土司工坊 (荷里活廣場) (Closed)

喺荷里活廣場買完衫，三個人去食個下午茶，行咗一個圈都冇咩心水，好耐冇食過Toast Box，4:30 左右到達，揾到位就去排隊買嘢，大約排6個，都有等咗10 分鐘以上。間嘢可能係冇人洗餐具，餐具位置除咗刀，就得返一隻筷子。唯有拎外賣餐具用。放餐具位置都幾亂幾污糟，好多已用嘅嘢係枱面。講返食物，叫咗1）喇沙套餐$66 凍檸茶走甜+$4 喇沙湯底唔香，米線淋到一pat pat ，蝦就肯定雪藏貨，仲要係質量差雪嘅藏貨，完全冇味，係一舊爽口嘅唔知咩物體，如果瞇埋眼食一定唔知係蝦。魚片冇味，係雞蛋豆卜好啲，唔係好味，不過正常。凍檸茶茶色好渾濁，味正常。2）肉骨茶配白飯（特價$48）凍檸茶走甜+$8冇咩味架，得兩件肉，都幾大件，但唔香 ，冇肉味，湯底都冇香濃或清甜感覺，一定要點豉油食，好似食湯渣。3）斑蘭蛋糕（$16）冇斑蘭味，似紙包蛋糕4）薏米水（特價$10）叫咗多薏米都係好少薏米，睇住佢裝1/3杯薏米水再溝滾水，真係薏米....水囉。好懷念以前池記果啲薏米水，有薑有蜜棗，薏米又多。5）加配小食雞扒同雞翼（各$10）成餐最好食嘅嘢，竟然係最平嘅加配小食，雞翼同雞扒都係正常，正常我都當佢好食，因為

週末想食個香口惹味嘅湯麵，就喺商場入面揀咗間星馬style嘅toast box。當日試咗個喇沙米線加杯拉茶。今次呢碗喇沙質素很一般，可能因為店內人數有點多，職員想盡快出餐而忽略食物質素。首先，喇沙個湯底相對地較辣，因此遮蓋咗喇沙自身應有嘅椰香味，而且湯嘅份量亦相對地小。至於米線嘅軟硬度亦偏向較硬，大大降低咗整碗喇沙嘅質素。幸好，杯拉茶就保持到水準。即使拉茶相對偏甜，但仍品嚐到當中的茶香味，未至於大失期望☺️

工作人員帶情緒做嘅早餐！通宵工作員收工返到荷里活，由於太攰啦諗住食咗早餐返屋企瞓覺。飼養套餐嗌咗兩隻溫泉蛋加咗一個麥皮一杯熱檸水。等咗約8分鐘，肚絲做好啦，叫我啲Number去攞餐。我行咗去只見土司擺喺個紙袋度，見啲人望緊我要再等多左約2分鐘，負責沖野飲同埋皮的工作人員一個字一個的點餐，缺沒有幫我衝嘢嘅意思。我忍唔住就問佢可唔可以幫我沖左野先，我啱啱收工好攰。佢第一次回應我話等多陣，我又繼續等咗約兩分鐘，真係企到腳痛啦，又去問佢可唔可以幫我衝咗嘢先我好攰。佢第二次回覆我話要等多3分鐘，溫泉蛋未得，叫我轉熟蛋也就係煎蛋，我話之前點解唔同我講溫泉蛋要現做，要等咁耐。我見入邊有一隻溫泉蛋，朝早又唔想食煎蛋，所以就問佢，可唔可以一隻溫泉蛋一隻煎蛋。佢就開始發脾氣大聲嗌同事攞一隻煎蛋，開始幫我沖麥皮，期間麥皮倒瀉咗，佢拎起個杯，繼續加水咪補番啲麥皮落去我都算啦冇出聲。沖嘢飲嗰時，沖左杯奶茶，我提醒佢我要嘅係熱檸水。返到去打開睇隻煎蛋令人好冇食慾之外，隻溫泉蛋更加讓人倒胃口。唔知佢隻雞蛋係咩雞生嘅，隻雞仲嚟緊M咁。

睇戲前想食少少野墊底，想起吐司工房既咖央多士。進入店內先量體温然後自行揾位，再去排隊落單，點了牛油咖椰士司套餐及肉鬆厚土司套餐。牛油咖椰士司套餐 $38多士內塗滿厚厚咖椰醬及一片厚牛油，未食已充滿罪惡感，一啖咬落去脆卜卜，好香椰香味，同男友分享一件以減低罪惡感，套餐另配有煎蛋兩隻。肉鬆厚土司套餐 $38厚土司塗滿煉奶，上面勁多肉鬆，甜美煉奶同咸肉鬆咸咸甜配搭不錯，而且肉鬆份量超多，土司預先切成小塊，相當貼心方便進食。餐飲熱奶茶，香濃茶味，不過用煉奶略為太甜，下次叫少甜會比較好。

