時代冰室 (One Madison) (Closed)

早上時份去食早餐，叫咗個自選早餐，有個牛角包，兩條腸，一少塊炒蛋，加啲黑松露菇，配杯熱咖啡，再加塊薯餅，價錢不到$40，實在係最餐入面抵食之選。咖啡係令我覺得驚艷，雖則唔係咩好靚嘅即磨啡，但起碼比市面上嘅大部份茶餐廳咖啡香，且濃！不錯。薯餅大塊，炸得脆，入面薯仔肉多，調味okay，比某m字牌子薯餅好食。唯獨係個黑松露炒菇，竟然係凍嘅！唔係未煮好嘅凍，而係真係凍食。係呢part少少suprise，因為expect係熱食嚟。anyway味道okay。

無論時代點變，味道依然不變係呢間冰室傳承的⋯原本想食呢個時期high tea 層層叠，但要兩點後先有⋯唯有下次先去再試⋯⬇️懷舊紅豆冰（套餐+$8）原粒紅豆，好香椰汁香味⬇️蒲燒鰻魚 伴3.6牛乳滑蛋蓋飯 （$63）齋睇賣相都好吸引，好香，滑蛋配埋啲鰻魚同醬撈飯食好正🤤⬇️深海原條魚柳·芝士炒蛋·漢堡 伴薯皇 （$42）好大個包，好多炸魚同雞蛋⋯炸魚唔會好燶，好脆，加埋炒蛋好香😍不過啲薯條就一般，夠曬脆但好似有啲炸得over左，有啲乾⋯

收工過嚟長沙灣搵人食飯，有人提議去 One Madison 地下嗰間「時代冰室」。呢間餐廳嘅分店近年越開越多，可見其受歡迎程度。記得呢個位之前係一間點心雞煲火鍋店，舖頭面積頗大，環境光猛又夠開揚，座位寬敞闊落，坐得十分舒服。餐牌的選擇非常豐富，包羅萬有，除了多款王牌小菜外，仲有鐵板、煲仔、蒸選、蔥油三眼煎蛋飯、肉燥手工麵、石鍋湯、滑蛋蓋飯、豉油西餐等等。大紅大紫·咕嚕排骨 ($78)：排骨有兩種唔同口味，一邊用上糖醋汁炮製，而另一邊就用上菠蘿汁。兩款味道都很不錯，炸粉不厚，醬汁僅僅包住外層，咬下去仍維持脆口感覺，入口酸甜合度，酸香醒神，各具風味。馬友魚香·茄子魚塊 ($72)：魚香茄子係平時去大排檔必點嘅菜式，今次仲加入咗馬友同魚塊，超級豐富。鹹魚粒令魚塊增添鹹香，加上軟糯嘅茄子；外層酥脆、內裡細嫩的魚柳，食落微辣香口，夠晒惹味。每個小菜都會奉送老火湯、絲苗白飯及熱飲，今日嘅老火湯係合掌瓜紅蘿蔔豬骨湯，湯料很多，飲落無味精。食完個濃味嘅茄子，揀番客清淡啲嘅石鍋湯：極尚·鮑魚花膠·花菇滑雞濃湯·石鍋湯 ($65)，套餐可以配湯泡飯、烏冬或手工刀削麵，+$12 仲可以轉雞全髀。石鍋湯熱辣辣

潮濕炎熱的香港總是讓人悶悶不樂，難以忍受。對付這種心情，最佳辦法是飲一杯冰凍既紅豆水，加埋勁大冷氣既環境。就令我諗起呢間主打本土情懷冰室。四季豆煸椒豬扒飯既四季豆同豬扒夠鍋氣夠曬乾身，吾油豬扒好香口，好入味四季豆同煸椒好夾，翠綠大條，食落爽口。成碟食量十足。脾翼雙飛刀削麵估唔到連冰室都有撈刀削麵款式提供，蔥味好香，麵質好彈牙，值得推薦。同出面主打刀削麵鋪有得比。極尚,鮑魚花膠,花菇,滑雞石鍋湯有一舊鮑魚仔，兩片花膠，一大舊花菇，加多12蚊白切雞脾連湯送上。再加多杯凍飲，埋單計80蚊左右，絕對超值，值得過黎一食。估唔到仲有月餅賣添，依家早啲買仲可以平成$50

今晚去了朋友家附近吃晚餐，去了一間很光猛的餐廳吃飯。餐廳有很多選擇，中西餐樣樣都有，套餐亦十分吸引。有餐湯，配熱飲，加特飲都只是$8，所以要了杯紅豆冰，凍冰冰，很適合熱辣辣的天氣。菜心炒牛肉蒜香十足，菜心翠綠爽口，牛肉香腍。男人的浪漫是豆腐火腩飯，餐廳竟然有雙腩，既有香炸魚腩，亦有肥瘦適中的火腩，還有香滑炸豆腐，份量十足。最後更要了個厚西多士作飯後甜品，有5cm厚度，中間配花生醬，香口惹味，十分飽足。

