Tivoli 意大利餐廳

Open Now

Now Closed

之前都係睇左網站介紹呢個餐廳,講到有幾好幾好食!尋晚專登去試一試,我同男友無叫套餐,先叫左一個辣味腸薄餅加6成熟既免翁牛扒!職員問要否加湯或沙律,我地話唔需要,只係想睇下食物既大小再決定是否添食,但職員即時黑面走開,我都唔知點解D人會覺得呢度似高級既餐廳,我淨係覺得間鋪好舊!食物上得好快,兩樣都差不多時間上菜,可惜PIZZA好多油,牛柳碟上係正常,不過成隻碟仲有好多血,攪到好嘔心!成碟血水你叫我點食呀!不過D牛柳都幾林!之後再加肉醬意粉,肉醬都幾好食不過意粉唔得,因為都未熟透,仲係好硬身,失敗!個個職員都係無禮貌一D笑容都無,埋單一句多謝都無,咁既食物質數咁既環境真係請我都唔會再去!

已經有五年沒幫襯過了,整間餐廳的變化不大,依然係環境好,服務一流.和朋友一行三人,叫了二人套餐,另叫了pizza和甜品.pizza好有趣,每一slice上面放不同的料,間住間住咁,好得意.意粉入面的蟹柳絲非常多,啖啖都係蟹肉,真材實料.鴨胸同沙律都新鮮又好味,唯一美中不足的,係餐前的麵包硬了一點.前後兩檯勁嘈,高談闊論,明明係黑漆漆好有氣氛的高級意式餐廳,忽然變成了必勝客~唉~~洗手間同廚房都好乾淨,食得放心.

又是老西,有別波士頓或金雀,這間比較多一點"異國風情".同行友人說,原來十多年前已來過.一直過門而不入,小弟十多年前也常在這一帶打滾,不過只能圍繞著恆豐商場的Green Peace,People Are People,甚至百利等昔日"聖地"來轉.真正"名字圍身".可能時間尚早,中午時段食客未算多.裝修如古堡,幾有情調,友人說十多年如一.乾脆要個午餐,我個牛柳絲意粉,擺明居馬為港式之產物.吃落又幾好味,同年前在皇后吃過的港味俄國貨差不多,分別在色水有所分野,意粉質感又沒有港式老西的通病-淋到一劈野.餐湯為青豆忌廉湯,應該非罐頭貨,青豆打成茸,再加忌廉去煲,飲落豆味清香,忌廉味亦非一味得陣死奶油味.友人的菠菜石班,淺嘗少許,味道也不錯,起碼菠菜新鮮,石班肉亦非死實.不知道晚市如何,單在午市來講,如果你非執著要求正統西味,坐在這間如古堡的老西午飯,感覺也挺不錯.畢竟,你所付出的,只是區區四十大元..

一行10人，慶祝朋友生日順便聚舊，由於佢地食物大大碟可以一齊share、又有免費麵包布甸俾壽星女，所以揀左呢度。今晚好唔開心，無蠔杯食，諗番上次食既時候隻蠔大到好似想喺個杯度走出黎既樣子，今日好失望呀~~~~~但好彩都食到meat platter，有我喜歡的燴牛膝和羊肉腸！^o^整體而言，黎左5次，食物都保持到水準，服務也是，沒有叫人失望，只是可能聽日係假期(24/5)，未到交枱時間，侍應就很不識趣地送上賬單，未能盡興！

冇食到佢既午餐. 分開點左焗田螺, 蜆肉墨汁意粉, 公司pizza同火焰雪糕. 兩個人食左$300.焗田螺: 幾香幾好味, 但都幾油蜆肉墨汁意粉: 味道幾好, 蜆肉幾大隻, 但都係有d油公司pizza: 普普通通啦火焰雪糕: 見佢淋d火焰落d雪糕度幾得意總括黎講味道都幾好, 但就覺得偏貴啦.

