天蓬 (Closed)

🐻中環糧食🐻🐷豉油皇厚切吉列豬扒蛋飯 加 瑞士雞翼2隻網上睇賣相好靚，可惜我個碟走左樣😂不過味道幾好，豬扒真係幾厚，唔會好硬好實，加分！豉油雞蛋送飯一定係絕配啦🤪瑞士雞翼正常發揮，如果大隻啲就好，甜甜地幾好食。🍳五香肉丁蛋麵朋友叫左肉丁蛋麵，佢話比茶餐廳好食，又夠曬香，佢食到一條麵都冇淨低😂🍞煉奶西多士有4大舊，係厚切多士！西多真係要厚先好食，夠香夠脆！私心多糖漿係我至愛！😂🐻小評語：位置好近中環站，環境舒服衛生。同朋友坐卡位，同其他枱都有一定距離，唔會覺得擠逼。📍 天蓬 (中環)中環昭隆街17號地舖味道😋:🌕🌕🌕🌕🌑性價比💰:💵💵💵💵回訪度🤤:🥴🥴🥴🥴

諗住帶朋友試吓佢D豬扒，點知無冷氣，朋友山長水遠到中環，唔好意思改地方。硬住頭皮坐低照食，35度高溫，熱同成身濕晒。攪到我好唔好意思，幾好食都無用啦，大熱天時無冷氣。

厚切豬扒炒公仔麵：表面冇乜嘢，咬落全口鐵質，一片片黑黑的藏係唔起眼嘅地方。每一口都充滿硊硊的鑊碎，我諗成餐食咗一茶匙嘅金屬。豬扒係爽脆嘅。炒公仔麫一個唔小心可以跣走～

.天蓬今日係中環做完facial，本身想食由細食到大嘅永樂園熱狗🌭️🩷但因為我無帶現金💰🫠攞住手機就出左門口🫠無得食🌭️………都好耐無黎昭隆街🙈以前細個食過嘅車仔麵已經轉左其他餐廳🙈昭隆街多左一間裝修幾新，專門食豉油皇厚豬扒嘅餐廳，突然想食茶記就走左入去試😌……….豉油皇厚切豬扒蛋炒公仔麵 + 熱檸水($70)$70食個炒公仔麵，抵唔抵食見人見志啦，但係真係好食嘅😌而且味道甜甜地幾岩口味，豬扒大就大塊喇，但就絕對唔係聲稱嘅厚切🤔係好飽肚嘅，晏就1pm食，飽到晚餐都唔洗食🤣……….經過會有機會再食嘅，但再經過我一定要食到永樂園嘅熱狗🌭️!!!雖然琴日過去整熱狗嘅叔叔已經唔同左，但應該都仲係好食嘅!!😋………..味道：🌕🌕🌕🌗🌑3.5/5性價比：🌕🌕🌕🌑🌑3/5環境：🌕🌕🌕🌑🌑3/5 （因為餐廳位置都唔多，所以通常都要搭枱💁🏻‍♀️）衛生：🌕🌕🌕🌑🌑3/5（琴日過去凳有d油😳）回頭率：🌕🌕🌕🌑🌑3/5整體：🌕🌕🌕🌑🌑3/5………..地址：天蓬 (中環)中環昭隆街17號地舖……….

去開中環都覺得食飯好貴，但其實喺好多行仔都有唔少好嘅餐廳，其中一間就係次次諗唔到食咩都會走去食佢嘅天蓬。鋪面乾淨整齊，座位都舒適，主要最出名就係食佢哋嘅豬扒。佢哋嘅豬扒有好多唔同嘅配搭，但整體嚟講價錢都好相宜，嗰日咁啱就食咗瑞士汁豬扒撈丁。佢嘅瑞士汁偏甜，配上香煎過嘅豬扒，簡直係世一。同埋佢成個餐嘅份量都好大，豬扒差不多有兩塊，而且佢會事先切開一件件俾你，所以都易食。不得不提就係佢個麵底真係好多，可能有成一個半麵，就算係男士食都一定會飽。

