Tivoli 意大利餐廳

Open Now

Now Closed

星期六, bf 同我 cele. 番情人節... 佢話上網搵到呢間野, so 試下...一入去, 估唔到咁多人, 坐滿哂, 我地 8 點到, 但我地覺得如果冇訂枱一定要等 15 mins 以上...好攪笑, 食既人都係情侶多, 但其實好多都係外國人, 佢地都識得黎呢度食, 好攪笑...燈光暗暗, 每張 table 有支 candle, 環境佈置 ok, 十足懷舊意大利餐廳 feel, 見到 d waiters, 個個都年齡比例大, 見到埋 d 餐具, 更加覺得佢係''意大利版''太平館了...但佢野食 mama地, 唔係話好好味, 反而 fat angelos 好味過佢好多....但不得不讚係佢個周打蜆湯, 好夠料, 好好味......

朋友生日的這晚，到了Tivoli 意大利餐廳。打頭陣的是洋蔥湯。法包上的雖然只是芝士粉，但焗後變得香脆，還不錯；而湯內的洋蔥份量足料亦很鮮甜。跟湯的麵包與牛油。麵包是沒有烘過的法包，有點失望；不過一圈圈的牛油很特別很有心思。法式焗田螺，讚! 哈哈，笨笨的我其實不懂用吃田螺的鉗子，侍應先生大概看不過眼我的狼狽相，主動走來教導我們使用的正確方法。Al Dente 的蜆肉墨魚汁意粉。充滿蒜香的配料幾乎鋪滿整碟意粉；意粉的口感彈牙，好滋味唷! ＞V＜四季薄餅，正宗的薄批，在門口處可以看到師傅在搓餅的。由火腿、意大利腸、磨菇、洋蔥組成的薄餅，材料簡單，不過味道一流。用手捧著吃，熱烘烘脆卜卜的，很滿足。這裡的環境真的不錯啊。餐廳內環境昏暗，每木台都會點上一根長長的蠟燭，情調十足。晚飯時段頗多客人，有些人客好像要搭木台，幸好我們已預先訂座，所以被安排坐在靠牆的位置，感覺良好。服務方面，侍應都十分殷勤友善，風趣的經理先生(?)間中更會走來攀談幾句。哈哈，對這家餐廳的印象極度良好呢，下次有機會要再來喔。

想食意大利嘢, 喺呢度用意大利+佐敦search, 此店頭幾名, 加上咁多人讚好, 即管試一試.叫咗公司pizza, 肉醬千層闊條麵, 同埋紅酒牛肉. 紅酒牛肉差唔多百五蚊, 但水準跟本就係港式茶餐廳煮法, 除咗d牛肉比較靚之外; 公司pizza仲差過超巿雪櫃買番屋企叮嗰d, 除咗有幾隻蝦之外; 最勁係肉醬千層闊麵, expect會好有芝士味,有肉汁, 點知居然係菜味, 因為闊麵用咗波菜, 難食到好似食緊香口膠. 整體黎講, 好難食! 就好似中國人食鬼佬既中國菜, 都唔知似咩!有兩樣嘢係可以一讚: 一係裝修都幾似意大利d餐廳; 二係服務的確唔錯, 好過好多茶餐廳.不過既然係茶餐廳水平, 快餐店水準, 就咪收我西餐廳價錢啦.唔同人有唔同口味, 呢間嘢咁耐歷史又咁多人讚, 我惟有認自己口味怪癖.