這間時代冰室位於長沙灣青山道，係一間好有過去年代嘅影子，相當有懷舊嘅特色🤔，同時去嘅食物都有張舊與新混合一體相當之唔錯，而去嘅金句就係，(無論時代點變*味道依然不變).High tea 層層疊真係好特別🤔，係冰室都食到層層疊，而去嘅層層疊係冰室新創意賣相特別，(頂層黑糖，冰果雪山，一口西多)，(中層三色腸配雞翼)，(底層炒蛋，薯餅，車厘茄及沙律菜)十分之豐富😍😋!.黄金鹹蛋大蝦炒飯這碟大蝦炒飯賣相都好吸引😍，去嘅大蝦都好爽口彈牙好有口感😋，炒飯粒粒口感味道十足😋!.古早蛋糕相當之有舊式蛋糕風味🤔，金黃色嘅蛋糕面蛋味香濃😙，食到入口感覺軟綿綿，甜度恰恰好😋!.甜甜圈沙翁十分之有過去年代嘅風味🤔，回想過去的味道😋，食到入口口感都唔錯好香口😙，包住甜甜嘅沙糖真係幾好食!.紙包蛋糕好有回想過去年代嘅味道😋，呢款紙包蛋糕蓋上冰室印記，食到入口都好鬆軟蛋味濃郁😙，十分之軟綿綿!.紫菜肉鬆包好似好好味道😋，包上面放滿紫菜肉鬆，十分之吸引😍，食到入口味道十足超多肉鬆十分滿足!.火山華田.脆脆冰賣相都好靚，十分之濃郁，杯滿放咗D脆脆冰，相當之脆口，味道恰恰好😋!.蛋白杏仁茶呢杯杏仁茶細細杯，白白嘅賣相，

時代冰室是我相當喜愛的餐廳，他的小菜相當出色，讓我一一介紹吧。先是二人套餐中的XO醬西蘭花炒魚柳，一上台已是熱騰騰， XO醬相當香口，帶出魚柳的鮮味，雖然不是鮮魚，但由於醃製得夠好，本身的味道已相當足夠，加上西蘭花的爽口兩者相互襯托，所以是我很喜愛的一道菜。然後是金菇肥牛煲，由於是採用煲製的方式烹調，所以兩者已經一齊烹調了一段時間，令到金菇吸收了肥牛及沙嗲的味道，很是香口。最後是個人特別推介，酥皮蛋撻是我吃過最喜愛嘅蛋撻，酥皮香酥鬆代，一層層的口感更是一絕，中間的蛋漿蛋黃味又滑又濃，令我食過返尋味。人均消費約$100左右，很是化算。

之前都幫襯過早餐，見今晚得閒又無試過晚餐就去幫襯試吓！一坐低冇耐我地就落單，幫我地落單果位女侍應已經黑口黑面咁，同佢講咩都無乜反應！咁我地就order左一個芫荽皮蛋魚片湯伴刀削麵，一個炸魚卡邦尼火腿意粉伴半熟煎蛋！過左大約10分鐘，個魚片湯就到左，我太太食咗兩啖就話覺得好淡，而我太太本身個人係食得好清淡都話淡嘅話就真好淡，不過都算，就諗住問下有冇醋俾我，咁頭先幫我落單果位黑面女侍應諗都唔使諗就即刻答我話無！我心諗咁大間餐廳個廚房連醋都會冇嘅咩，最大問題係因為你哋個湯太淡我先要醋，你問都唔問吓個廚房有冇就答我！咁我哋都由佢！過咗20分鐘我太太都食完個餐，我碟意粉仍然未到，咁我就同個肥肥地嘅女侍應追下單，咁佢就即刻拎走我張去追，但又唔同我講番究竟係漏單無做定點之後等多10分鐘度碟意粉終於出世，點知一睇點解無左隻半熟煎蛋嘅？我前後等左咁耐就因為肚餓所以無理佢就食個意粉，一食個下真係咩胃口都無晒佢地整得出呢碟野真心佩服，意粉面係有白汁，但食落居然係白烚意粉咁乜味都無連個汁都可以無味，真心請教何為卡邦尼呢？今次忍無可忍就同個男侍應投訴，跟住見佢走去同個頭先幫我追單肥肥地嘅女侍應交代下我嘅投訴，咁

最近香港發生了不少事情，大家心情有點緊張，但經過繁忙的星期一至星期五，假期的前夕，人總要是放鬆的，今日一於嘗試一下在屋企附近的茶餐廳.餐廳的種類十分之多，包括有鐵板，中式小菜，等令人眼花撩亂.餐廳佈置十分之有氣氛，十分有港式的風味.這個乾炒牛河十分之有鑊氣牛肉香滑.這個霸王雞，肉質鮮嫩，加上自家製的醬汁，十分之好味道.粟米加上魚肉也是最美好的配搭.最尾還有番薯糖水送，簡直為這一餐畫上一個完美的句號.

