天蓬 (Closed)

➽豉油皇厚切豬扒蛋飯 $65 塊豬扒大到呢又長又厚但係, 佢肉質做到算軟身, 唔韌個骨邊, 配埋D 肥肉, 食到骨位我係用手拎起食, 正到呢!成個飯都好配合雙蛋整穿佢, 流D 蛋汁出黎, 加埋豉油皇汁, 甜甜地成個飯都好食而且都好 sweet 咁加埋少少菜係度, 唔想大家淨係做食肉獸, 哈哈!➽煉奶西多士 $38 邪惡到爆登好好食炸到外層脆邊入面個醬同煉奶爆多好食到呢!➽瑞士汁雞翼 $26/3隻個瑞士汁同豬扒飯個汁係一樣的所以都係有質素其實佢仲有大家好喜歡既炒公仔面可以將D 瑞士汁徹底咁融入去D 面度, 一定好正******整體講, 味道好食, 量大, 加埋凍飲都係$70一個飯係中環黎講真係好抵食而且佢既新裝修幾有格調, 粉綠襯啡色既木; 而且坐得算幾舒服不過因為座位唔算多, 所以想試既朋友放LUNCH 要早D 去拎位啦

天蓬 𝗧𝗶𝗻 𝗙𝘂𝗻𝗴 🇭🇰🌟又一中環新餐廳🌟由於唔係喺中環返工，所以都比較少喺中環食港式餐廳。今次被「天蓬」嘅『巨型豬扒🐷』同埋『瑞士汁雞翼🐥』吸引咗😍😍 就襯星期六放假去試下，支持下新開嘅小店☺️❣️招牌厚切豬扒🐷- 餐廳招牌菜🤩，係巨型豬扒呀🤤🤤🤤‼️餐廳採用巴西梅頭肉，每塊長𝟭𝟱 𝗰𝗺，相當於一隻手掌咁長，勁大塊😍 醬汁方面，餐廳係用自家秘製即炒豉油汁，同豬扒嘅油脂好夾。肉質方面，咬落去超級鬆軟，好入味，配飯一流！一定會不知不覺食晒碗飯😂😂😂瑞士汁雞翼蛋炒公仔麵🐥🍜- 食炒公仔麵點可以無太陽蛋😎 所以一定揀個有蛋嘅😉 可能影相影得太耐，隻蛋係半流心狀態。個炒公仔麵有滿滿嘅瑞士汁味，一啲都唔咸唔油唔乾，帶微甜好好食😋 『瑞士汁雞翼🇨🇭』絕對係今餐嘅𝗠V𝗣❤️‍🔥‼️肉嫩且入味，所以我哋食完都追加咗五隻瑞士汁雞翼🤤🤤煉奶西多士🍞- 每碟有𝟰大件，方便食用。西多鬆軟，內裏有花生醬夾心，味道啱啱好唔會好甜，食完都冇咁大罪惡感🤭🤭 好欣賞呢個煉奶西多嘅鬆軟度！鹹牛肉蛋治🥪- 唔記得叫烘底🥲 不過麵包好鬆軟。蛋上枱嘅時候係流心㗎😍 不過稍為俾鹹牛肉搶咗味，如果蛋再厚啲就好。熱奶茶☕️- 香濃熱奶茶😍😍

以前要食好味嘅瑞士汁雞翼/豬扒飯都要去元朗🫠，不過最近中環開咗間新嘅港式食店- 天蓬就主打巨型豬扒+瑞士汁雞翼。餐廳搣甩茶記/港式裝修形象，用薄荷綠+水磨石作主調。合曬👧🏻心意！今次就帶媽媽試下先！🌟豉油王厚切豬扒雞球飯碟飯一嚟到，驚嚇度MAX🙀！點解可以咁大碟飯🫠，絕對夠2個女仔Share食，以上份量已經係少飯！豬扒符合商品說明條例，實際Size同👧🏻手掌差唔多！豬扒大概半吋厚，肉質都幾鬆軟同有咬口。至於雞球就有3大舊(一舊最誇張係大過2粒乒乓波😨)，雞質都算嫩滑。食飯最緊要係醬汁，鼓油汁係自家調製，咸甜適中，連平時唔習慣鼓油撈飯嘅👧🏻都覺得好正！🌟瑞士汁雞翼餐肉炒公仔麵雞翼皮肉都嫩滑，雞皮亦夠爽口，盡吸瑞士汁精華😍。至於餐肉仲要係厚切，同豬扒一樣咁厚，煎得香脆！公仔麵🍜質感偏爽口，同樣用上醬油汁，加埋少量洋蔥🧅，唔咸又惹味👍🏻。🌟煉奶西多士西多士嘅麵包係用上厚多士，內層塗滿花生醬🥜。新鮮熱辣辣炸起，炸得金黃香脆。睇住牛油溶化🧈，再沾上邪惡煉奶，帶點奶香而不過甜。

提起「天蓬」大家會唔會即刻諗起西遊記入邊，豬八戒嘅角色「天蓬元帥」呢？位於中環巷仔內嘅「天蓬」，就係一間主打巨型豬扒嘅新食店。天蓬嘅招牌厚切豬扒份量十足，每塊都差唔多成有15cm長。豬扒肉質嫩滑，唔會乾，加上廚師精心烹調嘅即炒豉油汁，聞落香噴噴，食落滋味無窮。另外佢哋嘅瑞士汁雞翼亦都十分受歡迎。雞翼肉質軟腍，冇雪藏味，瑞士汁鹹甜適中，唔會太甜。無論配白飯、公仔麵，或者就咁空口食都一樣咁好味。雖然食完豬扒同雞翼已經好飽，但係大家都要留返個胃去試一試佢哋嘅西多士！西多士用上厚切方包，軟綿綿、大大粒，炸到金黃色，賣相吸引。每件西多士入邊都有花生餡料，配上鮮牛油同煉奶，口感豐富。天蓬裝修明亮簡潔。青蘋果綠色嘅座椅，白色牆身，能為客人製造一個愉快嘅用餐環境。餐廳亦都好貼心，知道中環返工嘅上班一族爭分奪秒，時間緊迫，所以無論外賣或者堂食都可以掃描二維碼點餐。外賣更加可以網上點餐之結帳，喺指定時間取餐，減少等候外賣嘅時間。

