緣聚西日餐廳 (仁愛堂圍) (Closed)

呢幾個月少了很多外出膳食, 又無得去旅行.... 心裡開始有點鬱悶~ 忍唔住同屋企人去市中心附近食放題>< 以前食過一次, 覺得價錢合理, 而且屯門無咩地方有放題食, 餐廳對住公路有隔音屏遮住, 如果唔係上openrice/路過, 都幾難發現到~放題只有飲品/雪糕/甜品需要行出去拎, 我欣賞餐廳員工有提醒食客要戴口睪出去拎野, 都係保障大家保障自己, 我同隔離枱有足夠的距離, 就更加安心了~餐廳每位送一個椰皇~ 仲唔透心涼食放題當然主攻剌身啦~ 款式唔算好多, 但大路野都有, 而且新鮮~同屋企人食,  都考慮埋佢地可能唔太好剌食, 餐廳熟食都有好多選款, 真係唔使擔心長老食唔飽一大碗煮蜆~ 平時蜆肉大大粒, 平時一碗都唔平GA! 食家仲任食, 絕對係回本~ 食幾十粒蜆肉都唔怕塞飽了~手打漢堡扒又真係幾嫩燒鯖魚都唔錯, 魚肉有啖啖的魚味~剌身一睇就知新鮮, 特別是帶子! 阿媽食完蜻魚, 阿爸又話要食雞粥細細碗剛剛好, 煮到綿晒~ 味道唔錯~阿媽好欣賞榴槤波波, 我坐佢對面都聞到陣陣榴槤香~難得近市中心食個放題, 又吊下忍, 下次再幫襯~

偶爾都會和家人到離家不遠的緣聚吃放題午餐，水準一直都很穩定。在社交平台專頁有優惠，留言就可任飲芝士奶蓋，茉香綠茶芝士奶蓋口味清新，多喝也不覺膩。刺身以冰底盛住，夏天不怕變壞，三文魚，甜蝦，帶子等都頗為鮮美。壽司沒有漏單，值得一讚。飯和刺身比例適中，壽司飯也很柔軟，配搭各式刺身，吃了滿滿一盤很有滿足感。火炙壽司輕輕用火灼過，逼出魚肉本身的油份，入口更滑嫩，油香令味道增加層次感。燒芝士炸蝦反卷配上沙律醬更開胃。雪燕三文魚子軍艦，魚子大大粒好滿足。炸物選擇多，可以每樣點一件，炸漿夠薄，新鮮炸起惹味可口。燒物以大蝦最吸引，大大隻肉質爽口，燒過的蝦殼帶微微焦香。另外羊架醃得入味，肉質軟腍，雞軟骨香口又有咬口。除了放題一貫的罐裝和盒裝飲品，還可以點沖調飲品，蝶豆花茶有驚喜，賣相吸引，酸酸甜甜適合夏天。濃湯煮蜆清酒味甚濃，飽滿的蜆肉沾滿湯汁，充滿日式風味。鐵板牛柳粒熱辣辣，牛味濃，配上洋蔥芝麻和蔥很開胃。甜品可自助取用，旁邊還有幾個雪糕冰櫃，總有一款合心意。除了自取也可以落單，本地牌子海鹽味雪糕入口帶淡淡鹹味，很清新。雪燕奶凍不太甜，家人至愛。個人則最喜歡焦糖雪燕3.6牛乳雪糕，燒過的焦糖香脆美味。

難得平日兩公婆一齊放假打算食好d, 決定去緣聚食個豪華午市放題首先叫左刺身，種類好多我只係嗌左一部份，象拔蚌，三文魚，甜蝦，希靈魚。。。等等。刺身好鮮甜，甜蝦好大隻食完忍唔住要再嗌多碟。壽司方面有火炙，有軍艦，仲有花之戀每一件都好足料，飯唔會好多。好有驚喜熟食都好正，我要推介濃湯煮蜆，雞翼尖，芝士焗蠔。個蜆好大隻之餘d酒香好入味，而唔會太濃。雞翼尖又係蒜蓉辣椒好香好入味芝士焗蠔真係大讚，大大隻蠔，d芝士焗到剛剛好！夾起上黎仲有拉絲既效果！一定一定一定要食！最後出去望下有咩甜品，多到唔知食邊樣好餐廳真係好有誠意，有雪糕，雪條，蛋糕，乳酪。。。因為真係好飽！結果我只係食左豆腐花