以前好鍾意食Toast Box， 覺得佢嘅多士好好味，尤其係咖央多士今日來食早餐， 見佢個醒神早餐做緊特價$40連飲品， 所以就試咗早餐如果飲品係美祿或者好立克，係要加$4， 我覺得加$4玩美祿或者好立克唔係咁抵，所以揀咗熱檸水就算熱檸水有兩片檸檬，不過唔苦，都okay醒神早餐，有兩片多士， 煎蛋，有茄汁豆，另外由香腸煙肉同火腿，三選二， 我揀咗香腸同煙肉多士質素我覺得比之前退步咗，我覺得係佢個麵包唔同咗，比之前難咬 ， 同埋少牛油煎蛋係麥記豬柳蛋漢堡裏面嗰個蛋嘅款式. 味道okay. 但個人比較鍾意食只煎半邊的太陽蛋香腸幾好食， 煙肉就麻麻， 無乜煙熏味總括來講， 全個餐不過不失， 無乜特別

集團式餐廳依間好多分店，而依間分店坐得較寬躺除左晚市、午市較多人其它時間吾需等位太耐，堂食餐枱、樓面衛生較乾淨，食得安心先推薦餐廳必食喇沙海鮮麵🍜除左濃濃喇沙湯底外，碗麵配料好足，配麻杯飲品收費吾會太貴，平民餐廳價錢碗裡有大大粒蝦🦐同入晒喇沙湯底味豆卜，以喇沙湯底比較吾會過咸或太濃，有喇叭風味餐廳除左喇沙湯底粉麵外，仲有藥膳湯底、飯餐等；平民餐廳餐牌選擇不少收銀與服務員有禮貌，落單清晰，回覆客人清楚快捷，集團管理不錯

因為有土司工房$50現金券，所以幫襯下佢嘅早餐。土司工房嘅早餐定價都幾高，一個三文治加兩隻蛋同嘢飲都已經要三十幾蚊，見到醒神全餐有優惠$40，所以叫咗兩個外賣返屋企食。醒神全餐$40- 本來原價$48，而家$40感覺比較抵食。全餐入邊有煎蛋、蕃茄、茄汁焗豆、香腸同埋多士，我揀飲熱檸茶。其實早餐質素同普通茶餐廳差唔多，煎蛋蛋黃比較熟，冇流心嘅效果，同埋多士係超薄，有少少失望。如果冇現金券，好大機會都唔會買呢度嘅早餐食喇。

今日（28/8/2020）路過此餐廳，見有多人等候，咪八吓，門口有張海報，見星洲叻沙買一送一，當然唔會放過這機會啦。點了二碗叻沙，另加了二杯凍薏米水，埋單只係$80，好抵食。叻沙份量都好大碗，配料亦十分多，有五片炸魚片，三隻蝦，四個豆泡，半隻蛋及芽菜，叻沙湯底好濃，亦很辣，餐廳冷氣不足，邊食邊抹汗。兩杯凍薏米水，其中一杯飲到最底，見有一塊白色既野，軟軟地，唔知係咩，咪走去問侍應，回覆是薏米水放涼後，面浮起的一層衣，既然是層衣，為什麼唔處理，令食客擔心。

喺疫情之下，好多餐廳都做緊各式各樣嘅優惠，而呢間都唔例外。今次我就嚟到位於荷里活廣場嘅吐司工房食下午茶。1. 芝士豬扒炒公仔麵個賣相都幾好，公仔麵又有豉油味，個麵底以下午茶來講，份量都合適，芝士汁份量又適中。但我認為豬扒嘅炸粉略為厚咗啲。2. 熱奶茶我覺得熱奶茶係值得推介嘅，同出面嘅茶餐廳有少少分別。茶味好突出，飲落去係滑口嘅。3. 炸魚蛋魚蛋彈牙有咬口，又唔會熱氣。其實特色同質素又唔算彪炳，係嘢食來得都好快，係快餐之選。但當日見咗好耐都冇乜人去執枱，所以如果隨便搵個地方落街食嘢嘅話，都不過不失。

