瑰花甜戀愛甜品屋 (Closed)

暑假臨近尾聲，緊係要多d爭取時間約吓朋友出黎食野吹水。原本約左佢係油麻地行街，行到攰攰地又見到店鋪裝修幾舒服，就坐左入去食個甜品休息吓。我就叫左玫瑰梳乎厘伴雪糕。平時薑味、綠茶味、朱古力味嘅梳乎厘就食得多，玫瑰花味梳乎厘真係第一次聽。對於玫瑰愛好者嘅我黎講一定要一試。梳乎厘面頭焗到焦脆，但係入面仲保留蛋白嘅濕潤。食落真係有香甜嘅玫瑰花味。而旁邊嘅士多啤梨雪糕配上玫瑰花瓣同新鮮士多啤梨，開胃又醒神。友人就叫左焦糖火焰香蕉雪山。賣相睇落幾吸引嘅焦糖火焰香蕉雪山，味道除左用黎制造火焰嘅火酒外，都唔錯嘅。面頭一層燒到燶燶地嘅蛋白，切開之後就係令一個甜品世界。入面有蛋糕，雲尼拿雪糕，用焦糖燒到香脆嘅香蕉，非常惹味。不過奈何，佢出面嘅酒精味真係太重，友人要避開黎食。真係食得幾辛苦。

沉晚同幾個朋友食完晚飯，就去左油麻地一間甜品店繼續吹水我地嗌左四個甜品，分別係綠茶心太軟、朱古力拿破倫、阿華田沙冰同埋雜錦芋圓。四樣甜品都好好食阿華田沙冰特別令我地有驚喜！下次都會再黎呢度食甜品

見唔少好評，油麻地甜品舖又選擇不多，就去試試。一入去被粉圓吸引了，就叫左期間限定的五色粉圓。叫之前都問過店員，得知係5個味的粉圓配糖水。點知黎到有勁多涼粉粉圓極少，得8粒左右！咁呢碗應該叫涼粉配粉圓，涼粉先係主角！唔講以為d粉圓好貴！ 粉圓好難食，好似唔熟咁，而且我覺得味道怪怪的，假甜味，粉圓又硬，完全唔煙靱！比朋友試食一粒話覺得酸酸地似變左！唉，結果我成碗無食！極差！其實店內裝修尚算唔錯，做咩食物造成咁？唔會再黎black list!

以前這間店人氣滿座。但近來人煙稀少，昨天熱到死，還是只有一台人。看了餐牌，終於知道為何！因為加了價，而且份量偷雞地減少了！我們要了平時食開的芭菲。一個是綠茶口味，一個是草苺味。其實味道不差。綠茶配紅豆好好味。草苺那杯就有草苺醬。但是，之前是$38，現在$42，而且份量也少了，變相就很不值了！以前我們是吃到飽到不想吃，現在是吃完要走去食串魚蛋才覺得足夠。還有儲印仔換多杯的優惠也沒有了。你就知道她其實以很多方法去加了很多價。怪不得現在沒人去了。我見她還開早市做早餐拉客，原本想找天試試，現在不試也罷。

今晚同屋企人食完飯，想食啲甜野就捉左男人去食甜品選擇左係油麻地既依間甜品店對女仔泥講，甜品永遠唔會食唔落依間甜品店既裝修好靚個人幾鐘意男人竟然話第是屋企咁設計好唔好咁又唔洗至於款式距都幾多既西式甜品，中式甜品，心太軟，拿破崙，層層碟。睇到有啲花多眼亂我地就叫左個特濃朱古力味心太軟配雲呢拿雪糕因為佢係即整所以等左三個字賣相其實都唔差味道其實都OK不過我就覺得佢個蛋糕有少少厚依間甜品店有個賣點，就係如果客人喺佢度食甜品就可以有一張即影即有相但呢張免費嘅即影即有係會放係佢哋鋪頭嘅即影即有牆到如果大家想影多一張返屋企就要加多＄10我地就冇影啦，大家去可以試下同埋佢哋都有賣情侶手鐲仲有兩幅愛情鎖牆都幾特別既

同朋友係附近睇完戲 ，經過發現呢間小店裝修同其他附近店舖與別不同 被吸引下就入左一試。呢個地理位置有如此一間甜品咖啡店的確估你唔到！話說我朋友係一個"蕉怪"，佢一見到餐牌有"香蕉心太軟"就二話不說地落單 ，完全無理會過我搞到勁尷尬 。不過好彩個高瘦女店員好nice ，比時間我諗仲好有耐性講解添，更主動提議我朋友轉香蕉雪糕，超窩心估唔到呢到連香蕉雪糕都有，蕉怪們都可以一試而我就叫左個鮮奶抹茶，有驚喜茶味好濃，無比奶味蓋過店員態度不錯，很友善整體食物及飲品都唔算太甜，適中朋友都讚個心太軟好正，又夠特別因爲唔係到到都有得食香蕉心太軟用餐途中小插曲，旁邊枱有位女士同佢男伴邊用餐時嘅對話真令人費解眼見兩位女店員都依舊照答佢地野，店員們見狀都只好無奈微笑離開繼續工作，真替店員唔抵其實食得甜品就預左甜架啦，唔係都唔叫做"甜品"啦哈哈，係咪先？下次會再來試埋其他款式支持小店

