Tivoli 意大利餐廳

Open Now

Now Closed

麵包同牛油一般,法包又淋又韌又凍.牛柳餐$65 ~ 雖然是特價餐,而且餐湯是白湯,但不喜白湯的我都接愛,因為沒有太濃的忌廉味.而牛柳有兩塊,肉汁嫩滑,再淋上磨菇片及燒汁,伴碟的應是紫椰菜,又清又鮮甜.意大利腸粉$98 ~ 一條條的大卷包住肉碎,鋪上芝士焗,出奇地食了一整碟都沒有膩滯.

Saw that this restaurant had fairly good reviews,so went along with quite a positive attitude hoping for some rustic homecooked food,hmmm,not quite,ordered stuffed veal ,was not cooked all way through and very tough,sent it back to cook further,when it came back it was ovious they had just poured more of that terrible sauce over it hoping to mask the rawness(it was still raw and cold)the pre cooked frozen carrots were also cold and the over cooked the red cabbage was also cold,the potatoes were

意粉十分出色, 是上等貨色, 因為焗完很軟身不會太淋, 但不是硬, 十分多菠菜在面, 石斑也很滑, 雖然明是急凍貨, 但不是太行貨的 codfish 類, 這類菜式要在這種老店才石以吃到, 坊間的新派西餐廳不會是這種傳統煮法。不過我試過它的焗豬扒飯, 不出色, 不夠大家樂好吃, 炒飯很好, 但豬扒偏肥, 和茄汁 sauce 不夠美味。 它的羅未湯十分有水準, 但麵包十分 "un", 似隔夜麵包再叮熱, 牛油卻十分可愛, 傳統一粒粒用牛油刀刮出來的花, 放在小銀碟上, 保持傳統西餐廳水準。

咁o岩搭車經過, 就入去試下,見佢門面黑媽媽,原來裡面咁多人坐滿晒係幾好情調, 不過兩條女去咁好情調把鬼咩....叫左個燒牛柳餐, 另外散叫凱撒沙律同公司pizza麵包同牛油一般, 碟牛油碟底有水... -_- 而法包個皮係淋既,好韌囉...青豆湯幾好, 好多青豆皮, 真材實料, 係唔夠咸凱撒沙律幾好, d菜都新鮮, 沙律汁ok, 麵包粒同煙肉都夠多公司pizza即係海鮮pizza, 批底夠薄夠脆, 不過海鮮冇味,麻麻地燒牛柳其實我好期待呢個燒牛柳, 原來係煎牛扒加d燒汁 我仲以為用火燒一大舊肉然後切兩塊出黎咁樣雖然都幾好食, 不過就唔係我想像中咁囉埋單$325, 我覺得都幾貴, 因為佢幾港式

心血來潮去出外用膳記起之前想試呢間餐廳，男友 book 了 7:30 pm，不過o黎到都唔係 full 晒男朋友發板，事前已經o係度做過 research 睇過其他食過 d 咩好食我o地叫o左 3 樣o野 酥皮海鮮湯 - 呢個係我想飲的，見到隔離枱的酥皮湯好香 湯料好豐富呢! 有一大隻蝦、蜆肉、帶子.....還有一般周打魚湯的材料︰薯仔、洋蔥....這個係我o地覺得整頓飯最好味的~ 羊架 (6 件) - 我們要求了 7 成熟，羊架都厚身，所以切下去都有少少血水配上薄荷 / 芥末醬 (我都係喜歡薄荷醬多 d)不過我覺得肥了一點....都多肥膏下....而且唔算烤得香....還是喜歡 Simlylife 的....不過佢的配菜︰薯仔、紫蘇葉我倒是蠻喜歡吃，哈哈! 蜆肉墨魚汁意粉 - 應該是用檻欖油炒的，材料有好多蜆肉和磨菇、紅椒都幾好味~不過男朋友就覺得好油下.....Overall，可能是期望太高吧....這個價錢，可以有更多的選擇呢....

未book位，大概夜晚7點左右去到，因為比較早，所以仲有大把位嘅。覺得個環境唔錯，好有feeling，同埋D waiter睇上去都好大年紀，俾人覺得呢間鋪頭歷史悠久同埋好professional。但唔同其他意大利餐廳，Tivoli系冇麵包送嘅，要自己另外叫蒜蓉麵包。我地叫咗蒜蓉麵包：一般意大利餐廳食麵包都會同時俾橄欖油&黃油，但Tivoli淨提供butter，就冇橄欖油，感覺不好。蜆肉墨汁意大利粉：個樣OK，但味道一般，覺得汁太少，唔夠味。番茄薯蓉牛仔：其實個名唔系咁嘅，系個好奇怪嘅名，但大概配料就系茄汁、薯蓉、胡蘿蔔、紫甘藍。配料嘅味道OK，但果牛仔肉就冇咩味，好似系雪櫃擺咗好多日嘅感覺。

