同人鍋 (Closed)

同一班好友聚會，各人口味不同，食火鍋就最 fit，大家都可以食到自己想食嘅嘢。因為朋友唔食得辣，所以叫咗個唔辣嘅雞煲，雞肉仲 keep 到好嫩滑，配埋爆得好香嘅洋蔥，唔錯。食完雞煲會換另一煲湯打邊爐，一次過試晒唔同風味嘅食法，正合我心意。我哋揀咗花膠湯，未落火鍋配料前飲咗碗，個湯有花膠，秋冬食啱晒，好鮮呀! 海鮮拼盤有鮑魚、海虎蝦、花甲、魷魚、花枝片、韓國蠔、蟹棒、藍青口同鑽石蜆，日本蠔就食得多，韓國蠔就第1次食，原來食落都幾鮮，鑽石蜆好少見，呢度竟然有，食落好鮮甜呀! 紫薯水晶包好特別，就咁放落去由佢淥，外皮變咗透明就食得，仲要紫薯好味又有益，正! 粟米好甜，係打邊爐最喜愛嘅蔬菜之一。朋友話打邊爐就一定要食午餐肉，食落又幾夾喎。黑豚肉肥瘦適中，肉味好濃。帶子鮮味，白鱔片爽脆。生根吸湯又煙煙韌韌，口感好好。響鈴浸落去就即刻夾返上嚟，吸盡湯汁又保留少少鬆脆口感，每次食火鍋必叫。蔬菜都新鮮，解吓油膩感。雪櫃嘅飲品係自助任取。食物同飲品都係任食任叫，唔驚朋友話唔夠飽，同時可以試齊唔同食品，真係食得好盡興。

天氣轉涼，收工想同同事食下啦雞煲打邊爐， 知道公司附近新開咗一間同人鍋， 朋友仔食過口碑都幾好， 你是約埋同事幾個人一齊放工去十下十下上到嚟一樓環境都幾大又寬敞， 而且餐廳唔會有一大陣味道，坐得都幾舒服。套餐298蚊一位， 除咗個雞煲之外，仲有大量嘅配料畀你邊爐任食先呢個中辣雞煲， 果然色香味俱全呀， 本身啲雞件已經係熟咗㗎啦， 所以稍為整熱咗就已經可以食得， 未食已經聞到陣陣嘅香濃雞煲味， 好誘惑呀， 食落味道仲好入味添， 下次可以挑戰大辣食完個雞煲之後我哋點咗個龍蝦湯底打邊爐成個海鮮拼盤有好多嘢食呀 大蜆，珍珠蜆，生蠔 ，鮑魚 ，大海蝦 ，龍蝦隻龍蝦仲要超多膏添，正正食完龍蝦咁可以再另外有其他嘅配料任點嘅， 咁我哋點咗啲菇類，丸類同埋餸類再encore多碟安格斯牛肉，已經夠哂飽飽

幾個朋友好耐無見,打下邊爐聯誼下就最好未打邊爐之前就有個雞煲先食由於個朋友唔食得辣所以選左一個唔辣既雞煲,隻雞都幾滑,夾住D蔥同洋蔥好香口食完之後可以選一個湯底,我地選左個花膠鍋湯底花膠鍋湯底--先飲左D花膠湯先,入面都幾多花膠同埋有魚骨去煲所以個湯都幾正,幾甜飲完個湯就有D野食個海鮮盤入面有花甲,海蝦,花皮片,帶子,青口,鑽石蜆,韓國蠔,魷魚,白鱔片D海鮮都幾好食,D蠔入去滾兩下就食得,入口都幾飽滿,白鱔片拖兩下滾水就食,又鮮又有口感海蝦都算實肉好食,蜆冇沙既,冇沙既蜆係特別好食個海鮮盤都幾好食黑豚肉--都幾有豬肉味,又唔太肥牛柏葉唔會好難咬開響鈴都幾好唔會好淋,落水3秒食我D菜幾新鮮,好有青綠味紫薯水昌包--都幾特別,入面熱辣辣又好香紫薯味芝士丸一咬口必出黎既芝士香味點都係正,仲要熱辣辣豬肉腸好有台灣風味,台式腸是也