一向對甜品極度有要求既我，曾經非常喜愛本店既香蕉心太軟。可惜呢次既光顧足以成為最後一次，餐牌上既圖片同實物比較，真係差得太遠，昔日既半隻蕉同1/4粒士多啤梨已成過去。即叫即焗既心太軟竟然可以唔夠熱，相信我再心軟都唔會再去啦。芒心鮮奶奶凍更加係甜到無得再甜，仲甜過糖水。D野難食都算啦，員工服務同態度真係非常之差，當日光顧時共有兩名女職員，較年長同瘦既應該係高級d，同我接觸唔多，只係係解釋本店會員卡既update 時同我溝通過，態度一d都唔友善。身型較豐滿亦都比較年輕既係我地將餐牌上既圖片同實物比較時更加以奇異既眼神凝視我地，更在旁同另一職員細說我地既不是。除此之外，餐牌雖然圖片吸引，但可惜有接近1/3 係暫停供應，最後可以選擇而又合我地口味既真係唔超過5樣。

呢間嘢嘅店員真係好唔掂。男店員落單明明覆實六份甜品，結果到得五份，到話佢知仲爭一份，佢仲可以惡過你，話我哋冇叫過，講到好似我哋玩嘢咁，跟住又再有另一女店員過嚟問我哋咩事，漏單不特止仲完全冇歉意，呢間嘢唔會再幫襯。

食甜品係覺女生嘅至愛， 基本上無論食到幾飽之後， 個胃都可以有位置容納甜品。 對於甜品，個人一向要求好高， 通常只會鍾情甜品鋪最拿手嘅嗰一道甜品。今次想介紹嘅係位於油麻地廟街附近嘅《瑰花甜》。今次試咗三款甜品， 包括係冰露、 拿破崙， 同心太軟。先由拿破崙講起，試左【朱古力兵團拿破崙】。 畀個餐牌扼晒， 餐牌上面嘅拿破崙圖片酥皮非常薄脆， 每層酥皮之間都甲油忌廉同生果， 但現實還現實， 現實中嘅拿破崙並唔鬆脆， 而且仲非常之厚， 咬極都唔斷， 非常之un， 絕對係「有圖冇真相」。至於心太軟就揀咗【綠之戀人心太軟】， 呢個綠茶味嘅心太軟不過不失， 外層嘅蛋糕軟熟， 綠茶流心亦不錯， 唯一可以改善嘅就係太甜， 同埋外層可以焗得更加香口。至於呢間甜品鋪嘅招牌一定係非冰露莫屬，【 陀地冰路】， 呢個名真係好夠照， 原來係指阿華田或者係好立克味， 今次試咗阿華田味， 阿華田味好濃郁， 有如將阿華田粉直接擺入口一樣。冰露同綿綿冰唔同， 冰路食樂較為爽口脾新， 而綿綿冰則食落較為柔軟， 兩者口感截然不同， 冰露上邊撒有粟米脆片， 同朱古力脆波， 為甜品增加另一個口感。 如果鍾意食冰嘅朋友， 呢間甜品

一班朋友去完廟街食煲仔飯之後又再找吃的！(快肥死了！><)一出廟街就見到有甜品店的廣告易拉架。見很吸引便去吃了！店內的裝潢都很有特色呢~地方還算是寬敞的!不會很擠迫。長話短說，先看看餐牌。在翻餐牌時被這個冰藍色的冰村藍精靈冰露吸引著！餐牌上沒寫味道，所以我更好奇想試。另外，男友點了一個宇治金時冰露。等了約10分鐘，男友的宇治金時冰露先來。賣相也很吸引呢！配料有雲呢嗱雪糕、紅豆、水晶珠和脆餅。味道方面，抹茶味不算很濃，微甜，帶一點茶的苦澀味道。紅豆味道則較甜。其他朋友的都來齊了，就是我這個等了差不多25分鐘！朋友們都吃了一半啦！！！冰藍色的冰露很美！配料有荔枝、乳酸味爆珠和蒟蒻。至於冰露，吃下口很種熟悉的味道，卻又說不出。感覺像小時候吃的小杯啫喱......對！就是荔枝。冰露的口感更是入口即溶。(喜歡)整體還算不錯，各位去完廟街吃飯，又想和朋友找地方吃甜品的話，可以一試。