7月2日晚7:15pm ,同朋友慶生選了緣聚放題,餐廳用Ipad 點單簡單易用,2小時任飲任食啱曬各人需要,揀星期一至四時段,大人9:00pm入座,成人$248,小童$148,長者$178。 進入餐廳見自助小食/沙律/飲品吧/甜品吧,種類繁多,包羅萬有。餐廳內類別 => 刺身,手握壽司,火炙壽司,軍艦壽司,天婦羅,楊物,風味之選,飲品,一品料理,卷物,火鍋配料,燒物,西日扒類,焗蠔,特製甜品,食事(即主食),升級upgrade(額外加費)。我先點魚子蟹肉沙律打底,由於疫情関係, 沙律吧改為點餐,衛生又方便。點了刺身 => 三文魚大腩,榮螺,甜蝦,象拔蚌,鮑魚片。推介三文魚大腩刺身,不是常有,售完即止, 肉質鮮味彈牙。點了天婦羅/揚物 => 大蝦天婦羅,紫心番薯天婦羅,吉列蠔,軟骨餃子,榴槤炸彈,芝麻雞翼。推介芝麻雞翼,芝麻很香,雞翼肉嫩外脆。榴槤炸彈既有榴槤香,外脆內軟,榴蓮fans 必選; 吉列蠔,海鮮味濃及爽脆外皮,必選。點了一品理料 => 鮮菇炒雜菜,黃金雞軟骨,鐵板牛柳粒。鐵板牛柳粒,牛柳一啖一口入口即溶,又有洋蔥香味。點了風味之選 =>

今天跟朋友來吃午市放題，食物，甜品選擇很多，價錢便宜， $98任飲任食兩小時。外表燒得脆脆的，焦焦的。內裏充滿油脂豐富的魚肉，口感豐富，十分香口。牛舌量多毫不吝嗇，肉質鮮嫩，香氣四溢，沒有一點異味，有點嚼勁的彈牙口感，好吃黃金焗蠔表面有大量燒焦的芝士，蠔的大小適中，入口即溶，吃完滿口芝士香味。蒜香焗蠔表面有大量蒜蓉，味道香濃美味。然後點了一些天婦羅，有茄子天婦羅，炸蠔，炸三文魚骨，芝心蝦丸。全部都炸金黃香脆，外脆內軟。茄子天婦羅最美味。刺身都非常新鮮，三文魚魚脂豐富，肥美。刺身蝦有甘香蝦膏，肉質細綿，味道甜美，所以點了10隻帶子刺身豐厚的肉身，極富彈性，十分美味，吃完一口接一口。跟朋友吃了一個非常滿足的午市放題。

2大1小食左七百幾蚊但食到一肚氣！！！上網睇左話生日月有88折，打電話問係咪小朋友生日都得，點知去到埋單時話要正本（但𝑜𝑝𝑒𝑛𝑟𝑖𝑐𝑒冇寫），事問小朋友點會帶身分證出街，都算...我比哂手機入面護照同身分證既相佢睇，個女職員仲指住張相話「呢個係佢呀？唔似喎」聽完火都黎！小朋友護照幾耐換一次睇黎個女職員冇呢個常識，我女就黎4歲，張相係2017年影，即當時係一個半歲既𝐵𝐵，唔識睇就出聲！唔好係度講到我呃你錢咁，要呃既話我就會話我小朋友未夠3歲！！！成餐飯其實根本食得唔舒服，送野食慢到嘔，叫左3轉野食，但黎𝑑唔黎𝑑，味道亦唔係特別好，再加埋𝑑咁差既服務，真係唔洗指意再幫襯！上到車，小朋友仲同我講黎緊真係佢生日⋯⋯#淨係識話同公司反映#但冇解決過問題有咩用#仲質疑護照copy係假#食到一肚氣#違反商品說明條例

