Tipsy burger (Closed)

雖然漢堡包唔係超級美食，但偶爾食吓，給予我一種重拾青春的頑皮感，因此每隔一段日子就會想起它，看看市場有冇新店或新概念，咁又真係有，在公司附近的 Tipsy Burger，特創酒精漢堡包，市場真不乏新意。 威士忌雙重芝士和牛漢堡 $93插上一支裝了威士忌的 dropper 在漢堡包上，客人食之時自行把酒精注入漢堡牛扒中，真想得到！眾所周知酒與肉的神奇配搭能令食味昇華，例如吃牛扒缺不了紅酒等。 添了酒香，其實份量不多，沒有濃烈的酒味，反而在口中輕輕透出頗有趣，而另一優點是酒之液體倍增潤澤，配合半溶雙層芝士錦上添花，牛肉軟柔嫩滑。 忌廉芝士磨菇釀雞翼 $58/4只另一驚喜是這個忌廉芝士磨菇釀雞翼，我非常喜歡，餡料的混合，口感極之軟滑，有種吃著bb嫩雞及從未如此幼滑的感覺。 可樂或雪碧 $12值得一提，這裏的可樂及雪碧是高身長圓形罐裝的，比較少見。 亦有賣手工啤酒Happy Hour 優惠若然唔想飲酒，無酒精的雙重芝士和牛漢堡平$5，售$85。加$18升級套餐，包括薯條及汽水。 下次來，我會試呢款：店子細小，簡約的座椅尚算舒適。  

天氣時晴時陰，還有陣陣驟雨，剛想回家時就好落大雨，唯有去附近坐低食個午餐。Tipsy burger簡單易明，一睇就知是專門食burger，本以為跟外面的大同小異，原來卻有特色，burger有加了點酒，所以食落去都幾有特色。忌廉芝士蘑菇釀雞翼：雞翼釀入忌廉芝士，所以一咬落去芝士味幾濃郁，雞皮帶點香脆juicy。朗姆酒椒麻香脆雞堡：雞堡中間夾著番茄、紫椰菜等配料，炸雞外脆內嫩，而且厚肉，加了朗姆酒還帶點甜味，甚有特色又好味。另外加$28可以升級做車打芝士醬薯條及汽水，薯條是用了粗薯，再淋上芝士醬，香脆之餘又有芝士咸香味。

係太古坊返工, 搵食都幾多選擇, 平時返工經過見到呢間色彩鮮艷餐廳, 原來係一間主打微醺酒精Burger嘅小店。今日正好自己一個去獨食!店舖有少量座位供堂食, 自行到counter落單比錢, 全日免加一。數款burger分為酒精同無酒精類, 另有幾款小食、飲品。我揀咗【伏特加吞拿魚海膽醬牛油果漢堡】HK$93三片厚切吞拿魚外層被微微煎過, 中心keep刺身質感, 以海膽醬同埋牛油果醬取代傳統burger配搭嘅沙律醬, 幼滑creamy, 夾上多汁蕃茄片、生菜片、羽衣甘藍, 層次豐富, 滴管注入少少vodka, 自行加少少落burger餡料中點驟, 整體食落酒味其實唔太突出, 不過係幾有gimmick~【忌廉芝士蘑菇釀雞翼】HK$58/4件雞翼賣相金黃脤卜卜, 微脆焦香, 內裡juicy, 真係有忌廉芝士迫出, 邪惡又吸引。

這間位於鰂魚涌商業區內的漢堡包店，主打漢堡及小食，而且漢堡款式都甚多，有些甚至有酒精成份，甚有特色，價錢則比某連鎖集團略貴，但味道卻高幾個層次，所以真心值得推介。跟餐加$18就配上香脆粗薯及汽水，我就想試一下手工啤酒，所以另外加$30。茉莉香片小麥啤麥味比較重，茶香味較淡，帶淡淡的苦味，而且幾清純。威士忌雙重芝士手打牛肉漢堡牛肉漢加了威士忌，帶點烈酒香，牛肉扒厚身而且有豐富的肉汁，中間夾上番茄及菜等，整個包都很有肉汁。忌廉芝士蘑菇釀雞翼雞翼表面炸至金黃香脆，入口爆出芝士汁，肉質嫩滑多汁。炸薯條是我至愛的粗薯，炸至金黃香脆。