今日中環碼頭落船後想搵間冰室食下午茶誤打誤撞黎左間好食既冰室！！！😙😙😙餐廳行新式裝修，入面好光鮮，環境整齊職員友善，充滿住歡樂既氣氛😆下午茶主角來了！難得佢係用厚方包食落去超鬆軟！！一定要趁熱食🤪入面有花生醬，平時食西多好多時都係一件正方形，今次呢個4件炸西多，好方便食！影出黎好有份量估唔到呢間既西多咁好食食得出炸西多既油新鮮！呢間既豬扒$28一件，瑞士汁味道肉質軟腍為咗西多同豬扒我會再來天蓬！

今日(8-4-2023 Sat) 復活節第二日假期,繼續同老公帶爸爸同亞姨本地遊,目的地係赤柱,我哋去到中環係lunch time,恐怕搭車去赤柱途中爸爸已肚餓,於是喺中環求祈搵間嘢坐低食個晏先,我哋由德輔道中西行一陣,就竄入一條巷,就見到呢間嘢食,佢喺招牌上已寫明呢間出名嘅係豬扒同雞翼,爸爸話好啦,就呢間.咁啱有四人卡位,我哋睇完menu,就要:2.叫嘢食加$2.00要熱檸茶呢個係亞姨飲嘅,擺到我面前一直嗅到紅茶嘅香味.3. $26.00有3隻嘅瑞士汁雞翼好入味,雞肉亦好腍.味道:3.5分1. $66.00嘅瑞士汁雞翼炒公仔麵瑞士汁雞翼同上面小食冇分別,亞姨大讚炒公仔麵好食,我都食啲,ok冇乜問題.味道:3分8. $28.00嘅招牌厚切豬扒厚切得嚟豬扒又唔乾同嚡,仍好鬆軟,個汁微微偏甜.味道:4分5. 叫嘢食加$5.00嘅凍檸水少甜少冰呢個爸爸飲,唔知好唔好味.7. 叫嘢食加$5.00嘅凍檸水呢杯我飲嘅,係稍為甜咗啲.味道:2.5分4. $65.00嘅豉油皇厚切豬扒蛋飯呢個爸爸係咁食,我冇食到佢嘅飯.6. $38.00嘅雪菜肉絲蛋麵我覺得OK冇問題,我老公就讚雪菜好味.味道:3分

餐廳位於一條窄巷中，如果唔係睇Openrice，我應該唔會行入嚟🙉。不過估唔到喺個唔起眼嘅地段，假日4點，依然KEEP住有客人嚟😲。餐廳好細，座位好窄，坐得唔係好舒服，腳長嘅朋友表示想走🤣。瑞士汁雞翼蛋炒公仔麵 $68 + 凍飲 $5呢個公仔麵都幾貴😅，仲要唔包飲品，份量就係一個公仔麵量。想平d都可以揀無煎蛋$66，但識揀一定揀有煎蛋😏 麵條幼身，估計有加瑞士汁炒，食落甜甜地、有少少醬油加鑊香，不過唔夠乾身。四隻瑞士雞翼後上，我近乎食哂個麵先嚟🙈。熱辣辣，肉質算嫩，不過唔入味；嚟到餐廳出名嘅厚切豬扒 $28豬扒大約一隻手掌大、半吋左右厚，呢個厚度喺我心目中叫正常😂….豬扒肉質鬆軟，淋左萬能瑞士汁，所以食落甜甜地。西多士 $38 + 凍飲 $2食食下見到隔離枱個西多好靚，結果加單叫左一份🙈 好彩有叫到，因為最中意係佢😋 1嚟夠厚身，2嚟切到大大粒沾到更多蛋漿而變得更有蛋香，3嚟花生醬搽得夠多。無論口感定味道都好正🤤。建議大家如果忍得到，最好唔加錢要飲品，因為真係好淡味🙈，檸茶茶底唔濃唔香好水、阿華田粉落得好慳沖到淡茂茂，留番D錢出去買野飲好過😏。最後，佢個瑞士汁幾香幾好味，唔會太鹹或太甜

天寒地凍🌬☃️一起身就忍唔住係OpenRice嗌外賣啦🥡沙嗲牛肉蛋麵 $44沙嗲牛🐮唔係唔食公仔麵啊🍜 不過略嫌湯底唔夠濃郁🥹（小編太重口味啦）但係牛肉🥩嫩滑😍加埋隻蛋撈一撈🍳🍜湯底就濃郁左小小😋😋奶茶 茶走 + $2飲奶茶梗係要嗌茶走啦😍

