Tivoli 意大利餐廳

Open Now

Now Closed

燒羊鞍的份量比較多，肉質好淋。焗田螺麻麻地，爐但薯蓉好好味！蜆肉墨魚汁麵，麵好有咬口，好香口又唔油，極多新鮮蠔仔！公司PIZZA有海鮮及蘑菇等，好足料，食落海鮮新鮮，餅好脆！甜品一流，超級好味！

吞拿魚意粉 - d意粉又肥又"林",吞拿肉就好似就咁開罐頭撈落去意粉度Lasagna - 好鹹,然後好酸,救命. d茄醬同去百街買果d冇咩分別酥皮海鮮湯 - 食得落口除左服務態度好之外,食物猶如食罐頭一樣,毫無心思!! 係幾有情調,不過d枱好密呢,嘥氣!!!

前晚路過此處,見有早鳥餐(牛柳餐),7時半前埋單$65另加一.進門一試,裝橫不華,燭台點綴,很浪漫.牛柳餐包括麵包,湯,還有飲品(凍飲不須加錢),我又試吓飲紅酒($45/杯), 我不是個嘗酒之人,但都感到酒醇,很香又易入口.此餐不錯,下次有機再路過,都可試餐牌內食物.

同事介紹此間餐廳,於是今晚便和男友一起來,一推門進入已被浪漫氣氛吸引了,雖然不是豪華的裝修,但店內用了許多紅色柱狀蠟燭,再襯托一些鏡子,感覺都幾有氣氛,今晚點了以下的菜式,每樣都很美味,下次我要試埋個pizza先得...(1) 兩杯紅酒(2) 特色沙律(咸咸地球應該係義大利魚,酸酸地既生果,薯仔,紅腰豆....)好味!(3) 義大利香腸(一片一片似火腿...但係好好味,配埋佢d酸瓜一起吃)一流!(4) 燒牛柳7成熟(下次再叫便叫6成ok了) 好香口!(5) 美國生蠔(好肥美,好新鮮)!這一餐同事真是沒有介紹錯給我,埋單$456

這裡燈光很暗, 所以情調也算不錯, 不過感覺上是老式餐廳。我們二人叫了酥皮海鮮湯, 燒羊鞍和意大利雲吞。酥皮海鮮湯是我的推介, 因為雖然是忌廉湯, 但卻不似一般餐廳很像用罐頭忌廉湯的感覺, 口感比較清而又有海鮮的清甜味。而燒羊鞍的份量比我想像中多, 兩個人吃己經很飽。而味道和成熟也合我意。不過意大利雲吞就比較差, 煮得太冧了…一點口感都沒有….真是紅螞蟻都煮得好佢好多。

一間意大利餐廳掂定唔掂, 只要試下個意粉就知.呢間餐廳o既pasta 好有茶記feel,肥嘟嘟,淋淋地, 一d都唔Al Dente.最得人驚o既係, 個Carbonara裡面竟然會有大量碎濕濕"熟"咗o既蛋白同蛋黃!咁o既價錢,去Pizza Express好十倍.

燈光很暗, with candle. Toilet is 茶記feel.Oyster Soup and Italian Vegetable Soup - 足料,味道OK. 麵包- Rubbish, waste of time蜆肉墨魚汁意粉- 都有D香, 味道OK四季pizza - 麻麻, 好pizza hut 小小Tartufo - OK.Conclusion - 唔算得上好食, 好豉油西餐廳小小, do not mention the word "authentic". I like the expression "怎樣的價錢就會得到怎樣的水準".

Went there because of the Italian and hopefully it was authentic. the smell of the pizza was lures people in to have a bite.we ordered a four seasons pizza, a bruschetta, a tivoli fettucine. Apart from the base of the pizza being thin, the rest were really ordinary. the pasta was merely a few ham with some vegies and olive. the presentation wasn't inviting at all as well as being slightly salty. the four seasons pizza - tasteless. Bruschetta- nothing but just two pieces of 4 foot bread with some

說了好多次也說來這裡吃意大利菜, 直到今天才有機會品嚐一下, . 去到門口, 看見個亞姐正在撩牙, 還以為去錯了地方又或者已經關門. 我們點了一個辣腸pizza , 一個蜆肉墨魚汁意粉, 一個海鮮湯再加一個酥皮海鮮湯, 兩個湯的味道也好好又足料, pizza 好香口, 意粉就非常不掂, 個汁做得不好, 味道又不夠, 好像和蜆肉撈在一起就算, 比茶記更差. 服務除了年紀比較大那些waiters 之外, 其他也是馬馬虎虎, 特別是在收碟的時候, 好有茶記feel, 全部碟放在一起拿走, 如果真的是意大利餐廳, 應該不會這樣吧!

