Tom N Toms Coffee (Closed)

非煩忙時間 （4枱客:3枱settled飲緊咖啡;1食緊sandwich;內有3staff ) 叫左杯cappuccino dine-in 你覺得呢 ？🧐 賣相點？奶泡粗到 我飲左一啖... give some passions 黑衫有禮貌d👍🏻剛開業 整體有進步空間 Honey coffee 好飲

在新商場V Walk裡面 竟然發現這家咖啡廳也有所以決定去食個Brunch飲杯咖啡醒醒神才行🤤🤤這家環境是粉色系風格挻不錯 坐位大約二十個~·蜂蜜芝士吐司 HKD$57 ·野莓夾心/藍莓夾心/雙重朱古力鬆餅 HKD$23/個·熱榛子鮮奶咖啡 HKD$42/大杯·美式咖啡 HKD$34/大杯蜂蜜芝士吐司挻不錯的味道 還可以到拉絲的效果耶~兩個人分享來食就剛剛好 再食鬆餅就很飽肚🐿❤📸食物素質與其他分店差不多 暫時沒太多人發現這裡所以環境比較空一點 新商場開了不久人氣還差一點

入到黎得兩枱客，加埋都只係五個客。Order咗個pizza 等咗20分鐘未到，以為佢要焗所以時間耐，過多五分鐘走去問佢，三個職員係度玩手機，職員表情驚牙話要等多五分鐘。呢刻先見到佢地開始整 ，呢刻已經想講粗，五分鐘後以為食得，結果發現佢地整錯咗另一款pizza，又要等多15min....好差既一次體驗，以為罷買佢地既產品

今日試下vwalk呢個新商場睇下啦，賣嘅嘢同其他商場差唔多。行到攰諗住食下嘢！見到Tom N Tom Coffee有位就碌入去～今次叫咗士多啤梨乳酪沙冰，芒果乳酪沙冰仲有一個三文治總匯（其實係我唔記得咩名）😝～ 我自己就飲芒果冰沙，飲落去！ 不得了～好好味呀😍完全冇假芒果嘅甜，我好鐘意呢杯沙冰💕之後偷偷地飲咗朋友杯士多啤梨冰沙，有啲啲酸，不過都係好真嘅味，完全冇啲假生果嘅感覺～不過我都係鍾意飲芒果多啲☺️😊講返三文治丫，個包烘得好脆，但又唔乾喎，然後勁多餡料，有火腿、雞蛋、生菜、蕃茄～我同朋友一人一半都食到好飽、都幾抵食喎！！ 諗返起，我都想食多次呀😝😝

食完一間又貴又唔飽，就揾下有啲咩可以填番滿個胃揾到依間，本身對韓國冇乜好感既我所以下面唔會話有冇韓feel見到餐牌有pizza，唔會好飽就入左去坐因為之前食左野，所以就叫左一個墨西哥雞肉pizza$5x，一個韓國餃子$4x（好似）同一杯士啤多利乳酪沙冰$3x一共$1xx因為我冇留意個價錢同埋唔係我比先黎野飲，味道ok酸酸甜甜，飲落可能唔夠沙冰，但咁樣味道冇咁淡，比較睇個人，我個人覺得ok再黎pizza,聞落個味似細個食吞拿魚包果個味（因為我本身唔食果隻吞拿魚）以為賴野，不過擺落口又唔係好差，但個pizza切完拎起啲料會跌晒落黎最後比較失望既係個餃，一個味道唔錯既蒸餃然後上面加左啲芝士同茄汁

經過南昌呢個新商場，難得偷得浮生半日閒，就去嘆杯咖啡。呢間韓國開過來的咖啡店，最出名就係食佢哋嘅多士同埋飲咖啡。之前喺其他分店已經試過佢哋個多士，所以今次就試吓佢哋個三文治。呢個三文治有啲似韓國一間好出名嘅三文治專門店，入面有漢堡扒同埋芝士，呢個組合無得輸！！仲配埋芝士粟米片！另外我就叫左佢哋嘅凍朱古力咖啡，唔會太甜都幾好飲！任何食物加$15就可以轉做套餐，叫價值$30嘅飲品，其他再補差價。今次埋單就大約$80其實都有啲貴🤭🤭