母親節前夕與媽媽一共4人去了兒時常去的Tivoli意大利餐廳。差不多20年無到過了…從前在附近的餐廳變得就變，摺得就摺，幸好還有這間可以逃過沙士一役，讓我重溫兒時在此的歡樂。我們訂了7:30枱，好在先前訂了枱，因為8時許已座無虛席。待應態度親切殷勤，不停問我們食物到齊沒有。有點uncle feel，豐富的晚餐菜單如下：1. 周打魚湯== 好味，有大量魚肉，湯內還放上海鮮形狀的餅乾。2. 龍蝦湯== 味道濃郁略嫌鹹，但材料十足。3. 麵飽== 一般送湯的法飽。4. Sangria == 紅酒內加入生果，味道不錯。5. 芒果大蝦沙律== 芒果唔酸且甜，大蝦新鮮爽口夠大。6. 意大利腸pizza -== 皮脆且薄，但味道一股。7. 蜆肉墨汁意粉== 味道一流，蜆肉大隻鮮味，意粉彈牙。值得一試。8. 羊鞍== 鮮嫩唔羶，抵食，推介之一。9. 焗雪山== 正！兒時見到隔離枱食，一真等到20年後才可一嘗。外形像一個生果蛋糕，內裡有雪糕，蛋糕，蛋白。上枱時加上有火的酒及朱古力醬…20前的情景活現眼前。

中午來到這間位於學校附近，有好多好評的義大利餐廳。平時見她好像好高級，是食唔起的，點知見餐牌才四十元左右，便入內試試了。心大心細，樣樣都想試，見葡國雞最便宜，就試試~~先上的羅宋湯非常不得了！除了味道剛好，微濃之外，身為配料的蕃茄竟然是新鮮貨，和媽媽在家中整的一模一樣！先是湯的驚喜，後是主菜美味的醬汁~~香香的，不濃不淡，不像平日餐廳的一般貨色。有點失望是雞肉有點『鞋』，應該是雪的吧！環境少少黑，好多是一家大細來的~~服務態度除了好之外，每人都是細心的把餐具、餐巾、椅子放好，等待下位客人。從細微的事情，便反映出他們認真的態度。

記得細個既時候都曾經食過, 今晚有機會再嚟...先嚟四片法包, 因為冇烤焗過, 所以好UN.意大利什錦拼盤- 兩塊凍肉下面有生菜絲加吞拿魚醬, 普普通通, 感覺上好唔底食!四季什錦薄餅- 薄餅約6吋, 餡料有火腿, 意大利腸, 磨菇, 洋蔥, 上面舖滿了芝士再加上脆脆餅底, 好食!焗意大利麵皮- 每一層麵皮加上肉醬, 上面有厚厚的芝士焗製, 可惜肉醬唔夠酸.服務唔錯! 但環境比較嘈雜及厠所比較濕滑...

前幾天跟朋友到此晚膳。這是第二次光顧這家餐廳──每次經過，總是會被他們入口旁的大烤爐和烤爐傳出的薄餅香氣吸引，每每希望有機會便要前來一試。根據第一次的經驗，雖然這兒的口味並不十分正宗，但還是值回票價的；然而，最近這一次經驗，只可嘆句「今非昔比」。我們點了鮮蕃茄蒜茸包、辣汁通粉和海鮮薄餅。鮮蕃茄蒜茸包先到，我們大眼瞪小眼──那是半邊約十厘米長的法國麵包上灑滿了略炒過的蕃茄粒──承惠四十二個大洋。麵包切開了四段，每段一吋長的麵包便要十元。蕃茄粒只是用橄欖油和一些很普通的瓶裝香草炒過，蒜茸不過是蒜茸牛油，麵包是放久變硬了的普通港式法國麵包──究竟憑什麼那樣矜貴？辣汁通粉上桌，我們又是一陣傻眼。那長通粉不過是用清水煮了以後便上碟，然後再淋上「辣汁」，這便是廚師推介、承惠七十二個大洋的「辣汁通粉」。看著碟緣既乾且白的通粉，我想起了茶餐廳的「叉燒湯意」。那辣汁用蕃茄、青椒、辣椒仔等煮成，味道和辣度跟辣椒仔相若。如果我是廚師也會推介──因為易做。最後是約六吋大的海鮮薄餅。這個看來比較像樣，但上桌時一陣奶味傳來，心知不妙。所謂海鮮，其實只有蝦和魷魚，在最底的，是大量的磨菇，而薄餅的表面，是很大一灘像棉