同朋友一行2人,食左1個頭盆,1個意粉,2個甜品...炒白菌- 味道一般,有雜菜絲係底都幾特別,如果加埋牛油同蒜蓉就更開心(純粹個人喜好)...蜆肉墨魚汁麵- 麵好有咬口,都幾香,唔油... 味道ok,不過唔算得上好好食...呢間餐廳既甜品比以上兩款菜式更為吸引!橙酒煮班戟- 味道ok,粉唔厚夠滑,橙酒汁令班戟充滿香味,不過賣相麻麻,冇一般班戟有既紋(平時食既班戟印象中有架嘛),同埋冇裝飾,我地諗住有新鮮橙片加薄荷葉伴碟架! Cassata - 成餐飯最滿意呢個甜品,真係好好食,滑滑既雪糕加少量乾果,正呀! (呢個甜品我畀5分)如果下次再黎呢度食,都係因為掛住呢個甜品! 至於服務方面,都ok呀,冇咩唔妥當...相片影得麻麻,因為未習慣用部新相機^^""

一心去食正宗意大利,因為有個朋友話OK, 裝修的確幾特別, 重有Candle, 坐底一睇Menu, OK喎! 幾多選擇, 最後order左, onion soup, 牛尾湯, Garlic bread with tomato, 辣汁意粉, 芝士火腿雞扒....當叫個onion soup, 問左個waiter兩次, 係唔係有cheese 係面,然後焗,確定後我先order..因為我非常鐘意onion soup....結果失望, 兩個朋友都係外國回流, 一睇就知原來尼間係茶餐廳......湯上面真的有芝士,但係唔係Mozzarella, 而係普通樽裝芝士粉. 如果鐘意onion soup的人就明白我失望的原因, onion soup最基本的材料都搞錯.湯本身味道麻麻, 唔係好夠味.我朋友飲左個牛尾湯, 佢冇講好唔好飲....到個garlic bread, 我女朋友是對食唔講夠的人(但很懂得西餐), 一見到就話快D食, 食完去飲Wishky...一堆罐頭蕃茄放係一個很大的餐包上, Frech Bread很貴嗎? Herbs很貴嗎? Basil街市都有啦!!!個Pasta, 水同意粉同汁係分開

尋日同個朋友補祝生日,決定book呢度.兩個人都未食過呢間意大利餐廳.早一日book,順利book倒7pm門面就普通一間餐館,入到去原來幾ok喎!幾有外國風情,暗暗底下有燭光.好warm.可以清楚見倒對方個樣,亦可以清楚聽倒對方講乜.我冇特別要求台既位置,去到佢留左張最埋同貼牆既四人台比我地兩個.感覺唔錯自成一各.食物方面,叫左:一個晚餐:1.包括一個餐白湯(唔係忌廉湯但冇寫名,ok,可以再濃d)2.主要係蕃茄同蝦既意粉(ok,蕃茄新鮮)另外再散叫左:3.蜆肉湯(幾好.料好多,味道幾好.飲左佢都飽左三成.不過如果個湯好飲,其實我prefer多湯少渣)4.四季pizza(麻麻la,面層既料用唔平均既方式分佈,即係有兩塊係有火腿,漸進地下兩塊有磨菇,然後又有洋蔥.四個漸進式既用料,就係四季pizza.但個感覺係料同餅底分開左,而餅底都幾硬)大致上既感覺都幾好.對我黎講,兩個人食飯環境都幾重要因為一路食會一路傾計.環境好都開心d.而食物就冇覺得好好味想食多次~anyway我都覺得係聚舊推介.最後服務都幾好.主動加水.食得輕鬆.埋單$306

今日男友生日, 見呢間意大利餐廳既評語幾好, 就book左位同佢去試下, 但係無我想像中咁好:- 因為唔係好識去, 所以去之前打定電話去問點行, 點知聽電話個男人d態度好差, 未講完就cut左你線, service唔多店.- 叫左個焗田螺, 麻麻地好食, d田螺有d"鞋"- 另外叫左個蜜瓜巴馬火腿, 呢個OK.-仲有叫左個魔鬼雞扒, 都係麻麻地, 雞都係有D"鞋"(P.S. MENU裡面大部份都係牛扒)-仲有叫左個公司PIZZA, 呢個OK, 不過餅底太脆. 鍾意TOMATO既朋友可以試試, 因為蕃茄味都幾重. (材料大部份都係SEAFOOD)最後叫左個DESSERT, 一件TIRAMISU 同一件TARTUFO, 我覺得件TIRAMISU一般啦, 無想像中咁好食, 個TARTUFO (CHO. CAKE) 好食D, 個WAITER都介紹我地食, TARTUFO比較多人ORDER.總括來講, D服務麻麻, 食物都可是接受, 有興趣可以去試下~~~~~~~~

好彩有BOOK 位, 8:00PM 入到去嚇親我,(星期一平日) 得返2個位???(仲要係我BOOK 果2個位), 激氣! 下次想食要早D 去!頭盤煙三文魚$75 得3大片, 比先前失色四季PIZZA 又失色了, 偏乾!叫了果牛扒, 有2款果名唔記得了, 只知一個係蒜容只一個係鵝肝醬, 2個同價! 梗係叫鵝肝醬啦還叫了果餐牌冇的波菜石斑(上次黎先知可以幫我地整) 果經理話可能要等耐少少,結果好快十分鐘上到枱了! ..超正! 4樣野埋單$510,抵, 不過今次坐得好唔舒服, 仲有待應叫極都冇人認!

難得嘅浪漫平安夜,想與女朋友共享晚餐, 朋友介紹此餐廳時, 都抱有懷疑態度, 於是在平安夜訂枱一試. 全餐廳都是雙雙對對的情侶, 在燭光下, 溶溶細語, 非常浪漫, 女朋友不知幾開心又甜, (誰說多香港人嘅地方一定嘈吵). 食主菜時, 燒火雞胸配約克火腿, 不錯的配搭, 同時亦點了一瓶生果酒$110, 不錯. 值得一讚是此處員工絕不Hard Sell酒水，免得有些不想多花費的客人尷尬，（之前去過一些餐廳hard sell 酒水飲品，非常煩又尷尬．）