一行八個人，喺深水埗做完義工活動，行咗去呢個商場諗住坐低飲杯野！餐廳環境都幾細，八個人迫迫地都勉強可以坐到一張長枱！餐廳係需要自己出去櫃檯度買嘢飲買嘢食！我哋每人自己買咗自己嘅嘢飲，有個朋友另外在order左6份吐司，開心share一齊食！覺得係比較普通嘅朱古力厚多士，麵包尚算鬆軟係比較普通嘅厚多士，麵包尚算鬆軟第一啖食落去口，有少少怪，因為又甜又鹹，但係食食吓又覺得幾好食我估上面嗰啲應該係花生，紫色嘅cream好好味，但我唔知係咩黎本人覺得最好味係呢個，簡簡單單！總括來講，不過不失！

好難飲！收人咁既價錢會唔會心虛？真係好難得！ 好難得今時今日買到杯咁難飲又收人$42既飲品McDonald都好飲過佢水多過朱古力 有一半都係冰 完全唔甜 我知係dark chocolate 但係dark chocolate 都會有正常dark chocolate既味道！真係想成杯推番俾佢自己飲番用黎打卡就得 飲就真係免費都唔想再試啦浪費我個胃！又係得個樣得中間流心朱古力外面上面入面都無一粒朱古力點解要好地地一個muffin都搞到咁？

一向喜歡捐窿捐罅搵食，對飲食特別消息靈通，朋友約我出去行下深水埗，話有野買又有個新商場V Walk，面向海景，好似好正又幾舒服，咁就被邀約出街了。.行到咁上下真係想食少少飲少少Relax一下，見到我喜歡既【Tom N Toms Coffee】呀！估唔到V Walk有，係2樓，超高質既的連鎖咖啡店我覺得！入去透一透先！.Menu多野揀架！不過呢估鐘數又唔係肚傳所以點左兩樣野食充充肚子，回下氣。兩個人Share「多重烤芝士三文治＋芒果乳酪沙冰」。.💕多重烤芝士三文治食慾唔太高但呢個多重烤芝士三文治，睇倒個樣真係幾吸引，流口水啊！個賣相唔錯架，面層蓋滿厚厚的芝士，三文治黎講係勁多芝士，真係做到多重既效果，三款芝士嘅不同口味。「多層馬蘇里拉、白車打、紅車打等」芝士堆疊烤焗製作。滿滿拉絲感覺，我地相都冇影多，即烤即食，所以熱辣辣，芝士味又濃又香😋好吸引！原來芝士用量係一般TOM N TOMS COFFEE吐司既六倍。MyGod！！！好正！一定為了一眾芝士控特別推出的產品啦！！！！💕芒果乳酪沙冰平時鐘意食乳酪嘅我，揀左呢杯乳酪沙冰，🥭酸酸甜甜又涼爽，一粒一粒沙冰仲透心涼添💦補充到能量啦。係到都休息

vwalk 間間餐廳都要等位，唔想等位的我入左e間coffee shop，發現原來有pizza 又有意粉。店舖入面隱藏住好幾張2人台，唔行入去望都唔知，又坐得幾舒服。哎左個大韓式牛肉pizza, 焗肉醬意粉，套餐加錢有野飲，見有新推介三重朱古力，當然要試下！朱古力好靚仔，味道好好，唔會超甜！pizza 同意粉都比想像中細碟，但係幾好食， pizza的料好多，芝士重，如果個餠底係脆會更好！意粉焗得岩岩好，但好細份，當下午茶食會比較好。

