甜記餃子

Open Now

Now Closed

原來甜記都開咗新店六點左右去叫外賣等咗10幾分鐘同其他分店差唔多麻辣菜脯依然好好食今次是白菜餃，普通雖然白菜唔苦但又唔會特別清香好彩雙拼不用加錢叫咗我最愛嘅粟米芝士芝士半溶加上粟米嘅清甜再放少少辣肉脯蕃茄湯都同其他分店一樣偏向清，質地唔濃厚有淡淡蕃茄味

甜記已經食過無數咁多次了🫡無論幾點食都係要排隊🚶🏻‍♀️🚶🏽🚶🏻‍♂️🚶🏻‍♀️🚶🏽🚶🏻‍♂️但都阻止唔到我去食宜宜打打下caption既我都好想食了…✿ 甜記秘製辣菜脯 ✿枱面有支秘製辣菜脯菜脯爽脆 少少辣 好過癮🔥🤤✿ 蕃茄薯仔湯餃子 $48/10隻 ✿今次叫左西洋菜豬肉餃拼韭菜豬肉餃(⁎⁍̴̛ᴗ⁍̴̛⁎)湯底足料 餃子大隻餡料滿滿~記得要備註加薯仔😍平日晚飯時間大概排半個鐘 鋪面比較迫長沙灣店就會闊落啲 多啲位如果可以就早啲去 因為有啲口味可能會賣晒🥹建議2-4人去食喔( ˊᗜˋ)(ˊᗜˋ)(ˊᗜˋ )

🤪比起餃子，辣菜脯更加吸引🤪一直都好想試吓甜記餃子，發現長沙灣又開番間新鋪，環境都幾靚，乾淨又新派，不過網上負評都幾多🤣🤣今次就以身試伏一下平日五點幾嚟到都幾多空位，坐低之後自己落QR code叫野食，亦都有自助bar拎辣菜脯、同埋醋、水，最吸引到我都係辣菜脯，因為同出邊嘅好唔同，係會有麻辣嘅味，見到佢仲有用埋花椒，雖然食落去真係幾辣，但係會keep住唔停係甘食！！！！我地叫左8隻湯餃（香芹芫荽豬肉餃/粟米芝士雞肉餃）雞湯底$44，同埋8隻煎餃（白菜豬肉餃/南瓜忌廉雞肉餃）$48本身就好鍾意食芫荽🤣🤣所以就即刻叫咗香芹芫荽豬肉餃，不過有少少俾芹菜搶咗芫荽嘅味，而且芹菜嘅口感都仲喺度，所以對於芫荽愛好者嚟講呢個就麻麻哋🤣🤣不過唔差既，粟米豬肉餃都幾有驚喜，幾重芝士，如果係煎餃既話應該都幾香口，雞湯來講就冇乜特別，飲唔出係煲左好耐嘅湯，可能蕃茄湯會好飲啲，煎餃嘅話兩款來講，南瓜忌廉雞肉餃就幾有驚喜，而且幾Juice，佢哋餃子嘅大細都還可以，唔大唔細，兩啖可以食晒，加埋辣菜脯都好夾。整體嚟講，因為落單係用qr code,而且係用自助bar，所以唔特別覺得店員嘅態度好差，冇乜特別🤣🤣餃子方面都

好差 第一次OpenRic比差評 千祈唔好叫口水雞 及雞腎。第3次食甜記咁啱行過MCL就食呢間，點知就中伏。。。。口水雞用雪藏雞，好大浸雪藏味好難食 食咗少少都無再掂 ，雞腎唔似雞腎 似擦子膠 一啲爽口感覺都冇同唔入咪得個死辣餃子皮太厚 大家都係食返餃子正常啲服務態度麻麻地

我以前一直都係甜記FANS外賣左無數次 好好食 以前皮好脆 先唔講厚唔厚 轉左新地址第一次外賣叫, 嘩 食到成口粉, D皮霖晒 一打開已經覺得個樣怪怪地 食完更加確定甜記應該轉左手 難食左勁多勁失望 我應該唔會再叫甜記 我好耐無食過咁難食既餃子 仲要我叫左10隻餃子 黎到得7隻咩質素....