晚市放題時間分三段：17:00-19:00，19:00-21:00，21:00-23:00。我今次就食中間果段時間。環境氣氛好好！好型，好有特色，有好似英雄角式公仔，d燈全部用酒樽，我覺得好靚😂飲品種類選擇好多，連朱古力奶都有😂食物種類就比較少，有火鍋都補番d既，如要upgrade 就有生蠔個d食（好似係加$168）。甜品方面都算多款式選擇，有雪花冰😂，不過紅棗冰糖燕窩一開次食個陣食左一樽，之後無晒，到最後走都無refill😭不過勝左用平板電腦落單，無漏單情況。所有野都幾好食～以依個價錢响新界黎講算係唔錯～雖然枱有d細，但員工收野都收得好快。

成年冇見的舊同事終於夾到時間，我哋都好鍾意食日本嘢😝😝都係住屯門區，梗係唔會出去迫啦😌😌市廣場馬會附近 緣聚 評價一路都唔錯，Book定位先😏😏位於地舖地方超大，門口餐牌見到食物種類超多，見完即刻幫我哋探熱提供搓手液，都坐得非常闊落👍指定動作刺身拼盤，錢蝦帶子赤身三文魚你應俱全仲有象拔蚌呢，唔係周圍有得食㗎魚生非常新鮮上菜很快，特別鍾意佢嘅帶子刺身非常鮮甜，甜蝦乜非常方便已經剝殼，一啖兩隻過癮，象拔蚌刺身非常新鮮，爽脆得來又鮮甜😋😋其他壽司也非常有誠意上枱飯係暖嘅，左口魚裙邊鰻魚壽司必點，火炙之後非常香燒物同樣出色三文魚鮫熱辣辣肉質亂畫，台灣一口腸👍👍最愛雞軟骨，燒得好好，居酒屋🏮質素玩埋打邊爐🍲相信可以照顧晒所有人嘅要求，小小一鍋昆布壽喜燒，掂！枱中間已經有打邊爐爐頭，高度剛剛好甜品方面都非常豐富，馬卡龍啊！每人四粒是常識吧仲有很多雪糕雪條，燕窩系列嘅甜品🍮很難不回本呢

疫情關係好耐冇約過朋友見面食飯，最近開始緩和就即刻約朋友食下放題傾下計先。朋友介紹喺佢屋企附近嘅緣聚，我哋約咗食中午放題，原來都有兩款揀，我哋揀咗豪華放題$168。而點餐係用平板電腦點，唔洗再用一張張紙剔，環保又準確！至於食物種類都幾多，飲品自助還有啤酒同清酒、梅酒任飲。刺身類新鮮肥美，由其是甜蝦大隻又鮮甜。壽司我就最鍾意火炙牛肉同左口魚壽司，牛肉經火輕輕燒過，肉味香濃，而左口魚燒過後更添油香，非常美味！而壽司飯整得細細件，無咁易飽等你可以試多幾款，非常貼心。煮物濃汁煮牛脷，非常高質，肉質煮得剛好軟硬適中，洋蔥汁微甜又惹味，我哋都encore 咗兩次😋。另外清酒煮蜆亦非常之美味，蜆肉大隻新鮮又無沙，我哋每人最少都食了兩碗呢😂😂。炸物亦都唔錯，炸蠔炸蝦唔會油淋淋，炸三文魚骨香脆唔會乾爭爭，送啤酒一流👍而甜品梗係食我至愛韓國蜜瓜味雪條，再啪多杯Dreyers芒果雪糕就真係大滿足😋😋。而最值得一讚係員工收碟速度快，唔會堆到一枱都係咁，又待客有禮。去開屯門就真係值得一試👍

想吃盡火鍋和刺身放題的話，坐落於屯門的「緣聚西日餐廳」絕對啱你。價錢唔算貴，$248一位，性價比其高。可以任食日式放題和火鍋，選擇都有很多：有刺身、手握壽司、手卷、炸物、燒物、小食及沙律、天婦羅、火鍋、甜品等等。餐廳以時尚工業風作主題場景，餐廳內亦有很多字牌、Marvel 的造型擺設，座位寬闊企理，空間感大，座位很多，十分寬敞。餐廳是以tablet點餐，一點都不脫節，非常方便。我們先點了刺身，有三文魚、三文魚腩、帶子、鮑片、八爪魚、甜蝦、螺肉等等。刺身新鮮嫩口，種類也很多。壽司方面，我們點了火炙三文魚、醬燒蟹肉棒壽司、火炙醃漬左口魚壽司。魚生都比壽司飯大，而壽司飯份量是剛剛好，火灸也燒的很香。熟食方面，有不同炸物，如天婦羅、芝士年糕等等。我點了燒物和炸物：雞肉串、一口腸、炸雞翼、黃金雞軟骨、漢堡扒等等，質素到位，值得一試。然後再叫了1個小火鍋，選了韓式辣豬骨湯底，配上韓式拉面，好像在吃辛辣面，味道不錯。肥牛則脂肪比例太多，肉質也有點老。飲品方面都是任飲，選擇也很多，飲料的選擇非常之多，各款茶、汽水、連紅豆冰都有，應有盡有。甜品也值得一讚，除了雪糕雪條、也有糕點、布甸等等。也有很獨特的雪