睇戲前打算食個快飯，見唔多人等位就決定食呢間。常餐 - 招牌沙嗲牛麵 $50沙嗲牛麵可以揀配炒蛋同丹麥多士或者火腿奄列同牛角包。奄列味道偏淡，可以自行落鹽調味，裡面嘅火腿都唔少。而沙嗲牛麵都係一樣，湯同牛肉味道都好淡。王牌 · 生炸雞髀配西多士 $36雞髀感覺炸得太耐，啲肉已經炸到好乾，食落都好硬。而西多士就正常，表面有炸到金黃色，裡面有搽咗花生醬，味道都幾濃。蔥油厚切豬扒伴三眼煎蛋飯 $59呢個飯係有驚喜嘅，一上枱就聞到好香。豬扒好大塊，而且啲肉好嫩，脂肪部分都比較少，唔會好油膩。煎蛋煎到啱啱好，唔會太熟，再配埋蔥油同甜醬油食，真係好夾。總括嚟講，食物質素都比較參差，下次可能試返飯類會好啲。

下午茶時段14:00-18:00【蔥油厚切豬扒伴三眼煎蛋飯】$46呢個招牌菜點都要試一試，豬扒真係好厚身，厚身得嚟又唔會好乾好難咬，而且醃得夠入味，配埋蔥油真係無得頂呀！三隻蛋煎得啱啱好，有流心嘅效果，讚👍🏻— — — — — — — — — — — — — — — — — — — 【鐵板牛肉炒意粉】$46意粉用鐵板上保持到熱辣辣嘅溫度，而且炒得好有鑊氣，好香口，每條意粉都沾到豉油，濕潤程度啱啱好，牛肉片份量都幾多，亦都係炒得好香，完全唔韌，係一碟高質炒意粉🍝！— — — — — — — — — — — — — — — — — — — 【火山華田·脆脆冰】跟餐+$8加$8就有特飲其實幾抵😜 甜度適中嘅華田，面頭重有脆脆粒，不過d脆脆粒要快d食，放耐左就會腍架喇！— — — — — — — — — — — — — — — — — — — 【巨峰·提子啫喱冰】跟餐+$8叫親呢d特飲都要有心理準備，好怕似藥水味又或者太甜，但大熱天時，又想飲吓水果味嘅飲品，好彩呢杯完全冇以上問題，飲落好清新嘅巨峰提子味，重有d啫喱係入面，正！— — — — — — — — — — — — — — — — —

今朝早食早餐， 諗住有好意外嘅驚喜點知， 入到嚟叫咗個沙爹牛肉麵嘅早餐 好難食，湯底又凍，牛肉又好多根， 奄列 煎到又乾曬， 杯凍齋啡味好怪，唔會再幫襯， 這樣嘅早餐🤮🤮🤮

今日星期六剛剛長週要返工，諗住今日返工買個好味嘅早餐比自己享受下星期六返工最大嘅快樂。向來都時買早餐係要等係無問題，所以我先行返公司打卡後再返餐廳取餐就時間啱啱好。用8分鐘拿拿聲返到公司諗住好開心咁食我嘅早餐，點知……一打開個袋就發現😑我最鐘意食嘅牛角包無咗🥺🥺🥺天呀…點解要咁對我呀～其實無比包已經唔係第一次因為我公司係明愛果邊，一來一回要20分鐘所以我先唔返轉頭叫佢比返個包我，只可以下次我睇咗入面係咪齊先攞走啦～

又是酷熱的下午，又不想在家煮飯，於是便和家人外出用晚膳。 我們走進一家有懷舊味道的餐廳---「時代冰室」。我最愛它的固定隔板，不但滿足防疫要求，而且提高私隱度，讓顧客食得安心。我們看過餐牌後，點了兩個套餐和一個湯，誰知，湯來的時候......“石鍋湯”, 濃濃的雞湯，裏面材料豐富，有鮑魚、花膠、花菇、滑雞、蟲草花等。鮑魚爽滑，花膠入味，雞肉也鮮嫩，真是必食之選。原來這個湯都是一個套餐，除了跟餐的刀削麵/飯外，還附送咖啡/茶等熱飲。“咖喱即炸厚切豬扒”，豬扒是意想不到的大件，新鮮炸好，香噴噴，點上咖喱醬來吃，特別美味。“常餐：沙嗲牛肉麵、火腿奄列、牛角飽”，常餐有多種配搭選擇，沙嗲牛肉很惹味，奄列炒得很滑，不錯。所有套餐都跟例湯，餐飲也非常濃郁。吃過了豐富的晚餐後，覺得這裏的食物質素不錯，CP值奇高，我們於是再叫了兩個外賣套餐打包回家（外賣還有88折），回家後，打開一看，原來餸比飯還多，又是另一個驚喜。

長沙灣附近很多茶餐廳，這家裝修比較新，看到晚上有不少炒菜，尤其是美祿恐龍好吸引我，於是最終選擇這家，茄子拼金沙骨，茄子炸的酥脆而且不油膩，金沙骨味道也不錯，不過骨頭略多！還有雞腿肉燥麵，肉燥很香，美祿恐龍味道佳