有一排無食過西餐, 今日好想食, 所以叫bf唸下…o係無心理準備之下, 佢帶左我去tivoli, 7點左右, 都開始多人, 裡面既裝修氣氛都好傳統, 應該都”靠得住”.我地叫左:1.菠菜生蠔湯好似creamy既湯底, 好多菠菜…..gd.2.焗洋蔥湯好tradition, 好多好濃既洋蔥, 啱晒我呢個洋蔥怪, 仲有一片焗得好香既cheese o係面…fantastic~~~3.凱撒沙拉一般, 但d 材料好新鮮.4.四季pizza呢個好正. 佢係近門口有個爐專整pizza, 而佢係一d 傳統意大利好薄好脆既底,, 讚!!!四季係一個pizza 內有4種味道. 意式腸, 洋蔥, 什菌同火腿. 真係一次過滿足晒4願望~~ 芝士好香, 唔係一般pizza hut　食個d Mozzarella , 係加左一d野, 仲香d~~5.鮮茄什菌天使面好多汁, 點解呢? 原來係唸住等一陣d面會索下d汁, 咁就唔會乾晒塘啦~~good!!!值得一提, 佢s白菌係好新鮮, 唔係罐頭, 好味呀.而D天使面就煮得啱啱好, “AL DENTE!!!”

Okay larrr.one set dinner. no choice. but the good service can compensate that.a very traditional restaurant.plus the price is low.if you want really great food and supa good service, this is definitely not the choice. but if you want a cozy one with a relatively low price, this is a bargain for sure.the environment is better than i thought. (better the the appearance outside)

環境給人一個優雅的感覺. Lunch 點了西班牙豬扒配飯, 餐飲冷熱同價, 點左熱檸茶. 每人兩塊法國包, 冇烘的但有很特別的牛油俾你搽. 羅宋湯唔會好咸, 味道不錯. 主菜西班牙豬扒很鬆化同入味, 個汁都煮得幾好.

本想來此restaurant同我的老公仔食dinner，但一睇個餐廳的環境巳覺不妙，可能同年齡有關。餐廳的陳設像五六十年代的美式餐廳，昏黃色的燈光，沒有特別的裝潢，感覺很平實，而waiter的服裝更是帶點陳舊的黑色西裝配白恤衫，年紀較成熟，但坐位編排比較迫，餐牌亦已殘破。由於感覺太老套，結果沒有惠顧，所以不能評價食品。但就環境而言，則較適合45-60歲的一群。

經常路過的餐廳，3點左右一定見到人猜麵餅做pizza，對偶來說，是甚為吸引的環節，是日到附近搞點私事，打定主意試試這裡的出品。格局似舊式西餐廳，牆上吊著砵酒樽，氣氛十足。本打算叫pizza試試，想起喉痛未清，只好點個意大利粉，聽經理說番茄雜菜意粉是用車厘茄做，心想$48真的有車厘茄是賺到，無的話亦無蝕，就看看是什麼料子。要了青豆湯，忌廉加青豆蓉，送埋腸仔，半中半西，豉油餐廳規格，而餐包，冷冰冰，幾無心機，反而牛油做到螺旋形幾得意。試試番茄雜菜意粉，港式做法，煮熟的意粉撈上用蒜蓉炒熟的番茄及雜菜，加上香葉而成，水汪汪，味道同賣相認真麻麻，惟一值得慶幸的是意粉煮得剛好，唔會過腍，吃了7成。說回頭，這碟番茄其實是普通茄，非什麼車厘茄。餐後的咖啡，是本地罐裝咖啡粉開的，一般茶記的水準。論食物質素，認真一般，但會再來試試這裡的pizza，有專人猜的餅，衰極有個譜，加上，半吊著的砵酒樽，亦是值得再試的原因之一。

First of all, I really apprecaite everyone to put their comments here... so that it makes me much easier to decide where to go with my friends. Furthermore, I found that those comments are very truefull and accurate.As many guests have mentioned the Mango Prawns Salad was good... the dreassing is not so rich, and the portion will definitly be enough for 2. Nice presentation... prawns were all hidden inside managos (Yes, two mangos...but actually...one cut in half and make it looks two.)Risotto