原來山林道都幾多野食 今日random choose左呢間 某程度系俾個招牌吸引左樓下門面無人既 要上二樓原來已經預設左menu $288 一位任食上面都幾闊落 唔似打邊爐settings 重點黎啦揀咗小辣雞煲 可能我食慣大辣 小辣冇乜味 不過朋友食辣 唯有將就下啦個雞煲好足味 店員會幫你炒熟先叫你食跟住就揀邊爐湯底 我哋揀咗花膠 早知就揀龍蝦啦見到隔離枱真係有一隻龍蝦做湯底架唯有下次再試一開頭煲咗一陣 店員叫我地飲下個湯先 都幾鮮味十足 見到入面有晒花膠魚尾主菜到啦係海鮮呀 好大隻帶子啊 仲有鮑魚店員逐樣海鮮教我地每樣烚幾耐先好食服務唔錯另外有一盆人頭計嘅丸 睇落細細盤 原來勁多根本食唔晒 最愛厚切五餐肉同水晶丸 建議下次俾我哋自己點 太多食唔哂好浪費真係太多嘢食啦 食完仲可以自己另外點超讚賞呢個魚皮 好脆口 忍唔住encore多一盤

朋友聚會約在尖咀，一試同人鍋，位於山林道，門口細細，但樓上坐位闊落！真係估佢唔到每位288再加一，有齊咁多野食！坐底送上雞煲，只需要揀有幾辣！雞煲係入味既！洋蔥都好好食食完雞煲可以揀湯底打邊爐，揀左花膠湯底，真係有花膠架！ 可以先飲湯，少少味精咁啦！都幾ok 之後就按人頭送上海鮮肉類丸類！份量跟人頭計！ 海鮮新鮮好食！墨汁墨丸好食！台灣腸都係好食既！魚皮好好食！食完會想再食！總括黎講係有驚喜既！ 可以一試！

提起山林道，不少樂道或會想起謝安琪的歌曲，但對食客而言，肯定是想起這裡的美食。位於尖沙咀區的山林道，是區內的二線街道，由於此道是一條掘頭路，所以沒有商業區的繁忙，但卻吸引不少食肆和冷門行業進駐，包括歌手謝安琪的錄音室，以及不少具特色的食肆。這次與朋友們來到山林道同人鍋「飯聚」，由於此店位於山林道的中後段，如果從彌敦道進入，可能要行大約5分鐘才到達。正因如此，這裡旺中帶靜，最適合三五知己一邊吃，一邊聊天。由於這次的飯腳都吃得較健康，所以便點了青紅蘿蔔鍋，清清甜甜，可以吃到食物之原味。此外，我們還點了不少火鍋食品，其中薄切豬肉的味道和口感甚佳，值得一試﹗雖然這裡的飲品櫃不算大，但卻有自助添飲的特色飲品。其中蜜糖菊花茶甚為潤喉，配合火鍋一起飲用，正好能中和熱氣，配合得剛剛好﹗可能是平日的閣係，是晚客戶不算多，而且收費也較平，變相提高了其性價比﹗於是，我們邊吃邊聯，開開心心又過一個晚上﹗

【#飲食】C+搵食團 || 首嚐另類火鍋湯底 - 尖沙咀同人鍋 = = = = = = = = = = = = = = = = = = = = = = ms. C 喜愛火鍋的程度，一年無論365日，春夏秋冬都是火鍋時間，想不到吃什麼就是去吃火鍋，最開心就是一大班朋友恰下恰下。一般火鍋配料當然重要，但同樣湯底也能帶出配料鮮味，一般都是豬骨湯、鴛鴦鍋、皮蛋芫茜鍋，今次就和朋友首次去了尖沙咀同人鍋首嚐另類湯底 - 花膠雞湯。 = = = = = = = = = = = = = = = = = = = = = = 同人鍋位於尖沙咀山林道，識搵食的人士一定知道在哪裡。設有兩款收費， 一款是普通任食火鍋，另一款就是無限時"雞煲海鮮肥牛火鍋"任食，講女搵食團當然選擇後者啦。 = = = = = = = = = = = = = = = = = = = = = = 同人鍋座位也有很多，而且枱和枱之間都唔會太迫狹，可以和朋友坐得舒舒服，慢慢食慢慢傾。 我們選擇的"雞煲海鮮肥牛火鍋"任食，就是先食雞煲，之後再用花膠雞湯打邊爐。先上熱辣辣雞煲，雞煲可以選擇不同的難度，辣與不辣任君選擇。我們叫了小辣雞煲，雖

今曰約左—位好耐無見既老友打邊爐,門口大大隻字寫住送原隻龍蝦,好吸引,地點既就腳又方便泊車…坐底侍應即刻送上雞煲,辣度適中,加埋其他配料好香口野味,雞肉好嫩滑食完雞煲再黎龍蝦湯底+原隻龍蝦,好吸引,急不及待,龍蝦好彈牙,新鮮再送黎海鮮拼盤,拼盤來到的時候,鮑魚還在郁動,難怪原來店裡有養着各類海產,打邊爐最緊要食材新鲜,除了海產,還各式各樣的火煱配料,任飲任食源源不絕下次有機會必定會再去,閒曰去更底食