呢一間係中環嘅新開茶記 開喺巷仔入面 真係唔多起眼～但食物真係唔錯！上次就試咗個豉油王厚切豬扒雞球飯🤩塊豬扒真係超大塊 又厚切 肉質軟淋又入味🐷就咁食塊豬扒都夠飽🙈

中環最近新開左一間港式餐廳😆 係一條巷仔裏面😍 入面嘅裝修主要係用綠色，令人非常之精神，俾人感覺好有活力！環境都好乾淨🤍天蓬元帥，即係豬八戒🤣 呢間餐廳叫得「天蓬」，當然係出名食豬扒😆 所以一定要嗌豬扒！🔸🐷豉油皇厚切豬扒雞翼炒公仔麵 $72一上菜就已經非常之surprise，超巨型嘅豬扒😍，有手掌咁大🖐🏻！豬扒係用巴西梅頭肉，肉質鮮嫩鬆化，唔會好硬好難咬😆 再淋埋佢哋自家秘製嘅招牌即炒豉油汁，同豬扒嘅油脂香融為一體，令到豬扒更加惹味🤤 🐔瑞士汁雞翼 $38/5隻雞肉肉質軟腍，而且佢哋自家製既瑞士汁好香甜，好入味，食每一啖都有香濃嘅瑞士汁，真係令人食到唔停口🤤🍞煉奶西多士set $38嚟港式餐廳點可以唔食西多士😝 佢哋嘅西多士擺盤好靚，而且好邪惡，好多牛油同煉奶😍 西多士炸得岩岩好，金黃色的💛 入面夾住花生醬，配搭住牛油同煉奶，真係好好食🤤佢哋有QR code比人落單，嗌外賣好方便，可以網上嗌定先再去攞，慳返好多等候時間，中環返工嘅人又多咗個選擇啦👍🏻

呢間小店係巷仔都算起眼，新開環境好乾淨企理，有新式冰室既感覺。🔸豉油皇厚切豬扒雞球飯🐷塊豬扒真係好大塊，成隻手掌咁大塊，肉質都好軟腍，唔乾柴。豉油汁送飯都好正😋除左豬扒仲有其他餸配搭，揀左雞球，好大件，仲要3大件，好足料😳🔸瑞士汁雞翼蛋炒公仔麵🐤雞翼有4隻，好入味！公仔麵都係用瑞士汁炒，唔肥膩。🔸邪惡西多士😆即叫即整，熱辣辣上枱，已經淋上糖漿同牛油🧈中間有花生醬， 切開細細件叫一份同人share做下午茶都唔錯！📍#天蓬 #中環美食)中環昭隆街17號地舖➡️𝗙𝗼𝗹𝗹𝗼𝘄左我未啊😚跟住我去飲飲食食😎吃是真愛❤️ @eatistruelove.hk 🌟

2022.06.18今日同閨密👩🏻‍🤝‍👩🏼黎到中環區行街🛍係昭隆街發掘到呢間新茶餐廳🍴決定試試去😉餐廳裝修光亮簡潔舒適🌟用二維碼自助下單📋方便快捷👍🏻瑞士汁雞翼蛋炒公仔麵 $68一份會有四隻雞翼同兩隻煎蛋🍳絕對夠飽🙂瑞士汁雞翼超濃味🤎雞肉嫩滑！而兩隻煎蛋🍳放係彈牙既炒公仔麵上好似有對眼望住你咁👀好得意😝豉油皇厚切豬扒餐肉飯 $65原來呢到既巨型豬扒係巴西🇧🇷梅頭肉🐷豬扒經過油炸後肉質鮮嫩鬆化😋而兩塊餐肉同樣超厚身香口😚加上自家秘製即抄豉油汁更惹味🥰煉奶西多士 $38太耐無食西多士🥲見到隔離枱即刻心癮起😈西多士都係好厚身🤟🏻炸到金黃色嘅外層🟨加埋入面花生醬🥜與沾上煉奶🥛甜到滿瀉😍隨以上主食可加配餐飲☕️今次分別要左凍檸茶+$5 & 凍朱古力 +$5飲品保持茶餐廳應有水準👏🏻

係香港地，茶記開到成行成市，但係高質素嘅港式美食，隨住時移世易，真係買少見少。而位於中環昭隆街17號地舖嘅「天蓬」係少有既「有心做」茶記，「天蓬」顧名思義，即係「天蓬元帥」，咁嚟得呢到，就緊係食「豬八戒」—即係豬扒。🐷招牌厚切豬扒 $28沙煲咁大個拳頭我就未見過，但係書咁厚嘅豬扒我就見過呢，仲食埋落肚添！招牌厚切豬扒肉質鬆軟而有咬口，唔係一般餐廳猛落鬆肉粉乸到塊扒散晒咁，保留返肉味之餘仲好入味添架！🐔瑞士汁雞翼 $38/5隻除咗招牌厚切豬扒之外，佢嘅瑞士汁雞翼都真係一流，咸咸甜甜嘅瑞士汁緊緊咁包住每一隻雞翼，每一啖咬落去都係有味道嘅，而唔係坊間其他咬落去只有一口雪味嘅唔入流雞翼，配白飯真係食多兩碗，配公仔麵更加係超超超超邪惡！