甜記餃子

Open Now

Now Closed

洋蔥薯仔牛肉餃和京蔥羊肉餃配茄湯一個唔錯嘅組合。餃子皮薄而有彈性，餡料豐富，牛肉和蔥或羊肉和蔥的組合非常搭配。洋蔥和薯仔的加入也讓牛肉餃子的口感更加豐富。京蔥羊肉餃子也是一樣，清香的蔥味和嫩滑的羊肉完美融合。茄湯爽口，酸甜開胃，非常適合搭配餃子，可以一試。

呢間都幾出名 嗰日去到都好多人排隊令到我哋更加想試🤣排埋一份 <香芹芫荽豬肉餃>一咬落去 滿滿既香芹芫荽味 好香好足料好食！ <粟米芝士雞肉餃>必試！好好食粟米夠甜 芝士夠濃味 perfect match我哋揀咗湯餃 但煎餃應該更加好食🤤 <南瓜忌廉雞肉餃>相對普通啲 南瓜唔夠濃 但細微咀嚼 都感受到佢嘅存在 同埋有少少南瓜碎 一樣會見到好真材實料 不過忌廉味唔係好食到 .__. .__. .__.🐥🐥🐥.__. .__. .__.總結：推介 餃子抵食大舊又好味 皮薄餡靚 真材實料環境：🐥🐥🐥🐥/5服務態度：🐥🐥🐥🐥/5食物質素：🐥🐥🐥🐥🐣/5 性價比：🐥🐥🐥🐥🐣/5 回頭率：🐥🐥🐥🐥/5

🥟 8隻湯餃子（雙拼） $44🫑 香芹芫荽豬肉餃🧀 粟米芝士雞肉餃🍅 番茄薯仔湯小編胃口食到8粒餃子就岩岩好🤰🏻其實佢地$48有10粒都幾抵！個茄湯同一致食評一樣，真係可以飲到底冇味精，清甜既茄湯😻飲湯仲快過小編食晒D餃子🫶🏻講番D餃子，雙拼唔洗加錢好正😻個人比較中意香芹芫荽豬肉餃，好香既芫荽味😋加上啖啖肉，超級建議大家一試😋相反粟米芝士雞肉餃，本身比佢既粟米芝士吸引😗冇留意到係雞肉，冇豬肉食落咁香口🥲但值得一讚係芝士拉到絲既，份量都唔少☺️另外一提，個菜圃超好食🥰夠辣又夠爽口🫶🏻🫶🏻🫶🏻小編當日去到，因為係平日既下午茶時間😀所以唔洗排隊，但平時夜晚見到甜記餃子都要排隊🤣所以大家都預定啲時間去啦😉

依間餃子店長期排長龍。今日中午見條龍不太長就去試試。依度既十隻或八隻餃子餐都可以選兩款餃子。煮法有湯餃和煎餃。我最後叫左洋蔥薯仔牛肉湯餃和南瓜忌廉雞肉湯餃。兩款餃子都好好味。果然名不虛傳。兩款比較我較喜歡牛肉餃。

甜記餃子有好多唔同味既餃子選擇🤫🤫粒粒都好足料好飽滿，咬落皮唔厚，大部分調味都好好🥰菜圃又辣又正，中意仲可以買番屋企👍🏻👍🏻👍🏻1️⃣椰菜冬菇雲耳豬肉餃（蕃茄湯）我最中意佢口感豐富、蕃茄湯仲要好好食🌟餃子食落有少少豬肉、椰菜、冬菇、雲耳的鮮味混合在一起，整體係淡淡的，好夾蕃茄薯仔湯。-2️⃣韭菜豬肉（煎）韭菜用煎既比配湯既好食😋煎得好好，卜卜脆又唔油。雖然味道係好普遍，但要口感清爽（韭菜唔係好軟淋淋個隻）、香氣濃郁都唔易架。而甜記做到！食完一粒陣韭菜味講野都聞到。-3️⃣羊肉京蔥（+$6）好大陣羊肉味，但唔係易入口個隻，有少少後悔叫左。

之前係太子果間分店食過到次，試一次係旺角分店睇下有無分別。粟米芝士雞肉餃 $44有8隻，價錢相當經濟，湯底有雞湯同薯仔番茄湯，番茄湯好濃，唔係番茄水，湯底唔會太咸，基本上食完係可以飲埋個湯。餃子大大隻，餡料飽滿而且餃子皮唔會太厚又唔會痴口，幾好食。不過要留意番，芝士粟米餃唔應該揀湯餃，因為放湯個熱度唔足以令到餡料芝士溶，下次應該揀煎餃，煎餃就$48蚊有8隻，$52蚊有10隻。不論湯餃或煎餃，8隻或10隻都可以雙拼，咁樣可以試多d款，無咁寡。

