德家日式燒肉店 (Closed)

4月生日既燒肉友話用佢個4月之星優惠，四人同行嘆燒肉或火鍋放題， 佢壽星免費！佢選左德家！我哋揀咗呢個兩個鐘頭日式燒肉放題 $328，佢有安格斯拼盤，牛舌，一口牛，牛肋肉同牛脊肉。我覺得最impressive係個牛舌，一啲腥味都冇，同埋好重牛味。一口牛都好軟好重牛味。第一次用依啲燒肉紙去燒肉，咁樣其實好好，佢唔會即刻到落啲肉度個全部吸晒係個將燒肉紙嗰度！快手換到！服務超好，個個都好有禮貌同好願意換紙。有時有啲放題燒肉啲店員都可能唔肯去換個爐。除咗燒肉之外，仲有刺身盛。包括三文魚、螺肉、甜蝦。佢哋全部都好新鮮，蝦好爽甜。三文魚都好厚切！再有一個海鮮盛，有虎蝦、鮑魚、蟹羅甲、扇貝。虎蝦夠帶爽口。鯖魚墨魚新鮮無腥。鮑魚最乾淨，內臟都幫我哋清好！建議大家一定要試吓帆立貝，牛油勁多，一口貝！依家嘅燒肉店好多時都會有牛油金菇，佢好好嘅係，會有個器皿俾你裝住，咁就一定唔會燒燶同埋一定熟啦！之後仲可以用嚟幫熟左既肉保溫外，唔好黑左！係依一度食燒肉放題比起食火鍋放題有着數，因為其實可以用器皿自製一個小火鍋放喺爐到！最後最後，簡直係女性嘅福音呀，就係加送雪糕！ Movenpick上呀！Gelato Fru

一班朋友食晚飯最緊要有平靚正同多款式揀四月有一位同行朋友生日 佢得知呢間餐廳有生日優惠 四人同行嘆燒肉或者火鍋放題壽星可以免費見個優惠咁抵 同埋有兩個鐘可以吹水 咁就去見識下入到去地方闊落 店員安排左卡位比我地套餐包括牛🐂豬🐖雞🐓魚🐟仲有一啲主食🍲同蔬菜🥬 野飲任飲仲有一啲前菜 例如沙律菜 生菜 泡菜 同埋凍蝦 仲有一啲打邊爐嘅丸類 一定夠曬飽😉店員擺低咗一盤海鮮拼盤 有鮑魚帶子海蝦等等 仲有一盤刺身 同埋安格斯拼盤 全部都好新鮮安格斯牛肉 同埋牛舌🥩質素幾好 無話將價就貨 就算叫第二輪都保持到水準 融雪方面剛剛好 冇話出晒水同埋結冰一塊塊另外啲鯖魚 特別好食 只要加上少少鹽 就可以整出日本鹽燒鯖魚既味道記得仲可以用生菜包住啲牛肉解膩🤤我特別推介牛舌同埋牛肋條 仲有牛仔骨 👍🏼其次 出面有啲甜品 例如柚子蛋糕 泡芙 朱古力布朗尼 同埋豆腐花 仲有門口有個雀巢雪糕櫃 入邊有香芋 紅豆 芒果 雲呢拿 朱古力味 食完鹹食可以食甜食🧁最後有杯高級啲既雪糕🍦作結🤤畫上完美句號題外話 最怕食燒肉成身都係燒肉味 但係呢一度通風做得幾好食完都唔會話成身都係燒肉味食食吓仲有口罩送 正好個嘴油淋淋又帶

