時代冰室 (公主大廈) (Closed)

星期六第一次去食晩飯，同朋友叫咗個兩餸套餐$128試下，平時啲茶餐廳一係選湯或飲品，呢度湯同飲品都包，勁抵食。環境舒服，多卡位。中、西、印，兒童餐都有。叫咗薑葱霸王雞同蒸肉餅，肉餅上面有3隻鮑魚、菇粒同花膠。睇得出係用心製作，希望繼續保持水準，喺東區開多啲分店。餐牌真係勁多選擇，好多人配搭都好吸引。而且仲有特式飲品，淨係揀嘢食都揀咗好耐。暫時未見過一間咁多選擇嘅茶餐廳。第一次去就有驚喜，以後經過都會去。

作為無飯家庭的一份子，家附近的茶餐廳自然成為平日的飯堂這間「時代冰室」的設計充滿本土風味，牆上貼滿香港黃金年代的電影海報甫坐下侍應便為每人送上一碗老火湯，可一邊品嘗一邊慢慢決定餐點一款小菜套餐包括白飯及熱飲！例牌川味口水雞麻香豐富又多層次，雞肉彈牙鮮嫩名貴之選時代王牌火熱石鍋湯可配湯泡飯、烏冬或手工刀削麵！極尚·鮑魚花膠·花菇滑雞濃湯·石鍋湯十分足料，雞肉嫩滑，湯又好喝來到冰室當然少不了即叫即製的香港風情豉油西餐！重量級·美國·西冷牛扒肉味重，肉質纖維厚，有咬感小食滷炸·妙齡脆乳鴿一隻開四件，咸鮮入味，皮脆而不爛跟餐一大壺特盛·龍鳳·大檸樂只須加$13！鹹檸檬平衡汽水甜味跟餐加$8可轉特飲！清新水果冰時代·菠蘿啫喱冰最適合炎熱的夏天

平時啲靚靚high Tea(人稱港女High Tea)就見得多，估唔到連茶記都有😅😅今次試咗呢個時代High Tea層層疊($88)，其實嘢食就有D普通(有西多士、腸仔、雞翼、薯餅、炒蛋、沙律菜)，不過價錢唔算貴而賣相就確係幾吸引，用嚟打卡一流

👉嚟《時代冰室》貪佢包羅萬有，乜都🈶️🉐️食，又坐得舒服👍.📌二人餐 $128 ～ 任揀2⃣️款小菜、老火湯、白飯、熱飲各2⃣️份😍好抵食！📌大紅大紫  ·  咕嚕排骨 ～ 人如其名，咕嚕排骨有別一般嘅咕嚕肉，骨會多一啲，外皮香脆，味道一樣甜酸開胃😉📌薑蔥煎封倉魚 ～ 半煎炸嘅倉魚成條脆卜卜，魚鰭邊仲可以連骨都食埋，配合薑蔥一齊食超正呀👍📌是日老火湯 ～紅青蘿蔔湯 ～ 出晒煙嘅例湯夠晒甜又唔油，好想飲多碗😆📌滷炸  ·  妙齡脆乳鴿 $48 ～ 乳鴿一開4方便食，上枱熱辣辣，外皮微脆唔算好厚肉，呢個價錢算唔錯！📌時代  ·  重量級雜扒 $92 ～ 豬扒、雞扒、煙肉、腸仔、煎蛋🍳，果然夠份量～👉豬扒竟然係超厚切，等如出面2、3塊，好誇張！ 揀咗薯皇、黑椒汁，配菜：西蘭花🥦粟米🌽粒可以平衡吓罪惡感😏👉鐵板餐有湯、飲品各1，不過只有中湯。第一次食鐵板餐配中湯🤣

