時代冰室 (One Madison) (Closed)

今日又來到時代冰室食午餐。好誇張😂十一點多啲就已經要開始拎飛排隊了。今日同friend一齊食亞洲菜。我叫咗個滷水雙飛刀削麵 ，朋友叫咗個泡菜豚肉石鍋飯，仲有個係日式鰻魚滑蛋飯。台日韓當中，日式鰻魚飯跑贏成條街（哎呀冇影到相㖭！）由金色飯碗裝住，大大碗鰻魚飯～鰻魚應該都有半條咁多，成本幾高喎加埋柴魚紫菜，未食已經令人垂涎三尺 。台式滷肉飯都ok。雞翼驚喜地好入味，但仍然維持到滑嫩，連雞翼尖啲骨都唔係好使Lur咁。滷肉分量多，刀削麵比較飽實感重，但略嫌鹹咗啲 ，同埋浸住啲汁有啲油。石鍋飯就係好普通嘅石鍋。有齊食泡菜會有嘅酸甜咸味。用黎送飯一定係正既。

其實食物真係唔錯。但D 侍應其實都真係幾過份，坐入D 嘅話係唔會有人埋嚟。企出走廊叫佢，佢應一應你就繼續做自己野，完全唔會理你。當然有部分都HELPFUL，但有幾個女嘅真係好過份。

今天在長沙灣放工， 難得唔使OT，打算食完晚飯先返屋企。快靚正揀咗「時代冰室」， 食物選擇種類繁多， 中式小菜，炒粉麵，焗飯，石鍋湯飯，特餐， high tea All Day breakfast 都有～～早啲嚟食晚飯有老火湯送，送完即止！湯料有雞腳，豬骨青紅蘿蔔～ 火候十足， 清甜 ，唔會好鹹。鐵板薑蔥廣島蠔$118鐵板熱辣辣上枱， 把薑蔥也爆得勁香～ 廣島蠔好大隻， 夠鮮味， 略泡油之後更加惹味！招牌石鍋湯花膠鮑魚$63石鍋也燒到熱辣辣， 揀了泡飯， 超大碗的白飯！非常濃郁的雞湯湯底，配以花膠鮑魚， 還有旺菜 ～ 非常鮮甜！ 最後竟然可以吃畢超大量嘅泡飯， 石鍋湯味道天然無添加，返屋企都唔覺得口渴。懷舊紅豆冰紅豆和奶嘅比例平衡， 紅豆雖然細粒不過都幾香甜。 如果椰奶味更濃郁就perfect青蘋果綠茶Um.. 冇諗過青蘋果綠茶隻顏色真係咁青， 好似去咗bar 飲cocktail～ 主要是綠茶味和有點青蘋果味的糖漿～臨尾梗係要試甜品， 「5cm西多巴士」 比一般茶餐廳嘅西多士更加厚 ， 炸得唔錯唔係好索油， 中間餡料係花生醬， 味道有啲鹹，中和番啲糖漿。好邪惡不過好好食。走嘅時候已經差

一家人食飯最啱嚟時代冰室，因為性價比真係超高。今日我四個人埋單先300蚊，已經抱住個肚走，因為每樣野真係大大份。髀翼雙飛伴蔥油肉燥撈手工刀削麵呢個真係要推介！果然係髀翼雙飛，大大隻全翼+雞髀，配埋勁多蔥油+肉燥的手工刀削麵，啱曬食肉獸嘅朋友！$66嚟講我覺得好抵食！即炸厚豬扒煎蛋三重芝士焗炒飯豬扒又厚又大塊，最估唔到係豬扒底下邊有大大塊菠蘿，加埋茄汁底炒飯好滿足。重點係用咗三重芝士焗，更加好味。鐵板薑蔥鮑魚炒滑雞薑蔥汁夠哂濃，仲好多蔥，送飯幾好。避風塘茄子金沙骨想過下口癮食避風塘，估唔到晚飯套餐都有避風塘系列, $78就跟埋飯又幾抵食！茄子仲幾香！芒椰蜜桃冰&火山華田脆脆冰以為係一般茶餐廳質素，但特飲又幾好飲wo！值得加錢轉。下次會再嚟試下其他時代推介！

