天天雞煲火鍋專門店

Open Now

Now Closed

星期日入元朗行下，然後住係呢區既朋友book左呢間雞煲去試。8點半到，已經full house，相比係隔離間來來真係好好生意（來來一個客都冇）😂必食3寶：雞煲，豬手，花蛤👍🏻4個人食，要左個豬手雞煲小辣，另外再嗌左啲火鍋料。上菜神速，開煲一陣香味迎面撲來，湯汁濃而不膩，小小辣更是十分開胃。建議先食豬手，因為本身已經處理，超淋亦容易入味，啖啖肉之餘仲吸盡本身湯汁，唔會太漏。之後就係雞，已經充分索曬湯底，肉質軟硬到適中，比係好多大牌雞煲有過之而無不及。因湯汁太出色，中途加入鮮枝竹同薯粉令成件事更完滿。花蛤一份有9隻，大隻鮮味爽甜，據說係呢間鋪頭唯一一種海鮮。環境與一般大排擋無異，廁所要去後巷，不過侍應態度好好又有速度，撞岩有人生日仲會熄燈播生日歌，好有heart。本人熱愛火鍋，真心推薦去開元朗既朋友去試。不過book定位穩陣

已經11月尾了⋯天氣小小涼，去食雞煲就一流啦！呢間天天之前食過2次⋯元朗區真係好多雞煲⋯但間間各有特色！所以冇話邊間特別好食⋯今次3條女去⋯吹下水⋯聚一聚飲下啤酒咁😂7點去到已經好多人，好彩5:30打左電話去留位！到7:30已經坐爆哂了食物質素都好好，一睇落去就覺得新鮮，可惜地方比較細⋯坐滿哂客就變得好噪了⋯傾唔到計😂😂🙈服務質素都好好⋯服務員都好有禮貌，笑笑口好主動收碟嫁但唔緊要，下次仍然會去⋯

媽媽朋友介紹來這間天天雞煲，所以就決定在媽媽生日時來吃晚飯，實在太驚喜了，一定要寫食評。我們點了鮮椰子雞煲，真係有新鮮椰子肉，隻雞是新鮮雞，雞肉好滑，湯底有馬蹄椰子好甜好正。打邊爐食品我們點了安格斯牛肉，二百零蚊好大碟；兩碟美國肥牛相形失色；響鈴超鬆脆，食完一兜要再encore；魚蛋好爽、滑魚滑好好味。店員服務都很好，打來訂位都好有禮貌。我們買了生日蛋糕去，食完雞煲就叫人幫我們拎上黎，但叫左好多次都未上，我們等到開始有點不耐煩，但見到餐廳的確好忙，唯有繼續等；點之突然全店關燈，電視仲播生日歌（好似去唱k拎蛋糕入黎甘），真係超驚喜，沒想到甘有心思會這樣把蛋糕送上黎，仲影左張即影即有相，媽媽超開心。這餐飯真得好滿足，服務好窩心，一定會再來。其實無咩影到食物相。

我老公好鐘意食雞煲🍲，但呢幾年食過好多雞煲，但我地都係覺得呢間最好食。今年老公生日，我問佢想生日做咩，佢竟然話指定話要來食雞煲，所以就book左呢度。我來到同老闆講話我老公生日要來呢到，老闆竟然好窩心地，又唱生日歌時又自制了蛋糕🎂比我老公，實在太驚喜了，多謝老闆！當然今日既雞煲一如以往咁好味

朋友提意1齊食雞煲,試下天天雞煲,諗住多款D 食物, 點知奶野, 雞煲太油同太咸,唔好食@^@ 要用熱水沖黎食 間鋪成陣煙味!D 員工又無禮貌叫佢拎罐可樂都要等15分鐘!!!!!!吹下佢就黑臉!價錢又唔算平,叫朋友唔使再去!!!!!!

之前時常朋友聚會都會選擇店舖，因為各好友覺得平，靚，正！今晚收工想妺妺享受一餐，妹妹是個辣妹，所以就選擇這間雞煲！去到以經8:30！平時經過都好爆場，好彩今晚有位🤣！ 入座後先來炸尤魚鬚中＄58送下啤酒炸得香脆！必食😋重慶花甲雞煲＄218！我哋叫中辣，辣味香氣撲鼻，花甲大隻新鮮，雞件嫩滑入味👍🏻👍🏻😋😋安格斯肥牛肉＄158！油脂分布均勻配合雞煲汁烹調超正👍🏻😋😋西洋菜＄28！新鮮翠綠豬粉腸＄45！入口甘香

朋友一直想食雞煲，仲話食過呢到既椰子雞煲覺得唔錯，好啦，一於搵日等個朋友收工就去食啦去到8點半左右，打左電話book位，但當日去到都仲有位，可以平日冇咁多人食掛朋友話明想食雞煲，一於就叫重慶雞煲啦~~諗住食多d雞，同埋大小價錢差唔遠，就決定左叫個大雞煲啦~~因為小妹唔係好食得辣，叫左個小辣試試先首先出現既係配料先，因為雞煲要係廚房煮煮先，所以都要等一段時間呀首先黎到既係烏冬，但最後因為太飽啦~所以朋友帶走左，我冇試到!!丸唔見得特別出色，同埋d丸比較實同硬墨魚滑都ok，不過如果可以有d墨魚粒增加口感會更佳太飽了，最後菜都冇食，朋友帶走了木耳餃正韮菜餃多了，木耳很爽口餃子都是自家製，很大大的一粒因為有次在其他地方吃到奇怪的九肚魚，雞煲又未有得食，又有d肚餓，所以點左個小食試下先黎到就急不及待食啦~~一放入口，好熱呀!!!呢到同平時食到既九肚魚有點不一樣，佢條切開成一塊塊，吃起來口感不錯，外脆內軟，外面椒鹽份量也充夠，估唔到小食水準都唔錯椰青都清甜，不過飲品種類略遜一籌，較少款式，不過很快就飲完一個椰青了，朋友這個開得幾好，可以食入面d肉，但我那個開得較差，很難"了"到入面d肉食萬眾期待既