事緣上星期喺街上撞到無見一排嘅老朋友，既然有緣就不如揾日約埋食飯傾計聚吓舊。 講到交通方便就當然係去旺角啦，佢提議食放題，食得暢快啲，最後決定食日式燒肉。全店都以4人卡位爲主，入座後，店員向我哋講解，用餐時間係120分鐘，同埋ABC餐嘅分別。A餐係普通燒肉放題，而B,C則會多咗幾款一次性嘅食物，例如刺身盛、安格斯拼盤。精明嘅我梗係一早做足資料搜集，研究吓食邊一個餐係最抵啦。既然咁耐無一齊出街食放題，就梗係試個價錢最貴嘅C餐~落Order係用現時最Common手機掃QR Code 形式，唔洗逐張紙仔慢慢劃，既方便又環保。趁啲食物未送到之前，我又忍唔住行咗出去自助吧研究吓。 第一眼見到有青口、泡菜、凍蝦，亦有芝麻八爪魚、中華沙律等餐前小食。 再行過啲，發現原來除咗燒肉外，可以有其他材料比大家玩埋錫紙火鍋。飲品區除咗最基本罐裝汽水、紙包飲品，亦有近期大熱嘅冷泡茶。以我所見，最多人拎嘅係冷泡玄米茶同蜜桃烏龍茶。呢個時候，店員提醒一句“其實我哋仲有啤酒機，有無興趣試吓？”咁就恭敬不如從命啦。(後記最後我飲咗5杯啤酒)出去自助區行得太耐，原來部份食物已經到咗。 先試咗可以即食嘅刺身盛，赤貝新鮮﹔三

未試過食咁銀嘅安格斯同牛頸脊咬到牙都軟🥶又冇肉味最尾嗰轉牛肉一啲雪花都冇紅色一片好似假咁 咬咗一下即刻調返低 成程都係食翠玉瓜多冇乜嘢真係唔好加80蚊升級千祈唔好去 超級伏 好難食

疫情打擊下，大部分食店都減價，估唔到德家係加價😂198嘅餐轉左238，抵食程度大跌。另外都有其他變化，先講好嘅。飲品多左自製冷泡茶飲，玄米茶幾香👍🏻落單轉用二維碼電話落，較環保亦可以睇返叫左咩幾點叫。衰嘢就多左，除咗加價，之前落完單好快就有野食，但今次就算第一轉都成5至10分鐘，之後就越嚟越耐。最後一轉last order，等咗好耐再追左兩次先至嚟，等咗40分鐘😵都真係幾擺到明專登拖單。好彩佢都唔會兩個鐘頭就過嚟趕你走，都食得完。食物質素無大改變，可以睇返之前大家嘅評價。

Book8點食，好快就有得入座，衣點好滿意。坐低左之後，帶位果個人就叫你揀食邊個set.咁我就揀左B SET.揀完之後，係到坐左15分鐘，無人同你講要等啲乜...就一直keep住係到等😂見隔離有個落單code,就scan左先 嗌住啲野食...啲野食少得可憐...落左兩次單，先黎左一次野 重要唔齊。都唔理喇 有得食就燒黎食啦....啲牛韌到...兩個人都食到個牙骹勁痛🙂🙂薄切牛舌 唔知薄切左去邊😀一口牛就最好食，因為咬到。個刺身盛就普普通通... 食完普通牛 再燒安格思牛...嘩 終於咬到喇😂😂 但可惜呀 刺身同安格思無得再嗌🙂...嗌左果啲牛盡量食 有啲咬唔到既 直接捨棄食到要一路食一路按摩個牙骹既之後就嗌左啲迷你蕃薯呀 脆玉瓜 多春魚呀 兩舊雞胸肉呀果兩舊雞胸肉又係成餐飯最易咬既一舊肉但又係呀 再落單果陣 佢又係唔會出比你🙂8點入座。9點last order。但其實食到8點半果陣已經想走 實在太難食 啲牛太韌。衣600幾蚊=倒錢落海 食垃圾。伏到🤮兩塊牛舌 同兩舊雞胸肉。