今日開工嘅時候被通知今晚收工屋企無飯食！哼！我自己出去食好西！喺公司附近，呢條街好少人行但都有幾間餐廳。自己一個唔食太浮誇嘅野，見呢間裝修嘅配色好靚就入咗去😂Ocean tuna burger, 5塊厚燒到半熟嘅吞拿扒配海膽醬同牛油果。海膽醬嘅厚鮮令成個飽嘅口味提升咗！平時食漢堡扒，塊肉會有肉汁同油，好易漏到成手都係，但呢個係魚肉扒，完全無呢個問題！Burger加薯條同野飲有set combo抵食d, 一於飲返罐啤酒！手工啤先有意思！呢隻係hero啤同樂茶軒crossover嘅特色啤，好似未見過出面有得買。之前去過大館樂茶軒，專飲靚茶嘅中菜茶館，好認真。竟然而家出啤酒。nice始終唔係直接沖茶，茉莉嘅香味比麥香遮咗唔少。。。好淡嘅茶香。薯條即炸又無加鹽，勁正！平時最怕多鹽太咸，呢個淨點茄醬已經夠晒好味。

漢堡包大家都可能食得多，不過呢間竟然有得包加酒精！好特別～中意飲酒既朋友唔好錯過😛本身想要monthly special 但呢個月停左🫠🫠🫠 於是我就揀左款冇酒既，係吞拿魚海膽醬牛油果漢堡。海膽醬膽牛油果加埋一齊十分creamy，而吞拿魚唔係罐頭果d乾柴魚肉碎，佢係完整刺身咁，四邊應該係有煎過，再切厚片，所以每塊都係外圍熟入面仲係刺身未熟哂既，呢個口感好特別，同埋佢都有好幾舊吞拿魚，加埋菜果d都非常滿足。再加配左最中意既蕃薯條set，野飲+蕃薯條要加$28，不過佢份量超多🤣🤣 2個人食都夠後來見到忌廉芝士蘑菇釀雞翼，果斷要左4隻🫢 勁creamy好多芝士忌廉，同朋友一人2隻唔會漏

公司附近新開嘅burger店，約咗同事去試吓，下晝都食得好豐富！成間店嘅裝修幾吸引感覺年輕!一睇Menu見到有啲有酒精成份嘅burger, 好新奇好想試! 選擇困難症之下最後揀咗椒麻香脆雞堡combo(包埋薯條飲品)，另外加多份忌廉芝士磨菇釀雞翼。Burger嘅size大過快餐店嗰啲。有新鮮菜、蕃茄，果塊炸過嘅雞扒幾香口，唔會太油膩，見得到香料好多，但係我期望個味可以再重口味啲🤭忌廉芝士釀雞翼，一咬落去啲芝士係傾瀉而出，好邪惡嘅味道！呢間鋪新開，要讚下個女店員，好主動咁吸印仔卡，俾我下次可以再嚟幫襯。

呢幾年特別興起食Burger嘅熱潮响鰂魚涌有一間小店，供應嘅款式唔多，但就幾有特色想試一間Burger店嘅實力當然就要試佢嘅招牌菜：雙層芝士手打牛肉漢堡，朋友就叫咗威士忌雙層芝士手打牛肉漢堡再加個Nachos Set ，分別係 Nachos加咗牛油果莎莎醬同兩支樽裝啤酒其實兩個漢堡嘅肉同餡料大致相同，只係威士忌嗰個另加一支小型威士忌俾你唧落肉裏面，增加一啲酒嘅香味，感覺都唔錯而漢堡包本身餡料都好豐富，漢堡扒係用扒爐煎香，煎到外面脆入邊仲充滿肉汁，蔬菜方面有蕃茄生菜仲有蔥白，一個好特別嘅組合，令到整體個感覺Flash咗甜咗，而最驚喜嘅地方係個包超好食，帶少少甜味，好鬆軟但又充滿麵包嘅香，正😍😘

