Video
Read full review
2016-12-25
728 views
收工喺附近食完豬骨粥，就黎瑰花甜食埋個甜品，先算完滿的一天~男朋友提過呢間瑰花甜好多次，佢食過改名前嘅舊鋪，話覺得唔錯。我就第一次食~所以唔會比較。鋪位唔算大，週六晚上10點幾黎到，都差d要等位~呢度嘅裝飾係幾fancy fancy，不過未去到有戀愛嘅感覺。只要情侶消費，讚好專頁同影相分享，就可以得到一個愛情鎖~不過我見啲店員都忙到踢哂腳咁，費事打擾人地喇點左椰汁冰糖雪耳雪蛤膏同埋玫瑰梳乎厘~椰汁冰糖雪耳雪蛤膏$52甜品嘅價位中中挺挺，呢個雪蛤膏黎講都唔算好貴。味道方面都係符合價錢，好好食稱唔上，但唔係太差。椰汁味唔係太重，唔會覺得過甜。玫瑰梳乎厘 $48梳乎厘即製，所以都需時等候。呢個甜品賣相都算唔錯，配合玫瑰主題，但少女心未至於湧出黎。先試左梳乎厘，梳乎厘鬆軟，但未至於好似食左陣風~蛋味唔重，反而食到好勁嘅玫瑰味！好在呢種玫瑰味唔會太假，所以都幾好食。雪糕都係不過不失啦，普通貨色。整體黎講，呢度嘅甜品只可以話普普通通啦，唔係特別好食，而且價錢唔係特別平，大眾價。不過有個好處，因為店員都比較忙，唔會琴琴青要收走哂你啲餐具，所以要坐下傾下計係可以的。(你地都知啦，要搵間坐得嘅甜品都唔易
鋪位唔算大，週六晚上10點幾黎到，都差d要等位~呢度嘅裝飾係幾fancy fancy，不過未去到有戀愛嘅感覺。
只要情侶消費，讚好專頁同影相分享，就可以得到一個愛情鎖~不過我見啲店員都忙到踢哂腳咁，費事打擾人地喇
點左椰汁冰糖雪耳雪蛤膏同埋玫瑰梳乎厘~椰汁冰糖雪耳雪蛤膏$52
甜品嘅價位中中挺挺，呢個雪蛤膏黎講都唔算好貴。
味道方面都係符合價錢，好好食稱唔上，但唔係太差。
椰汁味唔係太重，唔會覺得過甜。
椰汁冰糖雪耳雪蛤膏
$52
11 views
0 likes
0 comments
梳乎厘即製，所以都需時等候。
玫瑰梳乎厘
$48
14 views
0 likes
0 comments
玫瑰梳乎厘
$48
1 views
0 likes
0 comments
整體黎講，呢度嘅甜品只可以話普普通通啦，唔係特別好食，而且價錢唔係特別平，大眾價。不過有個好處，因為店員都比較忙，唔會琴琴青要收走哂你啲餐具，所以要坐下傾下計係可以的。
(你地都知啦，要搵間坐得嘅甜品都唔易架，食哂唔走想坐到幾時？)
但有樣野都幾搞笑，如果睇完餐牌想叫拿破崙要留意，因為對面有位客人點左拿破崙，發現外型同餐牌嘅相有幾大出入，我眼見佢嘅拿破崙係一舊舊，分開3件，而非一舊野有3層咁~
果位客人問店員：「點解拿破崙個樣唔同嘅？」
店員：「哦係呀，我地拿破崙轉左formula」
雖然客人冇話味道唔好，不過睇得出佢因為圖片不符嘅問題有少少失落，希望店家快啲換啲update嘅照片啦。
唔係個個都係熟客仔，知道哂啲甜品嘅「真樣」。
Post
