田籽茶事 (馬頭圍道) (Closed)

行過口渴諗住買杯黑糖波霸，個女職員戴住口罩都見到黑口黑面，向佢落單好似聽唔到咁，一啲做人基本禮貌都冇，唔好計服務性行業。未飲都經已對間舖印象大打折扣。平心而論杯嘢又唔算係我飲過最難飲嗰杯，珍珠口感係正常嘅，不過味道除咗甜味之外乜都冇，不過難飲都飲咗半杯至掉，因為真係好口渴。睇返其他食評至知原來唔係我一個有咁感覺。講真靠做街坊生意，咁態度可以做咁耐，都幾出奇。