因為疫情關係都好耐無出街食飯食放題, 怕人多, 真係好想大吃一餐, 今日咁啱去開屯門, 突然好想食日式放題, 咁上openrice 搵下, 有一個叫”緣聚” 好評都幾多, 平靚正既日式放題, 咁一於去試下佢啦, lunch hour去到, 人唔太多可能係平日, 我地order 咗豪華放題168蚊位, 枱頭有個pad俾你點餐唔駛再tick紙仔好方便丫, 有剌身, 炸物, 鍋物, 甜品等等, 食物都幾多選擇, 首先黎係佢既剌身, 擺盤整得好靚, 打卡一流丫, 三文魚好新鮮好肥美, 甜蝦好大方咁叫幾多俾幾多, 正丫, 炸物有炸廣島蠔, 天婦羅大蝦, 炸得好香脆, 又唔乾, 真係一叫再叫丫, 佢飲品方面有二十多種汽水茶類, 仲有食魚生必備既清酒, 仲有好開胃既梅酒, 真係開一開胃再從新出發丫~ 真係估唔到俾我搵一搵, 搵到間咁出色既放題, 下次去屯門再食過先~ YUMMY YUMMY

生日飯去食 平日夜晚7點30分入座坐低已經好多野都sold out🙁連三文魚腩刺身都無 送餐速度極慢 半個鐘以上先送到一杯熱檸檬水叫咗成個鐘先送到瘋狂漏單雪櫃甜品咩都無 冰糖燉燕窩都無🙁由入座到走都仲未有refill 問咗好多次幾時會refill 個個都話轉頭7點半到9點15分都無 員工態度唔好 不停敷衍刺身壽司質素好參差 雪味 衰過爭鮮熟食全部凍 天婦羅又油又凍又冧平日夜晚都搞到咁 好難想像假日夜晚會點完全食唔飽 又難食不推薦

今日約咗朋友喺屯門行街順便食埋晚飯，大家都想大吃一餐，於是揀左間放題~緣聚！元朗食過十分不錯！地方好大，好多卡位，七點幾已經差不多全場爆滿！餐廳用apps 點餐，夠環保，圖文並茂唔會點錯食物，而且上菜速度10分快，冇漏間，抵讚！有自助甜品、沙律、火鍋、飲品區，淨係呢幾樣都有數十款😋先來一盤大刺身，，三文魚，油甘魚夠肥，帶子、甜蝦鮮甜！重本推介三文魚腩，非常肥美！燒物方面，芝麻雞亦燒得好香口，燒蝦有點乾身！燒蠔亦做得不錯👍海膽，蟹籽手卷好足料！甜品有雀巢雪糕雪條，芝士蛋糕亦不錯！飲品亦有好多選擇，亦有梅酒，清酒！重本萍果生啤都有，淨係飲酒都返本！人均二百多元，算很不錯吧！

個人比較欣賞此店刺身、好新鮮、其他食品如扒類、天婦羅亦唔錯、上菜快、唯獨坐位方便比較窄、枱亦細、加$食到鵝肝但冇理想般完美、平均每位九折後$380在屯門區感覺有點貴！

生日月份黎有8折，所以黎食下放題慶祝。如果9點後入座就2人同行1人半價。野食種類算多，刺身壽司都好新鮮。仲有好多炸物，燒烤，湯麵，粥，打邊爐都有。飲品雪櫃有得拎，亦有得嗌即沖飲品。$2xx 任食真係cp值高。