要講到港島好食既豬扒 繼灣仔新景園外 中環既後起之秀天蓬都榜上有名 星期六就特登由灣仔行去中灣試一試佢🙃豉油皇厚切豬排煎蛋炒公仔麵😆 外賣🍱 一打開盒真係會俾佢果塊鬼哪甘大既豬扒嚇親 佢果兩隻煎蛋煎得好靚 半熟流心 🍳佢塊豬扒係大既 係厚既 係肥瘦均勻既 係唔鞋既 旦係無咩味既😅 個公仔面又炒得既好啵 啲洋蔥好甜 個麵炒得好爽口 幾夠味 唔算油整體黎講呢 行開行埋唔駛等位可以一試 好似我甘特登就唔太需要了😶隨帶一提 要食平靚正既豬扒 可以試下紅磡既Fame Deli CP值爆分之選😋

喺中環返工嘅朋友應該知道有條街專賣平民平價午餐，就係昭隆街🫣最近新開一間茶餐廳叫做天蓬，原因係其中一個招牌菜就係厚切豬扒🐷天蓬元帥豬八戒🤭另外一個招牌食物係瑞士汁雞翼😋豉油皇厚切豬扒蛋飯豬扒好大塊好厚🐷差唔多鋪滿盒飯🤤豬扒採用巴西梅頭肉，肉質鬆軟好juicy一啲都唔會柴👍🏻兩隻煎太陽蛋好邪惡，蛋黃漿融入白飯加埋秘製豉油真係好惹味🤭瑞士汁雞翼蛋炒公仔麵公仔麵分量十足，應該多過一個麵餅🫡炒得啱啱好唔會太乾，撈埋蛋汁香甜瑞士汁好夾🥹雞翼好大隻食完好滿足，瑞士汁好入味😆凍檸茶少甜少冰正常味道，外賣杯幾有心機，睇落似係台式手搖飲品所用嘅杯🧋

天蓬中环昭隆街17号地舖中环餐廳選擇唔算好多，今次呢間感覺都有一定嘅歷史～公司炒通粉 第一次食原來通粉係可以炒，用左牛肉、火腿、腸仔等等炒埋，都有dd鑊氣，味道正常發揮🍽柚子西多士 🍞比較新穎嘅配搭，真係未試過柚子+西多原來食落感覺又幾夾，😯唔會覺得奇怪～不過就無左本來嘅香氣，整體都可以，唔會炸到好乾柴柴～ 中环選擇唔會好多，餐廳環境格局應該由開業都無變過，嚟開都不坊試吓啲local茶記😬 

我喺附近返工，聽朋友介紹呢間餐廳，第一次去幫襯應該係佢開咗一個月內嘅事，嗰陣啲豬扒好鬆軟又厚切，好好味😋 但係隔咗一段時間今日再食，好明顯塊豬扒肉質變得又乾又柴，Size都冇啱啱開張嘅時候咁大件啦🫣仲有，有位長頭髮帶紅色框眼鏡嘅姨姨，佢同客人講嘢啲語氣真係要改吓，有時講唔該都唔代表你有禮貌嘅，佢講嘢啲語氣好似你要受佢氣咁，我一個人去食，有張空嘅四人枱，佢個樣加埋啲語氣好不情願地先比我坐低，唔好食+態度差印象唔好，所以呢間餐廳應該冇下次

今次係第二次食呢個厚切豬扒蛋飯！ 第一次係外賣，覺得味道幾好，心諗下次一定要試吓堂食，睇吓會唔會再好味d～ 終於前幾日中午去咗排隊食，雖然排咗15-20分鐘，但入坐後，好快已經上咗最期待既厚切豬扒蛋飯，厚切既豬扒配上甜甜地嘅豉油，再加上燶邊既雙蛋，不得了😋😋😋😋

垃圾豬排外賣，被人騙咗，以為有幾好食。。。豬扒又肥又冇味。真係被人騙咗。賣相又差，又貴，成六十幾蚊。 可以下次去第二間食中環大把選擇，不用去呢 間食。真係冇下次！！！