今日約左朋友食雞煲海鮮火鍋😍位於佐敦，其實都唔難搵仲近地鐵站!朋友遲左收工，我早左到餐廳，點知!!佢門口竟然有放椅比人坐住等!十分窩心～～～係門口仲話餐廳請佐殘障人士，叫客人多多包容。絕對是良心餐廳好值得欣賞👍我地訂左六點半，客人仲未算多，職員都好有耐性同細心解釋餐牌，飲品同其他用品既位置👍醬料選擇唔多，算是精!最重要果三樣係曬到😂野飲都不算多，但最受歡迎同需要都係曬到!茶用支樽十分方便👍一咋咋可以拎埋位慢慢飲👍👍味道十分足夠👍先上雞煲，呢個係小辣。二人份量岩岩好!因為二個女仔都食量唔大，配料十分多，勁入味!雞好滑👍雞煲一次唔夠食仲可以追加😋食完一轉雞煲就轉火鍋啦!!因為我地二個人，所以可以揀原隻龍蝦湯底或者花膠雞湯底😍因為想食龍蝦,所以叫龍蝦湯底是常識吧!!😋隻龍蝦真係堅大隻!勁多膏😋唔講得笑，海鮮盤係好新鮮!!!職員送上黎時解釋得好清楚煮幾耐，要留意啲咩，十分細心👍聖子好夾口👍本身一枱會預備左一盤雜錦配料方便客人第一round 唔洗慢慢叫，食唔夠可能再叫,會視乎人數而定👍👍我估同時因為職員人數有限，佢地都係人手寫落單，而且晚飯時間好多人，可能怕落唔切單所以一次過上曬部分食材，以免客

同朋友打邊燼或者食雞煲黎黎去去都係果幾間， 食到真係有點悶就決定試下朋友介紹既”同人鍋”， 因為有朋友曾經提過幾抵食兼味道不錯。當天我地一行幾人係大慨7 點半左右到達，位置宦算易搵，因為朋友有提前訂位所以很快就可以坐低叫野食。 當日係先食雞煲之後再變打邊爐，先講個雞煲啦，我地大家都覺得非常唔錯既，佢分大中小微辣咁我地就叫左小辣，雞件非常滑又入味好唔錯，店員仲同我地講解佢地既雞係即叫即整而唔係好似其他鋪咁整定擺係度，所以會特別滑口同好味過其他地方。 食完D雞就開始準備打邊爐，同人鍋比較特別既係會成個煲換左先開始打，咁樣做就唔會俾雞煲味遮左邊爐既湯底味。我地要左龍蝦湯底，味道非常鮮甜，再加上打邊爐送既海鮮拼盤絕對一流，果拼盤有龍蝦鮑魚大蝦生蠔等等非常豐盛，除左鮑魚之外唔夠既話都可以再叫，火鍋料鋪頭會根據人數安排番同數量既料夠晒貼心唔怕浪費食物。 最後埋單每人大約300左右，有咁多海鮮食又同埋任食任飲唔限時都算抵死，最重要係食物質數服務態度都好好，值得回頭再食!

放假前夕，放工時分，到處都是大塞車，真是有點不耐煩。約左同學在尖沙咀等，一齊去食火鍋，無奈，又撞正放工大塞車，平時，從放工地點出去尖沙咀只是要40分鐘，那天就要用上差不多90分鐘的時間，同學已到餐廳，我還在路上，真是有點焦急又肚餓。到左餐廳後，已過左預約的時間，急不及待，即叫左雞煲醫肚先。嗅到濃濃的醬汁惹味雞煲，恨不得即往嘴裏去，雞煲份量都唔少，雞肉大件又有口感，一點都唔覺是雪雞，用左唔少的香菜配料炆煮，雞肉吸入了醬汁加香菜的味道，更有層次口感，香菜配料亦不可錯過，一樣是精華，美味。各人等我，等得太耐了，只是食左一個雞煲，就馬上安排了火鍋。我地叫了濃湯番茄龍蝦湯底，見到大大隻龍蝦，食指大動，急不及待將龍蝦放入湯底，只是煮左幾分鐘，就可以食。首先是會先上左一盤海鮮拼盤，樣樣海鮮都好新鮮，鮑魚還在蠕動、還有其它的火鍋配料，份量都是因人而定，是足夠份量，除左有三樣海鮮、龍蝦、聖子、鮑魚是不能再叫外，其它的配料、飲品都是任飲任食。海蝦，聖子，新鮮鮮甜，彈牙爽口，有口感。