鑽石山的荷里活廣場泊車優惠頗多的，週末有點時間過去逛逛，消磨一下時間又到了晚飯時間。眼看土司工坊有些堂食的超值優惠套餐，便決定試一下！星洲叻沙套餐（$56）原價$66，包飲料。一來到我就發現湯變好少，很淡，後來加了很多辣椒醬才挽回點分數，可是也整個不想吃了。芝士雞扒撈麵套餐（$52）原價$58，撈麵稍微偏甜的麵質還不錯，不會太軟。芝士其實只是芝士醬，有點失色，反觀雞扒肉質不錯，也夠惹味。兩杯飲料都要了熱奶茶、偏甜但好喝。另外加了炸雞翼（3pcs）及香汁油麥菜，都是+$10。雞翼偏硬，很一般；油麥菜變了生菜，調味欠缺。感覺失色了很多，就是辣椒醬勉強挽回了點分數。

疾情嘅關係，睇怕有排都冇機會去旅遊，為咗一解同班 #新加坡朋友 群思之苦，呢日 #小秘書 決定去 #吐司工坊 搵啲地道美食，就當止嚇痕都好吖🤣咁啱呢排 #吐司工房 做緊推廣，我梗係揀我最愛嘅 叻沙（laksa noodles ）做 #主菜 啦！#師傅 喺我面前即沖咗杯 #凍奶茶 比我，將本來係熱嘅 #奶茶，因為我嘅要求，夾硬加咗啲冰入去，口感唔凍唔熱咁、怪怪地😅 之後大概等左5分鐘，#叻沙 終於整好，仲以為係 #滲滲麵底，點知成碗都係 #米線 嚟嘅🤪 不過好彩同 #叻沙湯底 配合得唔錯，香濃得嚟又唔會太辣，係 #賣相 同廣告牌上差咁啲... 還可以啦😅簡簡單單一個 #晚餐 總算唔錯，不過一齊 #自肋式，下下要自己照顧自己比較麻煩少少囉😙

你可以見到每個人都等食物等到反白眼，地方又熱又焗，張張枱都有未收拾嘅食物盤，都唔知叫人坐邊，之後就會聽到啲人話下次唔好再嚟，唔明白點解整份多士都要半個鐘。啲米線又林晒發脹！

鑽石山廣場要搵野食真係話難唔難，話易亦都唔容易呀....事關每到晚飯時間，每間餐廳都必定大排長龍！好難得搵到間唔洗排隊嘅toast box，而且店鋪空間又算大、坐得又舒服！Toast box原來都多左唔少選擇，最後點了一個喇沙油麵和魚蛋河。喇沙雖然鹹左少少但都ok魚蛋河清清地都算唔錯仲加左廿蚊一碟油麥菜，一向唔係幾鐘意食油麥菜嘅我都覺得幾好食呀。ToastBox餐牌多左好多唔同嘅選擇，其實好想食肉骨茶，但係太好賣賣哂lu，無得食....要下次請早！

土司工坊依間分店係荷里活廣場，假日都唔係好多人唔需要揾位咖喱雞扒油面⭐️⭐⭐️咖喱味好足而且湯底濃郁，雞扒件數都好多仲要脆身。凍奶茶⭐️⭐⭐️⭐有馬拉奶茶味，同香港嘅茶走有點分別都幾好飲。咖央多士⭐️⭐⭐️⭐多士十分脆而且配搭咖央同牛油，加央醬椰汁味濃濃勁有地道馬拉嘅感覺推介推介⭐️⭐⭐️⭐———#love #instagood #beautiful #happy #followme #friends #follow4follow #tagsforlikes #photography #instafood #fashion #photooftheday #amwriting #blogging #newblogpost #instablogger #food #me #followme #smile #igers

土司工坊 (鑽石山)鑽石山龍蟠街3號荷里活廣場2樓282號～～～雖然現在滿街都是吐司工坊 可是小Q依然非常愛它 有時候出色的連鎖店也可以很美味 不一定連鎖就一定不如小店做得用心 而吐司工坊就是其中一家小Q百吃不膩的連鎖星馬菜餐廳 吐司工房的吐司幾乎每一種小Q都吃過 而當中這款加央多一直是小Q常叫名單的頭三位 加央醬椰汁味濃濃 牛油大大塊 雖然好邪惡 可是好好吃 甜甜的咖央醬加鹹鹹的牛油 兩者味道交融起來 出奇的合得來 而且外皮超脆的 每一口咬下去都有喀喀聲🤤～～～推薦度：🔥🔥🔥🔥（5🔥最高）