豆腐鍋。說煲仔飯，很多人會聯想到廟街，然這晚，二小口來到九龍城這家添樂園。舊餐廳格局，昏黃燈光下，不消一刻，熱辣辣的豆腐鍋先行上桌了。雞肉切丁，幼滑細嫩。豆腐亦切得小巧，紅燒做法，鹹魚香味雖不很突出，然湯汁濃厚，裹著粒粒豆腐，佐飯一流。雞飯上桌，沒有剛出爐的溫度，淋上豉油，打開煲蓋，拌勻後送進口中，臘腸與雞的油脂口中迴盪，與豉油譜出柔和樂韻。一口臘腸一口雞，甘香可口比照嫩滑彈牙，俱只滋味。只可惜沙煲不夠灼熱，未有厚厚飯焦，稍稍不夠滿足。

來這裡是某次打完波友人帶才認識這店, 外觀是兩間連名字都十分相似的店平排, 應該是同一個老闆開的吧, 過了差不多年半後自己再同太座來試真一下, 23/Dec. (週末) 跑完步來試茶餐, 炸芝士西多士餐$34, 西多士外層炸得薄脆金黃, 內餡將花生醬換成芝士片半溶, 雖則唔係咩系出名門嘅芝士但亦有晒微咸同香, 對喜愛又咸又甜的我來講這值90分了,杯奶茶唔算突出不過亦唔差, 另一個叫咗星洲米餐$46 , 呢個餐雖然屬於貴但用料交番足, 即炒起冒出蒸氣攞過來都算係新鮮同時亦表演出店方注重食物在一個最啱食(最佳狀態下)交到客人面前, 呢種態度喺現在新開嘅茶記有一半数都做唔到, 最近在24/Jan.再來一次晚餐, 試咗火腩大馬站荳腐$64, 屬於最平的一款重口味之作, 火腩唔算多, 最多係煲底全是一層嘅荳腐, 可以講係貼題嘅但綠色植物好似菜之類的東西也寥寥可数則感覺唔太健康之餘亦欠缺賣相吧!只有蔥青一把及兩片生菜, 另一個係臘腸排骨煲仔飯$61 , 亦是最平的一款煲仔飯呢個似返樣D啦, 臘腸現在版本不再是一孖而最多只係一條剪開兩, 排骨大部份是肉多骨少, 豉油可以接受的微甜, 飯結焦唔算好多嗰