這店開了29年，不知為何從沒來過。生日好友請食飯，就試試這裡。Book 了枱以防萬一沒位，7點到也已滿一半。坐下先叫一公升Sangria，甜甜的不同以往紅餐酒加果汁的感覺。跟經理熟絡後，得告之是加了點gin 在裡面，兩種酒混在一起很易醉，可是沒這感覺，應該是酒的比重不多吧，反正好飲就是。再來叫了蕃茄飽和escargot作頭盤。蕃茄又多又醉，要配底下的麵飽來一起吃是有點困難，所以留下很多蕃茄在碟中。至於escargot，個子小小的，將入面的汁混和碟上的薯蓉來吃，分外美味，不然單吃薯蓉會很乾。跟著上的是生蠔菠菜湯，入面有兩隻蠔及菠菜絲，朋友說不錯。可是我說一般，因為忌廉湯底像極小時吃的平價學生餐的餐湯。主菜是燒羊架和什錦海鮮。燒羊架超抵食，2百不到有6件，每件有兩支骨的份量，很嫩不膻，可能有嗜羊的人不會喜歡，但合我們口味。什錦海鮮有水在裡面，有點奇怪感覺，不太合胃口。那晚full house，走時外面有人等位。個人覺得食物抵食(跟我去開的意大利餐廳比)，但食物一般。服務非常讚，食物上枱是 one by one。經理說這樣可以慢慢吃，坐到12點打烊也可以。呵呵... 很體貼呢！而家沒錢時期，

三十三仔，一行人到，到地鐵站路必經過的TIVOLI一嘗．先上來做功課，有人話是茶餐廳，有人話係低食意大利餐廳．三十三仔心思思去左一試，事前重故意話圍內去食Ｄ唔好食既野，目的係減低期望，提升美味度．三十三仔一行人，去完的回應係 ... ...三:Garlic Beard :脆但不夠蒜蓉味Seafood Risotto: 唔夠熱, 多料既普通白汁飯Ravioli: 好蕃茄,但有d少Company Pizza: 料新鮮,餅底脆,冇cheese味同埋蕃茄味評分: 味道3 環境3 服務3 衛生3 抵食3 十三:Garlic Beard :脆但不夠熱Seafood Risotto: 好似普通白汁飯Ravioli: 好蕃茄,但有d少Company Pizza: 料新鮮,餅底脆,但不夠cheese&蕃茄味好似好迫咁,樓底有d矮,唔太舒服。評分: 味道2.5 環境3 服務2 衛生3 抵食3 仔:Garlic Beard , good quality but I would not recommend at allSeafood Risotto, not imp

餐廳燈光較昏暗，每枱也點了洋燭，力求營造浪漫高雅的格調。可惜客人太多，環境較嘈雜，座位亦較迫，令整體氣氛變得普通。羅馬什果沙律：無乜特別，ok焗海鮮酥：海撒沙律伴碟，生菜都幾新鮮；海鮮酥皮鬆化香脆，配合熱辣辣的海鮮配料，味道不錯四季薄餅：意大利薄餅底，夠香脆；薄餅芝士亦很香濃。唯一不足之處是食唔到有「四季」嘅感覺焗芝士腸粉：美味嘅茄汁配合香濃嘅芝士，味道很rich很好味烟肉蛋意粉：烟肉蛋白粒炒意粉，香口惹味，不錯四個人$500埋單，很抵吃！

前晚係尖沙咀佐敦行咗好耐, 都唔知食咩好? 最後選擇了Tivoli我們無Book位, 好彩都有枱, 環境好暗, 坐好咗會點起蠟燭, 幾有情調 我們點了燒牛柳 Set dinner 和 四季pizza先來餐湯同餐包, 兩樣都係一般, 不過牛油上枱個樣好有特色四季pizza: 批底好脆, 好多芝士, 老公話幾好味燒牛柳: 雖然一定唔會係靚牛, 但係都幾有肉味, 老公又話幾好食, 我就比較欣賞伴碟的忌廉蘑菇薯仔餐飲: 凍檸茶好好飲, 可能因為室內氣溫好熱啦, 所以好想飲凍飲 由於我同老公當晚都好攰, 所以食完匆匆埋單走人, 懶理燭光晚餐的好情調

