德家日式燒肉店 (Closed)

我選左個午市3小時198+10每位208燒肉放題，話說我訓醒冇食早餐，直接選午市燒肉放題，3小時任食，同親戚共2人都點左差唔多有百幾200件食物連飲品連雪糕，果日好凍，特別開胃，真係一邊食一邊消化，都嗌左好多轉牛肉，海鮮帆立貝好多，直到食左兩個鐘15分左右，有個著老西唔肯定老板定經理走過來好x惡咁話我整壞佢個爐，話燒到好多“鑊屎”整壞佢爐，職員有一直有定時幫我換隔油紙，而且張隔油紙只佔個盤的80%，燒左2個幾鐘，又冇人幫我換個鐵盤，鐵盤外圍側邊20%有“鑊屎”好正常，定時換鐵盤唔係職員做既咩？同埋定時檢查爐既情況，溫度唔係又職員負責做咩？無啦啦好惡走埋黎話我整壞佢爐，講到我故意整壞咁，又話我食到張枱好亂？你唔係有職員定時執枱咩？定係覺得食得多專登唔收碟比壓力我，最後都未食夠3個鐘就問我食完未,掃晒興囉，你唔歡迎大胃王就唔好做放題啦，我承認自己選最低消費既plan食最多，唔得咩？

朋友們入座， 可以選擇火鍋或韓燒！朋友們點了B 餐"(刺身一次性)豬、牛、羊、雞 ，還有少量蔬菜海鮮無限追加... 刺身新鮮( 赤蝦、赤貝、帶子、三文魚、鮑魚片)只是點了牛、還有少量蔬菜海鮮!試到較優質牛肉不同部位，常試係唔錯的又鮮又 juicy海鮮種類: 元貝仔，大虾，青魚，多春魚等...還有可以用錫紙兜放在爐裏面慢火鍋...環環境舒適一讚:有自家制無糖茶, 係韓燒伴侶9人埋單，仲有生日優惠Free 2位

8號風球搞到原本book左既餐廳取消左😭臨急臨忙就搵到呢間有開😍咁就去試吓啦生日優惠 4位大人免1位收費要生日前7日呀我就岩岩好，所以就可以拎到呢個優惠😍我地叫左C餐$338 肉類（特上美國牛肉、黑豚肉），刺身盛合（五款時令刺身匹盛），海鮮盛合（馬甲貝、帆立貝、貴妃蚌、蝦、鮑魚）味道就唔錯既👍🏻👍🏻👍🏻👍🏻佢哋出邊有個自助區個豆腐好正㗎，辣辣地👍🏻仲有個茶果，好特別唔錯㗎👍🏻竟然呢度有梅酒飲😍😍飲番幾杯都得啊🥃🥃🥃食到飽啦，就可以同店員講要雪糕🍦佢哋會比張紙你自己✅每人只可以揀一款雖然嘢食幾好食😋但係我要講一下環境，好熱呀，冇冷氣咁😭抽風系統唔係咁好🥹店員俾咗個好偏僻嘅位置我哋，成日舉手都冇人理我哋😭😭😭德家日式燒肉店 (旺角)📍地址：旺角彌敦道593-601號創興廣場4樓我既評分（5⭐️為滿分）環境：⭐️⭐️食物：⭐️⭐️⭐️⭐️服務態度：⭐️⭐️⭐️推薦：⭐️⭐️⭐️

服務幾好禮貌，食物都好快上到，環境都幾寬敞闊落，下次各位嚟食嘅朋友可以叫A set就得啦，魚生三文魚刺身有根，吞極都吞唔入口，我食完啲嘢屙咗兩日仲要睇醫生，希望下次可以食到新鮮啲嘅食物啦，本集完🙃

終於有返夜晚堂食🥰所以約左朋友出去食晚餐，當同佢補祝返生日🎂因為之前疫症好嚴重，所以一直推遲左😑本身大家諗住去食另一間安平燒肉，但係佢地實在太好生意啦！網上book唔到，諗住4:30出黎拎飛，又係派曬🥹見同個地方4樓有間燒肉食，於是改為食呢間*德家日式燒肉店*佢哋有燒肉/火鍋放題2選1我哋梗係揀返燒肉，佢有A,B,C 3個set任揀。我地揀左B餐，B餐有牛既唔同部位，另外加一碟安格斯牛及刺身一碟，相當吸引🤩🤩仲有自助吧提供疏菜及丸類，仲有甜品飲品種類都多，下次食唔到心儀既朋友都可以黎試吓，價錢都算抵食😋佢6:30前入座仲有85折不過我同朋友太耐冇見，掛住吹水，都唔記得咗出去拎cake及豆腐花食😌好彩埋單時佢有附送每人一個雪糕甜品，我哋揀左movenpick雪糕🍦

午市打邊爐，少得可憐既野食，感覺入左間無良食市，乜都冇，服務差，坐低左咩服務都冇，坐左一陣要主動舉手先有侍應問我地要咩湯底！差評原本打算疫情冇晚市就求其食午市，點估到創興中心入面竟然有間咁低質既打邊爐，燒肉唔知，打邊爐既價錢係出面酒樓質素一半都要收百幾蚊一位，講真太少野食，質素價錢約值60-80元一位最後價錢係158一位，服務員態度散漫，講野需要講幾次先有反應。唔建議食，真人食評並無廣告以及不是打手