每次同朋友經過都會見到綠色嘅餐廳外型都十分突出冇錯就係講緊位於北角嘅時代冰室佢係一間香港好地道嘅冰室餐廳 平時都好多人排隊菜單上有唔同選擇中式 英式 小食包羅萬有今次我叫咗粉絲濃湯石鍋湯配烏冬佢係一個韓國料理烏冬加入泡菜湯濃厚嘅味道簡直絕配當然唔少得菜心炒牛肉一個家常嘅小菜都可以非常惹味想試吓西式味道海陸空 三拼 鐵板扒我推薦呢個鐵板熱辣辣，真係好惹味又抵食有乳鴿、蝦🦐、牛仔骨搭配醬料，非常夾佢哋仲有特飲巨峰提子啫喱冰芒椰蜜桃冰為呢個夏日更加增添色彩一間冰室可以試到唔同料理味道高質素之外性價比亦都非常高

今晚來到時代冰室，最緊要地點方便，地鐵站行去都係數分鐘！晚上有不同小菜可選，價錢都好實惠。金牌叉燒金菇蒸水蛋，傷量好多，蛋蒸得好滑溜，火喉控制得好。叉燒都是肉汁豐富，不會好乾柴。是拌飯好選擇。西蘭花炒魚柳好有鑊氣, 魚柳十分之滑溜，香蒜味撲鼻。西蘭花加上香蒜汁，好食，有菜鰬是健康的一餐！薑蔥霸王雞叫了半隻，滿滿的薑蔥鋪左成碟雞。雞肉十分之有肉味，不錯！最後飲品是有名的原味樽仔奶茶，仲要係冰鎮的，原汁原味，茶底濃濃的，真心不錯。 友人的水果茶一大杯，是加大了嗎？時代冰室小茶有水準份量多，坐得好舒服，難怪平日晚上也是滿座！

疫症期間約兩三個朋友食飯，簡簡單單，今次揀咗嚟時代冰室，除咗貪佢食物選擇多之外，起碼都穩穩陣陣，又夠開揚😁😁坐低咗，發現都有唔少上咗年紀，同埋後生仔幫襯，睇嚟年齡層都幾廣。佢哋嘅餐牌，選擇真係好多，所以有選擇困難症嘅人要小心😆😆本身心大心細，想食蔥油三眼煎蛋飯，諗起啲蔥油再加三隻煎蛋，真係好邪惡。不過最後都係比焗飯吸引咗😛😛厚切豬扒煎蛋三層芝士焗飯個名夠晒殺食😎😎面頭既芝士非常吸引，增加左鹹香風味👍🏼👍🏼 同埋豬扒果然係非常厚切，口感爽彈，配埋茄汁，同埋煎蛋嘅少少流心，每啖飯都充滿香港茶餐廳/冰室嘅風味。唔錯唔錯。另外，個乳鴿真係夠晒驚喜！好甜好甜，除咗話個外皮香脆之外，係有甜甜地嘅味道，然後啲肉又好嫩滑，肉味都係有甜甜地，真係好正，必食推介🔥🔥幾個人一齊嚟食嘢，又可以坐下吹吓水，咁就梗係要有啲一齊分享嘅美食啦。佢個羊架都幾厚切，叫咗全熟，但係啲肉都唔會太過硬，反而仲幾Juicy. 如果薯條可以多番少少就更加理想😆😆西多士大大份，趁熱食，正👍🏼👍🏼