昨晚朋友生日去了Tivoli食飯，但不知是否金融海嘯還是星期一晚的關係，店內客人不多，與一年多前的環境嘈雜、椅背貼椅背的情況完全不同，反而可靜靜地傾吓計！另外他們的裝修都幾舊，最唔鐘意Ｄ滕椅同吊係天花板的飾物，仲有個燭台同支紅蠟燭... 感覺怪怪地！而食物都係一般啦... 始終係港式化的意大利餐廳，並非正宗的意大利菜啊！當然不可對食物質素期望太高吧！我們一行五人點了：1. 鮮果沙律 — OK！(其實只要生果新鮮就好難唔OK嘅！)2. 蒜蓉包 — 夠熱夠脆，好味！3. 蕃茄蓉伴包 — 味道偏清淡，唔夠蒜蓉包香口。4. 生蠔 — 大大隻的美國蠔，大而冇蠔味，很淡口！個人偏愛法國蠔，雖然細隻D，但會鮮甜D！5. 公司薄餅 — 麻麻地，太多生洋蔥，材料只有肉醬、芝士、魷魚圈、菠蘿等... 冇乜特別！6. 燒羊鞍 — 都係麻麻地... 冇羊獨有的香羶味，對於羊肉愛好者一定覺得失望；但對於怕羊羶味的朋友，反而可入口... 真係唔知點講啦！！！7. 蒜蓉白菌炒意粉 — 白菌好新鮮，意粉爽口唔淋！8.蜆肉墨魚汁意粉 — 墨魚味被蒜蓉味蓋過了，都唔明點解墨魚汁意粉要落咁多蒜蓉嚟炒... 味道變咗同蒜蓉白

尋晚同男友黎左呢到慶祝 3 個月紀念 ^ ^ 黎到都見到已經差唔多滿座了! 好彩之前果晚 book 左位﹐大家黎前都記住要book位呢.入面張張檯都有蠟燭點著, 都幾有氣氛 ^ ^ 係我地既第一次candle night dinner 呢, 哈見到晚餐都係牛扒0甘滯, 記得呢度既牛扒麻麻, 決定散叫! 嗌左﹕*蒜蓉包 - 好似比一般的蒜蓉包薄同細, 但係食落真係好香好脆, 外脆內軟! 而且有好香濃既牛油同蒜蓉味! 連麻麻地鍾意蒜蓉包既男友都話好食呢.*四季pizza - 應該係有四種味既pizza? 但係好似淨係食到洋蔥, 火腿, 磨菇同芝士呢幾種料.. 分唔到邊四季呢.. 不過芝士都幾多幾香. 開頭食第一塊覺得批底稔又唔脆, 但食到最尾果塊個邊又好脆.. 唔太平均! 食後感係有 d 失望, 唔覺得特別好食呢.. Pizza hut 好似更好. *燒羊鞍 - 呢個真係幾正! 侍應建議要 7 成熟, d 肉仲係0係好嫩既狀態, 同埋有肉汁. 點埋 d mint sauce 好好食 ^ ^ 而且無我討厭既騷味! 有 6 大舊呢, 食完都好飽了. 拌碟的紅椰菜都唔錯呢! 侍應服務都好好,

以次係大學讀書時，成日來這裡吃午餐，因為好味又好抵。上 星期去開佐敦，強迫男友去試這間正野，點知就食到火都黎，BLACK LIST咗佢。1) 個餐包以前係任FILL既，現在要加$8，不過都食，但係咬落去好硬，又凍，問個WAITER，佢話法包係咁，於是又問個黑衫，佢都係咁講話冇問題。其實佢地係咪當我傻，唔通D飽係咪新鮮我食唔出咩，擺明放在好耐啦，其實好簡單，幫我 BAKE 多一陣咪得囉，不過佢地今時既態度，係冇理會我地，麵包都咁衰，個午餐就更差。2)$78個牛扒餐，午餐來說不算平，但係普通茶餐廳都好食過佢，點解呢?個著蓉又凍又冇味。另一碟係龍利柳意粉，又係冇味既，好明顯個廚又唔同咗。3) 奶茶 - 仲乜扮HOTEL 將奶及茶分開上呢?好難飲，埋單樣衰D都要，一毫子貼士都唔俾。