最近朋友們每星期都要擔驚受怕，連出來吃都思前想後……啦！避亂好地方V Walk享受下午餐，商場環境很舒服食店品種也算多，選了很久才決定這間"Tom N Toms Coffee" 飲咖啡，原來除了咖啡還有另類選擇，選了新推介的韓式燒牛肉薄餅，薄餅又香又脆，燒牛肉偏甜好味，芝士焗韓式餃子配接骨木花佰爵茶，芝士味濃🤔韓式風味欠奉，餃子皮太軟全黏貼 在一起，可能太熟掛，佰爵花茶非常清香順喉，聽說接骨木花可順喘止咳， 舒緩喉嚨，還會減緩流感不適，應多飲有益吧。

跟朋友閒談中，得知南昌V Walk商場有間商舗啲三文治好正，有機會去開記得試下。中午因在附近工作，所以到V Walk商場內嘅Tom N Toms Coffee 一試，我買咗件多重烤芝士三文治同蘋果肉桂流心鬆餅，坐低飲杯野慢慢食。最挑起我食慾的是多重烤芝士三文治，睇倒都流曬口水，三文治嘅面層蓋滿厚厚的芝士，一次過品嘗到三款芝士嘅不同口味，芝士味又濃又香，好有口感，芝士愛好者不能不試。另一樣係蘋果肉桂流心鬆餅，餅外層淋上濕潤嘅肉桂汁，餅中心用蘋果肉桂醬做內餡，食落餅質鬆而柔香，咬開醬汁流心，有香甜果味，喜愛甜品嘅我就啱曬啦！😋😋😋

Tom N tom 周圍都開到成行成市，韓國既新潮Cafe內佢都算好好食！我最中意就係飲佢個杯咖啡啦！自從搬左Office去南昌，周圍都無野好食，宜家有V Walk，食個tea都方便啲！芒果乳酪沙冰：最近自從X茶之後，周圍都係芒芒，桃桃咁。今日就飲左芒果，唔太甜，沙冰就令到成杯野比較凍，但係啲冰好滑好好味。火腿芝士牛角包：要重點推介塊芝士！超級邪惡！！芝士好大塊，目測好似成塊煎蛋咁，處於半融狀態，牛角包烤得岩岩好，唔會太油，仲帶點爽脆。

喺V Walk行完街又見肚餓，就去左商場二樓嘅呢間Tom N Toms Coffee嘆番個下午茶～餐廳地方闊落，感覺悠閒舒適，同朋友放假黎嘆一嘆就最啱黑松露醬雜菌薄餅Pizza批底夠薄又香脆，面上仲有芝士、雜菌等等豐富配料，分量充足！仲有陣陣黑松露香，好好食呀三重巧克力流心鬆餅朱古力味超香濃，甜度適中，店員翻熱後外脆內軟，非常好吃哦蘋果肉桂流心鬆餅朱古力鬆餅就食得多，蘋果肉桂真係第一次食～蘋果肉桂味道好清新，仲可以細味到鬆餅嘅牛油香

跟出邊師傅學車嘅我有陣時上同落都會喺唔同嘅地方今次唔知點解阿Sir無啦啦放咗我喺南昌站見到有個新商場v walk就走左入去睇一睇前牌去泰國嘅時候食過Tom and toms已經覺得幾好味今次經過見到 又覺得餓餓地就坐低食個cake我就點左一杯焦糖咖啡同三重朱古力流心鬆餅平時好少飲咖啡嘅我都覺得焦糖味道好香完完全全接受到呢杯咖啡身為一個朱古力控呢個三層朱古力流心鬆餅我自己本人覺得超讚朱古力味非常香濃鬆餅嘅質感都非常鬆軟配埋咖啡Perfect match為食鬼上身既我對芒果香辣布朗尼充滿着幻想一個甜品點會辣呢咁特別就點黎試試原來係蛋糕上嘅紅條係辣椒絲嚟一個甜甜地嘅蛋糕配上微辣感覺都幾特別..唔錯