以前旺角做野，食咗好多次，一直都幾鍾意甜記，轉咗荔枝角番工 黎新鋪食第一次去食 餃子黎錯左 唔緊要 本身都係甜記粉絲 第二次 同同事去食 態度差到落谷底開頭坐底又唔比 code 我哋掃餃子又比錯，我再問佢呢個係咩 佢答我「岩岩咪講咗囉！」 我話 比錯咗喎仲要答番我「咩呀！」 攞張單黎同我講佢自己都識講張單係洋蔥薯仔牛肉攞碟綠色嘅野黎 扮洋蔥薯仔牛肉？😂知道自己錯，仲唔講唔好意思 有個叫咗又冇黎，原來係未整收錢收多咗 兼冇禮貌 錯咗仲大條道理好忙出錯唔緊要，但態度唔應該係咁 出錯野 仲講到我錯咁😡😡😡😡😡😡

新店餃子皮厚好多，味道沒之前好。重點是店員態度超級差， 漏單 , 出錯餐 , 收錯錢，年紀大少少，可以埋位收錢果位丫姨，鬧客，大聲，單單打打，仲唔炒真係可以等汁。仲要做錯野無道歉， 話番個客做錯

一直都好想試試甜記餃子 但係一係就因為路癡搵唔到 一係就去到發現星期六唔開💩 然後最近發現長沙灣分店搬咗舖 搬咗去長沙灣MCL嗰個商場 睇戲之前終於試咗甜記喇🫶🏻 試過舊分店既男朋友話新分店地方闊落舒服好多～ 🤍 唔洗等位 同埋仲有寵物友善區添！🐶✨ 煎餃10隻 （南瓜忌廉雞肉餃 / 香葉豆角豬肉餃子 ）💲 52餐具 辣菜脯同醋都係自助攞的👀 菜脯爽脆 麻辣味好惹味 配餃子真係絕配！但係對我黎講真係好辣😹 然後話說我好憎食南瓜 但係南瓜忌廉雞肉餃成功令我改觀！！🤩 雞肉無咩存在感 但係南瓜忌廉好creamy🥹 真係必試！聽到隔離檯都最鍾意南瓜餃～🤍香葉豆角豬肉餃聽起上黎幾特別 豆角索索聲幾有趣 但係香葉味唔算出 同埋唔知點解餡有啲粉粉地 個人覺得可以試其他味🤔✨ 醉豬手 💲50男朋友覺得OK 但係對我黎講酒味唔夠 屋企人整可能仲好食😹 建議留肚食翻餃 或者試下其他小食～✨ 桂花烏龍💲 18正常偏甜✨ 豆漿💲12唔會太甜

搬舖之後第2次嚟。第一次係平日12點午飯時間，服務呀食物質素呀完全唔覺有問題。第2次去（即係依家寫食評嘅呢一次），禮拜日下午5點8食early dinner。一入去，上次lunch見到嗰d好醒目好勤快嘅侍應完全冇晒，變晒做d中年侍應。QR code 落單入到去見冇晒煎餃，但係又有湯餃㗎喎。咁我問個中年侍應1號：冇晒煎餃係真㗎？佢：我唔知。我：即係依家呢個時段淨係賣湯餃唔賣煎餃？佢：我唔知。我：會唔會晏d有番？佢：我唔知。咁我轉陣，搵中年侍應2號：請問係米真係冇晒煎餃？佢：係啊！我：但係你煎餃同湯餃係同一隻餃子嚟㗎喎，咁你又有湯餃？佢：總之冇！我：咁會唔會等多一陣晚市至落單會有番煎餃？例如等到6點咁？佢：總之依家冇！我：即係你今晚全晚都唔會有？佢：答你唔到！要等師傅返！總之冇囉依家！我：咁師傅幾點返？我可以等佢喎。佢：冇人知㗎喎。我地一家人於是好衰咁😛坐住佢張檯openrice下附近有冇其他嘢食，諗住搵到就轉場嘅時候，幾個妹妹仔侍應返嚟開工喇。咁我即刻再問多一次冇煎餃嘅事，而呢個時候其實四方八面檯檯都係問緊點解冇煎餃，個小妹妹話：下冇咩？我去睇下。一分鐘之後小妹妹出嚟通知各位食客已經開通

甜記名物！香芹芫荽燶鍋貼鍋貼咬落堅韌清脆，味道焦香濃郁，食咗第二舊發現燶得滯，將啲鍋貼反一反轉，發現原來員工都將心思藏喺鍋貼底部，員工為咗我可以盡快食到佢哋整嘅佳餚，竟然將煮燶咗嗰一面遮住照上菜，離晒大譜呢個世界竟然有咁好咁細心嘅廚師，如此細密嘅心思，搞到我都唔想反映，免得佢加我料要受二次傷害。推薦鍾意重口味嘅人嘗試挑戰。五星好評！