德家燒肉，我諗呢幾年我地都耐唔耐嚟食 ，呢道價錢公道 ，味道又唔差，又有調味料畀你可以燒緊嗰陣落嚟調味，以前食 個爐就冇張紙隔住嘅，但我諗呢兩年倒就突然多咗張紙啦 ，無紙就一定比有紙好啦， 因為燒嘅時候直接啲，個火力唔使隔住一定會燒得比有張紙好，另一邊係做打邊爐，我就冇食過，出面都有一啲平時打邊爐可以拎嘅食物區，有丸類、麵類、前菜咁，嘢飲都係自己拎，咁我哋都係嗌牛食，同埋牛舌，牛就有牛味，係幾好食嘅， 咁我哋通常黎到都會拎豆卜，因為豆卜煎咗佢嘅時候，佢係會外脆內軟，如果有埋甜醬，辣醬就好似食臭豆腐咁，另外我哋都嗌咗好多雞翼食，呢個價錢嚟講 其實個性價比好高，高過好多燒肉舖。

首先要講既係，D牛完全無牛味，好似雪左好耐咁，海鮮又唔新鮮，蝦係霉既，上野又上得慢，仲要6個人得1個爐，起碼都要2個爐啦！爐又咁細，都唔知燒得d 乜，唔夠時間燒呀！我地仲有成枱汀食，剩底左既個d 野食，個侍應都唔俾我地燒埋先，跟住佢收晒去掉，真係好浪費！D Service又差，一時又話我地開得太大火，一時又話我地太細火，都係佢地教火既，總括黎講，我今日究竟食左d 乜！仲要又唔係平！又無Service！我唔會再幫襯啦！

餐廳既有放題，又有韓式燒烤，我們當晚選擇的是燒烤，食物選項多，尤其是青菜和配菜類，令燒烤變得不乏味。肉類、海鮮類和主食均以點餐紙形式下單，上菜速度快，肉類品質良好，沒有過多的調味，燒肉配上啤酒簡直一大享受，主食不過不失，而海鮮則還有待進步。 食物故知然重要，但是店員滿滿的親切感，令我們感到窩心，這些用餐體驗比食物品質來得更為重要。在用餐過程中，店員不斷為我們提供協助，而且為我們建議食材的另類食法。又親自為我們在鐵板上表演了一道蒜蓉炒豆苗，亦很熱心地為我們端來一大碗牛肉湯，好讓我們可以灼菜，一個鐵板也能令我們享受兩種食法，簡直值回票價。最後送上一人一小杯由香港自家製的雪糕，我選擇了豆腐味雪糕，雪糕豆濃味香，微甜的滋味為這頓晚餐作結。

烤肉店比以前少好多啦.....漢字頭同X舍都消失唔少......X角又輪位輪C人.....收到電郵廣告.....見旺角區又方便.....即刻捉表妹試試.....食過同座其他食店.....擺位係一樣o既......唔少韓燒店地下都比較滑......呢間OK.....地好乾爽.....唔使娘娘咁行......食之前睇咗食評......唔少食友都話$198已經夠食.....唔需要升級安格斯......,所以我哋都慳家.....真係OK喎......唔係安格斯都幾有牛味好新鮮......原味同有醬油都正......本身唔食牛舌....居然都肯試.....仲覺得好好食添......豬同雞都OK.....五花腩幾好.......海鮮呢......燒蝦蝦味濃......自助區凍蝦爽.....好老實講......$198咋.....我唔會要求食鮑魚龍蝦囉.......自助區有個驚喜......成兜腰果.....啱晒腰果王......記得飲返碗大根牛骨湯......好飲!飲品真係好多......我哋豬咗......心急食食食......睇漏另一邊仲有雪櫃....冇樂天罐裝飲.......上菜都OK啦..

