時代冰室 (公主大廈) (Closed)

港式茶餐廳早已經成為香港飲食文化的標籤。一家大小去到茶餐廳,各有各喜好,各自尋找自己喜歡的食物。可見得茶餐廳的食物可以有多大的變化。近月在家附近遇上這一家時代冰室,深綠色的招牌裝潢,非常光鮮吸引。望向室內,座位最少有八成滿座,感覺非常受街坊歡迎。室內的格仔磚牆上的霓虹燈寫着”無論時代點變 味道依然不變”。這種既懷舊又新穎的表達方式,不單只吸引了我的眼球,還勾起了我對老香港的情懷。雲石枱面,卡位餐座,七彩的塑膠燈罩,牆上的電影廣告燈箱,全部也是懷舊特點。一番懷舊之後,又是時候看餐牌點菜。林林總總,各式各樣的選擇,花多眼亂,選擇困難症再次爆發。我們既想吃煲仔飯,又想吃意粉,更加想鋸扒,到底如何是好?經過一番掙扎,終於有結論了。首先出場的是跟餐加$8的特飲,老街涼粉冰和雙料鴛鴦冰。涼粉冰就不用多介紹,那麼鴛鴦冰又是什麼?原來就是懷舊的紅豆冰加涼粉冰,雙重享受,雙重懷舊。跟着出現的真是不得了 ~ 厚切豬扒湯濃喇沙湯伴鴛鴦麵配蟹棒。喇沙湯濃好味,油麵加米粉的配搭,既新鮮又配搭精準,同一時間齊集雙重口味於一身。配料亦不馬虎,厚切豬扒更加是大贈送。此外我也點重量級美國西冷牛扒配薯王黑椒汁,滿足一下食

約左朋友炮台山晚餐，諗緊食咩果陣行過「時代冰室」，比佢門口d餐牌吸引左之前都黎食過，食物唔錯，今次再黎發現多左好多新款，雞煲、烤魚、煲仔飯、火鍋都有秋冬限定，同埋指定分店先有幾款新嘢都好吸引，所以就決定係度食地方幾闊落，又多卡位，坐得舒服煲仔飯＋$13 xxl咸濕大話七，呢個抵飲，跟兩罐七喜，一定夠飲麻辣雞煲雞肉份量都唔少，配埋秀珍菇，好惹味熱焫焫、香噴噴、啖啖肉底果d有d焦香重正重惹味最多肉。煲仔飯有排骨、臘腸、潤腸飯好靚，一粒粒，有香脆焦底，入口有潤腸臘腸香，好味大蝦滑蛋叉燒飯

阿囡測驗要溫書，為了不妨礙她溫習，並幫她買需要的文具，便到炮台山逛逛。經過時代冰室，順便醫肚！經過一輪防疫手續，「嘟」埋安心出行，便被引領入座，喜歡那懷舊的感覺，童年的回憶。我們點叫了小菜套餐：薑蔥霸王雞、咕嚕排骨、濶佬三式蒸肉餅、妙齡脆乳鴿和郊外油菜腐乳通菜。飲品方面，我們要了水果茶、巨蜂提子啫喱冰和芒椰蜜桃冰。*若果配餐飲只需加少少錢三人小菜套餐$193 薑蔥霸王雞不愧是霸王雞，皮脆肉嫩，請不要誤會是炸的！咬下去，皮竟然有脆的感覺，肉嫩而潤，美味！大紅大紫、咕嚕排骨排骨醃很入味，炸後與鮮脆的紅椒丶黃椒和洋蔥一起炒，外面的甜酸汁調味到位，不揀錯！濶佬三式蒸肉餅真的有小鮑魚丶花膠和花菇粒蒸的肉餅！鮑魚蒸得剛熟，肉餅內混著花膠絲，大大碟，記得用肉餅的汁和飯一起吃，食到舔舔脷！滷炸，妙齡脆乳鴿$48乳鴿十分入味，雖然體形不大，但味美，是喝啤酒的良伴！腐乳西生菜$27西生菜鮮嫩脆口，上面舖上一層腐乳醬，但又不會過多，不錯啊！🍹水果茶$13*跟餐淡淡的茶香與豐富的鮮果粒混在一起，欣賞它不太甜，啱曬我！🍷巨蜂．提子啫喱冰$8*跟餐清新而不太甜，很喜歡那聚在底下的啫喱，是一杯不錯的飲品！🍸芒椰．蜜

