Tivoli 意大利餐廳

Open Now

Now Closed

昨晚食了, 環境係ok, 都好mood, service 都唔錯.. 唔係話d 食物唔好食, 而係好特色..叫了兩個湯, 羅馬蛋花湯, 波蛋雞湯.. 真係好一般, 樣都唔靚. 叫了意式海鮮大會, 有prawn, squid, 魚, 同青口. 都新鮮, 魚口感ok. 但係點解係意式? 看不出... 四季piazza 都一般, 餸同餅係分離的.. 同料係d cheap 野.. 味可以啦.. 叫了chardonnay house wine...一句, 地方law.. 但好過佢\又有好多呢..所以唔會再去.. 最差係唔覺自己食左意大利野...

星期日同J訂了枱來吃個我倆的記念日晚飯，我們七時到達，入到去都有七成滿。店內都頗暗，每枱都有臘燭，好似好有氣氛咁，但感覺上那些侍應都唔係好熱心及熱情款待，招呼好似茶餐廳咁，令人有d失望。由於見咁多好評，我地今次先會選這裡。我地叫了以下幾款(未上菜前的餐包凍冰冰好難食，牛油就唔錯)：生蠔菠菜湯：味道ok，但不值$65一碗。四季pizza：味道只係過得去，尤其凍了就好硬，唔好味！煙肉蛋意粉：估唔到係炒的，即係煙肉炒蛋咁，好普通，仲頗油添，但份量都頗多！特式沙律：好似普通薯仔雜果沙律咁。整體都係比想像中差，唔值來這裡吃意大利餐，食完都唔覺得食過意大利菜！

although they daily lunch special has only 2 options and set lunch choices are limited, you would seldom get disappointed esp with their cheap rate at lunch time. Their pork chops with rice is usually good.

好正, d白菌好鮮甜~黑mama的環境都好正~不過我食唔慣呢d野, 唔係幾識點送!呢碟野...8十幾蚊呀!

昨天是這2次來這餐廳吃晚飯，點了生蠔菠菜湯、焗酥皮湯、四季pizza、羊架、意大利飯、Tartufo。生蠔菠菜湯：生蠔很滑焗酥皮湯：酥皮好味，不過如果蝦不是雪藏蝦會更好四季pizza：脆、多選擇羊架：價廉物美，很juicy意大利飯：不過不失，太wet，而且海鮮並不算新鮮Tartufo：讓人回味總括來說，價錢合理，服務不錯，無論gathering或情侶談心都ok，味道方面，個人認為ok。

男朋友生日, 又見呢間餐廳多好評, 所以就揀左呢度喇.兩個人叫左好多野試:半Liter Sangria: 果味太重反而冇咩紅酒味巴拿馬火腿伴哈密瓜: 好甜既密瓜^^ 同埋加左黑胡椒既火腿好好味~焗田螺: 田螺唔係一般既罐頭螺肉, 好有口感, 不過可能我食慣左罐頭既, 反而唔係咁鍾意酥皮海鮮湯: 個酥皮好似菠羅包咁, 好香好熱好多海鮮係入面~凱撒沙律: 真係好難食/_\ 的生菜好似椰菜咁, 同埋個汁唔好味燒羊架: 按侍應既提議叫七成熟, 真係好好味, 一的都唔騷, 雖然仲有血水但係好有肉味. 特別係佢有蜜糖汁揀, 唔駛一定要薄荷汁, 真係岩晒我~四季Pizza: 好薄好脆, 味道不俗!Tartufo: 食唔落太heavy既火焰雪山, 就叫左呢個雪糕甜品, 都好好味

十一月份同班姊妹黎開飯. 因為過左幾耐囉. 其他野冇乜印象. 但最有印象就係個羊扒. Juicy, Tender, 除左一點點的香葉之外食唔出有加其他任何調味已經好好食.各位食家有機會去必叫~

我鍾意佢地個酥皮海鮮湯，正~~墨汁意大利粉更加好！牛扒就一般啦。o係度食個燭光晚餐氣氛實在唔錯。還有，這兒的服務係好的。老板很好人很健談！聽聞羊扒唔錯，下次我要試下。P.S.如果怕燒到頭髮....點解唔吹熄佢呢？

環境尙可, 但點著左的蠟燭都幾危險, 好易會燒到頭髮, 服務都幾好, 不停refill暖水, 食物就一般, 同一般西餐冇分別, 而份量極少, 我地6個人食個6人餐, 每人每度菜都只可食少少, 根本唔夠飽, 而價錢都唔平, 所以食完之後要再去第二個地方食過