朋友生日就緊係要去慶祝下佢話想食燒肉咁就揀左呢間去食佢有3個價錢揀我地揀左中間個個野食方面有好多款揀岩曬我地咩都想試下既心態雖然佢冇限時但可能當日唔係咁多人食所以過曬時間都冇催我地走食下野吹下水咁就差唔多三粒幾鐘🤣要讚下呢到既員工佢地會提返出去攞野食要戴返口罩見到有人唔記得戴都會叫佢地返位戴返先再出黎

上星期疫情仲未再次爆發，夜晚上到去都有好多人等位，所以都係建議book左枱先。價錢有幾個選擇，我揀咗最平$198 +1 ，限時兩小時。環境方面，我坐嘅係卡位，非常寬敞，如果係普通四人枱嘅話可能就冇咁舒服。食燒肉除咗要好食之外最緊要就係抽風得唔得，呢度都算唔錯，起碼唔會覺得唔舒服。服務方面，店員都有禮親切，會慢慢介紹有邊幾個套餐可以揀。食物方面，選擇比較少，但係質素唔錯，絕對對得住呢個價錢。個人推介牛舌，牛肋肉，豬頸肉。👍🏻👍🏻餐後每人一杯雪糕🍦另外出邊都會有幾款甜品，都係一般放題嗰啲蛋糕仔泡芙，不過大部份時間個櫃比較好食嘅泡芙都係吉嘅。總括而言二百幾蚊，有呢個環境同食物質素已經相當唔錯。

揀咗食最平$198燒肉放題、落單阿姐問加唔加錢升級答左唔加就乜都冇講走開左。又冇介紹原來要自己寫紙仔落單，加上落單嗰本簿掉轉咗放 ⋯ 就係咁浪費咗頭20分鐘！⬇️問下個阿姐唔好意思點解冇嘢黎、佢話我鬼知你係第一次嚟（唔通我一坐低要同佢講我第一次㗎、我好肚餓㗎、我乜都唔知㗎）。⬇️落咗單之後D肉都好快就嚟！有啲好食有啲唔好食但已經分唔清楚邊隻打邊隻，海老用嚟燒既蝦大隻但係啲肉質期差、出面可以拎嗰啲冷盤細隻蝦仲好食過佢。學啲網友話齋Order $198已經好足夠，真係唔使升級或者加什麼刺身 ⋯⬇️甜品雪糕同埋飲品都係OK嘅、兩個人都坐得舒服但我見五個人都係同一張枱就有D逼夾。此外Openrice明明寫住6:30pm之前入座有85折，但係$198放題餐又唔包喎！門口個姐姐好有禮貌嘅、係一個落單阿嬋類態度一般。有個全場飛周圍上肉既疑似便服老闆都態度非常良好 😂 都食得飽但因為一開始冇溝通所以有啲趕 ...

Haven’t seen a group of friends for a long time, some of them just transferred and work in Hong Kong Island while some of them can work from home. Without any discussion, we all wait in Mong Kok without any idea of dinner.Finally, we chose this barbeque restaurant where located on a building with many different restaurants providing several kinds of hot pots, Japanese cuisine or Korean style barbeque…finally we chose to have all you can eat barbeque at this restaurant.Unpredictably as we had wai

職員推介我地食$258個餐 除左燒肉放題外 仲有安格斯拼盤 同埋刺身盛 不過個人認為加多60蚊食個刺身盛同埋安格斯拼盤唔太值 刺身冇得refill 而個安格斯拼盛d牛肉質都幾un 好幾舊都咬極都咬唔開 反而部分$198位果個set都有既肉d肉質仲有 所以有興趣黎既朋友 建議返 食$198最平個set就可以安格斯拼盤賣相唔錯 肉味唔錯 但有幾舊都好un 唔值得加錢食佢刺身盛二人份量 帶子同三文魚都唔差 其他就睇下你鍾唔鍾意食擦子膠啦 冇得refill 感覺唔太值咁多款肉黎講左手邊呢款最好食：牛胸腹壺漬夠稔夠入味有餃子俾你燒 都幾得意菠蘿係必食既 羊架都唔錯食物種類都算多另外除左罐裝飲品外 仲有生啤同埋梅酒任飲 不過唔會期望咁高 始終都係任飲服務方面 職員成日都好趕咁......