又唔係咁差啫間餐廳～～ 不過啲牛又真係差啲～ 咁無得比嘅～人地話晒係一間 意大利餐廳，又唔係扒房～ 你challenge佢啲牛扒做咩呢～ 你一餐先食得個幾百蚊～ 人哋啲扒房 (好食果啲) 一件扒仲貴過你成餐，無得比嘅～～不過我唔知有無人知啦～～ 啲食評話啲白包好差我真係唔知～ 因為未試過～ 但係佢地個蒜茸包就真係好好食～～ 係非常好食～～ 不過好似依家好似細件咗～ 不過都好好味～～

同亞妹來食薄餅，唔想去PIZZA HUT ,就來Tivoli。 呢度環境好浪漫，每張枱都點曬蠟燭，同男友來啱D點佐個意大利鹹魚薄餅，系吸引我地來食既主因。 好有意式風味既， 系正宗既薄批，個批邊好香 好脆， 正！鹹味適中，加埋D汁，香滑！大蝦沙律， 大大隻 正！ 系真既海蝦來既，驚喜ING~~~仲有新鮮果肉系入邊。兩個人 平均一百蚊甘，價錢OK 可以接受 最重要既系食得飽飽~~~~~~

系Tivoli食過好多次，中意呢度既環境舒適同埋薄餅。Tivoli既薄餅款式唔多，我覺得算得上特色既有兩款：公司薄餅同埋四季薄餅。呢度既薄餅幾正宗，系傳統既薄批， 批邊十分香脆。四季薄餅既特色系有四種味道，一次滿足曬四種口味，正！公司薄餅因其料多 我點來食既次數都多。有腸、魷魚、蝦、蘑菇、洋蔥、青椒同埋好香滑既芝士，雖然唔系貴嘢，但搭配起來味道好夾。最特色既系薄冰用既茄汁， 唔會太多，故唔會搶曬個薄餅D料既香味，咸酸適中。價錢方面都幾公道，百零蚊，同PIZZA HUT既比，差唔多。

日期: 2008/9/22新朋友得罪了我,為咗彌補佢嘅錯,就約咗我去依間餐廳擺和頭酒,其實今次唔係第一次黎依度,記得十年前,成班同學曾經係依間餐廳gathering,個陣時一行十人,但係食飯時只顧左傾右傾,未有真正留意d野食係咪真係好味,所以十年後嘅今日,陣機再黎試多次!侍應見我地睇咗好耐meau都未order,就主動介紹餐廳嘅set dinner,但朋友仔一心想試d特別嘅菜式,所以就婉拒咗佢,繼續慢慢揀.原本想食意大利雲吞,但賣曬,冇得食!咁最後點了凱撒沙律, 公司Pizza ,鮮茄鮮尤魚意粉,焗雪山.-凱撒沙律味道ok,煙肉碎同d面包糠都幾好食,生菜都幾新鮮-公司Pizza 有d辣肉腸,磨菇,生菜絲咁,薄批底,食落都幾脆,但幾難用刀切開,擺咗一陣仲好似淋咗,有d韌-鮮茄鮮尤魚意粉好香,d蕃茄味好濃,尤魚唔韌,意粉質感都good-焗雪山一客2位用, 發起嘅蛋白裡面包裹著蛋糕,雪糕,同生果(好似有蘋果,菠蘿),侍應會將d酒淋係面,再點火做成很美嘅效果, d火熄後仲有少少酒味, 不會有苦的感覺,朋友仔未食過,所以好開心咁同我享受今次嘅甜品.有蠋光嘅晚餐,氣氛特別好,所以食完我地仲坐咗係到

2007年5月21日晚友人在openrice search到此店,於是一齊來試一試..很喜歡此店的氣氛,燈光暗暗的,枱上又有點點燭光..由於大家都不想諗,於是點了set dinner +焗雪山set dinner的食物味道一般,可能不是招牌反而焗雪山就有驚喜,整到成個蛋糕咁,剛好給我補祝生日,重有人serve我地:點火可見下圖....面頭淋了朱古力槳,外面是焗蛋白,裡面有什果同雪糕,有別於一般的焗雪山總結是餐廳氣氛好過食物質素,有機會可能會再來一試其他為食友介紹的菜式.