基本上依間一定要試㗎啦，野豬食餃子就鍾意煎嘅，純粹愛好香口嘢。馬騮太太就堅持中式餃子一定係放湯，要煎不如食鍋貼，或者食日式餃子。不過依間餃子不論煎定湯都好，記得記得記得要配埋佢哋辣菜脯，但係食唔到辣嘅朋友要小心，因為都有啲辣度架。甜記基本每五次出旺角總會食一次，今次就叫咗南瓜忌廉雞肉餃同西洋菜豬肉餃，原本我想洋蔥薯仔牛肉餃，但咁啱sold out…甜記嘅餃子算係大粒漲卜卜嘅，皮唔會太厚而且好多料好飽滿，即使炸餃都唔會好乾，Keep到juice有肉汁嘅。佢咁多款餃之中，我地夫婦最推介嘅係南瓜忌廉雞肉、西洋菜豬肉、洋蔥薯仔牛肉同京蔥羊肉餃，其實menu中有一兩款我覺得係麻麻地嘅，不過始終十隻手指都有長短，總無可能款款都堅揪嘅。總括甜嚟講，甜記係必食名單，一定會有嘅食店嚟

食過好幾次既旺角餃子店✨🫶🏻每次夜晚去都幾多人排隊，非常有人氣😮😮😮有時可能會等得比較耐🫣🫣，需要預鬆啲時間🫢🫢食物黎講個人最鐘意叫湯餃🥟椰菜冬菇雲耳豬肉餃+🐓南瓜忌廉雞肉餃 配🍅🥔蕃茄薯仔湯🤤 再黎多個凍豆漿🥛湯餃整得幾好，皮薄多餡😆，餡料味道咸度適中，最怕食到好咸既餡料，但甜記既餡料味道調配得剛剛好👍🏻👍🏻飲埋豆漿非常滿足又飽肚😋😋性價比高既餃子店✨✨🤩

今次睇 foodie 推薦嚟到呢間餃子店, 本身上次週末晚想嚟,不過好多人等放棄左☹️今次係平日1點倒嚟都等左10分鐘左右🙈.8隻湯餃 茄湯底 $44🥟粟米芝士雞肉餃 (圖二)個人唔算好喜芝士,但成個配搭好好,咬到粟米雞肉之餘,又有淡淡芝士味🧀而且非常足料!!.🥟椰菜冬菇雲耳豬肉餃椰菜雲耳呢個配搭非常爽口, 而且材料唔會切得太細冇左個口感😋.番茄湯底有食到少少薯仔同蕃茄,味道淡淡地,應該唔係用加工食品用茄膏整🥫.洛神花茶 $10正常水準！不過意外有呢個飲品提供~.總結: 大家真係好吹捧荃灣嘅餃子屋,但我真心覺得呢間好食過餃子屋😹甜記咁樣叫8隻分量剛剛好,唔會食唔晒或過飽🫡餃子屋我叫4隻食一半都已經唔係好食到😹下次想try煎餃同南瓜忌廉雞肉餃🤤

心血來潮想食餃子第一下就諗起「甜記餃子」之前食過幾次！都覺得幾唔錯！有品質保證今次叫左 南瓜雞肉+西洋菜豬肉大大粒 好飽滿同埋覺啦番茄著仔湯好飲左 湯頭濃左！所以今次食得好滿足$48 10粒 唯一美中不足是～今次唔見枱面有辣菜圃我都冇問呀 唔知係咪冇得自助呢？