昨日與兩位朋友光顧此店, 因懶得看餐牌點菜, 乾脆要了一個四人餐. 食品包括餐湯, 菠菜煙肉闊麵, 白菌燴牛柳, 海鮮燴茄子及火腿菠蘿pizza.每道菜均味道不俗, 特別值得一讚的是pizza,令向來不愛薄批的我也完全改觀. 這個套餐價錢只需$328(不包飲品)或$408(包飲品), 分量不算很大, 我們一行三個女子也可"清枱",相信四個人會比較勉強, 不過若衡量價錢與質素, 仍算相當超值. 該店環境甚佳, 每桌點起蠟燭, 頗有情調, 即使昨夜全場滿座, 也並不嘈吵, 是談天敍餐的好選擇.此外, 更要大讚的是該店服務. 除了經理懂得跟食客打闗係外, 連侍應生都能一一記下每位食客的喜好. 例如我們三人有的喝冰水, 有的喝熱開水. 用過餐後, 桌上的水杯已空空如也, 不能分辨哪一杯是冰水, 哪一杯是熱開水. 然而侍應添水的時候, 竟能準確記得每個客人的喜好, 這份細心, 值得加分!

餐廳用燭光點綴,環境尚可.推介燒羊架,色香美味.法國田螺,大粒美味,薯蓉香滑Tiramisu,有別於一般餐廳,是從意大利運來餐廳經理及部長介紹詳細,還介紹美酒,態度誠懇.

一入門口覺得間餐廳好好feel, 點晒candle咁, 唔錯! 我同一朋友叫o左個二人set, 跟住再有個朋友o黎就埋就叫多個pizza. 整體o黎食品講都ok.

小第生日, 在唔知食咩好的情況下, 突然醒起呢間野...去之前無做到功課, 淨係記得食四季Pizza, 同埋T字頭的甜品=.=好彩有book位, 上個Friday呢度full house, 又見唔到傳說中好熱情的經理...所以睇menu都睇左好耐...期間有個waiter行過, 介紹個2人dinner set俾我地, 我話想食四季pizza, 佢就話咁叫個2人set加個四季pizza囉, 我心諗...痴線, 食得哂咩!!? 就話得啦睇睇先...Starter: 義大利雜錦頭盤$65只得四塊火腿(唔太特別), 兩粒茹, 小小吞拿魚(同罐頭果d無異)...心諗不妙...Main Course:火腿芝士釀雞胸$121 - 叫的時候見menu上介紹了這道菜是用上一d我唔識的cheeze及ham, 所以叫左...效果很出色, 連唔多食呢d野的GF都可以KO一份, 伴碟都唔差...四季Pizza $70-->$26 - 今日睇番食評至知做discount, 當時完全無waiter介紹過, 唔怪得之之前個waiter唔理我...anyway, 個pizza味道唔差, 每拿起一件都有一個主題味

同另外兩個同學仔o黎依度食飯，一去到，因為有燭光晚餐，裝修又懷舊，感覺都幾好~ 　我o地叫左一份Tendorlion & swiss pork chop，又叫左特價o既$26四季pizza~ 牛柳同豬柳係普通水準，冇乜特別，反而係跟餐飽o既咸牛油好好味!而四季pizza就唔錯，質感好好，如果芝士再香少少就更好lu~　主菜後，我o地又叫左兩個dessert. Tiramisu賣相好好，又有酒味，但suppose係軟棉棉o既芝士雪得太硬，扣左分...反而另一款椰子雪葩有驚喜，既有雪糕o既軟滑，又有椰子清香，有特色又好味!　最後，加上一杯熱咖啡（好飲），完成好嘆o既一餐~ 如果主菜改善下，會更抵食~

生日正日o個日黎食飯. 平時行過呢間餐廳唔覺咁多人. 可能近排OPenrice 多左食家留言話呢度正. 所以o個晚係Full House~一坐低叫了Caesar Salad, 菜鮮脆.Portion 唔係細; 蒜蓉飽一客6件.又熱又香. 一次過三塊都唔夠皮.Lasagna. o係HK食咁耐以黎. 除左SaiKung個間Pepperonis做得夠正宗之外. 呢度都有九分半. 一Pat Pat 個下feeling 先正嘛. 又夠Sauces.Sauces 又夠鮮美. 肉粒彈牙. 又多層Pasta. Cheese Rich. 一個人KO一份都唔夠呀~Four Seasons Pizza. 條邊失左手. 黑了1/4 個總面積. 脆餅底. 我都係鍾意Traditional 個款, 即係CPK 的厚度. 縱使餅底Light 一點. 但入口個下唔夠質感~ Dessert 叫了Tarfuto. Well 因為HK唔係好多地方食到. 我唔夠得過甜. (話明甜品. 夠甜係正常~)最欣賞係Choco Chips. Fit 晒我~Iced Cappacino. 成五十大洋一杯. 不過少得可憐. 用香檳杯裝上檯