叫咗個富貴煲仔飯，話有花菇、花膠、潤腸、滑雞。充滿期待打開煲蓋，第一眼見到只有一條菜、一粒冬菇、幾件雞。翻轉哂成個煲, 幾分鐘後終於搵到條芽菜仔咁「大」嘅所謂「花膠」。 打電話落店提意見，佢話依家改咗無潤腸，至於花膠，來貨本身係咁，全部係總部發落尼，佢地都冇辦法，叫我响FB反映下。

今日去炮台山搵個朋友，晚飯時間大家都話想食茶記，港鐵站對面的《時代冰室》是一個好選擇，小菜鑊氣好夠。見有新菜式推出，試個「重慶麻辣雞煲」(小辣)~雞煲一上枱開著爐一陣間，咋咋聲已經聞到好香，非常惹味，配菜包括：芹菜、芫茜、辣椒、紫洋蔥、薑等等，味道香濃，這個辣度剛剛好，雞件嫩滑，越食越滋味。小菜套餐，包老火湯、白飯及飲品，XO西蘭花炒魚柳~師傅炒得好有鑊氣，西蘭花爽脆，XO醬魚柳可口。韭黃叉燒大蝦炒蛋~份量頗大，炒蛋又香又滑，配叉燒及蝦仁，雙重享受。金磚·一口西多士伴雪糕~每一件西多都非常大件，一口係唔會食得曬，兩塊厚多士夾住花生醬，新鮮做起，加入黑糖漿，更覺香甜，仲有朱古力雪糕及大大粒紅豆，這個甜品的確不得了。冰鎮原味樽仔奶茶~ 味道唔會太甜，茶味夠香，冰鎮唔會畀冰溝淡曬。懷舊紅豆冰~採用椰汁，紅豆軟淋，香港地道冰室特飲的表表者。也有秋季限定台式火鍋，天氣轉涼，好啱食。

周不時行街都會見到時代冰室光鮮既招牌，一眼望過去相當有懷舊嘅特色，充滿時代感。今晚決定TRY TRY佢，入到去店鋪夠大，座位夠舒服，餐牌選擇非常之豐富，有別傳統茶記，絕對可以迎合不同口味的人士。🥢古早滷肉燥飯伴鹽酥豬扒 $62滷汁氣味飄香，油脂豐富更為潤口滑嫩，配埋香口既鹽酥豬扒超級下飯😋 滷過的雞蛋亦好入味。🍴重量級美國西冷牛扒 $98果然係重量級，非常大份，比起肉眼脂肪會較少，不會太肥膩，幼嫩中帶少許咬口，牛肉味道香。另外可以配飯/意粉/薯菜/沙律菜/黑椒/蒜蓉汁/洋蔥汁，我地選擇了沙律蒜蓉汁，味道都好夾。飲品方面我叫左火山華田脆脆冰，朋友叫左黑牛冰，非常有港式味道既飲品。🥢滷炸妙齡脆乳鴿 $48乳鴿外酥里嫩，保留肉汁，食落肉嫩多汁，連骨頭都是酥的，好惹味，非常推薦。🥢王牌瑞士雞全翼2隻 $26瑞士雞翼係香港人嘅集體回憶之一，冇咩人唔鍾意食，瑞士雞翼的精華在於醬汁，雞翼放進去浸焗，時間越長雞翼就越入味，味道甜甜的，大人細路都鍾意食。🍴黑糖水果雪山一口西多士 $43煎炸得香脆甜甜的港式西多士，絕對是港式茶餐廳的名物，再配上黑糖/水果/雪糕，為晚飯完美作結。