夜晚黎到長沙灣嘅時代冰室，好多懷舊嘅味道，餐廳座位寬躺，卡位都好多，菜式豐富，無論咩時間黎食好會有好多選擇，適合朋友聚會，一家大細黎食飯👍🏼今次試吓佢地啲小菜嘅味道，每款小菜都會跟飯、餐湯同餐飲。鐵板醬爆鰻魚炒魷魚🦑本身覺得魷魚同鰻魚會唔係好夾，點知黎有驚喜，炒碎咗嘅鰻魚配上較淋魷魚同四季豆，加咗少少辣嘅味道，送飯一流😋金沙南瓜鹹蛋大蝦🍤有4隻好大隻嘅蝦，表面佈滿好多鹹蛋黃醬，味道濃厚，蝦頭仲有蝦膏，蝦肉爽口彈牙，大蝦底仲有炸南瓜片，非常香脆，值得推介💪🏾粒粒金銀蛋浸娃娃菜🥬本身都好鐘意食金銀蛋，大排檔嘅味道，好多好足料，娃娃菜浸到好淋蒜香南乳雞中翼炸到金黃色，南乳味配上淡淡蒜香嘅味道，非常香脆可口熱檸蜜正常港式茶餐廳嘅味道

鰻魚照燒滑蛋鐵板伴飯…即叫即制作，保持了食物的新鮮及熱度，需等了約15分鐘時間，但來到時超超超有驚喜…肉眼已經看見滑蛋超級濃厚厚，足有3隻雞蛋的份量，舖滿了整個鐵板面的飯上，即刻品嚐後…嘩嘩嘩啲蛋超嫩滑唷…食了半小時依舊保持微暖蛋嫩滑…蛋不變老值得讚讚讚喔…日式鰻魚都有給半條的份量算合格了，但伴飯不是珍珠米有些許失望了，如配珍珠米較像日式鰻魚飯…如跟餐配2人特色水果茶飲品超抵只須另加$13蚊…下次可以一試！

既然嚟到長沙灣附近收工，就梗系去茶記冰室醫肚！價錢抵、份量又多，又岩我呢個麻甩性格！入內以卡位為主，燈光光猛之餘。牆上亦都掛有香港舊時電影既花絮。打開菜單有扒鋸、小菜、碟頭飯、又有懷舊飲品等等，同時有一新穎既菜式。鮑魚花膠.花菇滑雞石鍋湯先喝湯潤一潤喉嚨，飲落不油膩又鮮甜。再吃雞及花膠花菇，塊塊花膠、雞肉都有一定份量，再配上闊條面，愛美的人都會喜歡呢個餐。烤串上春雞成隻掛系鐵架上，以一路切一路有熱氣出。外皮烤到好脆 ，仲做到一骨同肉容易分開。配上甜豉油，味道一流。

長沙灣總是給人懷舊的感覺，這次選了這間冰室，餐廳寛闊，坐得舒服，而且菜式款式很多。茄子金沙骨份量比想像中多，茄子炸得金黃通透，外脆內柔。金沙骨很香，肥瘦適中，加上味道很入味。鐵板薑蔥廣島蠔薑蔥爆得很香，加上鐵板的香味，令蠔的鮮味再度提升，另人停不了口，再加上蠔比想像中大，一口一隻，另人非常有滿足感。臘腸炒芥蘭芥蘭很新鮮，炒得非常有鑊氣，和普通茶餐廳不同，它加了臘腸，令餸菜整體鮮味再度提升。Pizza小食最後叫了一個pizza, 冰室吃pizza,感覺有點怪，但是好味的，可以一試。