秋意剛開始了，市面上又吹起了滾滾下，烚烚下開始了。中秋加上國慶節，街上難免都是人山人海，遊客又多，想找個位置食飯，都要等待。家人提議，中秋的晚飯，不如提早些食啦，唔使撞正正日，好難找位的，這個提議不錯。食咩野，是一個難題！細佬是個無牛不歡的人，父母又喜歡食雞，海鮮，我剛沒什麼所謂，只要好食，我什麼都喜歡食。難題就解決了，有雞有牛，還有海鮮，那就來食個火鍋吧。任飲任食的火鍋，最啱我家的胃口，我地個個都是食得之人。惹味雞煲，都是任食，食飽雞煲先上火鍋。上檯時，雖然只是熟左，但香味四溢，稍再加熱，香菜、洋蔥、𦍑片的香味更散發出來，吸收了醬汁的惹味，配料都好吸味，雞肉的份量都唔少，肉質有口感，一點都唔稔身，吸入了配菜及醬汁的精華，美味又可口，好快，我地整煲、連配料都食晒，正！湯底有兩種，花膠雞湯底、農湯番茄龍蝦湯底，隨意選一款。我地要左原隻龍蝦番茄濃湯底，龍蝦本身已熟左，只是落湯滾上數分鐘，就可以食，蝦肉有口感又彈牙，啖啖肉，味鮮。首先，會呈上一盤海鮮拼盤，每樣海鮮都是一人一件，除左帶三樣海鮮（龍蝦、聖子、鮑魚）不能再添外，其它都可以任叫任食。菇菌、玉米及其它食料都同時呈上，份量都唔少，以我地

呢排返工攰，想對自己好啲食豐富啲，就同朋友去食下雞煲打下邊爐，都幾爽！同人鍋係尖沙咀山林道夠哂方便，亂行都去到～坐位都算闊落，可以自己拎野飲，有道地茶同其他飲品，仲有啲自制一jarjar嘅~雞煲叫左微辣，一黎就聞到好勁嘅麻香味，食落口又唔會好辣，但係好麻，連洋蔥都食埋～湯底就叫左花膠湯，好足料，好多舊花膠係入面，個湯好鮮甜，飲落好舒服。好新鮮嘅海鮮拼盤，叫多左鮑魚同蟶子，全部都好新鮮，尤其係貝殼類嘅真係唔錯。一睇就知靚嘅肥牛，肉味重油脂少，罪惡感都少啲。基本上打邊爐要有嘅野都齊哂，腸仔都有３款，佢隻紫薯水晶包幾好食，不過呢啲都係普通野。其實仲有個新鮮炸起嘅響鈴，豆味濃，索埋啲精華冇得輸打邊爐最緊要食返啲菜平衡下，食生菜夠爽冇咁膩～

食雞煲仲會諗起同人鍋，因為佢個雞煲香而不膩，麻辣而不涸喉。今次再嚟到，仲見到佢哋除咗海鮮雞煲套餐外，多咗一個雞煲任食套餐。如果只係一心來食雞煲，唔係特別鍾愛海鮮的朋友，價格實在好吸引。一坐低先叫一鍋雞煲，一上檯已經聞到陣陣香味，非常開胃。雞件每件都沾滿醬汁，而且煮得剛剛好，肉質好滑。醬汁中有香、麻、辣等等，層次豐富，好惹味。咁好味的雞煲仲要係任食，一攞當然唔夠啦！雖然之後仲有打邊爐，但我哋都忍唔住encore！雞煲過後佢哋亦附上各式火鍋生料，應有盡有。如果覺得唔夠食，亦有任食的Menu可以任叫任食。點幾多真係會嚟足咁多。當晚一重頭戲就係花膠煲同海鮮。花膠煲清甜易入口，淨飲湯都唔錯。海鮮拼盤好豐富，有七至八種食材。最鍾意聖子王，大隻得來爽口有冇生。非常飽足，每人＄300有找，性價比都幾高。如果唔食海鮮，價錢仲更加實惠添。

對同人鍋既雞煲都叫做念念不忘，今次特登黎回味💕加上可以過黎飲啖花膠湯，就算清湯打邊爐都叫做抵😀小辣都依舊好食，雞肉嫩，香噴噴，配菜都食得落，個汁真係好得🤤🤤又飲花膠湯，清清地，唔口渴，食下紅蘿蔔養生😎海鮮拼盤都好唔錯，有蚌、鮑魚、蠔、海蝦、魷魚、沙白、鱔片🤤都新鮮鮮味🤔牛肉唔太肥，朋友話有牛香😀嗌左三盤食肥佢地😎粟米甜、丸類多元又豐富，不過都落哂朋友肚，朋友對個紫薯水晶包又著迷左😹最後梗係要清腸胃，菜都新鮮🎃正牙💕