前身係紅磡冰室，轉左餐廳後開頭第一次食就覺得麻麻地服務，始終同一班員工工作。後來一段時間再幫襯，發覺餐牌都唔同晒，員工都唔同左。早上十一點半前仍然有早餐，早餐都多選擇同多配搭。點選了芫荽牛肉湯米粉，芫荽控至愛，因為多芫荽，牛肉係新鮮滑牛，而米粉是用河源米粉，有別於其他餐廳，另外配搭左牛角包及炒蛋，亦都係少餐廳早餐供應的種類。整體食物質素唔差的茶餐廳早餐。環境都寬躺，地下乾淨，唔會好逼同埋唔會食完就即刻趕走。服務都可以接受。

呢間成日經過今日就試咗佢嘅下午茶說話選擇都幾多，而且都比較平裝修有少少懷舊feel座位唔算好迫，但係衛生程度有待改善坐坐吓聞到勁大陣碗布味試咗佢嘅蔥油雞蕃茄湯意粉味道同想像中有啲分別蕃茄湯底普普通通，比較稀味道淡，同埋完全冇番茄仲要加兩蚊啲雞都比較肥，啲皮多過肉仲要其實本身我係嗌通粉佢比錯咗兩次，一次係叉燒意粉不過算啦，意粉都照食但係味道真係比較麻麻囉，而且份量有啲少唯一就係佢嘅阿華田真係超好飲夠大杯之餘仲要甜度適中而且好夠凍整體一般下次試吓佢其他嘢食睇吓會唔會好味啲

My families and I went to a restaurant called "Times Cafe"(時代冰室) located in G/F, Princess Mansion, 165-175 King's Road, North Point(北角英皇道165-175號公主大廈地舖)"French toast cubes with ice cream"金磚一口多伴雪糕HKD$41Golden brown crispy outer shell.Peanut butter in the middle.Chocolate sauce drizzle on top of the toast...Red bean paste with chocolate ice cream.Yummmmm...Very value for money."Scillion chicken"薑蔥霸王雞HKD$68..Nicely seasoned.The chicken is tender and soft...Generous portion.Tasty!recommended!"Stir f

咁啱經開北角，有啲肚餓就入左呢間時代冰室食個快lunch啦～順便支持下餐廳環境都尚算闊落，而且夠光猛🤩因為想食沙嗲牛肉麵，所以今次叫左個常餐，個餐係可以揀配奄列+牛角包 或者 炒蛋配丹麥多士😗炒蛋正常發揮，係就係幾滑，但無咩蛋味咁烘左嘅丹麥多士都係正正常常無咩特別～火腿奄列都係一般茶記水準，牛角包食落充滿牛油味但唔夠酥脆～沙嗲牛肉麵個湯底夠哂濃，牛肉唔韌，略嫌啲麵淋左少少🤏瑞士汁雞翼撈公仔麵，呢個真係唔係幾得，啲麵好糊，又唔夠汁，有啲麵仲係白雪雪架，食落無咩味，雞全翼又係普普通通真係純粹填飽個肚

去了炮台山既時代冰室食晚餐，都幾多人幫襯！店內既menu超多選擇，我諗多大約有70,80款式選擇！小炒小菜，鐵板，炒飯粉麵應有盡有！價錢唔貴，非常合理。地獄麻辣牛肉炒飯，被佢個名吸引了叫左黎食！一粒粒shake shake既香料在頂層，味道幾惹味刺激，對於我黎講味道剛剛好，又唔會辣到食唔到，份量超大碟！炒飯底夠乾身又唔會油膩，香味夠香，我諗2個人都夠食！菜心炒牛肉，味道偏濃香，菜心新鮮爽甜，幾清新！牛肉片無渣唔乾，輕輕咬幾下就食到！味道不錯。台式葱油芝士肉鬆煎蛋餅，topping既醬汁幾開胃，下層煎餅底鬆軟，內層夾芝士加肉鬆，幾有風味！幾正既小食。脆乳鴿，真係幾脆身，肉汁鮮嫩又香！味道唔會過咸，1開4幾大份，48蚊質數性格比夠高。