📍$44 8隻韭菜豬肉餃🥟+蕃茄薯仔湯🍅📍$10 洛神花茶🧉朋友推介，價廉物美，冬天的一碗熱湯餃🍲【味道】 • 8 隻韭菜豬肉餃🥟+蕃茄薯仔湯🍅 佢有好多款餃子🥟，不過韭菜豬肉餃🥬永遠零失望，食過佢嘅西洋菜豬肉餃🥦同埋香芹芫荽豬肉餃🥕也不錯👍🏻不過我最欣賞嘅係佢嘅蕃茄🍅薯仔🥔湯底，純粹個人口味，我覺得蕃茄湯冇咁滯，但佢唔似係用新鮮蕃茄🍅，飲落去似茄膏多啲，我食咗好幾次都仲未試過佢嘅雞湯🥣睇到好多留言話佢嘅雞湯🥣好飲啲 • 洛神花茶🧉 酸酸地，清清地，正正常常【環境】我去過佢旺角同太子嗰間，旺角嗰間喺細間啲，有啲迫，我食緊嗰陣有職員喺我隔離包餃子🥟食餃子🥟通常唔係食環境，佢算係芸芸咁多餃子🥟店入邊裝修得幾企理的骰太子嗰間環境舒服啲，寬敞啲，不過員工嘅服務質素麻麻，雖然我冇講出聲，不過我心裏面諗，有時候食客睇唔明問多句，你覺得同人講嘢好攰咩😑 估計佢應該唔係太子女，呢壇生意生意佢應該冇股份

▫️甜記餃子外賣幫襯過無數次，超級好食，今次終於有機會堂食😋🍴雙拼湯餃：粟米芝士雞肉餃、京蔥牛肉餃 $53💁🏻‍♀️粟米芝士雞肉係我最推薦嘅口味，粟米香甜，配搭芝士雞肉，美味拉絲，味道非常之融洽👍🏻 完全可以一次過食八粒，為咗試多啲口味，今次雙拼京蔥牛肉餃，都係大大粒，比較重口味京蔥好香辛😆🍴雙拼湯餃：韭菜豬肉餃，西洋菜豬肉餃 $48💁🏽‍♂️呢兩個口味，如果轉煎餃會好食好多🙋🏻‍♀️我都好同意韭菜豬肉餃轉煎餃會好食好多，煎出嚟韭菜嘅味道會更加香濃，不過想食健康啲，所以都係揀咗湯餃💪🏻兩款味道正常，冇上面兩款嘅口味咁特別，勝在大大粒好抵食💁🏻‍♀️要再特別讚吓個湯底，有香濃嘅雞湯味🍴台灣麵$17💁🏽‍♂️追加左台灣麵，大大碗好抵食🙋🏻‍♀️台灣麵麵質係我鍾意嘅口感，唔會太硬，有麵粉嘅香味👍🏻加埋凍豆漿，兩個人埋單$130

次次經過門口出面都有好多人等今次下午茶時間經過終於唔洗等位就有得入坐店舖係用QR CODE 落單❗️❗️一坐等就可以叫野食叫左個粟米芝士雞肉餃 加枝豆漿🥰因為即叫即整❗️❗️等左十分鐘左右就有野食啦成隻餃子都係煎過😍😍好脆口, 唔會好乾好Juicy 👏👏👍🏼一咬落去啲汁同芝士就會流出黎芝士比例好好, 唔會太膩❗️❗️❗️另外一定一定要配搭佢地既菜甫!!!完全係加分位有啲辣辣地咁 令到餃子更加清爽💕下次黎試埋個湯餃先!!

同媽媽第一次食 亦是我係openrice 寫嘅第一篇果晚去太子分店食 食到一半 頭頂冷氣機滴水 fafa聲咁滴我哋成枱食物已經全部濕曬，我哋叫職員過嚟，已經無即刻幫我哋搬走啲食物，仲無動於衷咁企係度問我哋發生咩事！然後幫我哋換枱，枱上食物已經唔要得，咁我哋已經食得7788，只要求佢補4隻餃子，因為媽媽未食飽。換枱後，本身煎餃要等20分鐘我哋就叫佢補水餃可以，食完好快啲走，因為滴濕，彈到件衫已經唔係幾舒服。我哋等佢補餃子，等咗好耐，最後忍唔住催，因為得4隻，食就食3分鐘，但等咗好耐。之後就問店員得未。店員A： 補緊啦，幫你落咗啦，你等等啦。店員B：整緊啦，要啲時間，有幫你補，我哋都想快比你，唔好催啦。個個一人一句 叫我哋耐心等候：）話好多單啊，你等等啦咁？態度極度差！！本身冷氣機滴水搞到我哋已經好唔舒服，仲要咁嘅態度對客，真係極度差！唔會再去。

成日去食超抵食超正 ！！！最愛食超有特色嘅餃子，位置方便，環境日式裝修，好好一班朋友聚會，蕃茄湯底到晚餐時間有時排隊超多人兩個人好推薦十隻餃子加個1-2個面最抵食