今日同朋友收工去咗時代冰室食晚餐，入面嘅裝修已經有懷舊feel，地方大坐得又舒服，餐牌嘅美食仲好多款式揀；一坐低，店員已經送上夠曬火候嘅老火湯 我哋兩個餓到肚仔咕咕聲叫，所以就叫咗個【大蝦叉燒伴3.6 牛乳滑蛋蓋飯 $61】好香滑嘅牛乳蛋，加埋新鮮爽口彈牙大蝦 及 嫩滑厚切叉燒，好足料又勁大碟 另外叫咗個【功夫 無骨海南雞飯 $65】好大碗白飯(可轉油飯)，無骨雞肉肉質嫩滑，食落唔會油膩 除咗叫飯外，當然要叫多一個湯先夠喉啦，【極尚 鮑魚花膠 花菇滑雞濃湯 石鍋湯 配烏冬 $66】有兩隻鮑魚仔，三塊重膠質嘅花膠，仲有嫩湯雞件，成個湯都好足料，補身又好飲；配埋個又滑又軟嘅烏冬 估唔晚市都可以比我食到【時代high tea層層疊 $88】呢個真係好吸引，每層都唔同；最頂層係我最愛嘅西多士，配埋菠蘿、蘋果、桃、藍莓；第二層就係香脆雞翼、德國腸、珍寶腸；最底層就係炒滑蛋、車厘茄、薯餅、沙律；呢個層層疊真係大人細路都愛 當然仲要叫埋飲品啦，特飲只加 $8，揀咗杯【時代 菠蘿啫喱冰】及【火山華田 脆脆冰】炎熱嘅夏天飲就最涼快 時代冰室 (公主大廈)北角英皇道165-175號公主大廈地舖

第一次光顧時代冰室吃早餐，原來他們的早餐選擇很多，竟然有蔥油雞米粉，於是我就點了，配煎雙蛋和多士和熱齋啡。當然他們還有很多其他的選擇，例如叉燒湯麵，厚切豬扒，煎蛋可改炒蛋、烚蛋或奄列。除此之外還有輕盈早餐和歐陸早餐。如果你要試勻每一款，相信也需要連續一個月時間。蔥油雞大概有五件，算合理，湯底也夠味，不會太鹹，也不會是味精水，煎蛋和多士就是正常水準吧，不多講了，$36很飽很抵吃！下次會回來試其他早餐。

本身都幾中意呢間餐廳 款式多又幾好食但我食完就腸胃炎、肚屙，朋友就屙嘔發燒😵🤒🤢🤮😵‍💫Google原來同一分店已有食物中毒前科不思悔改 真係好失望冇野重要得過健康 唔會再幫襯希望餐廳正視問題為咗滿200字，想講講食物，無骨海南雞飯，雞滑，醬汁都好味，最喜歡豉油 有一陣似陳醋酸味，有層次感，油飯份量都多，粒粒分明但冇乜米香韓式泡菜湯其實好容易整，但癮起都會喺街食，味道唔錯，豚肉片份量多，湯食到最尾都夠熱，配彈牙烏冬，幾開心冰室有多元化食物選擇

超大份飽肚嘅早餐，但就完全係浪費quota🙁完全唔合格嘅茶走飲得出溝左水嘅稀，茶有回澀，茶走但唔甜，同無左奶嘅順滑🙁飲到最後發現啲煉奶喺哂底，應該係杯茶唔夠熱最好食係啲沙律菜🥲魚柳無魚味得炸粉味，啲肉散到有時叉唔起🤦‍♀️多士係凍嘅淋嘅😭炒蛋其實係滑，但好多油同無蛋味薯餅又係十級油😭同埋炸燶左少少腸仔就算啦

一出炮台山地鐵站，對面就是時代冰室。海陸空三拼鐵板扒因為材料有海（蒜蓉煙肉扒大蝦）；陸（安格斯牛仔骨）；和空（妙齡炸乳鴿）。牛扒叫咗五成熟，反而好少見鐵板餐會有乳鴿，覺得幾有趣。乳鴿炸得很脆。另外叫咗個二人餐，包二個餸，飯湯及飲品。金銀蛋浸娃娃菜娃娃菜的時間煮得啱啱好，唔會太淋，加上皮蛋同鹹蛋，令平淡的娃娃菜增添味道。粟米滑蛋脆脆魚柳很多魚柳，份量充足。配上粟米醬汁，很適合送飯。樽裝奶茶和紅豆冰茶味濃，甜度適中。水果茶很大杯，有士多啤梨，藍莓，菠蘿，火龍果，清涼解渴。