男友訂了位~~好開心, 終於都可以去試下~~我們叫了1. 蜆肉墨汁意大利粉 (好看, 有意大利粉好味)2. 4季pizza $98...(好多料, 餅底好脆, 但太多洋蔥, 個人而言..太多啦)3. 燒羊鞍. $188/ 6件 好好味, 可以再試

wa, Lee 個生日周我直頭變了食肉獸咁丫, 不過間間都不錯 去這個意大利餐廳, 原來出佐敦站好近,但我們就記錯左TST出, 行左都OK遠啊無所謂啦, 可以開胃D ah ma，hehe間店好懷舊，有得點爉燭，好暗,Ｄwaiter o既service都不錯，有禮貌叫你放底隨身物品在椅上咁... 我們點了燒牛柳晚餐+意大利云吞+焗雪山，　最初驚食唔哂，　最尾都捧住個肚走ah個燒牛柳，好林，幾香口 !!好味正當我們想叫什麼pasta 時，周圍望下人地果Ｄ，賣相好似有點普通，便叫下意大利云吞Ｌa,意大利云吞唔好睇佢細細兜，原來唔少野，好多份量的,味道很濃啊最精彩是焗雪山呈上的一刻，我最初仲以為佢倒Ｄ chemical 落去＆燒, 原來那些是酒來的 !!!! 咁都比我好友捕捉到個火好快就熄了 唔食得都睇得啊，ＴＨＸＸ　ＭＹ　ＤＥＡＲ　ＣＡＣＡ！！ＷＯＷ，點到個雪山Ｄ酒，有點醉醉地，個雪山Ｄ texture 幾新奇，內有雪糕，蕉，什果+外面是用蛋白打的，　原來不是cream的。。。最尾好飽好開心 !! ＴＨＸＸ　ＭＹ　ＤＥＡＲ AGAIN !!!

朋友聚會其中一個朋友推介呢到~~~ 聽到食意粉我就梗係無問題啦. 4個人, 一人叫一款野, 點左:公司薄餅 ($98): 意大利薄底PIZZA, 個PIZZA底焗到好脆好香口. 不過我就覺得芝士味唔濃.呢到既意粉真係幾好味. 意大利雲吞 ($88) 個蕃茄汁好多蕃茄肉, 食到蕃茄既酸酸地既味. 蜆肉意大利粉 ($98) 老實說我好似食唔到蜆肉, 可能俾我D朋友ling晒. 不過意大利粉既口感同出面其他舖頭唔一樣! 比較硬身d.... 唔係唔熟嗰種~~ 反正我就喜歡有d口感既意粉. 法式焗田螺 ($78) 就麻麻地. 田螺肉無咩味道, 加上叉左舊田螺出黎之後個殼無咩汁~~ 所以個薯蓉都只何以就咁食, 無得用黎撈汁! 焗得太乾喇~~習慣食完飯都會望下個餐牌有d咩甜品吸引到我. 不過呢間餐廳既真係好似無咩吸引力. 所以我哋決定轉場. 由坐低到我哋埋完單離開前後都唔駛30分鐘! fast servic唔係唔好, 只不過唔知點解我哋感覺好似食m記都無呢餐咁快. 好奇怪既感覺~~~ 究竟係邊個環節令到我哋呢餐飯咁快完成呢?

星期5晚約左朋友喺Tivoli食飯傾計...訂左2人枱...原本帶左我地去近廚房那邊嘅枱..因為太噪嘅關係而要求轉枱..部長亦都好快轉左枱俾我哋 (讚 ^^)叫左以下食物番茄蒜蓉包 - 好味~~蒜蓉包好脆波菜生蠔湯 - Creamy soup (my friend said ok)洋蔥湯 - 幾好味~~海鮮燴飯 - 唔掂 - d 意大利米好硬~~好似未煮熟咁~~問個部長佢話係咁~~但係我喺意大利食左成個幾月飯都未食過d咁硬嘅意大利米~ 燒羊鞍 - 值得推介~~ ^^唔知係咪expect太高定係叫錯野~~it's really below my expectation..