雞煲 （$198/一隻）本身味道不錯，就是比較咸了一點。自家製餃子（$45） 是店家的推介，新鮮自家製，大大粒而且飽滿，肉餡鮮甜，的確不錯。紅薯粉（$28） 汲汁彈牙，雞煲良伴。椒鹽豆腐（送）金黃外脆內軟，好吃。鮮淮山（$28） 新鮮香甜。安格斯肥牛，油花不錯，就是邊邊脂肪位太厚。皇帝菜 （$28） 新鮮乾淨。椰青（$30），不知是否因著雞煲的過咸，令此椰青喝起來份外覺得清甜味美，椰子肉都被我通通挖出來吃光。整體來說不過不失，火鍋食材新鮮清潔，就是沒有令人有再回頭的吸引力，或許是因爲以此價格來說，環境更理想和食物質素更佳的雞煲店，在同區仍有很多選擇。

元朗，係一個周街都有野食嘅地方，超多食市 。今日有朋友黎探我，就試下食雞煲啦。7點鐘左右黎到，已經爆晒，好彩等左幾個字就有位啦。遺憾嘅就係無晒花甲啦，之後就叫左個豬手雞煲微辣，黎到之後，煲左一陣,d香味開始出黎啦！首先就試下舊豬手先，豬手炆到好林，都幾好肉，ｄ根都紋到好林，好好味，之後我地都再後加一碟豬手tim!ｄ雞都好入味，但係份量就好似少左ｄ啦，香料都落得好足，食完之後就叫左碟手切牛肉，不過碟牛肉就麻麻地啦，顏色唔靚，而又無咩牛味，總結黎講最正就係豬手，大家都可以試下。

多得前Roommatessssssss Thatha Roy 的House Warming Party，我發現了元朗這新大陸。第一，原來由九龍東去元朗只是僅僅一小時！第二，原來元朗真的沒有牛 （對不起NieNie）第三，餐廳又平又好食！在九龍和香港食到厭的我和陳生，週末走來這裡找好東西吃。記得Thatha和Roy，說過有一間椰子雞煲好好吃，我們依靠全能的Openrice，找到了天天雞煲。（路痴如我們雖有谷歌先生帶路還是繞了冤枉路，不過這裡省略我們迷路的心路歷程吧。。。）這店大大隱於市地住落在公共屋村的地鋪，簡單的裝修但不殘舊，炎炎夏日冷氣足夠，坐得頗舒適。餐單上還有麻辣雞煲（價錢低幾十元），但我們衝著椰子雞煲特地而來，當然要吃椰子雞煲。當當當當～～～湯頭很清晰，喝下去很順喉。椰子的清甜和滋潤，沒味精，雞件嫩滑，份量很足，兩人食非常足夠。我們再點了個炒飯、小食和火鍋配料（已經忘了點了什麼配料，汗），已經非常飽。 店主還有送上椰肉，說如果我們喜歡更甜的口味可以放下去調味。特別要影那個醬，配雞件非常好食。（好吧，可以想像一下，椰子雞跟辣椒或醬油是有點不配吧，但這個不知名的青色醬卻Work到。

朋友聚餐，點了雞煲和幾個炒菜，雖不是吃過的最好吃的雞煲，但是雞肉很新鮮，小菜卻是出乎意料的好吃。小菜我們點了：炸豆腐，沙拉骨，炸蚝，魷魚須，口水蔥油雞等。除了蚝以外，其他都很好吃。跟雞煲我們還點了牛肉和炸響鈴。牛肉普通，分量較小。響鈴現炸，好吃。椰青很大，很甜。總體評價：贊！

安娜和她的好友，都在一月份生日。為了幫兩位生日之星慶祝，相約到朗屏的天天雞煲飯聚。這間店子位處橫街，沒有華麗的裝修招徠。若非朋友介紹，也不知道有這麼一間隱世的小店。不過抵達時，店內外已坐滿街坊客，幸好我們預先訂了位。這店主打雞煲火窩，亦有各式小菜。火窩之中，最吸引我們的是鮮椰子雞煲，大家都很想一試椰子湯底打邊爐的滋味。不過雞煲準備須時，四個人，先點幾味前菜小吃醫醫肚。  先來一客豉椒煮螺。螺肉本身很有咬口，但最讚的是調味的醬汁，十分濃香之餘，還有一股辣的後勁，相當惹味。推介。 　第二道前菜是麻辣大腸。大腸乾淨而不韌。味道沒有想像中麻，酸酸辣辣的，是一碟好味的開胃小吃。　而最令 Simon 愛不釋手的，是一口一個令人垂涎的椒鹽豆腐。炸至金黃色的外皮十分輕薄，酥香鬆脆；內裡豆腐則非常軟滑，但不會一夾就散。這碟椒鹽豆腐的水準，比不少酒家食府做得更好，乃必吃之選！ 　過了一會，店員送上火鍋湯底，以及一大盤被挖空的椰子。椰子裡面的椰子汁已被抽走，成為雞煲的湯底材料；剩下的椰子肉，便留下來供客人食用。不過椰子數量太多，合四人之力也無法清掉呢！　我們點的是細雞煲（$168），四個人吃就剛剛好。當