晚市想叫餸食飯，時代冰室是我首選！晚市套餐非常抵食，包白飯例湯飲品，份量味道都很不錯 📍今次叫左2個三人套餐外賣自取，六個人都食唔晒，值得一值的是店員十分有耐性，而且等待時間都唔會好耐，大約15分鐘就搞掂晒❤️粟米滑蛋斑塊💚牛肉炒菜心- 牛肉好嫩好入味，菜心有啲老，好經典既菜式！- 斑塊炸得岩岩好，唔會好厚炸粉，食落仲有少少脆，栗米滑蛋都濃，食完令人好想飲粟米蛋羹湯😋 💜啫啫滑雞煲💛沙嗲粉絲肥牛煲- 好難得有一次食到雞多過配料嘅啫啫雞煲！雞一啲都唔老而且件件都大大舊- 沙嗲汁非常好食，用黎撈飯一流，仲有好多粉絲同芽菜，正！不過唔知點解加左菠蘿🤎西蘭花炒椒鹽豬扒❤️大紅大紫咕嚕肉- 因為冇晒四季豆嘅關係轉左西蘭花，但味道都仍然非常好，好重椒鹽既豬扒，一啲都唔會難咬，西蘭花再煮熟啲就更好- 咕嚕肉非常出色，平時好驚食啲好酸嘅咕嚕肉，呢個酸甜味岩岩好，肉質都唔會炸到過硬

完全是因為今晚早食飯， 但已經見到店內座無虛席， 所以決定一試這間，時代冰室。時代冰室的環境佈置絕對有花上心思， 帶點懷舊的電影氣息， 餐廳內籠非常寬敞， 裏面分隔多張卡位枱， 不錯的傾偈聚餐地方。 食物種類多得驚人， 今次和老婆只能試到一小部分， 包括王牌三色三重芝士焗飯， 大紅大紫咕嚕排骨和千島炸魚雜菜沙律。王牌三色三重芝士焗飯第一啖吃得出這裏的芝士不是省油的燈， 味道香濃而且複雜， 口感亦多層次， 再看餐牌原來一個簡單焗飯已經包含了馬蘇里拉芝士， 車打芝士及巴馬臣芝士。 落料十足， 難怪能夠創出這種獨特的美味。 焗飯裏的雞扒和豬扒都能夠做到外脆內軟， 入味非常。大紅大紫咕嚕排骨不為意以為只是普通的咕嚕肉， 上枱時發覺原來有兩款顏色， 橙色的是比較傳統的咕嚕肉， 而帶紫色的應該是放了梅類的水果調味， 味道更酸更醒胃。 咕嚕排骨炸過後保留了肉汁， 不會乾身。 非一般的咕嚕肉。千島炸魚雜菜沙律老婆憂慮茶餐廳的沙律菜會不新鮮， 但上臺後憂慮一掃而空， 非常新鮮， 再配合帶有酸甜的沙律醬， 非常開胃。 炸魚亦都做到中上水準， 香口而不油膩。

每次同同事出去食lunch諗唔到要食咩的時候，大家都會不約而同地諗起呢間餐廳，因為……佢選擇夠多！menu上面可以揀的食物多到令人花多眼亂，完全係選擇困難症患者又愛又恨的餐廳😂蒲燒鰻魚滑蛋鐵板飯 ($62包餐飲)鐵板飯就見得多，不過鐵板滑蛋就比較少見，一上台嘅時候，鐵板絕對係熱辣辣到聽到滋滋聲，同埋會見到面頭d木魚絲被熱力烘到瘋狂郁😂鰻魚雖然唔係原條，但分量都絕對唔算少，美中不足的大概係個飯整體搭配比較dry一黎係個醬落得好少，原本都只係係滑蛋個面見到幾滴，更別說飯入面了其次應該係因為個鐵板係下面同時用熱力烘緊，食到最尾d飯都依然係好熱的，同埋會有飯焦💕