呢間餐廳咁多人讚,一於同朋友黎試試~預先book左枱,7點半黎到,叫左龍蝦湯,公司pizza同蜆肉墨魚汁意粉。龍蝦湯:尚算ok,都有蝦肉既.. 個包凍架,真唔開心!!公司pizza: cheese 的香味唔夠! 餅邊lone左少少,d海鮮都冇咩味..蜆肉墨魚汁意粉: 好香的蒜蓉味,不過覺得個名改做蜆肉炒墨魚汁意粉會貼切d. .食物普通,主要都係食個氣氛,上菜都幾快,服務都唔錯,而且唔係太嘈,可以同朋友傾下偈.想食好好味既野既人,我唔推介呢度~

同同事傾開剛新婚既我地去慶祝第一個結婚紀念(紙婚)有咩好既餐廳選擇, 同事即時介紹意大利餐廳, 一黎地點係tst好方便, 二黎食燭光晚餐, 一於叫老公打去訂枱^^ 7:30pm 倆位放工即時離開公司約埋老公一齊慢慢行去(因為我以家肚內有6個月小b係到^^)一入到餐廳, 可能時間尚早, 人唔太多, 燈光比我想像中光, 我地一坐下waiter為我地點上candle晚餐唔係咁吸引, 決定散叫係黎之前心已決定叫燒羊鞍同焗雪山 (因為同事介妱及openrice讚既都係此2款)一於試試最後, 再加蜆肉墨魚汁意粉, 原本係pizza但因為前幾日食過, 所當日無叫, 下次同fd黎先食啦首先黎個蜆肉墨魚汁意粉, 我就幾鐘意食意粉, 覺得有勁香蒜味, 不過d蜆肉就細dd. 老公就覺得無咩特別, no comment接住係燒羊鞍, 好大件, 7成熟, 好吸引^^ 超初我地用刀叉食, 但manager行黎同我地傾計, 同時叫我地試下用手食, 果然好juicy ^~^ d蜜糖同薄荷汁, yummy~~~已經好飽, 不過都好期待個甜品 --- 焗雪山真係好似傳說中咁好食呀^^, 一定要2個人食先得, 有生果, 蛋

其實我住尖沙咀多年,一直好想試呢間餐廳,但硬係每次都遺忘佢,早2日去完教堂,一於試試一入餐廳,待應好明顯做咗好多年,態度好好(唔似太x館,超老pat pat).....洋蔥湯 $48 ~ 味唔濃, 好飲, 不過以$48 +10%就太細碗喇......意大利肉腸pizza $78 ~ 一直在尖沙咀搵咗好多年嘅薄薄脆pizza(我同老公一向唔鍾意食港式pizza),終於響呢度食到(仲有一間係habitu),老公激攢有多年前在美國自己整Home Made Feel~~~~ 味唔太濃,絕唔似pizza express咁咸,正!焗田螺 $78 ~ 一樣, Home Made Feel, 味唔濃, 我老公覺得好正, 而本人認為唔錯, 但未到好正, 我鍾意老富昌多d意大利雲吞 $88 ~ 正, 尤其個蕃茄汁mix得啱啱好,成個感覺無多無少, 正一定會繼續幫襯,不過如果d嘢食大碟d就更好!

同老公一起慶祝, 一入去感覺環境不錯, 燭光晚餐羅宋忌廉湯都唔知似什麼味道, 味道怪, 只有蕃茄味蜆肉墨汁麵, 有好香的蒜蓉味, 都算好味 燒牛柳好硬沒有牛味, 好難吞招牌甜品朱古力谷咕, 外面加朱古力粉內是雪糕,沒有什麼特別**總括來講價錢與食物不相符,好失望, 感覺好似上左賊船

諗住佢氣氛咁好﹐就來同另一半開餐﹐做個小小慶祝。點知成餐飯不知所謂到呢...叫左個拼盤﹐七十幾蚊得四小塊 ham, 仲要係厚切的﹐平時果 D cheap cheap 自助餐上面凍肉盤上的ham, OMG...最頂癮係竟然仲有一大 pat 罐頭鹽水浸 Tuna ...唉天呀﹐你想點呀之後來的公司 pizza, 芝士係典型的卡夫﹐其餘的配料好似去左九十年代的 pizza hut 食至尊一樣。如果佢係一間普通 pizza 店賣緊五十蚊一個的我會收貨。但係！！Given 呢個環境﹐呢個收費﹐呢個 size, 完全唔合格。最後係大家勁讚的墨汁蜆肉意粉。...即係咁﹐我以為自己食緊豉油王炒意粉。好夠鑊氣﹐但唔該﹐我唔係食緊大排檔。成陣味都係中式炒意粉咁的味﹐唔講仲以為自己係茶餐廳食緊炒意。呢個價錢﹐呢個 setting, 但竟然係咁的食物.....對唔住﹐真係一肚火。人來﹐拖出去﹐斬!!!!!!!!!!!!!!!!!!!!