土司工坊 (青衣城1)

Open Now

Now Closed

第一次吃「土司工坊」是給它的裝潢吸引，白色歐陸感是AW的大敵，只要看到類似裝潢的餐廳，就會有股慾望想進去吃頓飯。餐廳最吸引我的莫過於喇沙湯麵(竟然不是toast)，濃濃的湯底，不辣不會太味精，配上軟滑麵線，吃得很滿足；至於熱沖的南洋咖啡，也令人再三口味，不過天氣很熱，看到AW小時候很愛喝的「美祿」，沒有猶豫，立即加點了美祿恐龍，正宗的美祿，不過名字好像不太搭調，加了滿滿的美祿粉，不小心用力說話，就會吹到滿桌都是囉~ 哈~開放式的櫃台，感覺很親切咖啡和美祿都是AW最愛，AW要把美祿恐龍征服囉~!看到澴郁的湯底再加上蝦、魚片、豆泡等配菜，很豐富呢~友人點了咖哩雞飯做晚餐，我還是愛吃麵食多點

呢度最出名既係喇沙丶娘惹麵線丶 咖哩飛餅丶 黃薑牛肉飯， 坦白講，全部都只值僅僅合格的分數。首先，食物永遠唔會好熱，即時扣分。 第二，分量好少。 再逐個食物講下，個咖喱， 薯仔好硬丶無味，根本未煮夠時間。 配飛餅次次都係凍丶好油， 咖哩係呢間鋪頭最難食既食物!! 之後係個娘惹麵線， 麵線好碎， 要用匙羹食， 果汁好咸， 傳統應該有少許辣味丶或加少許青檸， 增加開胃感。 喇沙係比較好食既一個， 但米線太淋，配料又少，呃錢!! 反而最好食既係半熟蛋， 傳統上會加胡椒粉丶甜豉油， 可惜個蛋黃經常爛左， 影響賣相，而且永遠唔熱。 所以為一賣點係熱奶茶丶熱咖啡， 又香又滑， 值得一試。 如果同行有小朋友，可以叫一杯恐龍蛋， 即係凍美祿，正~

一份咖椰口味西多士加半熟蛋。西多士後上，先食蛋。第一次光顧這家新加坡風味食店，原來半熟蛋【*/5】是凍食的，實在吃不慣，唯有放棄。多士【****/5】炸得香脆，但咖椰醬無我想像中吸引，嘗不出驚喜之處，傳統牛油加蜜蜂應更合口味總結，價錢還算合理，下次可試其他面飯。

小女子一向都好鍾意食吐司工房, 成日心思思想去食咖央牛油多士, 喇沙粉同飲杯非常香濃的美祿. 最近屋企樓下青衣城開了Toast Box真係一大喜訊, 可惜首次光顧感覺不太好. 唔知係唔係唔夠人手(見店內都有個告示話請人), 購買食物的人龍長長的, 收錢位姐姐又要負責埋沖飲品, 我知道佢好叻又識收錢又識沖飲品, 但就唔係好衛生囉, D錢點都係唔係咁乾淨, 手都唔洗便不停沖飲品. 見到老公捧盆食物回來, 哇, 唔係咁趕時間呀, 筷子匙羹亂晒籠, 快餐店都唔會咁呀. 呢度地方係好大呀, 不過個黑白階磚好污糟囉, 好似由朝都晚都冇拖過. 講番食物, 當然要飲美祿同喇沙, 老公就點了雞翼飯, 味道都是一向好味道的水準, 總係覺得Toast Box的美祿特別濃甜, 喇沙又不會太辣, 椰香味很重, 小女子至Like. 我哋兩口子經常響青衣城搵食, 以後應該會有好多機會響度開飯, 希望佢哋可以做得更好啦.   

靑衣城 土司工坊走到靑衣城，覺得有D餓。遍看四周，都有名氣但貴。獨土司工坊，平民價但要排隊。坐下，排隊要等十分鍾。最後，點了鮮虾唦喇。有蛋，熟蝦仁，微辣湯汁，野味但偏淡。食物算是新鮮，飽肚，麵條有D冧。整體有星馬風情，方便、舒服、簡單。飲品是星加坡拉茶，濃濃茶味，用濃縮鍊奶仲制。鄰近迪士尼，人流匯聚。這處又平又就腳，味道中上，算係甘！

第一次來食，價錢唔係問題，最緊要份量夠，餓餓地，嗌個厚吐司咖哩雞餐應該都夠飽，點知份野食同個餐名真係成正比，個名有咩就有咩，無咩就無咩，塊厚多士真係連一滴醬都無(心諗牛油都好)咖哩味道亦麻麻。食到岩岩到高潮就完左⋯。就咁⋯5件一口咖哩雞+手板大厚切無醬吐司+免費熱奶茶，承惠你免加一HK$45😀👍會唔會再番去食，見仁見智啦😌💁

來過三次，第一次剛開業一兩星期，下午茶時間，人龍超長，但唔係因為人多，係買東西流程太慢…兩份土司餐坐低到食得，等成個鐘…味道一般不見特別，搭兩隻蛋，咖啡和茶偏甜因為練奶沖，當然你可以叫小甜。第二、三次來係中午，開業一段時間應該流程更穩妥吧，只見小人龍，也不坐滿，排隊落單5～10分鐘。但流程和落單人員還是比較悠閒自得…所以去的話要預等候時間，第一次較好，落單後15分鐘內有得食。第二次則30分鐘才有得食。分別食咗叻沙和巴東牛肉餐，因為東南亞餐一定要點這兩個嘗試手勢，結果非常失望，叻沙只有咸味不香，巴東牛“鞋”口和沒有任何香辣味…只能說，對食無咩要求的我應該唔會特登再來，這個價錢午餐的話，青衣城還有其他選擇，當然，你要扮食東南亞氣氛就別論啦。