古語有云：#走先啦係咁先啦下次再玩啦 一年容易又送走幾個🥲唉好日都唔見一見就最後一次🥲好一個Farewell party😪去左其中一個friend嘅朋友嘅放題地方食野嗱Farewell 還Farewell😂好食還好食呢間野認真好高質🤩🤩佢啲燒肉真係好好油花啲肉燒好啲真係入口即溶🤤要有咬口嘅有咬口🍖🍖要有肉汁嘅有肉汁🥩🥩個海鮮又係mvp😎哇大佬你話草蝦然後隻草蝦虎蝦咁大隻😍做壞規矩呀你😋仲有甲羅燒同帶子食🤩嗱仲有啲刺身指甲咁厚🤩哇大佬呀🤩哎又刷新左我對燒肉放題嘅要求頂點哎搞唔掂😂真係好食又除卻巫山不是雲喇哎🥲

同女友黎食唔洗等位就入得，幾好我地叫左298嗰款任燒，食物都叫ok，包嗰份牛肉係唔錯，不過自己點既菜，有啲會漏左，可能人手唔夠啦，可能送錯位啦，唔算嚴重既，十樣會小1-2樣，可以再點過姐，不過黎到啲食物就好似差啲啲，冇包嗰碟咁好啦。最正係個湯同埋有錫紙盤。湯味濃，而且除咗可以就咁飲外，亦可以倒落錫紙盤度做左火煱仔（每次放小小好啦睇唔到啲湯會滾到起泡），亦可以叫碗海鮮粥黎煲，煲完啲野食，飲/食埋個湯/粥，味道香甜👍👍亦可能人手勁唔夠既關係，臨尾叫雪糕都幾耐，我舉起雪糕紙舉左十至十五分鐘，仲有叫到，都冇人黎。叫另一邊火鍋既侍應，佢又叫我叫燒嗰邊職員，但個侍應走到老連咁遠。叫到隔離枱都起身走，都仲係見唔到我地。要埋單嗰位拎疊單薄黎嗰陣，我地先比到佢。但係要找數時先黎雪糕，仲要呢資收左單，嗰頭就話夠鐘摧交枱，下？？？我要同佢地講返，先話咁食完先啦。不過佢地又唔係趕住入客喎，因為隔離枱到我地走嗰陣都仲未執，好奇怪囉。呢樣係我地覺得最有問題既地方。如唔想等位既，可以黎睇下有冇位，有既可以一食。呢間問題不大，最大問題真係人手不足，我食野呢邊場，得一個人，想做死人地個仔咩。

有條友無啦啦話lunch好想食燒肉放題， 跟著就話不如試呢間啦⋯⋯由於「太」忙唔得閒睇食評，點知就咁燒焦！當安格斯牛嚟到時（感覺唔錯），但係每件牛肉放入口都係無味，點埋餐廳提供嘅汁都係無味！我已經開始懷疑人生，係咪我味覺系統出現咗問題呢？ 好彩！ 同我一齊食嗰條友同我一樣都係話完全無味，我先放下心頭大石唔洗去驗條脷。隔住張紙嚟燒肉，我咁大個人都係第一次試，唔知點解硬係燒極都唔熟咁，又唔敢開張紙（因為覺得下面塊板冇洗過）如果大家想測試一下自己條脷有冇問題可去一試。多謝

Lunch 2小時放題，每人食左HK$2xx⋯d肉無味好un，唔知自己寫左乜⋯服務態度好一般⋯完全中伏，唔會再去！推介食物：完全沒有！😫😫😫😫😫😫😫😩

萬聖節唔想一放工就返屋企，但係又唔想去酒吧好多人嘅地方同人迫喎，所以就去食飯啦，上網搵咗好多間燒肉，呢一間性價比都唔算太差，价錢都係平民級所以覺得可以一次。重點係本身期望都唔係太大所以都覺得OK嘅。任飲任食，當晚8:30去到，眼見都坐🈵️嘅，8成full咁啦，環境燈光比較暗嘅，我個人覺得舒服嘅。收費方面有唔同level 可供選擇，我哋同左中間嗰個，有一個刺身盤但係之後就冇得再嗌嘅只係會嚟一次嘅啫，個三文魚好厚切好新鮮有驚喜order食物方面就係掃描QR code 自己落單，另外都有冷盤同飲品係可以自己出去拎嘅。

因此店牛肉毫無牛肉味道，因此主要下單有醃製過的肉先不說醬燒燒肉只有兩三滴只能作點綴之用，醃肉醬料毫無味道稀如水，表面更浮起了不少一塊塊外漏的凝固白色油脂，極為嘔心 因此可以斷定此店所用的牛肉為注脂牛。第一輪未清已經無追加之意、最終變成了吃自助區的火鍋料果腹。極不推薦、希望多啲人睇到 唔好中伏

家人生日想試燒肉放題🎂 就選了這間有海鮮和牛燒肉放題😋 海鮮都幾新鮮，有蝦蟹鮑魚帶子，都幾大隻㗎🤤和牛都幾薄 但得一碟 如果再多一碟就好了😋 飲品都幾多選擇 有罐裝 又有預先準備好的凍飲杯裝茶包🥤 食到好飽之後都會再嚟試試 多選擇 好多款都未食🤤

朋友好耐之前介紹過，今日終於可以去食。而且有老有細一齊去。座位好舒服，服務也到位，很好，食得開心舒心。好欣賞有冷萃茶飲，配食物好搭。正。食物都好好食，會再想去。

1. 隔紙燒肉，下面個盤千年唔會換，核突到2. 放錫紙盤上去燒基本上唔會滾3. d野個樣基本上都唔新鮮4. wasabi可以無味，唔知點緊d咩5. 薄切牛舌厚到癲，入面熟個陣出面都黑哂所以基本上性價比差，比呢個價錢絕對唔需要去呢間食，點解唔去樓上食安平基本上可以肯定d 正評都係買番黎大家唔信可以入去試下 救得一個得一個我相信遲早都會執食物quality 太差剩係隔紙燒食燒肉都夠哂搞笑，做得燒肉做卓頭竟然燒肉都咁差