朋友帶咗佢呢間細細漢堡包店幫襯，個名叫Tipsy burger，打開個Menu見到佢嘅漢堡包，就明佢個名點解，原來可以加酒類-威士忌，伏特加，韓式燒酎同埋冧酒在包內。同埋呢度仲有Happy hour$88可以有個小食加兩支啤酒，幾適合你同朋友飲吓啤酒同手工啤，我就叫咗一個牛油果醬玉米片，有啲牛油果紅蔥頭蕃茄碎幾惹味。朋友叫咗個雙重芝士手打牛肉漢堡，我就叫呢個威士忌芝士手打牛肉漢堡。包上枱見到個size都幾有份量，包會放在黑色嘅器皿上面，賣相幾吸引！包嘅外皮應該都係訂做，所以好鬆軟啊！我叫嘅威士忌漢堡，原來配合一支細細支嘅威士忌，可以自己加入個包裏面，食嘅時候會多咗種酒香，威士忌同牛肉又幾配搭幾香濃，手打牛肉非常Juicy，又多了一種木桶嘅煙熏味。除咗芝士蕃茄生菜，裏面好似冇生洋蔥，配咗啲日式蔥段，各類蔬菜都新鮮爽口，小店食物都算有個人特色，嗜酒嘅人應該特別鍾意！

第一次聽到Burger同酒精融為一體覺得好得意🤣 所以特登黎試呢間Burger💛 本身Burger 既配搭都係牛肉豬肉等等😅 但呢間小店竟然融入左唔同既酒 例如Whisky Vodka 等等🥃 味道新奇但入口唔會哽🥳 值得試一試佢份創意 🎨⭐️ Rum Chicken Burger 🍔本身既脆雞堡有大大塊好嫩既雞扒🐔 調味有點亞洲風味🗺️ 椒麻加上有點酸辣既口味好過癮🤩 Rum既味道只係淡淡的 但一點點甜令到口味更Complex 🍹⭐️ Stuffed Chicken Wings with Cheese and Mushroom 🍗香口既雞翼加上半溶既芝士🧀 口感有點肥但係好邪惡呀😈⭐️ Chips 🍟加$18仲可以轉Combo 薯條唔會成口粉好香脆🥔 西柚汽水味道都比較Fresh唔會太甜🍋⭐️ Tipsy burger (鰂魚涌)📍 鰂魚涌海澤街5號海暉大廈地舖

做嘢做到悶，落街買外賣返屋企食。一嚟到舖頭，已經不斷咁播好歌，有電燈膽、絕、無賴、放生 🎶 好聽到唔捨得走，點解個外賣咁快搞掂？爭啲就可以聽晒首放生⁣⁣⁣⁣⁣⁣⁣⁣⁣⁣⁣⁣⁣⁣⁣⁣⁣⁣⁣⁣⁣⁣⁣⁣⁣⁣⁣⁣⁣⁣伏特加吞拿魚海膽醬牛油果漢堡 ($93)呢度嘅漢堡包有分alcoholic/non-alcoholic，好過癮呀可以注入vodka，但當然啦對酒鬼嚟講當然唔會足夠，不過食lunch嚟講，少少vodka味點綴吓足夠㗎喇。⁣吞拿魚海膽醬牛油果超級足料，切開之後食都會多到跌出嚟；啲吞拿魚唔係罐頭嗰種，真係一塊塊肉，大塊㗎！⁣雙重芝士手打牛肉漢堡 ⁣($88)和牛有厚度而且口感滑溜，麵包都好軟熟⁣薯條 (+$18)係肥瘦適中嗰種薯條，食漢堡包點可以少咗薯條㗎呢？店員好有禮貌又友善，臨走前忍唔住讚吓佢哋啲歌好好聽😂