土司工坊，青衣城新開張，應當高興，但嚐過後，卻不怎滿意。搜尋下發現原來土司工坊屬於麵包新語(Bread Talk)集團，難道兩者都是店面又有中文又有英文名的啦。十一時許近十二時來到，店員幾名，食客不多。坐在外邊的位置，與其他店子一樣，椅子一點也不好坐，只見一兩桌有梳化椅，其他都是普通木椅，甚或是無背靠圓/木椅。店內櫃子甚多，令人以為是放了不同的餐具/用具/調味料，豈料看真點才發現，原來我坐的位置旁是用過的餐具回收櫃。。。紙巾、餐具要到櫃面取餐處才有，而豉油、清水則在旁邊櫃便有。算罷，叫了份A餐配熱咖啡，隨附一個電子震動器，當食客的食物製作好，它就會震及閃燈。土司工坊，怎麽土司小得與膠羹一樣。。。這樣小小兩片多士，管誰吃了也不會飽、不會夠吧？麵包這麽便宜，卻只給小小兩片，實才難明。多士其實都只是輕輕烤過，小部分微脆，其餘部分都只屬白麵包。咖椰多士，但咖椰醬及牛油也只塗抹在中央某處，委實吊癮，我那天像吃了『早餐前菜』般。流心蛋，店員只在下單後轉身，將早早製作好的蛋，打進小碟子內，沒甚誠意。雖然這種不開蛋殼製作流心蛋的確有難度，但說穿了都只是一顆蛋，還要即場在客人面前打開，似乎不怎麼有廚藝可

土司工房返工成日都經過，但好少入內，今次在青衣城，新開了一間，就試下，咖啡是有套票特價發售，還有禮品早餐選擇多，但多是半熟蛋加多士或煎蛋加包分別，今次要了2個set同件班蘭蛋糕，半熟蛋有兩大隻，有d似糖心蛋，圖畫教要加鼓油胡椒吃，撈埋口感似家常荷包蛋，但就滑一點煎蛋就一般，有點淡，和(諧)口潮州辣蝦鬆軟包，少辣但唔夠醬，包一點都唔鬆軟招牌土司，好薄，好唔似土司，牛油，咖椰都尚ok夠味，但如果招牌都咁質量，就唔得斑蘭蛋糕，看似好鞋口，但食下 又好鬆軟，斑蘭味再重一點就好南洋咖啡，朋友話有咖啡味，唔錯檸檬薏米水，幾好味，少少酸帶甜整體上應該就唔合格，好在飲品和蛋糕尚可，勉強ok

我很喜歡吃Kaya和斑蘭蛋糕，土司工坊在青衣開分店令我很高興。雖然不遠的葵芳也有分店，但那裡的座位比較少，而且在電梯的下方，不停有人來來往往，令我不太自在。一知道土司工坊開張，我就帶蝦米腸來吃下午茶了。我們要了一份傳統吐司套餐，包括有一份Kaya多，半熟蛋和熱薏米水。先拿飲品和半熟蛋，Kaya多做好的時候，食物到取提醒器就會震動和閃著紅光。我比較喜歡其他分店用的低科技號碼牌，店員會送來食品，不用自己再去取餐。半熟蛋的精髓是要加上黑醬油，土司工坊用的是廣祥泰黑醬油，鹹甜濃厚的黑醬油加上蛋黃真的很好吃。有一次，我在新元中買外賣，女店員竟然沒有給我黑醬油，氣死我了！之後我每次買外賣都要確定有黑醬油才離開。Kaya多水準依舊，只是有一點焦，不過影響不太。蝦米腸也很喜歡吃Kaya多和喝薏米水。青衣城分店地方大，店員也很勤快，我會常來的。

好耐都無黎過青衣城…今朝路經此地…才發現呢個位置轉左做toast box...就係馬會隔離…一d都唔難搵…Toast box其實已經有好多分店…裝潢都係以白色為主色…給人簡潔寧靜既感覺…唔知係咪時間仲早(都成0830)...呢間分店只得2個員工係門面做野…又要收銀…又要煮野食…好鬼忙呢…係熟客人都應該知道…咪睇個招牌名寫係<吐司>…除左吐司…其實仲有其他野食既…不過今次我地只係幫襯早餐…呢度好似大家樂大快活咁...係自助式...要自己出去排隊買票...同要自己拎野食...買完野食…就有個先進既閃燈震動器比你...當閃燈震動...就可以出去拎野食…而愛看多啦A夢既朋友就會將佢命名為<呼叫器>…實在有點攪笑吧...朋友見到個斑蘭旦糕咁靚…除左正常咁點左一人一個餐之外...又心思思叫多左一件…朋友話斑蘭旦糕係用斑蘭葉製成…所以係綠色…應該絕對不含人工色素…旦糕望落去鞋圾圾…但原來好軟綿綿…可惜唔多夠甜…一個Set係左南洋半熟旦+牛油咖椰土司+南洋咖啡…南洋半熟旦係有教你點食法既...係要加黑豉油同胡椒粉食既…都幾特別...感覺似細個果陣...媽媽煎荷包旦加豉油