一入餐廳內彷似進入懷舊年代，驚喜時代冰室內裡裝修佈置以60-80年代電影劇照做主題，尤其光管燈寫著"無論時代點變，味道依然不變" , 帶出餐廳懷念惜日既味道，對比現今很多餐廳食材加入很多新元素，這間比較著重傳統口味，令人一食回味以前想當年既感覺menu 十分多選擇，最驚喜menu 竟然有兒童餐選擇，十分體貼，值得俾個讚珍寶肥牛鐵板飯熱辣辣上枱，香噴噴，濃郁芝士，肥牛肉汁味濃，正鮑魚花膠花菇滑雞濃湯超級正，有原隻鮑魚仔，花膠有驚喜，彈牙爽口，雞亦很嫩滑，湯亦是主角之一，濃濃雞湯，食得出沒有味精，全湯飲洒一滴也不留每人order 一款主食可以 +$8 揀特飲巨峰提子啫喱特飲， 青蘋果特飲不太甜，我喜歡既味道，透心涼整體食物不錯，最貼心茶記都有兒童餐

我外賣左4個餐，其中既海南雞飯同爆芝鐵板肥牛飯咩汁都無比，都唔緊要，咁咪打落舖頭到講，點知一啲唔好意思都無，重要態度超差，唔緊要既，我唔會再幫襯，可能你地覺得少一個客都唔重要啦~~~如果鐘意食到一肚氣既，佢啲野都唔係話好難食既，不過我一啖都食唔落囉……

🍴金沙南瓜鹹蛋大蝦98 蚊🥚🦐首先蝦大大隻好新鮮 食落好彈牙 一上枱勁香咸蛋黃味 蛋皇汁密度好高 好香咸 🦐而南瓜🎃既外層整得好香脆 入面熱辣辣 保留應有水份好夠香甜 正 🍴鐵板黑椒薯片炒安格斯牛粒86 蚊🐂紅綠椒洋葱 最正仲有煮埋既薯片 整到軟林 口感幾得意 牛肉粒好 juicy入味 而且切得大粒啖啖肉 👍🏻 醬汁帶有黑椒香 好入味 正😁 🍴蒜香南乳雞翼 124 蚊6 隻🐥整得好香脆既雞翼 南乳味醃得好香 喺雞皮同雞肉都好入味 雖然望落去冇蒜 但食得出帶有少少蒜香 睇得出花左心機整 🔥推介 🍴麻辣隻飛牛濃湯撈手工刀削麵 肥牛滑牛 57 蚊🍜🐂呢個濃湯 麻香味比較重 後勁帶 d麻辣 有芽菜 粟米 🌽蛋 🥚加上 爽口粗身既刀削麵 刀削麵盡吸辣汁 而牛肉都好足料 肥牛當然肥美 而滑牛就肉味濃 d兩種牛都盡吸辣湯汁 唔錯🌶️ 🍴芒椰蜜桃冰❄️ 🥭其實有少少似甜品多過飲品 佢芒椰汁好濃 加 d蜜桃肉 幾香甜 幾啱夏天飲👍🏻🍴雙料鴛鴦冰❄️跟餐加8 蚊用爽口涼粉加香甜紅豆 加花奶整成 夠哂清涼#紅豆 #涼粉 #黃店 #黃色經濟 #黃藍是政見黑白是良知 #雞翼 #南乳 #薯仔 #牛柳 #薯片

同friend出開長沙灣食嘢，午餐時段都比較難搵位。諗都唔使諗，去老地方時代冰室，就實有位喇。呢度空間比較大，就算要分枱坐，都唔使等好耐。今日叫咗一個常餐，另一個係超級邪惡肥仔嘅 芝士焗豬扒飯（加凍奶茶）。 一如以往，時代雖然係間普通茶記，但味道仍然係高質之選。加上佢嘅份量多，有時明明嗌咗少飯，都依然會有好多飯，而且賣相都會令人滿意。常餐味道正常，外送一個牛角包。鍾意佢嘅火腿炒蛋，切開仲有蛋汁，非常嫩滑。豬扒餐極極極肥，但係正嘅！豬扒厚切，醬汁滿瀉 。加埋呢啲帶有拉絲效果嘅芝士都鋪係面，中間仲攝咗嚿同茄汁、豬扒味道超夾嘅菠蘿。我都係唔講咁多XDD 食啦~