鰂魚涌打工仔必食！細細一間漢堡店，午飯時間超受歡迎！好彩我早少少， 12點嚟到，仲有位，轉個頭已經要排隊落單😎😎外賣客都幾多💪🏼💪🏼漢堡包總共有九款選擇，另外仲有幾款小食，薯條，同埋有酒精/無酒精飲品。我見佢哋happy hour嘅Offer都幾正，唔使$100 ，有一款小食同兩支啤酒👍🏼👍🏼佢哋有啲漢堡包好特別，係加咗酒！威士忌，伏特加，Rum酒搭上各式漢堡，感覺幾盞鬼喎😁😁吞拿魚海膽醬牛油果漢堡依個漢堡包非常適合夏天，因為吞拿魚、蕃茄、牛油果醬，全部都係涼浸浸，好refreshing! 吞拿魚份量算好多，仲要超級厚切，好正！個包仲搽咗啲好濃郁嘅海膽醬，整體口感同味道都唔錯，值得推薦！+$18 combo有埋薯條同埋無酒精飲品薯條份量比想像中多，帶有少少薯仔皮，香脆，點茄汁一流😎😎另外叫咗一款小食，忌廉芝士磨菇釀雞翼係令人非常滿足嘅選擇！咬落去好似食咗一啖好濃郁嘅忌廉蘑菇湯😋😋啖啖肉，非常滋味！食物價錢唔算好平，但係絕對值得，起碼真材實料，又好食先啦，用電話號碼仲可以做埋會員儲積分，每1分當一蚊咁用，啱晒喺附近做嘢嘅打工仔，可以多啲嚟啦😁😁

難得我自由身，可以四周圍去，自己走到去鰂魚通睇下有咩食，行行下見到有間美式漢堡包店好似唔錯，同我都有一段時間都無食過漢堡包喇，入去試下。價錢都算合理，加$18就有飲品同薯條。【雙重芝士手打牛肉漢堡】set combo+$18份量都唔細，主打是手打牛肉，肉味超濃，再配埋秘制醬汁，真係絕配，包又夠鬆軟，芝士味又夠香濃，內裡仲有生菜、蕃茄、洋蔥等配料，CP值都唔錯。【車打芝士醬薯條】普通薯條轉車打芝士醬薯條再加$10我地到最後有加錢轉車打芝士醬薯條，芝士味真係好香濃，每條薯條都是粗身，所以每條都是外脆內軟的口感，不錯。【忌廉芝士蘑菇釀雞翼】香濃啖啖內的忌廉芝士蘑菇釀雞翼，外表炸得非常香脆，內裡每啖都有芝士蘑菇，肉汁又夠多，做得非常不錯。

鄰近鰂魚涌地鐵站，有一間幾新穎嘅美式漢堡店。入到去一坐低，已經聞到超香漢堡和炸薯條嘅味道。當然要食雙層芝士漢堡，原來佢有一款漢堡是用威士忌酒吱落個burger度食，佢哋會提供一支裝滿威士忌酒嘅小dropper，直接吱落burger 令到塊bun表面充滿威士忌酒味道，有得食，又有得玩，增加用餐體驗。Bun外層非常鬆軟，有煎烤過的，夠曬熱辣辣，牛肉煎得非常香口，牛香味十足，沒有流失任何肉汁，非常juicy另外跟餐點左炸甜蕃薯，外層炸到金黃色， 外皮香脆， 不會太過乾身。 番薯甜味非常突出，外脆內軟，基本上可以不需點任何醬汁，已經可以話係超級好食，值得一讚。😋

太倦又熱，冇力再四周圍搵食，近近地地鐵站附近見有間burger,二話不說入內，食完快快回家冲涼休息。間burger都幾特別將酒加入burger，香港肯定第一間有呢款漢堡，而其他burger款式都比較少見，店主真係非常創新。韓式豬腩片漢堡豬腩片煎到金黃色，外皮Q彈，肉質鮮嫩多汁，加上韓式甜辣醬，生菜、蕃茄、京蔥等等配料，第一口咬下去肉汁豐富，豬腩片油脂香濃，如果醬汁可以再多一點就perfect 😆忌廉芝士蘑菇釀雞翼雞翼炸到外脆內軟，雞皮脆卜卜，忌廉芝士creamy 軟滑，蘑菇鮮味十足，雞翼肉嫩飽滿，香口多汁，真的非常滋味。車打芝士醬薯條最愛的粗身薯條，面頭淋上車打芝士醬，入口咸香味俱全，芝士味濃郁，薯條炸得乾身香脆，不錯喔！西柚梳打梳打水消暑又解渴，西柚香氣十足，味道不太甜。