夠鍾開飯

Open Now

Now Closed

秋高氣爽，當然要到戶外行下，想起已有一段時間沒有來長洲，一於入去逛逛。出了碼頭向右行，兩邊街道有各式各樣的店舖，賣長洲特色食品，好不熱鬧。走著走著，來到這間「夠鐘開飯」，看看手錶，真是到午餐時間，夠鐘醫肚了。店內牆上白紙上寫了9款午餐，小小的店舖選擇頗多呢！《豉椒排骨飯》送豆腐菜魚湯 $55排骨味道不錯，如果再多些三色椒就更佳。《豬扒黑魚片米線》蕃茄湯底 $55豬扒切成幼條方便食，軟腍入味，黑魚片嫩滑，份量足夠，蕃茄湯底濃郁。午餐包一杯飲品《熱檸檳》《熱奶茶》

這次長洲一日遊非常開心，除了享受大自然，還能品嘗到街坊人推介的美食！我哋揀咗間性價比高，受街坊歡迎的餐廳，人均只需$6x ！焗飯系列值得一試！可以隨意配搭醬汁配料！我選的招牌葡汁海鮮炒飯，熱騰騰送到，炒飯粒粒分明，海鮮新鮮，每一口都帶著濃郁的葡汁香味，令人食指大動。接著是咖哩牛腩，醬汁特濃，看上去就令人垂涎，牛腩煮得入味，口感軟嫩，配上香噴噴的白飯，好滿足再來是生炸雞髀，外皮炸得金黃香脆，咬下去時脆卜卜的聲音，裡面的雞肉保持著嫩滑最後，酸菜魚飯，雖然唔算好突出，但魚肉滑溜，沒有太多魚骨，酸味都剛好

難得週末入長洲，看看海同Hea下。行到熱熱地見到有間類似茶餐廳嘅夠⏰開飯，即刻入去休息吓飲杯檸檬茶。鮮番茄湯米線🍜想食d濕濕地既野，同埋想食fresh d，叫左碗黑魚片番茄湯米線🍜。蕃茄湯酸酸地好開胃🤤，黑魚片完全冇骨，而且質感非常之滑。豉汁蒸排骨拼鱸魚🐟飯餸同飯係分開，避免啲汁撈落個飯度濕晒。外邊茶餐廳叫餸食飯好少雙併餸蒸飯。兩樣都好好食。當日係下午時間光顧，兩款都係午餐set，送餐飲仲送足料例湯。凍檸茶凍利賓納

長洲，一個既熟悉又陌生的地方，BeautySearch 已很久沒有踏足長洲，還記得，年輕時經常相約三五知己前來享受假日，與陽光玩遊戲。今日，突然心血來潮，決定抓住夏天的尾巴，往長洲一趟，享受陽光與海灘，順道逛逛大街小巷的特式小店。蹓躂了一會，遇見一間小店 - 《夠鐘開飯》，好像提醒我們夠鐘吃午飯呢！店子外邊，陳設了數張溫雅的木裝餐桌椅，瀰漫出知性輕柔的氣息；而店內，則以黑白為主調，簡潔俐落，締造出平靜時尚的氛圍。食物方面，屬家常便飯，充滿家的味道！招牌咖喱牛腩飯，香辣咖喱薯仔炆得軟腍入味，牛腩肉質鮮嫩不韌，送飯一流。蝦乾蒸肉餅拼鱸魚飯，雖然等候時間稍微久一點，但熱烘烘的肉餅香濃彈牙，加上數隻蝦乾，帶來香甜鮮味，鱸魚更是鮮嫩，沒有腥味，完全是家的味道，霎時間，令人想令母親。酷熱的天氣下，簡簡單單的兩杯凍飲，凍咖啡、凍柚子蜜，足以為我們消消暑氣。午市套餐除了跟飲品，還奉送餐湯，是日餐湯蕃茄薯仔魚湯，用料十足，每一口都帶有鱸魚鮮味，沒有味精，就像媽媽靚湯般，非常溫暖。

今日入長洲諗住入去買返啲蝦乾蝦醬，誰不知晏咗起身，去到已經十二點幾。我對長洲嘅印象就係出咗碼頭向左走，全部都係食海鮮。向右行都有食海鮮，不過就會有更加多嘅當地居民嘅local小店。今日去到呢一間夠鍾開飯，見佢都幾多嘢食，午市套餐有中式有西式，我哋就叫咗一個燒汁豬扒腸仔橄欖油意粉，同埋一個蝦乾蒸肉餅拼鱸魚。🐷燒汁豬扒腸仔橄欖油意粉呢個真心令到我有啲意外！唔係一般茶餐廳嘅發水意粉，煮得剛剛好，汁水都煮得唔差！🦐蝦乾蒸肉餅拼鱸魚嚟到長洲唔食海鮮，都要食下佢哋嘅蝦乾同魚仔嗰啲嘢嘅！鱸魚都好新鮮，蝦乾嘅汁配合肉餅，味道真係幾好！🥤凍奶茶菠蘿梳打凍奶茶就麻麻哋啦，因為都相對地比較多茶渣，菠蘿梳打好飲👍其實呢間舖位置都唔算好難搵不過唔係熱門嘅遊客會去地方，除咗室內有冷氣外面門口都有座位，大家快啲去長洲行下啦🥰

Weekday入到嚟長洲，可能天陰陰又有啲雨，好多食肆都冇開路過見到鋪頭名幾過癮，所以同老公入去試下一入到去哥哥仔溫馨小提示有幾款午餐同飲品都冇啦，問我哋介唔介意我哋都冇咩所謂，嗌個世一蘑菇雞扒飯同黑椒牛扒帶子飯牛扒飯正常發揮，帶子炸得有少少燶但個蘑菇雞扒飯真係好正雞扒睇落細細塊，但係好厚身，火喉啱啱好切開係Juice嘅。。。。個蘑菇汁好香好Creamy，完全出乎意料雖然上枱賣相唔算太吸引，但食落確係有驚喜

長洲早餐想勝價比高既茶餐廳，不妨到訪 ！揀左三份早餐份量剛剛好！大滿足！味道都唔錯！1. 火腿通配腸+煎蛋配牛油多士飲品：熱利賓納牛油多士香脆酥軟，蛋煎得恰到好處,蛋黃流心唔太過油👍2. 吉列豬扒煎雙蛋配沙律+牛油多士飲品：熱奶茶大大塊炸至脆卜卜既豬扒👍3. 燒汁雞扒腸仔煎蛋配沙律+牛油多士加多個沙嗲牛通粉飲品：凍檸茶沙嗲牛肉通湯底夠濃郁，牛肉夠彈牙👍餐廳氛圍樸實，呢度選擇款式算多，早餐算唔錯！