時代冰室💛📎菠蘿油 菠蘿包新鮮出爐熱辣辣🥯舊牛油超大嚿😆兩樣夾埋好香😂🤤夠晒邪惡📎沙嗲牛肉通粉相對來講沙嗲牛肉就比較普通，同普通茶餐廳冇咩分別🙈不過值得一題佢係提供迷你菠蘿包😍而唔係餐包🤓而且佢嘅煎蛋係窿邊蛋🥰特別好食餐廳座位闊落，而且尚算清潔整齊👍🏻雖然餐廳嘅姨姨傾偈嘅聲量有少少大😂不過以早餐來講係同區算係個幾好嘅選擇，而且食物方面自由配搭度都好高，例如有洽蛋炒蛋煎蛋等等🤓

近排疫情開始減退，自己工作又開始穩定，開始有心機約老友食飯.今次約咗個人妻食飯，由於人妻要顧家，唔可以食太耐，所以佢見意去近佢屋企嘅時代冰室.首先，我趕頭趕命去到餐廳，坐底無奈已經涼快，冷氣夠勁，果然係冰室無改錯名.另外餐廳裝修充滿老香港風味.我點咗個蒜蓉汁三拼鐵板扒，人妻點咗客薑蔥炒廣島蠔同火山華田脆脆冰.人妻話，去時代冰室全因為哩杯脆脆冰，面頭鋪咗朱古力脆卡，阿華田味夠濃，而且唔係間間餐廳有提供夠特式.蔥係我大愛，見到薑蔥有大量蔥段已經好滿足，廣島蠔每隻size都唔算細隻，份量適中.三拼鐵板有牛仔骨，乳鴿同蝦，跟飯跟意粉跟薯菜我選擇跟薯菜，最特別係鐵板上從未見過有菠蘿出現，菠蘿亦超甜超好味.離開先發現，原來有蛋撻同雞批，外相吸引，有機會會試試.

　相信大家對🕒時代冰室呢個名都唔會陌生,今次試左佢長沙灣店📍,算係新過下嘅新分店。　今次嚟食🌅早餐諗住唔洗排,但都係要排(-_-;),大家可以𝑑𝑜𝑤𝑛佢個𝑎𝑝𝑝攞定飛先,咁就唔洗去到先拎籌。仲有薯餅送㖭😆　嗌咗個$36嘅"時代見麵餐",個份量絕對可以當兩餐,味道都ok好食,街坊表示會間唔中嚟食下✨。.◇鮮茄雞扒通粉◇超大塊雞扒,男人食都一定飽❣️🐔都算嫩滑多汁,但偏肥🙈茶記嘅🍅鮮茄通粉都係嗰個味,不過都幾好味鍾意嘅人茄通嘅可以嗌呢個👍.◇迷你菠蘿包◇雖然餐牌冇寫,但其實可以轉菠蘿包😎🥖正常發揮,個牛油皮幾脆💫細細地一個,食落都幾滿足☺️☺️.◇香滑炒蛋◇◇熱奶茶◇.🛋坐得都幾舒服,沙發位算好闊落。唔會趕人走。味道同賣相雖然未算超班,但勝在份量好足,又唔貴,仲要係良心茶餐廳💛街坊真係可以嚟多幾次🙌🏻.𑁍　☼︎　𑁍　☼︎　𑁍　☼︎　𑁍　☼︎　𑁍　☼︎　𑁍.⭐ 推薦程度: 7/10⇨味道: 7/10⇨環境: 7/10