平安夜點可以缺小心愛的甜品呢？於是飯後男友便帶我到這裡！我們約10點到達，店內只有小貓3，4隻，心想害怕中伏！但不理了試左先算啦！本想食窩夫或心太軟但晚餐太飽了，最後決定Mr.black 朱古力布丁，男友點了芒果沙冰（忘記了全名），估計是老闆的男士寫完單收餐牌時說了聲'謝謝'，感覺很有禮貌！說實話平時我好小選擇布丁類，但這個Mr.black的朱古力布丁Q彈，香滑濃郁又不過甜，最令我回味的是那陣陣的回甘味，食得出絕不是平貨！罕見爆谷做料，沒有漏氣之餘亦想像唔到個味居然咁夾，加上面頭的特濃朱古力雪糕，朱古力粉中和番布丁的回甘味！非常非常好味男友的芒果沙冰有陣清新益力多味，芒果肉新鮮香甜！加上酸甜爆珠及椰果口感豐富，晚餐的飽滯感即時消失了！最後要再讚下老闆的禮貌貼心，以後一定會再黎食食食很滿足啊！

收工喺附近食完豬骨粥，就黎瑰花甜食埋個甜品，先算完滿的一天~男朋友提過呢間瑰花甜好多次，佢食過改名前嘅舊鋪，話覺得唔錯。我就第一次食~所以唔會比較。鋪位唔算大，週六晚上10點幾黎到，都差d要等位~呢度嘅裝飾係幾fancy fancy，不過未去到有戀愛嘅感覺。只要情侶消費，讚好專頁同影相分享，就可以得到一個愛情鎖~不過我見啲店員都忙到踢哂腳咁，費事打擾人地喇點左椰汁冰糖雪耳雪蛤膏同埋玫瑰梳乎厘~椰汁冰糖雪耳雪蛤膏$52甜品嘅價位中中挺挺，呢個雪蛤膏黎講都唔算好貴。味道方面都係符合價錢，好好食稱唔上，但唔係太差。椰汁味唔係太重，唔會覺得過甜。玫瑰梳乎厘 $48梳乎厘即製，所以都需時等候。呢個甜品賣相都算唔錯，配合玫瑰主題，但少女心未至於湧出黎。先試左梳乎厘，梳乎厘鬆軟，但未至於好似食左陣風~蛋味唔重，反而食到好勁嘅玫瑰味！好在呢種玫瑰味唔會太假，所以都幾好食。雪糕都係不過不失啦，普通貨色。整體黎講，呢度嘅甜品只可以話普普通通啦，唔係特別好食，而且價錢唔係特別平，大眾價。不過有個好處，因為店員都比較忙，唔會琴琴青要收走哂你啲餐具，所以要坐下傾下計係可以的。(你地都知啦，要搵間坐得嘅甜品都唔易

真係好難食 d味有d怪 we ordered 3 kinds of things but end up didn't eat as it really taste bad, we wonder why there are still many ppl inside. Would never come again

2016年9月29， 同班friend去旺角食完嘢，佢哋話要食甜品带左我來這裡， 離遠見到貴花甜 個招牌 跟住大家都有幾個問號，上番openrice睇到先知原來全線結業， 我仲話我前年食過大圍我覺得好難食 點知原來呢間係同一間改左名載，在早兩天我也在深水埗哪間吃過覺得普普通通只係得過平字， 我而家知點解佢要改名因為太難食太多差評， 不過都係嗰句40蚊唔貴，但係真係好難食， 我已經係最唔容易中伏嘅嘢就係窩夫， 點知係冇味道嘅有顏色， 唔好話麵粉底加朱古力粉， 又硬又冇麵粉香又冇味道，唔要求会係熱或者微暖，通常都係凍冰冰都冇所謂，但係畀食餅乾更難食更無味真的好差， 比隔了兩三日的麵包還要差 雪糕唔洗講一般貨色， 上面嗰個朱古力吉士朋友都話唔好食

食完晚飯搵甜品～行過見menu幾吸引就入左去啦mr L叫左綠之戀人心太軟伴綠雪糕～Bunny叫左椰汁冰糖雪耳雪蛤膏～睇個名好潤咁mr  L話幾好～唔太甜～食啖熱食啖凍～唔錯～配埋紅豆👍🏻bunny食左幾啖～個心太軟烘得剛剛好，香得來唔會燶，美中不足係塊格格餅係凍冰冰，如果熱熱地就更佳啦依個令bunny好😞椰汁唔香，雪耳硬掘掘，雪蛤膏得幾粒就預左既，但係成碗糖水既感覺好冇誠意😞可能mr L講得啱，人地係西式甜品鋪我嗌咩中式糖水...我唔啱😭