田籽茶事 (馬頭圍道) (Closed)

行過口渴諗住買杯黑糖波霸，個女職員戴住口罩都見到黑口黑面，向佢落單好似聽唔到咁，一啲做人基本禮貌都冇，唔好計服務性行業。未飲都經已對間舖印象大打折扣。平心而論杯嘢又唔算係我飲過最難飲嗰杯，珍珠口感係正常嘅，不過味道除咗甜味之外乜都冇，不過難飲都飲咗半杯至掉，因為真係好口渴。睇返其他食評至知原來唔係我一個有咁感覺。講真靠做街坊生意，咁態度可以做咁耐，都幾出奇。

門面就好靚，不過微糖都甜到反肚😝😝冬瓜檸檬🍋🍋呢款都幾冰涼清新🤭🤭檸檬酸酸地，而且溫度夠冰凍🤭🤭😁😁冬瓜茶有少少冬瓜味同埋甜甜地，不過又唔會太甜，幾解渴，不過無得調教甜度。雲石香芋鮮奶🧋🧋呢隻係紫色香芋零食嗰隻味，都幾有童年點憶。口感沙沙地。但係就完全無鮮奶味，可能比甜味蓋過，但係我明明叫咗微糖，都好甜好甜。睇埋呢間店其他啲comment, 原來呢間分店次次叫調節糖度冰度都無分別😁😁。所以，下次有機會試下其他分店先。

都唔知係鋪頭問題,定係職員問題，其實冇心做，不如快啲接咗佢。 落order講明要少冰， 點知成杯都係冰， 問嗰位女職員， 係唔係我要個杯大甲芋頭， 女職員冇反應。 飲品質素勁唔得， 成杯都係奶同冰。 不知所謂， 絕對冇下次。

附近除左去到黃埔個邊，都冇咩珍奶舖頭，見到冇咩人唔洗排就諗住試下。叫左碳焙烏龍奶茶加黑糖珍珠，$28，中杯size。拎到手個下已經覺得伏伏地，明顯見到三層，珍珠、茶、勁少量奶。完全冇搖，只係將三樣野倒入個杯到比你。味道方面，淨睇樣已覺得伏。基本只得甜味，完全冇茶味，更唔好諗係未烏龍茶啦；奶得好少，冇奶味；唯一好處係有珍珠有少少黑糖味，未致於太甜入唔到口。以$28中size既價錢，質素完全接受唔到，唔會有第二次。自己搖左幾下，明顯見到好稀😢

公司同事差唔多每 2 星期都會叫一次珍珠奶荼飲, 今次叫了幾杯飲品, 其中2杯完全錯的,  標籤內容就正確, 但係杯嘢飲就完全錯的, 其中一杯珍珠厚奶茶就變咗走奶, 另一杯芒果蒟蒻厚鮮奶就變左黑糖波霸珍珠奶茶. 如果沖調的工作人員沖調完再細仔望一望係咪應該唔會錯呢?

好耐冇飲珍奶～～～所以近近地係屋企附近就試下呢間～～～黑糖波霸厚鮮奶～～～～但我完全飲唔到黑糖～～～～～鮮奶亦唔厚，好似只係普通全脂奶咁～～～～～～$30蚊飲緊鮮奶+珍珠😭

係附近返工所以成日經過，係喱度都飲過唔少款式既飲品不過我最鍾意飲既都係大甲芋頭厚鮮奶今次飲熱既，裡面有好多芋泥奶泡好滑好幼細，奶味好濃另外一杯係黑糖珍珠厚鮮奶（凍）喱杯我都好鍾意最重要係佢個珍珠有用黑糖煮過，好彈牙，好入味（唔似出面有啲又係叫黑糖珍珠鮮奶，但個珍珠係冇煮過，勁失望）黑糖鮮奶甜度岩岩好，唔會太甜我諗熱既應該都會好飲2杯都好鍾意好好飲，一定會再幫襯下次試下芝士奶蓋同紫薯厚鮮奶先好多野都好想試