_____好味指數：🌟🌟🌟🌟抵食指數：🤑🤑🤑諗唔到食咩嘅時候茶餐廳永遠都係一個好選擇。今次係炮台山搵到一間幾唔錯嘅餐廳，就入去睇吓啦。入到去見到佢哋個lunch Menu有個每日蒸選，今日星期三仲有我鍾意嘅肉餅食，一於就揀你啦✅堅•鮑魚蒸肉餅本身冇特別睇Menu淨係見到有肉餅就掂左，上菜嘅時候呆咗，因為佢除咗肉餅仲有兩隻鮑魚仔，真係好有驚喜。本來諗住呢個價錢應該唔會幾好食，但食落爽口又唔韌，係幾唔錯喎，而且配埋鬆軟嘅肉餅口感有鮮明對比，同埋個豉油汁真係好啱撈飯

服務質素差到一個點，要我開個openrice account寫食評。事件發生於2021年9月3日下午約3：30，當時食客不多，卡位（全部都是二人座或四人座）大部分只係坐梗一個食客，而其他非卡位就有約半無人坐，我一入店內，就發現剛有一個阿叔準備離抬（兩人卡位座）埋單，我於是要求坐嗰張卡位，但店員拒絕我要求，並指示我坐另一張要同另一阿叔搭抬（四人非卡位座）既位，我再禮貌（真正禮貌地）要求但不果，當我諗住“既然餐廳政策咁安排座位就算數啦”之際，剛好有一女士入店內，要求坐嗰個卡位，奇怪地，今次店員居然放行。我隨即禮貌（真正禮貌地）詢問店員點解咁安排，佢答“原先諗住留畀以後有兩個人數既食客坐卡位，不過後來發覺唔使，所以咁”，我即時有d嬲，並選擇離開餐廳，兼同佢講“我明白你地既服務喇”，佢不禮拜地（係真正不禮拜地）回我“我地係咁嫁喇”。以上千字文，我已注明發生時間同地點，店方有心跟進可慢慢翻查記錄，我有誣陷你店方的話，或不禮貌之處，你可以喺度留言，我親自上門道歉兼自掏腰包放低1000蚊，如果你發現店員有錯，你只要好好地小佢一番，我已很滿足。

路過炮台山，今日淨係想食茶記冰室，當然一定要要去時代冰室啦。我哋四個人一人嗌一個餐，我嗌左個炸雞脾蔥油撈刀削麵，刀削麵十分煙韌，而且雞髀係肉汁嫩滑，雞皮勁正，啲朋友都對我隻雞髀好有興趣。另外楊州炒飯好有鑊氣，仲有叉燒好大嚿，好有咬口，仲加咗幾蚊加XO醬令個炒飯更加惹野。而乾炒牛河呢真係大件夾抵食，唔單止河粉炒到條條分明，而且仲唔會好油膩，牛肉亦都好香。最後係牛坑腩配咖喱，除咗飯之外佢仲有兩塊薄餅送埋俾我哋，先唔講個咖喱， 個薄餅底十分之香脆，點落惹味嘅咖喱汁，真係好醒胃，而牛坑腩舊舊都半肥瘦，牛肉炆得好入味，吸收晒成個咖喱嘅精華，咖喱上面仲有薯條做點綴，真係咖喱撈飯一流。

今晚去咗炮台山嘅時代冰室食飯同朋友傾吓偈，特別鐘意冰室嘅氣氛，好有老香港嘅感覺。大家都係食肉獸，所以叫咗一個兩個鐵板餐。我叫咗個重量級美國西冷牛扒餐，照燒汁配意大利粉。加八蚊有個紅豆冰，啱晒大熱天時。西冷牛扒好有份量，肥瘦均勻，肉質鮮嫩，照燒汁同肉汁鎖住喺牛扒入面。朋友叫咗個海陸空三拼鐵板扒，有安格斯牛仔骨，蒜蓉煙肉扒大蝦，妙齡炸乳鴿。睇落好豐富，朋友特別欣賞炸乳鴿，話好入味喎。配冰涷港式奶茶一流。