之前食過太子分店 都唔會好似荔枝角咁差 一入門口 寫住堂食，外賣都要等 湯餃20分鐘 煎餃30分鐘 嗌咗醉雞麵 10分鐘到咗 但等到個麵都凍咗 先到另一個湯餃 個湯餃係雙拼 唔同味嘅餃子黐埋一齊 餃皮爛哂 全部staff圍係廚房area 舉極手都冇人理 話冇提供辣椒油 都冇比醋 埋單 個cashier排哂隊 有人比錢有人叫外賣 但收錢嗰個係喺廚房個位用緊電話 好似錄緊音又聽緊錄音 之後先出黎收錢 仲繼續拎住個電話聽 十分之差

從舊舖幫襯開，餃子水準都好好。呢次係搬新舖之後第一次外賣，真係跌曬眼鏡🤦🏻‍♀️🤦🏻‍♀️去到嘅時候舖內都唔係好多人，叫佐外賣都要等佐幾耐下！翻到屋K打開外賣盒真係嬲😡試問俾佐D咩我？？咁耐嘅原因係因為煎過佐龍？

依間「甜記餃子」人氣超高，之前已經食過他們在太子的分店，已經覺得非常高質，他們最近在長沙灣換了新舖，位置再闊落啲，咁啱經過附近，就順便去試吓質素有冇分別雖然太子店位置已經很大，但新的長沙灣店更加大和闊落而且他們的辣菜脯要自己出去攞，相對上冇太子店咁方便，因為我和同行人士都超級喜歡吃他們的辣菜脯，拿了兩次🫣🫣🫣今次叫了20隻煎餃😂😂有15隻都係粟米芝士雞肉餃，另外有5隻洋蔥薯仔牛肉餃，可見粟米芝士雞肉有多麼好吃🫣唔係話其他味不好吃，只是粟米芝士雞肉這個味道，真的讓人食上癮；粟米淡淡的甜味配上芝士真係冇得輸，雖然比起洋蔥薯仔牛肉餃，味道偏淡一點，因此食多少少都可以洋蔥薯仔牛肉餃，味道偏濃，唔係好食到薯仔，反而食到很多洋蔥和牛肉😂😂，食多一兩粒會覺得有點膩，適合重口味人士手拍青瓜 $22 推薦指數🗯️：🌟🌟🌟因為今次全部都是叫煎餃，怕會有點膩，所以叫了一份青瓜解膩，味道酸酸辣辣，幾開胃，不過略嫌有啲青瓜太大粒不夠入味桂花烏龍茶 $18 推薦指數🗯️：🌟🌟🌟表面加了超多桂花，飲落桂花味道偏濃，但係烏龍茶味並不突出，覺得飲緊桂花茶多少少以上均是我個人觀感，每個人嘅口味各有不同，所以末必同每個人嘅

見食評唔錯，一家四口去試吓。新鋪剛開張，座位間格闊落，環境舒適，設有攜帶寵物客的專區，唔錯。餃子款式頗多選擇，試了韭菜湯餃、芫茜西芹煎餃、白菜豬肉湯餃、醉雞飯及豆漿。下單後，食品上桌時間合理，首先試吓個雞湯底(另有番茄湯底)，湯底得個甜字，飲唔到雞湯味，而湯餃明顯煮耐左，有啲餃皮爆開😕，芫荽西芹煎餃還好。菜甫及醬料在自助區自取，菜甫頗辣但偏咸。至於醉雞飯，又係淡而無味，雞肉好韌，無酒香，唔掂😣見之前食評，話佢細鋪搬大鋪，希望係初初有所影響，如果食品繼續咁嘅質素，真係……😌註：價格定價正常，但咁嘅食物質素就正常價都唔值，所以比2粒星

今晚收工走嚟長沙灣麗新商場，同朋友去新開嘅【甜記餃子】食餃子，呢間店好大間，但係都好爆要等位，多數都係啲後生仔女，我哋坐低後叫咗香芹芫荽豬肉及西洋菜豬肉雙併清湯餃，煎韭菜豬肉餃，醉豬手，滷水牛𦟌，加多杯豆漿同冬瓜茶。餃子皮薄餡飽滿又夠香，有咬口，再點多少黑醋，更加會帶出餃子嘅鮮味，又再食埋佢哋免費供應嘅辣蘿蔔，對於鍾意食辣嘅我，簡直就係一個字：正❗️醉豬手做得好出色，我朋友係上海人都贊不絕口，滷水牛𦟌有筋有肉，我覺得點醋好食，煎餃個底脆脆啲，點啲醋又食啲辣蘿蔔，咁樣食法唔錯，但係我會比較鍾意食水餃多啲，我朋友就兩樣都鍾意，冬瓜茶好有台灣味道嘅香同做法，我哋9點零鐘埋單，仲有好多人食緊，都仲有人入緊去食，證明好食價合理先多客。